ਲਖੀਮਪੁਰ ਖੀਰੀ (UP) ਦੇ ਸ਼ਹੀਦਾਂ ਦੀਆਂ ਅਸਤੀਆਂ ਦੀ ਕਲਸ਼ ਯਾਤਰਾ ਦਾ ਦੋਆਬਾ ਖੇਤਰ ਵਿੱਚ ਰੂਟ ਪਲਾਨ ਕੀਤਾ ਗਿਆ
ਕਿਸ਼ਨਗੜ੍(Gurpreet Bal) ਸੰਯੁਕਤ ਕਿਸਾਨ ਮੋਰਚਾ ਦੇ ਦਿਸ਼ਾ ਨਿਰਦੇਸ਼ ਅਨੁਸਾਰ ਦੁਆਬਾ ਖੇਤਰ ਦੇ ਮੈਂਬਰ ਮਨਜੀਤ ਸਿੰਘ ਰਾਏ, ਜੰਗਵੀਰ ਸਿੰਘ ਚੌਹਾਨ, ਮੁਕੇਸ਼ ਚੰਦਰ ਸ਼ਰਮਾ , ਸੁਖਪਾਲ ਸਿੰਘ ਅਤੇ ਕੁਲਦੀਪ ਸਿੰਘ ਵਜੀਦਪੁਰ ਦੀ ਅਗਵਾਈ ਹੇਠ ਲਖੀਮਪੁਰ ਖੀਰੀ ਵਿੱਚ ਸ਼ਹੀਦ ਹੋਏ ਕਿਸਾਨਾਂ ਦੀਆਂ ਅਸਥੀਆਂ ਦੀ ਕਲਸ਼ ਯਾਤਰਾ ਸਬੰਧੀ ਪੂਰੇ ਭਾਰਤ ਵਿੱਚ ਉਲੀਕੇ ਗਏ ਪ੍ਰੋਗਰਾਮ ਦੇ ਮੱਦੇਨਜ਼ਰ ਦੋਆਬਾ ਇਲਾਕੇ ਦੇ ਵੱਖ ਵੱਖ ਖੇਤਰਾਂ ਨੰਗਲ ਸ਼ਹੀਦਾ ਟੋਲ ਪਲਾਜਾ ਮਾਹਿਲਪੁਰ ਤੋਂ ਸਵੇਰੇ 10 ਵਜੇ ਸ਼ੁਰੂ ਹੋਵੇਗੀ ਅਤੇ ਵੱਖ-ਵੱਖ ਪੜਾਵਾ ਤੋਂ ਹੁੰਦੀ ਹੋਈ ਸ਼ਾਮ 4 ਵਜੇ ਅੱਡਾ ਕਿਸ਼ਨਗੜ ਵਿਖੇ ਦੋਆਬਾ ਕਿਸਾਨ ਸੰਘਰਸ਼ ਕਮੇਟੀ ਵਲੋਂ ਸ਼ਰਧਾ ਦੇ ਫੁੱਲ ਭੇਟ ਕੀਤੇ ਜਾਣਗੇ ਅਤੇ ਯਾਤਰਾ ਰਾਤ ਦੇ ਸਮੇਂ ਫ਼ਗਵਾੜਾ ਵਿਖੇ ਰੁਕੇਗੀ। ਅਗਲੇ ਦਿਨ ਯਾਤਰਾ ਫਿਲੋਰ ਟੋਲ ਪਲਾਜ਼ਾ ਤੋਂ ਹੁੰਦੀ ਹੋਈ ਖਟਕੜ ਕਲਾਂ, ਨਵਾਂਸ਼ਹਿਰ, ਗੜ੍ਹਸ਼ੰਕਰ ਤੋਂ ਹੁੰਦੇ ਹੋਏ ਅਖੀਰ ਕੀਰਤਪੁਰ ਸਾਹਿਬ ਵਿਖੇ ਅਸਥੀਆਂ ਜਲ ਪ੍ਰਵਾਹ ਕੀਤੀਆਂ ਜਾਣਗੀਆਂ।
ਇਸ ਮੌਕੇ ਦੇ ਸੰਯੁਕਤ ਕਿਸਾਨ ਮੋਰਚਾ ਦਿੱਲੀ ਦੇ ਦੁਆਬੇ ਖੇਤਰ ਦੇ ਮੈਂਬਰਾਂ ਵੱਲੋਂ ਅਪੀਲ ਕੀਤੀ ਗਈ ਕਿ ਇਸ ਅਸਥੀ ਕਲਸ਼ ਯਾਤਰਾ ਵਿਚ ਬਹੁਤ ਤੋਂ ਵੱਧ ਪਹੁੰਚ ਕੇ ਸ਼ਰਧਾ ਦੇ ਫੁੱਲ ਭੇਟ ਕਰੋ।
Doaba Times 