Doaba Times

ਜਨਮ ਦਿਨ ਦੀ ਮੁਬਾਰਕਬਾਦ

ਰਾਘਵ ਸੋਂਧੀ

ਪਿਤਾ ਅੰਮਿ੍ਤਪਾਲ ਸਿੰਘ ਸੋਂਧੀ

ਮਾਤਾ ਸੰਗੀਤਾ ਸੋਂਧੀ

ਪਿੰਡ ਤੇ ਡਾਕਖਾਨਾ ਕਿਸ਼ਨਗੜ੍ਹ ਜ਼ਿਲ੍ਹਾ ਜਲੰਧਰ

ਖਬਰ ਦਾ ਅਸਰ-ਜ਼ਿਲ੍ਹਾ ਪ੍ਰੀਸ਼ਦ ਅਧੀਨ ਡਿਸਪੈਂਸਰੀ ਪਿੰਡ ਬੱਲਾਂ ਸੰਬੰਧੀ ਸੁਣੀਆ ਸਮੱਸਿਆਵਾਂ

ਕਿਸ਼ਨਗੜ੍ਹ(ਗੁਰਪ੍ਰਿਤ ਬੱਲ ) ਪਿਛਲੇ ਦਿਨੀਂ ਹਲਕਾ ਕਰਤਾਰਪੁਰ ਵਿਧਾਇਕ ਬਲਕਾਰ ਸਿੰਘ ਪਿੰਡ ਬੱਲਾਂ ਵਿਖੇ ਗੁ: ਭਾਗੋ ਜੀ ਵਿਖੇ ਨਤਮਸਤਕ ਹੋਣ ਪਹੁੰਚੇ ਸਨ ਤਾਂ ਪਿੰਡ ਨਿਵਾਸੀਆਂ ਵੱਲੋ ਪਿੰਡ ਦੇ ਵਿਕਾਸ ਸਬੰਧੀ ਕੁਝ ਮੰਗਾਂ ਵਿਧਾਇਕ ਬਲਕਾਰ ਸਿੰਘ ਅੱਗੇ ਰੱਖੀਆਂ ਸਨ ਜਿਸਦੇ ਵਿੱਚ ਸ਼ਹੀਦਾ ਦੀ ਯਾਦ ਵਿੱਚ ਗੇਟ ਦੇ ਨਿਰਮਾਣ ਸਬੰਧੀ ਅਤੇ ਕਿਸ਼ਨਗੜ੍ਹ ਦੋਆਬਾ ਪ੍ਰੈਸ ਕਲੱਬ ਪ੍ਰਧਾਨ ਗੁਰਪ੍ਰੀਤ ਬੱਲ ਵੱਲੋਂ ਪਿੰਡ ਦੀ ਡਿਸਪੈਂਸਰੀ ਦੀਆਂ ਸਮੱਸਿਆਵਾਂ ਸੰਬੰਧੀ ਜਾਣੂ ਕਰਵਾਇਆ ਗਿਆ ਸੀ ਜਿਸ ਤੇ ਤੁਰੰਤ ਕਾਰਵਾਈ ਕਰਦਿਆਂ ਹਲਕਾ ਵਿਧਾਇਕ ਕਰਤਾਰਪੁਰ ਬਲਕਾਰ ਸਿੰਘ ਵੱਲੋਂ ਸਿਵਲ ਸਰਜਨ ਜਲੰਧਰ ਨੂੰ ਡਿਸਪੈਂਸਰੀ ਦੀਆਂ ਸਮੱਸਿਆਵਾਂ ਸਬੰਧੀ ਧਿਆਨ ਦੇਣ ਦੇ ਸਖ਼ਤ ਨਿਰਦੇਸ਼ ਦਿੱਤੇ ਗਏ ਸਨ, ਜਿਸ ਦੇ ਚੱਲਦਿਆਂ ਡਾ. ਜਸਵਿੰਦਰ ਐਸ ਐਮ ਓ ਸੀ ਐਚ ਸੀ ਕਰਤਾਰਪੁਰ , ਹੈਲਥ ਇੰਸਪੈਕਟਰ ਸ੍ਰੀ ਕੇਵਲ ਜੀ ਵੱਲੋਂ ਪਿੰਡ ਬੱਲਾਂ ਸਥਿਤ ਜ਼ਿਲ੍ਹਾ ਪ੍ਰੀਸ਼ਦ ਅਧੀਨ ਸਰਕਾਰੀ ਡਿਸਪੈਂਸਰੀ ਦਾ ਜਾਇਜ਼ਾ ਲਿਆ ਗਿਆ ਤੇ ਮਰੀਜ਼ਾਂ ਦੇ ਰਿਕਾਰਡ ਚੈੱਕ ਕੀਤੇ ਗਏ। ਜਿਸ ਦੌਰਾਨ ਮਰੀਜ਼ਾਂ ਦੇ ਇਲਾਜ ਲਈ ਦਵਾਈਆਂ ਦੀ ਕਮੀ ਨੂੰ ਪਾਇਆ ਗਿਆ , ਅਤੇ ਹੋਰ ਸਮੱਸਿਆਵਾਂ ਸਬੰਧੀ ਜਾਇਜ਼ਾ ਲਿਆ ਗਿਆ ਤੇ ਵਿਸ਼ਵਾਸ ਦਿੱਤਾ ਕਿ ਜਲਦ ਹੀ ਦਵਾਈਆਂ ਦੀ ਕਮੀ ਨੂੰ ਦੂਰ ਕੀਤਾ ਜਾਵੇਗਾ। ਜ਼ਿਕਰਯੋਗ ਹੈ ਕਿ ਕਰੋਨਾ ਕਾਲ ਦੇ ਦੌਰਾਨ ਡਿਸਪੈਂਸਰੀ ਵਿਚ ਮੌਜੂਦ ਮੈਡੀਕਲ ਸਟਾਫ ਦੀਆਂ ਡਿਊਟੀਆਂ ਕਰੋਨਾ ਵਾਰਡ ਵਿੱਚ ਲਗਾ ਦਿੱਤੀਆਂ ਗਈਆਂ ਸਨ ਜਿਸ ਕਾਰਨ ਪੂਰੇ ਕਰੋਨਾ ਕਾਲ ਦੇ ਸਮੇ ਡਿਸਪੈਂਸਰੀ ਬੰਦ ਰਹੀ ਜਿਸ ਕਾਰਨ ਇਲਾਕੇ ਦੇ ਗ਼ਰੀਬ ਲੋਕਾਂ ਨੂੰ ਕਾਫੀ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪਿਆ ਤੇ ਕੁੱਝ ਦਿਨ ਪਹਿਲਾ ਹੀ ਹਲਕਾ ਕਰਤਾਰਪੁਰ ਵਿਧਾਇਕ ਬਲਕਾਰ ਸਿੰਘ ਜੀ ਦੇ ਯਤਨਾ ਸਦਕਾ ਹੀ ਡਿਸਪੈਂਸਰੀ ਦੀ ਮੁੜ ਸ਼ੁਰੂਆਤ ਕੀਤੀ ਗਈ।
ਇਸ ਮੌਕੇ ਤੇ ਡਾ ਪਰਮਿੰਦਰ ਕੌਰ ਐਮਬੀਬੀਐਸ , ਬਲਦੇਵ ਸਿੰਘ ਫਾਰਮਸਿਸਟ ਦੁਆਰਾ ਗੱਲਬਾਤ ਕਰਦੇ ਹੋਏ ਦੱਸਿਆ ਕਿ ਜੋ ਮੈਡੀਕਲ ਦਵਾਈਆਂ ਜ਼ਿਲ੍ਹਾ ਪ੍ਰੀਸ਼ਦ ਅਧੀਨ ਡਿਸਪੈਂਸਰੀ ਵਿਖੇ ਪਹੁੰਚਦੀਆਂ ਹਨ ਉਨ੍ਹਾਂ ਦੀ ਮਾਤਰਾ ਕਾਫ਼ੀ ਸੀਮਿਤ ਹੁੰਦੀ ਹੈ।ਜਿਸ ਕਾਰਨ ਦਵਾਈਆ ਜਲਦ ਹੀ ਮੁੱਕ ਜਾਂਦੀਆਂ ਹਨ, ਤੇ ਦਵਾਈ ਦੀ ਮਾਤਰਾ ਨੂੰ ਵਧਾਉਣਾ ਚਾਹੀਦਾ ਹੈ ਤਾਂ ਜੋ ਆਮ ਲੋਕਾਂ ਤੱਕ ਫ੍ਰੀ ਮੈਡੀਕਲ ਸੇਵਾਵਾਂ ਪਹੁੰਚ ਸਕਣ । ਜ਼ਿਕਰਯੋਗ ਹੈ ਕਿ ਪਿੰਡ ਬੱਲਾਂ ਦੇ ਆਲੇ ਦੁਆਲੇ ਪਿੰਡਾਂ ਤੋਂ ਵੀ ਮਰੀਜ਼ ਦਵਾਈ ਲੈਣ ਵਾਸਤੇ ਆਉਂਦੇ ਹਨ ਤੇ ਸਿਹਤ ਸੇਵਾਵਾਂ ਨੂੰ ਫਰੀ ਵਿੱਚ ਪ੍ਰਾਪਤ ਕਰਦੇ ਹਨ। ਇਸ ਮੌਕੇ ਦੋਆਬਾ ਪ੍ਰੈਸ ਕਲੱਬ ਪ੍ਰਧਾਨ ਗੁਰਪ੍ਰੀਤ ਬੱਲ ਵੱਲੋਂ ਬਹੁਤ ਜਲਦ ਹੀ ਡਿਸਪੈਂਸਰੀ ਦੀ ਸਮੱਸਿਆਵਾਂ ਸੰਬੰਧੀ ਮੰਗ ਪੱਤਰ ਦਿੱਤਾ ਜਾਵੇਗਾ ਜਿਸ ਵਿਚ ਡਿਸਪੈਂਸਰੀ ਨੂੰ ਅਪਗਰੇਡ ਕਰਨ ਤੇ ਡਿਸਪੈਂਸਰੀ ਵਿੱਚ ਲੈਬੋਰਟਰੀ ਖੋਲ੍ਹਣ ਅਤੇ ਡਿਸਪੈਂਸਰੀ ਵਿਚ ਦਵਾਈਆਂ ਦੀ ਕਮੀ ਨੂੰ ਪੂਰਾ ਕਰਨ ਸੰਬੰਧੀ ਮੰਗਾਂ ਹੋਣਗੀਆਂ ,ਜ਼ਿਕਰਯੋਗ ਹੈ ਕਿ ਪਿੰਡ ਬੱਲਾਂ ਵਿਖੇ ਹੋਰ ਵੀ ਕਈ ਸੰਸਥਾਵਾਂ ਬਣਾ ਕੇ ਆਪਣੀਆਂ ਫੋਟੋਆਂ ਸੋਸ਼ਲ ਮੀਡੀਆ ਤੇ ਵਾਇਰਲ ਕਰ ਕੇ ਆਪਣੀ ਫੋਕੀ ਬੱਲੇ ਬੱਲੇ ਕੀਤੀ ਜਾ ਰਹੀ ਹੈ, ਜਿੱਥੇ ਸਮਾਜ ਸੇਵਾ ਦੀ ਲੋੜ ਹੈ ਉੱਥੇ ਕੋਈ ਵੀ ਸਮਾਜ ਸੇਵਾ ਨਹੀਂ ਕਰਦਾ ਆਪਣੀਆਂ ਫੋਟੋਆਂ ਬਣਾ ਕੇ ਫੋਕੀ ਬੱਲੇ ਬੱਲੇ ਨੂੰ ਸਾਰੇ ਪਏ ਹਨ, ਜਿਸ ਦੇ ਚਲਦਿਆਂ ਵਿਦੇਸ਼ਾਂ ਵਿੱਚ ਬੈਠੇ ਇਨ੍ਹਾਂ ਰਹੇ ਵੀ ਇਨ੍ਹਾਂ ਸੰਸਥਾਵਾਂ ਦੀ ਵੱਡੀ ਠੱਗੀ ਦਾ ਸ਼ਿਕਾਰ ਹੁੰਦੇ ਹਨ  । ਇਸ ਮੌਕੇ ਤੇ ਗੁ: ਛਪਡ਼ੀ ਸਾਹਿਬ ਪ੍ਰਧਾਨ ਕੁਲਦੀਪ ਸਿੰਘ ਹੋਠੀ ਵੱਲੋਂ ਦੱਸਿਆ ਗਿਆ ਕਿ ਜਲਦ ਹੀ ਇੱਕ ਨਵੀਂ ਕਮੇਟੀ ਦਾ ਗਠਨ ਕੀਤਾ ਜਾਵੇਗਾ ਅਤੇ ਡਿਸਪੈਂਸਰੀਆਂ ਦੀ ਦਵਾਈਆਂ ਦੀ ਘਾਟ ਨੂੰ ਪੂਰਾ ਕੀਤਾ ਜਾਵੇਗਾ ।

NEXT

ਕਰਵਾ ਚੌਥ ਸੰਬੰਧੀ ਦੁਕਾਨਾਂ ਤੇ ਲੱਗੀਆਂ ਰੌਣਕਾਂ

ਕਿਸ਼ਨਗੜ੍ਹ (ਗੁਰਪ੍ਰੀਤ ਬੱਲ ) ਕਰਵਾਚੌਥ ਵਰਤ ਸੰਬੰਧੀ ਪਿੰਡ ਬੱਲਾ ਵਿਖੇ ਕਰਿਆਨੇ ਦੀਆਂ ਦੁਕਾਨਾਂ ਤੇ ਲੱਗੀਆਂ ਰੌਣਕਾਂ