ਜਲੰਧਰ ਪਠਾਨਕੋਟ ਰੋਡ ਉੱਤੇ ਸਥਿਤ ਅੱਡਾ ਨੂਰਪੁਰ ਵਿਖੇ ਹੋਇਆ ਭਾਰੀ ਹਾਦਸਾ
*ਟਰੱਕ ਨੇ ਮਾਰੀ ਮੋਟਰਸਾਈਕਲ ਨੂੰ ਟੱਕਰ ਮੌਕੇ ਤੇ ਇਕ ਵਿਅਕਤੀ ਦੀ ਮੌਤ ਅਤੇ ਦੂਸਰਾ ਜ਼ਖ਼ਮੀ
ਦੋਆਬਾ ਟਾਈਮਜ਼(29,ਅਕਤੂਬਰ) ਕਿਸ਼ਨਗੜ੍ਹ/ਜਲੰਧਰ(ਸੁਰਜੀਤ ਪਾਲ)
ਜਲੰਧਰ ਪਠਾਨਕੋਟ ਰਾਸ਼ਟਰੀ ਰਾਜ ਮਾਰਗ ਉੱਪਰ ਸਥਿਤ ਅੱਡਾ ਨੂਰਪੁਰ ਜੀਟੀ ਰੋਡ ਉੱਪਰ ਟਰੱਕ ਚਾਲਕ ਵੱਲੋਂ ਮੋਟਰਸਾਈਕਲ ਨੂੰ ਟੱਕਰ ਮਾਰਨ ਦੀ ਜਾਣਕਾਰੀ ਪ੍ਰਾਪਤ ਹੋਈ ਹੈ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਜੰਮੂ ਤੋਂ ਆ ਰਹੇ ਟਰੱਕ ਜਿਸ ਦਾ ਨੰਬਰ ਜੇ ਕੇ 04 F 1616 ਜੋ ਕਿ ਸੇਬਾਂ ਨਾਲ ਲੱਦਿਆ ਹੋਇਆ ਸੀ, ਜੰਮੂ ਤੋਂ ਹਿਸਾਰ ਜਾ ਰਿਹਾ ਸੀ! ਅੱਡਾ ਨੂਰਪੁਰ ਜੀਟੀ ਰੋਡ ਉੱਪਰ ਮੋਟਰਸਾਇਕਲ ਸਵਾਰ ਨੂੰ ਟੱਕਰ ਵਜ਼ਣ ਉਪਰੰਤ ਮੋਟਰਸਾਈਕਲ ਚਾਲਕ ਵਿਅਕਤੀ ਦੀ ਮੌਕੇ ਤੇ ਹੀ ਮੌਤ ਹੋ ਗਈ। ਅਤੇ ਦੂਸਰਾ ਵਿਅਕਤੀ ਜਿਸ ਦਾ ਨਾਮ ਆਬਿਦ ਹੁਸੈਨ ਜੋ ਕਿ ਬਿਹਾਰ ਤੋਂ ਸਬੰਧ ਰੱਖਦਾ ਹੈ, ਨੂੰ ਗੰਭੀਰ ਸੱਟਾਂ ਲੱਗੀਆਂ। ਆਬਿਦ ਹੁਸੈਨ ਵਲੋਂ ਜਾਣਕਾਰੀ ਮੁਤਾਬਿਕ ਮੋਟਰਸਾਈਕਲ ਚਾਲਕ ਜੋ ਕਿ ਆਪਸ ਚ ਰਿਸ਼ਤੇਦਾਰ ਹੀ ਹਨ। ਜੋ ਕਿ ਟਾਇਰਾਂ ਦਾ ਕੰਮ ਕਰਦੇ ਹਨ ਅਤੇ ਪਠਾਨਕੋਟ ਬਾਈਪਾਸ ਵੱਲ ਜਾ ਰਹੇ ਸਨ ।ਇਸ ਉਪਰੰਤ ਜੰਮੂ ਤੋਂ ਆ ਰਹੇ ਟਰੱਕ ਵੱਲੋਂ ਟੱਕਰ ਵੱਜਣ ਨਾਲ ਮੋਟਰਸਾਈਕਲ ਚਾਲਕ ਸਵਾਰ ਵਿਅਕਤੀ ਦੀ ਮੌਕੇ ਤੇ ਹੀ ਮੌਤ ਹੋ ਗਈ ।ਐਕਸੀਡੈਂਟ ਹੋਣ ਤੇ ਅੱਧਾ ਘੰਟਾ ਬੇੀਤ ਜਾਣ ਤੋਂ ਬਾਅਦ ਵੀ ਪੁਲੀਸ ਪ੍ਰਸ਼ਾਸਨ ਵੱਲੋਂ ਕੋਈ ਕਾਰਵਾਈ ਨਹੀਂ ਕੀਤੀ ਗਈ। ਜਿਸ ਕਾਰਨ ਜੀਟੀ ਰੋਡ ਦੇ ਉੱਪਰ ਭਾਰੀ ਜਾਮ ਲੱਗਾ ਰਿਹਾ। ਜਿਸ ਨਾਲ ਆਵਾਜਾਈ ਨੂੰ ਕਾਫੀ ਮੁਸ਼ਕਲ ਦਾ ਸਾਹਮਣਾ ਕਰਨਾ ਪਿਆ ।
Doaba Times 