Amritsar

ਅੰਮ੍ਰਿਤਸਰ (ਦਿਲਬਾਗ ਸਿੰਘ ਸੰਧੂ)ਸਨ-ਸ਼ਾਈਨ ਸਕੂਲ ਮੋਹਕਮਪੁਰਾ ਅੰਮ੍ਰਿਤਸਰ ਦੇ ਬੱਚਿਆਂ ਵੱਲੋਂ ਆਜ਼ਾਦੀ ਦਿਵਸ ਦੇ ਸਬੰਧ ਵਿਚ 15 ਅਗਸਤ ਦਾ ਦਿਹਾੜਾ ਬੜੇ ਉਤਸ਼ਾਹ ਪੂਰਵਕ ਮਨਾਇਆ ਗਿਆ !ਇਸ ਸਮਾਗਮ ਵਿੱਚ ਐਂਟੀ ਕ੍ਰਾਈਮ ਇੰਟੈਲੀਜੈਂਸੀ ਸੰਗਠਨ ਦੀ ਟੀਮ ਦੇ ਅਹੁਦੇਦਾਰਾਂ ਵੱਲੋਂ ਵਿਸ਼ੇਸ਼ ਤੌਰ ਤੇ ਸ਼ਿਰਕਤ ਕੀਤੀ ਗਈ। ਇਸ ਮੌਕੇ ਪ੍ਰਿੰਸੀਪਲ ਤੇ ਸਕੂਲ ਸਟਾਫ ਸਮੇਤ ਨੰਨ੍ਹੇ ਮੁੰਨੇ ਬੱਚਿਆਂ ਵੱਲੋਂ ਆਏ ਹੋਏ ਮਹਿਮਾਨਾਂ ਦਾ ਨਿੱਘਾ ਸਵਾਗਤ ਕੀਤਾ। ਇਸ ਦੌਰਾਨ ਐਂਟੀ ਕ੍ਰਾਈਮ ਇੰਟੈਲੀਜੈਂਸੀ ਸੰਗਠਨ ਦੀ ਟੀਮ ਦੇ ਮੁੱਖ ਅਹੁਦੇਦਾਰਾਂ ਵੱਲੋਂ ਰਿਬਨ ਕੱਟਣ ਉਪਰੰਤ ਪ੍ਰਿੰਸੀਪਲ ਅਤੇ ਸਕੂਲ ਸਟਾਫ ਸਮੇਤ ਤਿਰੰਗਾ ਲਹਿਰਾਇਆ ਗਿਆ। ਇਸ ਉਪਰੰਤ ਬੜੀ ਸਤਿਕਾਰਯੋਗ ਭਾਵਨਾ ਨਾਲ ਰਾਸ਼ਟਰ ਗਾਨ ਦਾ ਗੁਣਗਾਨ ਕੀਤਾ ਗਿਆ। ਇਸ ਮੌਕੇ ਸਕੂਲੀ ਬੱਚਿਆਂ ਵੱਲੋਂ ਆਜ਼ਾਦੀ ਦਿਹਾੜੇ ਨੂੰ ਸਮਰਪਿਤ ਦੇਸ਼ ਭਗਤੀ ਵਾਲੇ ਗੀਤਾਂ ਤੇ ਸੋਲੋ ਡਾਂਸ ਅਤੇ ਫੌਜੀ ਵੀਰਾਂ ਦੇ ਦੇਸ਼ ਭਗਤੀ ਵਾਲੇ ਗੀਤਾਂ ਤੇ ਡਾਂਸ ਕਰਕੇ ਸਾਰਿਆਂ ਦਾ ਮਨ ਮੋਹ ਲਿਆ।ਇਸ ਮੌਕੇ A.C.I.S ਦੀ ਨੈਸ਼ਨਲ ਟੀਮ ਦੇ ਮੁੱਖ ਅਹੁਦੇਦਾਰਾਂ ਵੱਲੋਂ ਬੱਚਿਆਂ ਦੀ ਹੌਸਲਾ ਵਧਾਈ ਲਈ 2100 ਰੁਪਏ ਇਨਾਮ ਵਜੋਂ ਦਿੱਤੇ ਗਏ। ਪ੍ਰਿੰਸੀਪਲ, ਸਕੂਲ ਸਟਾਫ਼ ਅਤੇ ਵੱਖ ਵੱਖ ਅਹੁਦੇਦਾਰਾਂ ਵੱਲੋਂ ਆਜ਼ਾਦੀ ਦਿਵਸ ਦੇ ਸੰਬੰਧ ਤੇ ਅਲੱਗ ਅਲੱਗ ਤਰ੍ਹਾਂ ਦੇ ਭਾਸ਼ਣ ਦਿੱਤੇ ਗਏ। ਇਸ ਮੌਕੇ A.C.I.S ਦੀ ਟੀਮ ਦੇ ਨੈਸ਼ਨਲ ਪ੍ਰੈਜ਼ੀਡੈਂਟ ਸਟੀਫਨ ਮਸੀਹ, ਮਨਵਿੰਦਰ ਸਿੰਘ ਚੀਫ ਐਗਜ਼ੀਕਿਊਟਿਵ, ਗੁਲਸ਼ਨ ਕੁਮਾਰ ਪੰਜਾਬ ਪ੍ਰਧਾਨ , ਸ਼ੁਭ ਲਤਾ ਪੰਜਾਬ ,ਚੇਅਰਮੈਨ ਵੂਮੈਨ ਸੈੱਲ, ਐਸ. ਪੀ.ਰਾਣਾ. ਚੀਫ ਆਰਗੇਨਾਈਜ਼ਰ, ਸੂਰਜ ਸਿੰਘ ਡਿਸਟ੍ਰਿਕ ਚੇਅਰਮੈਨ ਅੰਮ੍ਰਿਤਸਰ, ਸੁਰਜੀਵਨ ਕੁਮਾਰੀ ਵਾਈਸ ਚੇਅਰਮੈਨ ਪੰਜਾਬ, ਬਲਜੀਤ ਰਾਜ ਵਾਈਸ ਪ੍ਰੈਜ਼ੀਡੈਂਟ ਪਠਾਨਕੋਟ, ਅੰਜੂ ਬਾਲਾ ਜਨਰਲ ਸੈਕਟਰੀ ਪਠਾਨਕੋਟ, ਸਮੂਹ ਸਕੂਲ ਸਟਾਫ, ਸਕੂਲ ਦੇ ਬੱਚਿਆਂ ਸਮੇਤ ਇਲਾਕਾ ਨਿਵਾਸੀ ਵੀ ਮੌਜੂਦ ਸਨ।