ਪਿੰਡ ਮੰਨਣ ਵਿਖੇ ਸਾਲਾਨਾ ਮੇਲਾ 15 ਤੇ 16 ਤਰੀਕ ਨੂੰ ਸ਼ਰਧਾਪੂਰਵਕ ਮਨਾਇਆ ਜਾਵੇਗਾ
ਕਿਸ਼ਨਗੜ੍ਹ (ਗੁਰਪ੍ਰੀਤ ਬੱਲ )ਜਲੰਧਰ ਰਾਸ਼ਟਰੀ ਰਾਜ ਮਾਰਗ ਸਥਿਤ ਪਿੰਡ ਬੱਲਾਂ ਨਜ਼ਦੀਕ ਪਿੰਡ ਮੰਨਣ ਵਿਖੇ ਜੰਡਾਂ ਵਾਲੇ ਪੀਰਾਂ ਦੀ ਜਗ੍ਹਾ ਤੇ ਸਾਲਾਨਾ ਮੇਲਾ 15 ਤੇ 16 ਜੂਨ ਨੂੰ ਬੜੀ ਧੂਮਧਾਮ ਨਾਲ ਮਨਾਇਆ ਜਾ ਰਿਹਾ ਹੈ।
ਇਸ ਮੌਕੇ ਤੇ ਮੁੱਖ ਸੇਵਾਦਾਰ ਸੇਵਾ ਸਿੰਘ ਵੱਲੋਂ ਗੱਲਬਾਤ ਕਰਦਿਆਂ ਦੱਸਿਆ ਕਿ ਸਮੂਹ ਨਗਰ ਪੰਚਾਇਤ ਇਲਾਕਾ ਨਿਵਾਸੀ ਅਤੇ ਐਨਆਰਆਈ ਵੀਰਾਂ ਦੇ ਸਹਿਯੋਗ ਨਾਲ ਸਾਲਾਨਾ ਮੇਲਾ ਮਨਾਇਆ ਜਾ ਰਿਹਾ ਹੈ ਇਸ ਵਿੱਚ ਲੋਕ ਦੇਸ਼ਾਂ ਪ੍ਰਦੇਸ਼ਾਂ ਤੋਂ ਪਹੁੰਚ ਕੇ ਨਤਮਸਤਕ ਹੁੰਦੇ ਹਨ। ਬੁੱਧਵਾਰ ਵਾਲੇ ਦਿਨ ਝੰਡੇ ਦੀ ਰਸਮ ਅਤੇ ਚਰਾਗ ਕੀਤੇ ਜਾਣਗੇ, ਰਾਤ ਨੂੰ ਕਲਾਕਾਰ ਨਕਲਾਂ ਪੇਸ਼ ਕਰਨਗੇ। ਤੇ ਅਗਲੇ ਦਿਨ ਜੇਠੇ ਵੀਰਵਾਰ ਨੂੰ ਸਾਲਾਨਾ ਮੇਲਾ ਧੂਮਧਾਮ ਨਾਲ ਮਨਾਇਆ ਜਾਵੇਗਾ।
NEXT NEWS
ਮਹੰਤ ਇੰਦਰੇਸ ਚਰਨ ਦਾਸ ਦੀ 22ਵੀਂ ਬਰਸੀ ਮਨਾਈ
ਜਲੰਧਰ/ਬੰਗਾ (ਸੁਰਜੀਤ ਪਾਲ): ਬੰਗਾ ਦੇ ਖ਼ਾਨਪੁਰ ਵਿਖੇ ਦਰਬਾਰ ਸ਼੍ਰੀ ਗੁਰੂ ਰਾਮ ਰਾਇ ਦੇਹਰਾਦੂਨ ਦੇ 9ਵੇਂ ਬ੍ਰਹਮਲੀਨ ਕਰਮਯੋਗੀ ਮਹਾਵਿਦਿਆ ਦਾਨੀ ਪਰਮ ਸਾਧਕ ਸ਼੍ਰੀ ਮਹੰਤ ਇੰਦਰੇਸ਼ ਚਰਨ ਦਾਸ ਮਹਾਰਾਜ ਜੀ ਦੀ 22 ਵੀ ਬਰਸੀ ਬੜੀ ਸ਼ਰਧਾ ਨਾਲ ਮਨਾਈ ਗਈ l ਸੁਖਮਨੀ ਸਾਹਿਬ ਦੇ ਪਾਠ ਦੇ ਭੋਗ ਤੇ ਅਰਦਾਸ ਉਪਰੰਤ ਇੰਦਰੇਸ਼ ਕੀਰਤਨ ਮੰਡਲੀ ਵਲੋਂ ਰਸ ਭਿਨਾ ਕੀਰਤਨ ਕੀਤਾ ਗਿਆ l ਇੰਜ: ਨਰਿੰਦਰ ਬੰਗਾ ਦੂਰਦਰਸ਼ਨ ਜਲੰਧਰ ਨੇ ਸਭਨਾਂ ਦਾ ਸਵਾਗਤ ਕਰਦਿਆਂ ਸਤਿਗੁਰੂ ਇੰਦਰੇਸ਼ ਚਰਨ ਦਾਸ ਮਹਾਰਾਜ ਜੀ ਦੀਆਂ ਸਿੱਖਿਆਵਾਂ, ਸਮਾਜ ਸੇਵਾ ਦੇ ਕਾਰਜਾਂ ਸਮੇਤ ਜੀਵਨੀ ਤੇ ਵਿਸਥਾਰ ਸਹਿਤ ਚਾਨਣਾ ਪਾਇਆ l ਬਰਸੀ ਸਮਾਗਮਾਂ ਵਿੱਚ ਉਦਾਸੀਨ ਸੰਤ ਸ਼ਾਮ ਦਾਸ ਮਹਾਰਾਜ ਮਹਿਲ ਗਹਿਲਾਂ ਹੋਰਾਂ ਸਭ ਸੰਗਤਾਂ ਨੂੰ ਆਪਣੇ ਅੰਮ੍ਰਿਤਮਈ ਵਚਨਾਂ ਤੇ ਪ੍ਰਵਚਨਾਂ ਨਾਲ ਨਿਹਾਲ ਕੀਤਾ ਗਿਆ l ਰਾਜੇਸ਼ ਤਿਵਾੜੀ ਤੇ ਮੈਡਮ ਸਰਬਜੀਤ ਕੌਰ ਹੋਰਾਂ ਸਟੇਜ ਦਾ ਸੰਚਾਲਨ ਬਾਖੂਬੀ ਨਿਭਾਉਂਦਿਆਂ ਸਮਾਗਮ ਨੂੰ ਉਚਾਈਆਂ ਤੇ ਪਹੁੰਚਾਉਣ ਲਈ ਜਥੇਦਾਰ ਸੁਰਜੀਤ ਰੱਤੂ ਅਤੇ ਸਾਬਕਾ ਥਾਣੇਦਾਰ ਪ੍ਰਤਾਪ ਸਿੰਘ ਬੰਗਾ ਹੋਰਾਂ ਦੇ ਯਤਨਾਂ ਦੀ ਭਰਪੂਰ ਸ਼ਲਾਘਾ ਕੀਤੀ l
ਸਮਾਗਮ ਵਿੱਚ ਪਿੰਡ ਦੇ ਹੋਣਹਾਰ ਵਿਦਿਆਰਥੀਆਂ ਤੇ ਉੱਚ ਅਹੁਦੇ ਤੇ ਨਿਯੁੱਕਤ ਹੋਏ ਪੁਰਾਣੇ ਵਿਦਾਰਥੀਆਂ ਨੂੰ ਸਨਮਾਨਿਤ ਕੀਤਾ ਗਿਆ l ਇਸ ਮੌਕੇ ਗੁਰੂ ਜੀ ਦੀ ਨਿੱਘੀ ਤੇ ਮਿੱਠੀ ਯਾਦ ਚੋ ਠੰਡੇ ਮਿੱਠੇ ਜਲ ਦੀ ਛਬੀਲ ਲਗਾਈ ਗਈ ਅਤੇ ਸਮੂਹ ਨਗਰ ਨਿਵਾਸੀਆਂ ਨੂੰ ਗੁਰੂ ਕਾ ਲੰਗਰ ਅਤੁੱਟ ਵਰਤਾਇਆ ਗਿਆ l
ਇਸ ਮੌਕੇ ਸਰਪੰਚ ਤੀਰਥ ਰੱਤੂ, ਹੰਸ ਰਾਜ ਬੰਗਾ, ਦਵਿੰਦਰ ਬੰਗਾ, ਜਗਦੀਸ਼ ਬੰਗਾ, ਠਾਕੁਰ ਸੁਮਨ, ਹਰਮੇਸ਼ ਬੰਗਾ, ਜਗਨ ਨਾਥ , ਪਰਕਾਸ਼ ਚੰਦ,ਕਮਲਜੀਤ ਬੰਗਾ,ਭਾਈ ਜੀ ਬੀ ਸਿੰਘ, ਜਰਨੈਲ ਸਿੰਘ ਬੰਗਾ, ਪ੍ਰੋਫ: ਰਾਮਪਾਲ ਬੰਗਾ, ਅਸ਼ੋਕ ਬੰਗਾ, ਸੀਤਲ ਸੁਮਨ, ਜਿੰਦੂ ਸੁਮਨ, ਰੁਪਿੰਦਰ ਸਿੰਘ ਕੂਕਾ ਆਦਿ ਹਾਜ਼ਰ ਸਨ l
Doaba Times 