ਜਲੰਧਰ ਨੈਸ਼ਨਲ ਹਾਈਵੇ ‘ਤੇ ਪਿੰਡ ਬੱਲਾ ਨੇੜੇ ਗੰਨੇ ਦੀ ਟਰਾਲੀ ਪਲਟੀ- ਇਕ ਸਾਇਡ ਸੜਕ ਪੂਰੀ ਤਰ੍ਹਾਂ ਬੰਦ
ਕਿਸ਼ਨਗੜ੍ਹ/ਰਾਏਪੁਰ ਰਸੂਲਪੁਰ (ਗੁਰਪ੍ਰੀਤ ਬੱਲ/ਮੁਕੇਸ਼ ਕੁਮਾਰ) ਜਲੰਧਰ ਰਾਸ਼ਟਰੀ ਰਾਜਮਾਰਗ ਸਥਿਤ ਪਿੰਡ ਬੱਲਾਂ ਨਜ਼ਦੀਕ ਗੰਨੇ ਦੀ ਟਰਾਲੀ ਪਲਟ ਜਾਣ ਕਾਰਨ ਸੜਕ ਦੀ ਇੱਕ ਸਾਇਡ ਪੂਰੀ ਤਰ੍ਹਾਂ ਬੰਦ ਹੋ ਗਈ, ਜਿਸ ਕਾਰਨ ਕਾਫੀ ਦੂਰ ਤੱਕ ਟਰੈਫਿਕ ਜਾਮ ਲੱਗ ਗਿਆ, ਰਾਹਗੀਰ ਆਸ-ਪਾਸ ਪਿੰਡਾਂ ਦੇ ਰਸਤਿਆਂ ਵਿੱਚੋਂ ਲੰਘਦੇ ਆਪਣੀ ਮੰਜ਼ਿਲ ‘ਤੱਕ ਪਹੁੰਚੇ। ਗਨੀਮਤ ਰਹੀ ਕਿ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ। ਹਾਦਸੇ ਵਾਲੀ ਥਾਂ ‘ਤੇ ਮੌਜੂਦ ਟਰੈਕਟਰ ਚਾਲਕਾਂ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪਿੰਡ ਸ਼ੀਤਲਪੁਰ ਤੋਂ ਗੱਨੇ ਨਾਲ ਲੱਦੀ ਟਰਾਲੀ ਨੂੰ ਮਨਵੀਰ ਸਿੰਘ ਦਾ ਡਰਾਈਵਰ ਅਮਲੋਹ ਗੰਨਾ ਮਿੱਲ ਨੂੰ ਜਾ ਰਿਹਾ ਸੀ ਤਾ ਰਾਤ ਦੇ ਕਰੀਬ 10 ਵਜੇ ਜਿਵੇਂ ਹੀ ਉਹ ਪਿੰਡ ਬੱਲਾ ਦੇ ਗੇਟ ਨੇੜੇ ਪੁੱਜਾ ਤਾਂ ਅਣਪਛਾਤੇ ਟਰੱਕ ਚਾਲਕ ਨੇ ਗੰਨੇ ਨਾਲ ਲੱਦੀ ਟਰਾਲੀ ਨੂੰ ਸਾਈਡ ਮਾਰ ਦਿੱਤੀ, ਜਿਸ ਕਾਰਨ ਗੰਨੇ ਨਾਲ ਲੱਦੀ ਟਰਾਲੀ ਦਾ ਸੰਤੁਲਨ ਵਿਗੜ ਗਿਆ ਤੇ ਬੇਕਾਬੂ ਹੋ ਕੇ ਸੜਕ ਤੇ ਹੀ ਪਲਟ ਗਈ।
ਇਸ ਹਾਦਸੇ ਕਾਰਨ ਕਿਸ਼ਨਗੜ੍ਹ ਅੱਡੇ ’ਤੇ ਵੀ ਟਰੈਫਿਕ ਜਾਮ ਦੇਖਣ ਨੂੰ ਮਿਲਿਆ ਅਤੇ ਇਕ ਮੰਤਰੀ ਦਾ ਵੀ.ਆਈ.ਪੀ. ਕਾਫਲਾ ਵੀ ਟਰੈਫਿਕ ਜਾਮ ’ਚ ਫਸ ਗਿਆ। ਕਰੀਬ ਦੁਪਹਿਰ ਦੇ 2:30 ਵਜੇ ਟ੍ਰੈਫਿਕ ਜਾਮ ਕੰਟਰੋਲ ਹੋਇਆ ।
ਇਸ ਮੌਕੇ ਏ.ਐਸ.ਆਈ ਦਵਿੰਦਰ ਕੁਮਾਰ (ਦਿਹਾਤੀ ਜਲੰਧਰ) ਵੱਲੋਂ ਸਾਥੀ ਸਮੇਤ ਟ੍ਰੈਫਿਕ ਨੂੰ ਕੰਟਰੋਲ ਕੀਤਾ ਗਿਆ।
Doaba Times 