ਗੁਰਦੁਆਰਾ ਬਾਬੇ ਸ਼ਹੀਦਾਂ ਦਮਦਮੀ ਟਕਸਾਲ ਜਥਾ ਭਿੰਡਰਾਂ ਮਹਿਤਾ ਵਿਖੇ ਘਰੇਲੂ ਝਗੜੇ ਦੇ ਨਿਪਟਾਰੇ ਸਬੰਧੀ ਆਖਰੀ ਸਮਾਂ ਦਿੱਤਾ ਗਿਆ
ਜਲੰਧਰ (ਗੁਰਪ੍ਰੀਤ ਬੱਲ) ਗੁਰਦੁਆਰਾ ਬਾਬੇ ਸ਼ਹੀਦਾਂ ਦਮਦਮੀ ਟਕਸਾਲ ਜਥਾ ਭਿੰਡਰਾਂ ਮਹਿਤਾ ਵਿਖੇ ਘਰੇਲੂ ਝਗੜਿਆ ਦੇ ਨਿਪਟਾਰੇ ਗਿਆਨੀ ਹਰਨਾਮ ਸਿੰਘ ਖਾਲਸਾ ਦਮਦਮੀ ਟਕਸਾਲ ਜਥਾ ਭਿੰਡਰਾਂ ਮਹਿਤਾ ਜੀ ਦੀ ਅਗਵਾਈ ਹੇਠ ਗੁਰਦੁਆਰਾ ਬਾਬੇ ਸ਼ਹੀਦਾਂ ਵਿਖੇ ਮੁੱਖ ਸੇਵਾਦਾਰ ਗਿਆਨੀ ਜੀਵਾ ਸਿੰਘ ਜੀ ਦੇ ਪ੍ਰਬੰਧ ਹੇਠ ਕਾਨੂੰਨੀ ਸਲਾਹਕਾਰ ਰਿਟਾ. ਕਾਨੂਗੋ ਸ. ਅਵਤਾਰ ਸਿੰਘ ਜੀ ਦੁਆਰਾ ਕੀਤੇ ਜਾਦੇ ਹਨ। ਜਿਸ ਨਾਲ ਕਿ ਗਰੀਬ ਲੋਕਾਂ ਦੇ ਕਾਨੂੰਨੀ ਖ਼ਰਚਾ ਅਤੇ ਟਾਇਮ ਬਚ ਜਾਂਦਾ ਹੈ। ਇਸ ਸਬੰਧੀ ਇੱਕ ਦਰਖ਼ਾਸਤ ਸੁਖਵਿੰਦਰ ਸਿੰਘ ਪੁੱਤਰ ਚਰਨ ਸਿੰਘ ਵਾਸੀ ਅਮਰੀਕ ਨਗਰ ਜਲੰਧਰ ਨੇ ਆਪਣੀ ਪਤਨੀ ਦੇ ਵਿਰੁੱਧ ਮਿਤੀ 24-04-2021 ਨੂੰ ਦਰਖਾਸਤ ਦਿੱਤੀ ਸੀ। ਜਿਸ ਅਨੁਸਾਰ ਉਸ ਦਾ ਵਿਆਹ 2011 ਵਿੱਚ ਨੇਹਾ ਪੁੱਤਰੀ ਰੋਸ਼ਨ ਲਾਲ ਵਾਸੀ ਖੰਨਾ ਨਾਲ ਹੋਇਆ ਸੀ ,ਜਿਸ ਤੋਂ ਬਾਅਦ ਉਸਦੀ ਪਤਨੀ ਨਾਲ ਅਕਸਰ ਹੀ ਛੋਟੀ ਛੋਟੀ ਗੱਲ ਮਗਰ ਲੜਾਈ ਝਗੜੇ ਹੁੰਦੇ ਰਹਿੰਦੇ ਸਨ , ਜਿਸ ਕਾਰਨ ਪੰਚਾਇਤੀ ਰਾਜ਼ੀਨਾਮੇ ਹੁੰਦੇ ਰਹਿੰਦੇ ਸਨ ।
ਫਿਰ 24-04-2021 ਨੁੂੰ ਦਰਖਾਸਤ ਦਾ ਨਿਪਟਾਰਾ 29-04-2021 ਨੂੰ ਖੰਨਾ ਤੋਂ ਕੁਲਵਿੰਦਰ ਕੌਂਸਲਰ ਰਾਹੀਂ ਫੈਸਲਾ ਕਰਵਾਇਆ ਤੇ ਰਾਜ਼ੀਨਾਮਾ ਦੋਵਾਂ ਧਿਰਾਂ ਚ ਕਰਾ ਦਿੱਤਾ ਗਿਆ।
ਇਸ ਤੋਂ ਬਾਅਦ ਪਤੀ ਪਤਨੀ ਵਿੱਚ ਲੜਾਈ ਝਗੜਾ ਪਹਿਲਾਂ ਵਾਂਗ ਚਲਦਾ ਰਿਹਾ ।
ਇਸ ਦਰਮਿਆਨ ਕਾਫ਼ੀ ਲੰਮੇ ਸਮੇਂ ਤੂੰ ਬਾਅਦ ਅੱਜ ਮਿਤੀ 7-9-2021 ਨੂੰ ਦੋਵੇਂ ਧਿਰਾਂ ਗੁਰਦੁਆਰਾ ਬਾਬੇ ਸ਼ਹੀਦਾਂ ਬ੍ਰਾਚ ਦਮਦਮੀ ਟਕਸਾਲ ਜਥਾ ਭਿੰਡਰਾਂ ਮਹਿਤਾ ਸਰਮਸਤਪੁਰ ਜਲੰਧਰ, ਵਿਖੇ ਕਾਨੂੰਨੀ ਸਲਾਹਕਾਰ ਰਿਟਾ. ਕਾਨੂੰਗੋ ਸ੍ਰੀ ਅਵਤਾਰ ਸਿੰਘ ਜੀ ਅੱਗੇ ਪੇਸ਼ ਹੋਈਆਂ , ਤੇ ਦੋਵੇਂ ਧਿਰਾਂ ਨੇ ਆਪਣਾ ਪੱਖ ਰੱਖਿਆ ।
ਦੋਨੋਂ ਧਿਰਾਂ ਦੀਆਂ ਦਲੀਲਾਂ ਸੁਣਨ ਤੋਂ ਬਾਅਦ 3-10-2021 ਨੂੰ ਆਖਿਰੀ ਸਮਾਂ ਦਿੱਤਾ ਗਿਆ , ਅਤੇ ਦੋਵੇਂ ਧਿਰਾਂ ਨੂੰ ਆਪਣੇ ਆਪਣੇ ਇਲਾਕੇ ਦੇ ਮੋਹਤਬਰਾਂ ਨੂੰ ਲਿਆਉਣ ਲਈ ਕਿਹਾ ਗਿਆ ।
Doaba Times 