ਈ.ਐਸ.ਆਈ. ਕਰਮਚਾਰੀਆਂ ਦੀ ਹੜਤਾਲ – ਮਰੀਜ਼ ਹੋਏ ਖੱਜਲ ਖੁਆਰ
ਕਿਸ਼ਨਗੜ੍ਹ (ਸੁਰਜੀਤ ਪਾਲ) ਫੈਕਟਰੀਆਂ ਵਿਚ ਕੰਮ ਕਰਦੇ ਕਾਮਿਆਂ ਅਤੇ ਪ੍ਰਾਈਵੇਟ ਫਰਮਾਂ ਵਿਚ ਕੰਮ ਕਰਨ ਵਾਲੇ ਕਰਮਚਾਰੀਆਂ ਨੂੰ ਡਾਕਟਰੀ ਸੇਵਾਵਾਂ ਪ੍ਰਦਾਨ ਕੀਤੀਆਂ ਜਾਂਦੀਆਂ ਹਨ, ਜਿਸ ਵਿਚ ਈ.ਐਸ.ਆਈ ਹਸਪਤਾਲ ਵਿਚ ਡਾਕਟਰੀ ਸੇਵਾਵਾਂ ਪ੍ਰਦਾਨ ਕੀਤੀਆਂ ਜਾਂਦੀਆਂ ਹਨ, ਪਰ 12ਤਰੀਕ ਤੋਂ ਚੱਲ ਰਹੇ ਕਰਮਚਾਰੀਆਂ ਦੀ ਹੜਤਾਲ ਕਾਰਨ ਈ.ਐਸ.ਆਈ ਹਸਪਤਾਲ ਵਿਚ ਇਲਾਜ ਕਰਵਾ ਰਹੇ ਫੈਕਟਰੀ ਕਰਮਚਾਰੀਆਂ ਨੂੰ ਕਈ ਵਾਰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ, ਜਿਵੇਂ ਕਿ ਫੈਕਟਰੀ ਵਿਚ ਕੰਮ ਕਰਦੇ ਕਾਮੇ, ਜਦੋਂ ਬੀਮਾਰ ਹੋ ਜਾਂਦੇ ਹਨ, ਉਹਨਾਂ ਦਾ ਇਲਾਜ਼ ਈ.ਐਸ.ਆਈ ਵਿੱਚ ਮੁਫਤ ਕੀਤਾ ਜਾਂਦਾ ਹੈ, ਅਤੇ ਬਿਮਾਰੀ ਦੀ ਸਥਿਤੀ ਵਿੱਚ ਛੁੱਟੀ ਲੈਣ ਲਈ, ਉਹਨਾਂ ਨੂੰ ਈ.ਐਸ.ਆਈ ਹਸਪਤਾਲ ਤੋਂ ਡਾਕਟਰੀ ਕਰਵਾਉਣਾ ਪੈਂਦਾ ਹੈ ਅਤੇ ਤੰਦਰੁਸਤ ਹੋਣ ਤੋਂ ਬਾਅਦ, ਤੰਦਰੁਸਤੀ ਦਾ ਪ੍ਰਮਾਣ ਪੱਤਰ ਬਣਾ ਕੇ ਆਪਣੇ ਵਿਭਾਗ ਨੂੰ ਦੇਣਾ ਪੈਂਦਾ ਹੈ , ਤਾਂ ਕੀ ਉਹ ਦੁਬਾਰਾ ਕੰਮ-ਕਾਰ ਸ਼ੁਰੂ ਕਰ ਰੋਜ਼ੀ ਰੋਟੀ ਕਮਾਉਂਦੇ ਹਨ।
ਇਸ ਹੜਤਾਲ ਕਾਰਨ ਫੈਕਟਰੀਆਂ, ਨਿਜੀ ਅਦਾਰੇ ’ਤੇ ਕੰਮ ਕਰ ਰਹੇ ਮਜ਼ਦੂਰਾਂ ਨੂੰ ਬਹੁਤ ਸਾਰੀਆਂ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਈ.ਐਸ.ਆਈ ਦੇ ਬਾਹਰ ਇਕ ਮਰੀਜ਼ ਨਾਲ ਗੱਲ ਬਾਤ ਕਰਦਿਆਂ, ਉਸਨੇ ਦੱਸਿਆ ਕਿ ਮੇਰੀ ਪਿੱਠ ਵਿਚ ਦਰਦ ਸੀ, ਜਿਸ ਕਾਰਨ ਮੇਰਾ 15 ਦਿਨਾਂ ਲਈ ਇਲਾਜ ਕੀਤਾ ਗਿਆ ਸੀ।ਇਸ ਤੋਂ ਬਾਅਦ ਉਸ ਦਾ ਦਰਦ ਸਹੀ ਨਹੀਂ ਹੋਇਆ ਤਾਂ ਈ.ਐਸ.ਆਈ ਹਸਪਤਾਲ ਵਿਖੇ ਛੁੱਟੀ ਨੂੰ ਵਧਾਉਣ ਲਈ ਆਇਆ ਤਾਂ ਈ.ਐਸ.ਆਈ ਵਿਚ ਹੜਤਾਲ ਕਾਰਨ ਉਸਨੂੰ ਬਹੁਤ ਮਾਨਸਿਕ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ, ਉਸਨੇ ਦੱਸਿਆ ਕਿ ਕੰਮਕਾਰ ਵਿੱਚ ਉਸ ਨੂੰ ਕੰਮ ਤੋਂ ਪੱਕੇ ਤੌਰ ਤੇ ਕੱਢਣ ਦੀਆਂ ਧਮਕੀਆਂ ਦਿੱਤੀਆਂ ਜਾ ਰਹੀਆਂ ਹਨ। ਉਹ ਹਰ ਰੋਜ਼ 100ਰੁ: ਦਾ ਪੈਟਰੋਲ ਫੂਕ ਕੇ ਈ.ਐਸ.ਆਈ ਹਸਪਤਾਲ ਦੇ ਚੱਕਰ ਲਗਾ ਰਿਹਾ ਹੈ, ਕਰਮਚਾਰੀਆਂ ਦੀ ਹਡ਼ਤਾਲ ਹੋਣ ਦੇ ਕਾਰਨ ਉਸ ਦਾ ਮਸਲਾ ਹੱਲ ਨਹੀਂ ਹੋ ਰਿਹਾ ।
ਕੀ ਸਰਕਾਰ ਮੁਲਾਜ਼ਮਾਂ ਦੀਆਂ ਮੰਗਾਂ ਲਈ ਸਹਿਮਤ ਹੋਵੇਗੀ ਅਤੇ ਕੀ ਜਾਰੀ ਹੜਤਾਲ ਇਸੇ ਤਰ੍ਹਾਂ ਜਾਰੀ ਰਹੇਗੀ? ਕੀ ਕੋਈ ਉਨ੍ਹਾਂ ਮਰੀਜ਼ਾਂ ਦਾ ਸਾਰ ਲਵੇਗਾ ਜੋ ਹਰ ਰੋਜ਼ ਪਰੇਸ਼ਾਨ ਹੋ ਰਹੇ ਹਨ?
Doaba Times 