ਸਕੂਟਰ ਚਾਲਕ ਨੂੰ ਬਚਾਉਂਦਿਆਂ ਜਲੰਧਰ ਰਾਸ਼ਟਰੀ ਰਾਜ ਮਾਰਗ ਤੇ ਵਾਪਰਿਆ ਭਿਆਨਕ ਹਾਦਸਾ
ਕਿਸ਼ਨਗੜ( ਗੁਰਪ੍ਰੀਤ ਬੱਲ/ਗੁਰਮੁੱਖ ਸਿੰਘ ) ਜਲੰਧਰ ਪਠਾਨਕੋਟ ਰਾਸ਼ਟਰੀ ਰਾਜਮਾਰਗ ਸਥਿਤ ਗੁ: ਬਾਬੇ ਸ਼ਹੀਦਾਂ ਦੇ ਬਿਲਕੁਲ ਸਾਹਮਣੇ ਫਲਾਈਓਵਰ ਉੱਪਰ ਸ਼ਾਮ ਦੇ ਤਕਰੀਬਨ 5:30 ਵਜੇ ਇੱਕ ਕਾਰ ਅਤੇ ਮਹਿੰਦਰਾ ਸੁਪਰੋ ਵਿਚਾਲੇ ਭਿਆਨਕ ਹਾਦਸਾ ਵਾਪਰ ਗਿਆ ਜਿਸ ਵਿੱਚ ਕਾਰ ਚਾਲਕ ਵਿਅਕਤੀ ਅਤੇ ਇਕ ਔਰਤ ਗੰਭੀਰ ਰੂਪ ਜ਼ਖ਼ਮੀ ਹੋ ਗਏ ਤੇ ਮਹਿੰਦਰਾ ਪਿਕਅੱਪ ਦਾ ਕਲੀਨਰ ਦੇ ਵੀ ਸੱਟਾਂ ਵੱਜੀਆਂ।
ਮੌਕੇ ਤੇ ਮੌਜੂਦ ਲੋਕਾਂ ਵੱਲੋਂ ਦੱਸਿਆ ਗਿਆ ਕਿ ਮਹਿੰਦਰਾ ਸੁਪਰੋ ਭੋਗਪੁਰ ਸਾਈਡ ਤੋਂ ਜਲੰਧਰ ਵੱਲ ਨੂੰ ਜਾ ਰਹੀ ਸੀ ਤਾਂ ਉਸਦੇ ਅੱਗੇ ਇਕ ਇਨੋਵਾ ਕਾਰ ਚਾਲਕ ਵੱਲੋਂ ਅਚਾਨਕ ਕੱਟ ਮਾਰ ਦਿੱਤਾ ਗਿਆ ਤੇ ਨਾਲ ਹੀ ਸਕੂਟਰ ਚਾਲਕ ਸੀ ਜਿਸ ਨੂੰ ਬਚਾਉਂਦਿਆਂ ਮਹਿੰਦਰਾ ਸੁਪਰੋ ਚਾਲਕ ਵੱਲੋਂ ਬਰੇਕਾਂ ਲਗਾਈਆਂ ਗਈਆਂ ਤਾਂ ਮਹਿੰਦਰਾ ਸੁਪਰੋ ਸੜਕ ਦੇ ਡਿਵਾਈਡਰ ਪਾਰ ਕਰਦਿਆਂ ਸੜਕ ਦੀ ਦੂਸਰੀ ਸਾਇਡ ਸਾਹਮਣੇ ਕਾਰ ਵਿੱਚ ਵੱਜੀ, ਕਾਰ ਜੋ ਕਿ ਜਲੰਧਰ ਤੋਂ ਟਾਂਡੇ ਵੱਲੋਂ ਜਾ ਰਹੀ ਸੀ। ਕਾਰ ਸਵਾਰ ਔਰਤ ਨੂੰ ਨਿੱਜੀ ਹਸਪਤਾਲ ਚ ਜ਼ੇਰੇ ਇਲਾਜ ਭੇਜ ਦਿੱਤਾ ਗਿਆ, ਕਾਰ ਚਾਲਕ ਦੀ ਪਛਾਣ ਨਵਜੀਤ ਤੇ ਨਾਲ ਮਾਤਾ ਦਰਸ਼ਨ ਕੌਰ ਵਜੋਂ ਹੋਈ ਜੋ ਕਿ ਪਠਾਨਕੋਟ ਬਾਈਪਾਸ ਨਜ਼ਦੀਕ ਬਾਬਾ ਦੀਪ ਸਿੰਘ ਨਗਰ ਤੋਂ ਟਾਂਡੇ ਨਜ਼ਦੀਕੀ ਪਿੰਡ ਵੱਲ ਨੂੰ ਜਾ ਰਹੇ ਸਨ । ਮਹਿੰਦਰਾ ਸੁਪਰੋ ਚਾਲਕ ਦੀ ਪਹਿਚਾਣ ਹੈਪੀ ਨਿਵਾਸੀ ਬਸਤੀ ਬਾਵਾ ਖੇਲ ਵਜੋਂ ਹੋਈ ਤੇ ਮੋਹਿਤ ਨਾਮਕ ਕਲੀਨਰ ਦੇ ਸੱਟਾਂ ਵੱਜੀਆਂ । ਮਕਸੂਦਾ ਪੁਲੀਸ ਵੱਲੋਂ ਮੌਕੇ ਤੇ ਪਹੁੰਚਦਿਆਂ ਅਗਲੇਰੀ ਕਾਰਵਾਈ ਸ਼ੁਰੂ ਕੀਤੀ ਗਈ ।
Doaba Times 