ਤੇਜ਼ ਰਫ਼ਤਾਰ ਕਾਰ ਵੱਲੋਂ ਤਿੰਨ ਰੇਹੜੀਆਂ ਨੂੰ ਕੀਤਾ ਚਕਨਾਚੂਰ
*ਗ਼ਨੀਮਤ ਦੀ ਗੱਲ ਰਹੀ ਕਿ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ
ਜਲੰਧਰ /ਕਿਸ਼ਨਗੜ(ਗੁਰਪ੍ਰਿਤ ਬੱਲ/ਗੁਰਪ੍ਰੀਤ ਗੋਰਾ) ਜਲੰਧਰ-ਦੋਆਬਾ ਰਾਸ਼ਟਰੀ ਰਾਜਮਾਰਗ ਸਥਿਤ ਕਿਸ਼ਨਗਡ਼੍ਹ ਨਜ਼ਦੀਕ ਸੀਮਿੰਟ ਦੇ ਸਟੋਰ ਦੇ ਬਿਲਕੁਲ ਨਜ਼ਦੀਕ ਇੱਕ ਤੇਜ਼ ਰਫਤਾਰ ਕਾਰ ਵੱਲੋਂ ਤਿੰਨ ਰੇਹੜੀਆਂ ਨੂੰ ਜ਼ਬਰਦਸਤ ਟੱਕਰ ਮਾਰ ਦਿੱਤੀ ਗਈ ਜਿਸ ਦੌਰਾਨ ਇਕ ਰੇਹੜੀ ਤਾਂ ਬਿਲਕੁਲ ਹੀ ਚਕਨਾਚੂਰ ਹੋ ਗਈ ਤੇ ਬਾਕੀ ਦੋ ਰੇਹੜੀਆਂ ਵੀ ਬੁਰੀ ਤਰ੍ਹਾਂ ਨੁਕਸਾਨੀਆਂ ਗਈਆਂ। ਗਨੀਮਤ ਦੀ ਗੱਲ ਰਹੀ ਕਿ ਰੇਹੜੀ ਦੇ ਨਜ਼ਦੀਕ ਕੋਈ ਵੀ ਵਿਅਕਤੀ ਮੌਜੂਦ ਨਹੀਂ ਸੀ ਨਹੀਂ ਤਾਂ ਭਾਰੀ ਜਾਨੀ ਨੁਕਸਾਨ ਵੀ ਹੋ ਸਕਦਾ ਸੀ।
ਰੇਹੜੀ ਚਾਲਕ ਇੰਦਰ ਕੁਮਾਰ ਤੇ ਉਦੈ ਕੁਮਾਰ ਵੱਲੋਂ ਦੱਸਿਆ ਗਿਆ ਕਿ ਦੁਪਹਿਰ ਦੇ ਕਰੀਬ 4:30ਵਜੇ ਤੇਜ਼ ਰਫਤਾਰ ਕਾਰ PB08AP2121ਵੱਲੋਂ ਉਨ੍ਹਾਂ ਦੀਆਂ ਤਿੰਨ ਰੇਹੜੀਆਂ ਨੂੰ ਜ਼ਬਰਦਸਤ ਟੱਕਰ ਮਾਰ ਦਿੱਤੀ ਜਿਸ ਕਾਰਨ 80ਹਜ਼ਾਰ ਦੇ ਕਰੀਬ ਦਾ ਨੁਕਸਾਨ ਹੋ ਗਿਆ।
ਕਾਰ ਚਾਲਕ ਵਲੋਂ ਨੇ ਨਜ਼ਦੀਕੀ ਨਿੱਜੀ ਹਸਪਤਾਲ ਤੋ ਫਸਟ ਏਡ ਕਰਵਾਈ ਤੇ ਮੌਕੇ ਤੋਂ ਰਫੂਚੱਕਰ ਹੋ ਗਿਆ ਤੇ ਹਾਦਸੇ ਵਾਲੀ ਜਗ੍ਹਾ ਤੇ ਆਪਣੇ ਦੋ ਵਿਅਕਤੀ ਭੇਜ ਕੇ ਕਾਰ ਵਿੱਚੋਂ ਕਾਰ ਦੀ ਆਰਸੀ ਤੇ ਹੋਰ ਜ਼ਰੂਰੀ ਕਾਗਜ਼ਾਤ ਵੀ ਕੱਢ ਲਏ ਗਏ। ਕਾਰ ਦੇ ਨੰਬਰ ਦੇ ਆਧਾਰ ਤੇ ਕਾਰ ਨਰੇਸ਼ ਕੁਮਾਰ ਨਾਂ ਦਰਸਾ ਰਹੀ ਹੈ, ਸੂਤਰਾਂ ਦੇ ਹਵਾਲੇ ਤੋਂ ਇਹ ਵੀ ਪਤਾ ਲੱਗਿਆ ਕਿ ਕਾਰ ਮਾਲਕ ਮਾਣਕਰਾਏ ਦੇ ਨਿਵਾਸੀ ਹਨ। ਇਸ ਉਪਰੰਤ ਅਲਾਵਲਪੁਰ ਪੁਲੀਸ ਚੌਕੀ ਤੋਂ ਏਐਸਆਈ ਜੋਗਿੰਦਰ ਮਸੀਹ ਮੌਕੇ ਤੇ ਪਹੁੰਚੇ ਤੇ ਅਗਲੇਰੀ ਕਾਰਵਾਈ ਸ਼ੁਰੂ ਕੀਤੀ।
Doaba Times 