Doaba Times

(ਮੇਰਾ ਦੇਸ਼) ਪ੍ਰਸ਼ੋਤਮ ਪੱਤੋ
ਜਿਹੜਾ ਦੇਸ਼ ਚੱਲਦਾ ਹੋਵੇ ਕੱਟੜ ਸੋਚਾਂ ਨਾ,
ਜਿਥੇ ਭੁੱਖ ਦੀਆਂ ਚੀਕਾਂ
ਦਰਦ ਦੀਆਂ ਚੀਸਾਂ।
ਤੁਰਨ ਵਾਲਿਆਂ ਕੋਲ ਰਾਹ ਨਹੀਂ
ਕੰਮ ਕਰਨ ਵਾਲਿਆਂ ਕੋਲ ਕੰਮ ਨਹੀਂ।
ਕੰਮ ਦੇਣ ਵਾਲੇ ਦੇ ਰਹੇ ਸਲਾਹਾਂ,
ਪੂੜੀਆਂ ਤੇ ਪਕੌੜੇ ਤਲਣ ਦੀਆਂ,
ਲੋੜ ਨਹੀਂ ਇਨ੍ਹਾਂ ਨੇਤਾਵਾਂ ਦੀ
ਜੋਂ ਹੋਣ ਲਾਲਚ ਨਾਲ ਭਰੇ
ਤੇ ਛੱਡਦੇ ਰਹਿਣ ਜੁਮਲੇ।
ਦੇਸ਼ ਨੂੰ ਲੋੜ ਹੈ
ਉਨ੍ਹਾਂ ਨੌਜਵਾਨਾਂ ਦੀ
ਜੋ ਵੰਡਾ ਸਕਣ ਲੋਕਾਂ ਦਾ ਦਰਦ,
ਤੇ ਪੈਦਾ ਕਰ ਸਕਣ ਰੁਜ਼ਗਾਰ,
ਕਿਉਂਕਿ ਨੌਜਵਾਨਾਂ ਕੋਲ ਹੁੰਦੀ ਹੈ,
ਮੌਲਿਕ ਤੇ ਸੱਜਰੀ ਸੋਚ।
ਨੌਜਵਾਨ!
ਸਿਆਸਤ ਵਿੱਚ ਆਉਣ
ਤੇ ਕਰਨ ਮੁਲਕ ਦੀ ਸੇਵਾ,
ਤਾਂ ਜੋ ਬਚ ਸਕੇ ਦੇਸ਼
ਚਲਾਕ ਤੇ ਭਿ੍ਸ਼ਟ ਨੇਤਾਵਾਂ ਕੋਲੋਂ।
(ਪਿੰਡ ਤੇ ਡਾਕਘਰ-ਪੱਤੋ ਹੀਰਾ ਸਿੰਘ, ਮੋਗਾ)