ਘੱਲੂਘਾਰਾ ਦਿਵਸ ਸਬੰਧੀ ਪੁਲੀਸ ਵੱਲੋਂ ਸਖ਼ਤ ਤਲਾਸ਼ੀ ਅਭਿਆਨ ਚਲਾਇਆ
ਜਲੰਧਰ (ਗੁਰਪ੍ਰੀਤ ਬੱਲ/ਮੁਕੇਸ਼ ਕੁਮਾਰ) ਜਲੰਧਰ ਰਾਸ਼ਟਰੀ ਰਾਜਮਾਰਗ ਸਥਿਤ ਰਾਏਪੁਰ ਰਸੂਲਪੁਰ ਨਜ਼ਦੀਕ ਬਿਜਲੀ ਘਰ ਦੇ ਬਿਲਕੁਲ ਸਾਹਮਣੇ ਐਸਐਚਓ ਮਨਜੀਤ ਸਿੰਘ ਸਮੇਤ ਪੁਲਸ ਪਾਰਟੀ ਮਕਸੂਦਾ ਚੌਕੀ ਵੱਲੋਂ ਘੱਲੂਘਾਰਾ ਦਿਵਸ ਸਬੰਧੀ ਵਿਸ਼ੇਸ਼ ਚੈਕਿੰਗ ਅਭਿਆਨ ਚਲਾਇਆ ਗਿਆ। ਜਿਸ ਦੌਰਾਨ ਸਮਾਜ ਵਿਰੋਧੀ ਭੈੜੇ ਅਨਸਰਾਂ ਵਿਰੁੱਧ ਮੁਹਿੰਮ ਤਹਿਤ ਵਾਹਨਾਂ ਦੀ ਚੈਕਿੰਗ ਕੀਤੀ ਗਈ। ਜਿਸ ਦੌਰਾਨ ਸਵੇਰੇ 8 ਵਜੇ ਦੇ ਕਰੀਬ ਇੱਕ ਸੇਬ ਨਾਲ ਲੱਦੇ ਟਰੱਕ ਦੀਆਂ ਕੱਲੀਆਂ-ਕੱਲੀਆਂ ਪੇਟੀਆਂ ਨੂੰ ਟਰੱਕ ਤੋਂ ਬਾਹਰ ਉਤਾਰ ਕੇ ਟਰੱਕ ਦੀ ਗਹਨ ਤਲਾਸ਼ੀ ਲਈ ਗਈ, ਤਾਂ ਪੁਲੀਸ ਨੂੰ ਕੁਝ ਵੀ ਨਹੀਂ ਮਿਲਿਆ। ਇਸ ਦੌਰਾਨ ਤਕਰੀਬਨ ਪੇਟੀਆਂ ਉਤਾਰਦਿਆਂ ਕਰੀਬ ਦੁਪਹਿਰ 11 ਵਜੇ ਦਾ ਸਮਾਂ ਹੋ ਗਿਆ , ਫਿਰ ਦੁਬਾਰਾ ਸੇਬ ਦੀਆਂ ਪੇਟੀਆਂ ਟਰੱਕ ਵਿੱਚ ਲੱਦਦਿਆਂ ਕਰੀਬ ਦੁਪਹਿਰ ਦੇ 3 ਵੱਜ ਗਏ।
ਟਰੱਕ ਚਾਲਕ ਸੁਨੀਲ ਨਿਵਾਸੀ ਜੰਮੂ ਕਸ਼ਮੀਰ ਵੱਲੋਂ ਦੱਸਿਆ ਗਿਆ ਕਿ ਸੇਬ ਦੀਆਂ ਪੇਟੀਆਂ ਜੰਮੂ ਕਸ਼ਮੀਰ ਤੋਂ ਲੱਦ ਕੇ ਬਿਹਾਰ ਵੱਲ ਨੂੰ ਜਾ ਰਿਹਾ ਸੀ ਤਾਂ ਪੁਲੀਸ ਵੱਲੋਂ ਸ਼ੱਕ ਦੇ ਆਧਾਰ ਤੇ ਟਰੱਕ ਨੂੰ ਰੋਕ ਕੇ ਤਲਾਸ਼ੀ ਲਈ ਗਈ ਜਿਸ ਕਾਰਨ ਉਹ ਆਪਣੀ ਮੰਜ਼ਿਲ ਤੇ ਪਹੁੰਚਣ ਲਈ ਕਰੀਬ ਅੱਠ ਘੰਟੇ ਲੇਟ ਹੋ ਗਿਆ।
Doaba Times 