ਦਰਬਾਰ ਸਾਈੰ ਫੀਨੇ ਸ਼ਾਹ ਦਾ ਸਾਲਾਨਾ ਮੇਲਾ ਧੂਮਧਾਮ ਨਾਲ ਮਨਾਇਆ
ਕਿਸ਼ਨਗੜ (ਗੁਰਪ੍ਰੀਤ ਬੱਲ) ਜਲੰਧਰ-ਦੋਆਬਾ ਰਾਸ਼ਟਰੀ ਮਾਰਗ ਤੇ ਕਿਸ਼ਨਗੜ੍ਹ ਤੇ ਦੌਲਤਪੁਰ ਵਿਚਕਾਰ ਸਾਂਝੇ ਅਸਥਾਨ ਤੇ ਸਥਿਤ ਦਰਬਾਰ ਸਾਈ ਫੀਨੇ ਸ਼ਾਹ ਦਾ ਸਾਲਾਨਾ ਮੇਲਾ ਸ਼ਰਧਾ ਤੇ ਉਤਸ਼ਾਹ ਨਾਲ ਮਨਾਇਆ ਗਿਆ। ਬੀਤੇ ਦਿਨੀ ਸਵੇਰੇ ਦਰਬਾਰ ਦੇ ਮੁੱਖ ਸੇਵਾਦਾਰ ਬਾਬਾ ਬੋਹੜ ਸ਼ਾਹ, ਪ੍ਰਬੰਧਕ ਕਮੇਟੀ ਦੇ ਜੋਗਿੰਦਰ ਪਾਲ, ਵਿਜੈ ਕੁਮਾਰ ਕਿਸ਼ਨਗੜ੍ਹ, ਸਾਬਕਾ ਸਰਪੰਚ ਪਲਵਿੰਦਰ ਸਿੰਘ ਬਾਸੀ ਦੌਲਤਪੁਰ, ਮੰਗੂ ਰਾਮ, ਬਹਾਦਰ ਸਿੰਘ (ਸਾਰੇ ਪ੍ਰਧਾਨ) ਤੇ ਇਲਾਕੇ ਦੀਆਂ ਸਮੂਹ ਸੰਗਤਾਂ ਦੀ ਹਾਜ਼ਰੀ ‘ਚ ਦਰਬਾਰ ਤੇ ਝੰਡਾ ਚੜ੍ਹਾਉਣ ਦੀ ਰਸਮ, ਚਾਦਰ ਦੀ ਰਸਮ ਉਪਰੰਤ ਚਿਰਾਗਾ ਦੀ ਰਸਮ ਕੀਤੀ ਗਈ । ਇਸ ਉਪਰੰਤ ਪੰਡਾਲ ‘ਚ ਪ੍ਰਸਿੱਧ ਕੱਵਾਲ ਪ੍ਰਵੇਜ਼ ਰਹਿਮਤ ਐਂਡ ਪਾਰਟੀ ਵੱਲੋਂ ਕੱਵਾਲੀਆਂ ਪੇਸ਼ ਕੀਤੀਆਂ ਗਈਆ ਤੇ ਵੱਖ-ਵੱਖ ਕਲਾਕਾਰਾਂ ਦੇ ਨਾਲ-ਨਾਲ ਪ੍ਰਸਿੱਧ ਗਾਇਨ ਮਾ. ਅਨੂਪ ਨੇ ਧਾਰਮਿਕ ਪ੍ਰੋਗਰਾਮ ਪੇਸ਼ ਕਰਕੇ ਸੰਗਤਾਂ ਦਾ ਮਨੋਰੰਜਨ ਕੀਤਾ | ਇਸ ਮੌਕੇ ਤੇ ਮੁੱਖ ਮਹਿਮਾਨ ਵਜੋਂ ਅਮਰੀਕ ਜੌਹਲ ਨੂੰ ਪ੍ਰਬੰਧਕ ਕਮੇਟੀ ਵੱਲੋਂ ਸਨਮਾਨਿਤ ਕੀਤਾ ਗਿਆ। ਇਸ ਉਪਰੰਤ ਬਾਅਦ ਦੁਪਹਿਰ ਪੰਮੀ ਨਕਾਲ ਪਾਰਟੀ ਕਬੂਲਪੁਰ ਵਾਲਿਆਂ ਤੇ ਸਾਥੀ ਨੱਕਾਲ ਕਲਾਕਾਰਾਂ ਤੇ ਜੌਹਨ ਵੱਲੋਂ ਪੇਸ਼ਕਾਰੀ ਕਰਕੇ ਸੰਗਤਾ ਦਾ ਮਨੋਰੰਜਨ ਕੀਤਾ।
ਇਸ ਮੌਕੇ ਤੇ ਮੰਚ ਸੰਚਾਲਨ ਦੀਆਂ ਸੇਵਾਵਾਂ ਕੁਮਾਰ ਰੌਕੀ ਕਿਸ਼ਨਗੜ੍ਹ ਵੱਲੋਂ ਨਿਭਾਈ ਗਈ। ਮੇਲੇ ‘ਚ ਸੰਗਤਾਂ ਲਈ ਅਤੱੁਟ ਲੰਗਰ ਵਰਤਾਏ ਗਏ।
Doaba Times 