ਡਾ. ਭੀਮ ਰਾਓ ਅੰਬੇਡਕਰ ਜੀ ਦੇ ਜਨਮ ਦਿਵਸ ਸਬੰਧੀ 9ਵਾਂ ਚੇਤਨਾ ਮਿਸ਼ਨਰੀ ਸਮਾਗਮ ਧੂਮਧਾਮ ਨਾਲ ਮਨਾਇਆ

ਜਲੰਧਰ /ਕਿਸ਼ਨਗੜ(ਅਮਨਦੀਪ ਹਨੀ/ਗੁਰਪ੍ਰੀਤ ਬੱਲ)ਜਲੰਧਰ ਰਾਸ਼ਟਰੀ ਰਾਜਮਾਰਗ ਸਥਿਤ ਬਿਆਸ ਪਿੰਡ ਸਥਿਤ ਸ੍ਰੀ ਗੁਰੂ ਰਵਿਦਾਸ ਮੰਦਰ ਵਿਖੇ ਡਾ. ਬੀ.ਆਰ ਅੰਬੇਡਕਰ ਜੀ ਦੇ ਜਨਮ ਦਿਵਸ ਸਬੰਧੀ 9ਵਾਂ ਚੇਤਨਾ ਮਿਸ਼ਨਰੀ ਸਮਾਗਮ ਡਾ. ਬੀ. ਆਰ ਅੰਬੇਡਕਰ ਸਪੋਰਟਸ ਐਂਡ ਵੈਲਫੇਅਰ ਕਲੱਬ(NRI) ਅਤੇ ਸਮੂਹ ਨਗਰ ਨਿਵਾਸੀਆਂ ਵਲੋਂ ਧੂਮਧਾਮ ਨਾਲ ਮਨਾਇਆ ਗਿਆ।
ਇਸ ਮੌਕੇ ਤੇ ਸਕੂਲ ਦੇ ਬੱਚਿਆਂ ਵੱਲੋਂ ਵਿਸ਼ੇਸ਼ ਪ੍ਰੋਗਰਾਮ ਪੇਸ਼ ਕੀਤਾ ਗਿਆ ਤੇ ਬੁੱਧੀਜੀਵੀ ਵਿਦਵਾਨਾਂ ਵੱਲੋਂ ਬਾਬਾ ਸਾਹਿਬ ਜੀ ਦੇ ਜੀਵਨ ਬਾਰੇ ਚਾਨਣਾ ਪਾਇਆ ਗਿਆ।
ਸਮਾਗਮ ਵਿੱਚ ਵਿਸ਼ੇਸ਼ ਮਹਿਮਾਨ ਵਜੋਂ ਸੋਹਣ ਸਹਿਜਲ ਜੀ ਵੀ ਪਹੁੰਚੇ।
ਇਸ ਮੌਕੇ ਤੇ ਫਸਟ,ਸੈਕਿੰਡ, ਥਰਡ ਡਿਵੀਜ਼ਨ ਤੇ ਆਉਣ ਵਾਲੇ ਬੱਚਿਆਂ ਨੂੰ ਵਿਸ਼ੇਸ਼ ਇਨਾਮ ਵੀ ਦਿੱਤੇ ਗਏ ਤੇ ਸਮਾਗਮ ਵਿੱਚ ਪਹੁੰਚੇ ਸਾਰੇ ਬੱਚਿਆਂ ਨੂੰ ਵੀ ਵਿਸ਼ੇਸ਼ ਇਨਾਮ ਦੇ ਕੇ ਸਨਮਾਨਤ ਕੀਤਾ ਗਿਆ।
ਇਸ ਮੌਕੇ ਤੇ ਚੇਅਰਮੈਨ ਵਿਜੈ ਮਡਾਰ ,ਪ੍ਰਧਾਨ ਓਮ ਪ੍ਰਕਾਸ਼, ਵਿਨੋਦ ਕੁਮਾਰ, ਕੈਸ਼ੀਅਰ ਜੈ ਪ੍ਰਕਾਸ਼ ਨਾਰਾਇਣ,ਸੰਜੇ ਸੋਂਧੀ, ਸੈਕਟਰੀ ਅਸ਼ਵਨੀ ਕੁਮਾਰ, ਵਿਜੇ ਮਡਾਰ, ਸਰਪੰਚ ਸੰਜੀਵ ਰੋਕੀ, ਨਰਿੰਦਰ ਕੁਮਾਰ ਪੰਚ ,ਮਨੀਸ਼ ਸਰਮਸਤਪੁਰ, ਡਾ.ਸਤਪਾਲ, ਕੁਲਵੰਤ ਰਾਏ, ਚੰਦਨ ਬੈਂਸ, ਨਰੇਸ਼ ਮਡਾਰ ਯੂ ਕੇ ਤੋਂ ਇਲਾਵਾ ਇਲਾਕੇ ਦੇ ਮੋਹਤਬਰ ਪਤਵੰਤੇ ਮੌਜੂਦ ਸਨ। ਇਸ ਮੌਕੇ ਤੇ ਆਏ ਪਤਵੰਤਿਆਂ ਦਾ ਵਿਸ਼ੇਸ਼ ਸਨਮਾਨ ਵੀ ਕੀਤਾ ਗਿਆ , ਤੇ ਅਟੁੱਟ ਲੰਗਰ ਸੰਗਤਾਂ ਵਿੱਚ ਵਰਤਾਏ ਗਏ।

ਖੇਤੀਬਾੜੀ ਮੁਸ਼ਕਿਲਾ ਸੰਬੰਧੀ ਦੋਆਬਾ ਕਿਸਾਨ ਸੰਘਰਸ਼ ਕਮੇਟੀ ਦੇ ਮੁੱਖ ਦਫ਼ਤਰ ਕਿਸ਼ਨਗੜ੍ਹ ਵਿਖੇ ਮੀਟਿੰਗ ਕੀਤੀ ਗਈ

ਜਲੰਧਰ (ਗੁਰਪ੍ਰੀਤ ਬੱਲ) ਦੋਆਬਾ ਕਿਸਾਨ ਸੰਘਰਸ਼ ਕਮੇਟੀ ਦੀ ਮੀਟਿੰਗ ਮੁੱਖ ਦਫ਼ਤਰ ਕਿਸ਼ਨਗੜ੍ਹ ਵਿਖੇ ਕੀਤੀ ਗਈ ਜਿਸ ਵਿੱਚ ਵਿਚਾਰ ਹੋਈ ਕਿ ਦੁਆਬਾ ਖੇਤਰ ਸਬਜ਼ੀ ਦੀ ਕਾਸ਼ਤ ਅਤੇ ਮੱਕੀ ਦੀ ਖੇਤੀ ਬਹੁਤਾਤ ਵਿਚ ਕਰਦਾ ਹੈ ਪਰ ਸਰ੍ਕਾਰਾਂ ਅਕਸਰ ਹੀ ਇਸ ਗੱਲ ਨੂੰ ਅਣਗੌਲਿਆਂ ਕਰਦੀਆਂ ਹਨ ਇਸ ਗਰਮੀ ਦੇ ਸੀਜਨ ਦੌਰਾਨ ਦੁਆਬਾ ਖੇਤਰ ਦੇ ਕਿਸਾਨਾਂ ਨੂੰ ਬਹੁਤ ਜ਼ਿਆਦਾ ਔਕੜਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਜਿੱਥੇ ਅਗੇਤੀ ਗਰਮੀ ਕਾਰਨ ਕਣਕ ਦੀ ਫਸਲ ਦੇ ਝਾੜ ਤੇ ਬਹੁਤ ਜ਼ਿਆਦਾ ਅਸਰ ਪਿਆ ਹੈ ਉਥੇ ਹੀ ਬਿਜਲੀ ਦੀ ਸਪਲਾਈ ਪੂਰੇ ਚਾਰ ਘੰਟੇ ਵੀ ਨਾ ਮਿਲਣ ਕਾਰਨ ਇਨ੍ਹਾਂ ਫ਼ਸਲਾਂ ਦਾ ਬਹੁਤ ਜ਼ਿਆਦਾ ਨੁਕਸਾਨ ਹੋ ਰਿਹਾ ਹੈ। ਕਿਸਾਨ ਗਰਮੀ ਅਤੇ ਘੱਟ ਬਿਜਲੀ ਸਪਲਾਈ ਦੀ ਦੂਹਰੀ ਮਾਰ ਝੱਲ ਰਿਹਾ ਹੈ।ਇਸ ਲਈ ਸਰਕਾਰ ਨੂੰ ਬੇਨਤੀ ਹੈ ਕਿ ਇਸ ਵਿਸ਼ੇ ਤੇ ਬਹੁਤ ਹੀ ਜ਼ਿਆਦਾ ਧਿਆਨ ਦੇਣ ਦੀ ਜ਼ਰੂਰਤ ਹੈ। ਜੇਕਰ ਸਬਜ਼ੀ ਦੀ ਕਾਸ਼ਤ ਘਟਦੀ ਹੈ ਤਾਂ ਮਹਿੰਗਾਈ ਹੋਰ ਜ਼ਿਆਦਾ ਵਧ ਜਾਵੇਗੀ। ਜਿਸ ਦਾ ਪ੍ਰਭਾਵ ਸਿੱਧੇ ਤੌਰ ਤੇ ਹਰ ਵਰਗ ਤੇ ਪਵੇਗਾ। ਇਸ ਤੋਂ ਪਹਿਲਾਂ ਕੇ ਕਿਸਾਨ ਕੋਈ ਤਿੱਖਾ ਸੰਘਰਸ਼ ਸ਼ੁਰੂ ਕਰਨ ਸਰਕਾਰ ਨੂੰ ਅਪੀਲ ਜਲਦ ਤੋਂ ਜਲਦ ਇਸ ਦਾ ਹੱਲ ਕੀਤਾ ਜਾਵੇ।

ਦਾਰੂ ਪੀ ਕੇ ਟੱਲੀ ਹੋਇਆ ਵਿਅੱਕਤੀ

ਜਲੰਧਰ(ਮੁਕੇਸ਼ ਕੁਮਾਰ) ਜਲੰਧਰ- ਪਠਾਨਕੋਟ ਰਾਸ਼ਟਰੀ ਰਾਜਮਾਰਗ ਪਿੰਡ ਰਾਏਪੁਰ ਰਸੂਲਪੁਰ ਅੱਡੇ ਵਿਚ ਇੱਕ ਵਿਅਕਤੀ ਦਾਰੂ ਪੀ ਕੇ ਸੜਕ ਤੇ ਲੇਟਿਆ ਪਾਇਆ ਗਿਆ , ਜਿਸ ਦੀ ਪਛਾਣ ਤਾਂ ਨਾ ਹੋ ਸਕੀ। ਅਕਸਰ ਦੇਖਿਆ ਜਾਂਦਾ ਕਿ ਵਿਅਕਤੀ ਜ਼ਿਆਦਾ ਦਾਰੂ ਪੀ ਕੇ ਸਡ਼ਕ ਤੇ ਹੀ ਲੇਟ ਜਾਂਦੇ ਹਨ। ਨੈਸ਼ਨਲ ਹਾਈਵੇ ਕਾਰਨ ਵੱਡੀ ਘਟਨਾ ਵਾਪਰ ਸਕਦੀ ਹੈ ਵਾਹਨ ਵੀ ਉੱਪਰੋਂ ਲੰਘ ਸਕਦੇ ਹਨ। ਇਸ ਸੰਬੰਧੀ ਨਾ ਤਾ ਪ੍ਰਸ਼ਾਸਨ ਧਿਆਨ ਦੇ ਰਿਹਾ ਹੈ ਨਾ ਹੀ ਕੋਈ ਸਰਕਾਰ।

ਗੇ੍ਟ ਚਮਾਰ ਇੰਟਰਨੈਸ਼ਨਲ ਗਰੁੱਪ ਸੰਸਥਾ ਦੀ ਟੀਮ ਡੇਰਾ ਸੱਚਖੰਡ ਬੱਲਾਂ ਵਿਖੇ ਹੋਈ ਨਤਮਸਤਕ

ਜਲੰਧਰ/ਰਾਏਪੁਰ (ਮੁਕੇਸ਼ ਕੁਮਾਰ )- ਦਾ ਗੇ੍ਟ ਚਮਾਰ ਇੰਟਰਨੈਸ਼ਨਲ ਗਰੁੱਪ ਸੰਸਥਾ ਰਜਿ. ਦੀ ਨਵੀ ਚੁਣੀ ਗਈ ਟੀਮ ਸੰਸਥਾ ਦੇ ਪ੍ਧਾਨ ਸ੍ਰੀ ਟੇਕ ਚੰਦ ਰਵਿਦਾਸੀਆ ਜੀ ਦੀ ਅਗਵਾਈ ਚ੍ ਡੇਰਾ 108 ਸੰਤ ਸਰਵਣ ਦਾਸ ਜੀ ਸੱਚ ਖੰਡ ਬੱਲਾਂ ਵਿਖ਼ੇ ਨਮਸਤਕ ਹੋਈ ਅਤੇ ਗੱਦੀ ਨਸ਼ੀਨ 108 ਸੰਤ ਨਿਰੰਜਣ ਦਾਸ ਜੀ ਮਹਾਰਾਜ ਪਾਸੋ ਆਸ਼ਰੀਵਾਦ ਪ੍ਰਾਪਤ ਕੀਤਾ।
ਇਸ ਮੌਕੇ ਤੇ ਬੇਟੀ ਸਿੰਗਰ ਪਵੀ ਵੱਸਣ ਨੂੰ ਦਾ ਗ੍ਰੇਟ ਚਮਾਰ ਇੰਟਰਨੈਸ਼ਨਲ ਗਰੁੱਪ ਸੰਸਥਾ ਵੱਲੋਂ ਮਹਾਰਾਜ ਜੀਆਂ ਪਾਸੋਂ ਚਾਂਦੀ ਦੇ ਮੈਡਲ ਨਾਲ ਸਨਮਾਨਿਤ ਕਰਵਾਇਆ ਗਿਆ। ਸੰਤ ਮਹਾਂਪੁਰਸ਼ਾਂ ਨੇ ਦ ਗ੍ਰੇਟ ਚਮਾਰ ਇੰਟਰਨੈਸ਼ਨਲ ਗਰੁੱਪ ਸੰਸਥਾ ਦੀ ਸਮੂਹ ਟੀਮ ਅਤੇ ਬੇਟੀ ਸਿੰਗਰ ਪਵੀ ਵੱਸਣ ਨੂੰ ਨਿਸ਼ਕਾਮ ਸੇਵਾ ਸਿਮਰਨ ਦਾ ਆਸ਼ੀਰਵਾਦ ਦਿੱਤਾ।

ਇਸ ਮੌਕੇ ਪ੍ਰਧਾਨ ਟੇਕ ਚੰਦ ਰਵਿਦਾਸੀਆਂ ਜੀ, ਖਾਜਨਚੀ ਜਸਵਿੰਦਰ ਕੌਰ ਜੀ, ਮੁੱਖ ਸੇਵਾਦਾਰ ਭੈਣਜੀ ਊਸ਼ਾ ਜੀ, ਵਿਨੋਦ ਵਸਣ ਜੀ, ਰਾਜਾ ਕਲੇਰ ਜੀ ਅਤੇ ਮਨੂ ਮਹਿਤਾ ਜੀ ਪਰਿਵਾਰਾਂ ਸਮੇਤ ਸ਼ਾਮਿਲ ਹੋਏ ਤੇ ਮਹਾਰਾਜ ਜਿਆਂ ਪਾਸੋ ਅਸ਼ੀਰਵਾਦ ਲਿਆ .
ਸੰਸਥਾ ਦਾ ਮੁੱਖ ਉਦੇਸ਼ ਮਨੁੱਖਤਾ ਦੀ ਸੇਵਾ, ਵੈਲਫ਼ੇਅਰ ਅਤੇ ਜਗਤ ਗੁਰੂ ਰਵਿਦਾਸ ਜੀ ਮਹਾਰਾਜ ਜਿਆਂ ਦੀ ਪਾਵਨ ਬਾਣੀ ਨੂੰ ਘਰ ਘਰ ਪੁਹੰਚਉਨ੍ਹਾਂ ਹੈ . ਸੰਸਥਾ ਦੇ ਪ੍ਰਧਾਨ ਸ਼੍ਰੀ ਟੇਕ ਚੰਦ ਰਵਿਦਾਸੀਆ ਜੀ ਵਲੋਂ ਸ਼੍ਰੀ ਵਰਿੰਦਰ ਹੀਰਾ ਜੱਖੂ ਜੀ (ਚੇਅਰਮੈਨ ) ਅਤੇ NRI ਵੀਰਾਂ ਦਾ ਵਿਸ਼ੇਸ਼ ਧੰਨਵਾਦ ਕੀਤਾ ਗਿਆ

Next News

ਬਾਬਾ ਸਾਹਿਬ ਭੀਮ ਰਾਓ ਅੰਬੇਦਕਰ ਜੀ ਦੇ 131ਵੇ ਜਨਮ ਦਿਹਾੜੇ ਤੇ ਸੰਤੋਖਪੁਰਾ ਨੀਵੀਂ ਅਬਾਦੀ ਵਿਚ ਵਿਸ਼ਾਲ ਇਕੱਠ

ਜਲੰਧਰ (ਮੁਕੇਸ਼ ਕੁਮਾਰ)ਬਾਬਾ ਸਾਹਿਬ ਭੀਮ ਰਾਓ ਅੰਬੇਦਕਰ ਜੀ ਦੇ 131ਵੇ ਜਨਮ ਦਿਹਾੜੇ ਤੇ ਸੰਤੋਖਪੁਰਾ ਨੀਵੀਂ ਅਬਾਦੀ ਵਿਚ ਵਿਸ਼ਾਲ ਮੰਚ ਦਾ ਵਿਜੇ ਮਡਾਰ ਅਤੇ ਕੁਲਦੀਪ ਬਸਰਾ ਦੀ ਅਗਵਾਈ ਹੇਠ ਭੀਮ ਟਾਇਗਰ ਵੈਲਫੇਅਰ ਸੁਸਾਇਟੀ ਦੀ ਪੂਰੀ ਟੀਮ ਦੇ ਮੈਂਬਰਾਂ ਨਾਲ ਬੜੀ ਸ਼ਾਨੋ ਸ਼ੋਕਤ ਨਾਲ ਮਨਾਇਆ ਗਿਆ। ਜਿਸ ਦੀਆਂ ਮੁੱਖ ਮਹਿਮਾਨ ਤਸੀਲਦਾਰ ਵਿਜੇ ਕੁਮਾਰ ਆਪ ਪਾਰਟੀ ਦੇ ਇਨਚਾਰਜ ਦਿਨੇਸ਼ ਡੱਲ, ਵਿਧਾਇਕ ਸੀਤਲ ਅੰਗੂਰਾਲ ਦੇ ਭਰਾ ਨੇ ਸ਼ਿਰਕਤ ਕੀਤੀ। ਆਪਣੇ ਸੰਬੋਧਨ ਵਿੱਚ ਬੋਲਦਿਆ ਦਿਨੇਸ਼ ਡੱਲ ਕਿਹਾ ਅੱਜ ਬਾਬਾ ਸਾਹਿਬ ਜੀ ਦੇ ਦਰਸਾਏ ਹੋਏ ਮਾਰਗ ਤੇ ਚੱਲਣ ਦੀ ਲੋੜ ਹੈ। ਇਸ ਮੌਕੇ ਵੀ ਧਾਰਮਿਕ ਸਮਾਜਿਕ ਜੱਥੇਬੰਦੀਆਂ ਦੇ ਆਗੂਆਂ ਨੇ ਸਰਿਕਤ ਕੀਤੀ।ਵਿਜੇ ਮਡਾਰ ਸਕੂਲ਼ ਦੇ ਛੋਟੇ ਬੱਚਿਆਂ ਨੂੰ ਕਾਪੀਆਂ ਅਤੇ ਪਿੰਨ ਵੀ ਵੰਡੀਆਂ ਗਈਆਂ। ਉੱਥੇ ਹੀ ਪੰਜਾਬੀ ਸਿੰਗਰ ਜੌਨੀ ਮਹੇ ਰਮੇਸ਼ ਮਹੇ ਆਪਣੇ ਅਨੇਕਾਂ ਹੀ ਧਾਰਮਿਕ ਗੀਤਾਂ ਰਾਹੀਂ ਸਰੋਤਿਆਂ ਨੂੰ ਨੱਚਣ ਲਈ ਮਜਬੂਰ ਕਰ ਦਿੱਤਾ। ਇਸ ਮੌਕੇ ਸੋਢੀ ਗਿੱਲ,ਰਮਨ, ਨਰੇਸ਼,ਦੇਵ ਰਾਜ, ਰਾਜ ਕੁਮਾਰ, ਰਮੇਸ਼ ਬੱਧਣ,ਰਵੀ, ਆਦਿ ਮੈਂਬਰ ਮੌਜੂਦ ਰਹੇ।
ਪੰਜਾਬ ਸਕੂਲ ਸਿੱਖਿਆ ਬੋਰਡ ਵਿੱਚ ਦਸਵੀਂ ਸ਼੍ਰੇਣੀ ਦੇ ਪੜਾਇਆ ਜਾਵੇ ਭਾਰਤ ਦਾ ਸੰਵਿਧਾਨ ਦੀ ਮੰਗ ਨੂੰ ਲਾਗੂ ਕਰਵਾਉਣ ਲਈ ਵੱਚਣਵੱਧ ਦਿਨੇਸ਼ ਡੱਲ

ਖ਼ਾਲਸਾ ਸਾਜਨਾ ਦਿਵਸ ਅਤੇ ਵਿਸਾਖੀ ਦੇ ਮੌਕੇ ਤੇ ਗੁ: ਬਾਬਾ ਭਾਗੋ ਜੀ ਵਿਖੇ ਧਾਰਮਿਕ ਦੀਵਾਨ ਸਜਾਏ ਗਏ

ਜਲੰਧਰ (ਗੁਰਪ੍ਰੀਤ ਬੱਲ / ਹਰਪ੍ਰੀਤ ਸਿੰਘ) ਖ਼ਾਲਸਾ ਸਾਜਨਾ ਦਿਵਸ ਅਤੇ ਵਿਸਾਖੀ ਦੇ ਮੌਕੇ ਤੇ ਗੁਰਦੁਆਰਾ ਬਾਬਾ ਭਾਗੋ ਜੀ ਵਿਖੇ ਧਾਰਮਿਕ ਦੀਵਾਨ ਸਜਾਏ ਗਏ ਜਿਸ ਦੌਰਾਨ ਰਾਗੀ ਕੀਰਤਨੀ ਜਥਿਆਂ ਦੁਆਰਾ ਕੀਰਤਨ ਰਾਹੀਂ ਸੰਗਤਾਂ ਨੂੰ ਨਿਹਾਲ ਕੀਤਾ ਗਿਆ ਤੇ ਇਲਾਕੇ ਦੀ ਸੰਗਤ ਪੂਰੇ ਉਤਸ਼ਾਹ ਨਾਲ ਗੁਰਦੁਆਰਾ ਸਾਹਿਬ ਧਾਰਮਿਕ ਸਮਾਗਮ ਵਿੱਚ ਸ਼ਾਮਲ ਹੋਈਆਂ ਤੇ ਗੁਰੂ ਘਰ ਤੋਂ ਖੁਸ਼ੀਆਂ ਪ੍ਰਾਪਤ ਕੀਤੀਆਂ ਤੇ ਖ਼ਾਲਸਾ ਪੰਥ ਦੀ ਸਥਾਪਨਾ ਦੇ ਇਤਿਹਾਸ ਬਾਰੇ ਜਾਣਿਆ। ਵਿਸਾਖੀ ਦੇ ਦਿਨ 1699 ਨੂੰ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਨੇ ਪੰਜ ਪਿਆਰਿਆਂ ਨੂੰ ਅੰਮ੍ਰਿਤ ਛਕਾ ਕੇ ਖ਼ਾਲਸਾ ਪੰਥ ਦੀ ਸ਼ੁਰੂਆਤ ਕੀਤੀ ਸੀ ਇਸ ਖ਼ਾਲਸਾ ਸਾਜਣਾ ਦਿਵਸ ਨੂੰ ਹੀ ਵਿਸਾਖੀ ਦੇ ਰੂਪ ਵਿੱਚ ਮਨਾਇਆ ਜਾਂਦਾ ਹੈ।

ਇਸ ਮੌਕੇ ਤੇ ਸ. ਜੋਗਿੰਦਰ ਸਿੰਘ ਬੱਲ,ਰਣਵੀਰ ਬੱਲ,ਪ੍ਰਦੀਪ ਕੁਮਾਰ ਦੀਪਾ ਮਾਰਕੀਟ ਕਮੇਟੀ ਵਾਈਸ ਚੇਅਰਮੈਨ ਅਤੇ ਸਰਪੰਚ ਪਿੰਡ ਬੱਲਾਂ, ਜਗਜੀਤ ਸਿੰਘ, ਬੁੱਕਣ ਸਿੰਘ,ਮੱਖਣ ਸਿੰਘ, ਬਲਦੇਵ ਰਾਹੀ, ਸੁਰਿੰਦਰ ਸਿੰਘ, ਸੂਬੇਦਾਰ ਰਣਜੀਤ ਸਿੰਘ, ਅਜੀਤ ਸਿੰਘ, ਬੂਟਾ ਸਿੰਘ, ਅਰਜਨ ਸਿੰਘ, ਭੋਲਾ ਸਿੰਘ, ਅਵਤਾਰ ਸਿੰਘ ਤੇ ਇਲਾਕੇ ਦੀ ਸਮੂਹ ਸੰਗਤ ਮੌਜੂਦ ਸੀ। ਇਸ ਮੌਕੇ ਤੇ ਅਟੁੱਟ ਲੰਗਰ ਸ਼ਰਧਾ ਵਿੱਚ ਵਰਤਾਏ ਗਏ।

ਵਿਰਦੀ ਜਠੇਰਿਆਂ ਦਾ ਮੇਲਾ ਧੂਮਧਾਮ ਨਾਲ ਮਨਾਇਆ ਗਿਆ

ਜਲੰਧਰ (ਗੁਰਪ੍ਰੀਤ ਬੱਲ)ਵਿਰਦੀ ਪਰਿਵਾਰ ਦੇ ਜਠੇਰਿਆ ਦਾ ਮੇਲਾ ਪਿੰਡ ਢਿੱਲਵਾਂ ਤੱਲ੍ਹਣ ਰੋਡ ਤੇ ਧੂਮਧਾਮ ਨਾਲ ਮਨਾਇਆ ਗਿਆ। ਇਸ ਮੌਕੇ ਸ੍ਰੀ ਅਖੰਡ ਪਾਠ ਸਾਹਿਬ ਜੀ ਦੇ ਭੋਗ ਪਾਏ ਗਏ ਉਪਰੰਤ ਕੀਰਤਨ ਭਾਈ ਮਨਜਿੰਦਰ ਸਿੰਘ ਰਾਏਪੁਰ ਵਾਲਿਆਂ ਵੱਲੋਂ ਕੀਤਾ ਗਿਆ। ਸੰਗਤਾ ਵਿੱਚ ਅਟੁੱਟ ਲੰਗਰ ਵਰਤਾਏ ਗਏ ।

ਇਸ ਮੌਕੇ ਤੇ ਸ. ਅਮਰੀਕ ਸਿੰਘ ਵਿਰਦੀ , ਸ. ਭੁਪਿੰਦਰ ਸਿੰਘ ਵਿਰਦੀ, ਗੁਰਜੀਤ ਸਿੰਘ ਵਿਰਦੀ , ਪਲਵਿੰਦਰ ਸਿੰਘ ਵਿਰਦੀ , ਜਸਵੀਰ ਸਿੰਘ ਵਿਰਦੀ ,ਸ. ਅਵਤਾਰ ਸਿੰਘ ਜੀ ਤੇ ਭਾਰੀ ਗਿਣਤੀ ਵਿੱਚ ਸੰਗਤਾਂ ਮੌਜੂਦ ਸਨ।

ਸ਼ਰਾਬ ਦੇ ਠੇਕਿਆ ਐਕਸਪਾਇਰਡ ਬੀਅਰਾ ਵੇਚ ਗਾਹਕਾ ਦੀ ਜਿਦਗੀ ਨਾਲ ਕੀਤਾ ਜਾ ਰਿਹਾ ਖਿਲਵਾੜ

ਜਲੰਧਰ/ਕਿਸ਼ਨਗੜ(ਗੁਰਪ੍ਰੀਤ ਬੱਲ) 31 ਮਾਰਚ ਵਪਾਰ ਦੇ ਅਖੀਰਲੇ ਦਿਨ ਦਾਰੂ ਦੇ ਠੇਕਿਆ ਤੇ ਗਾਹਕਾਂ ਦਾ ਕਾਫੀ ਰਸ਼ ਦੇਖਣ ਨੂੰ ਮਿਲਿਆ। 31 ਮਾਰਚ ਸਟਾਕ ਕਲੀਅਰ ਦੇ ਚੱਕਰ ਚ’ ਐਕਸਪਾਇਰ ਬੀਅਰਾ ਗ੍ਰਾਹਕਾ ਨੂੰ ਪਰੋਸ ਜ਼ਿੰਦਗੀ ਨਾਲ ਖਿਲਵਾੜ ਕੀਤਾ ਜਾ ਰਿਹਾ ਹੈ।
ਕਿਸ਼ਨਗੜ੍ਹ- ਕਰਤਾਰਪੁਰ ਰੋਡ ਸਥਿਤ ਠੇਕੇ ਤੇ ਰਾਤ ਕਰੀਬ 7:50 ਵਜੇ ਇਕ ਬੀਅਰ ਦੀ ਬੋਤਲ 50 ਰੁ: ਦੀ ਖਰੀਦੀ ਗਈ ਜਿਸ ਤੇ ਐਕਸਪਾਇਰੀ ਤਰੀਕ 13/01/2022 ਪਾਈ ਗਈ , ਜੋ ਕਿ ਦੋ ਮਹੀਨੇ ਤੋਂ ਉਪਰ ਸਮਾਂ ਬੀਤ ਚੁੱਕਾ ਹੈ।
ਸਟਾਕ ਕਲੀਅਰ ਦੇ ਚੱਕਰ ਚ, ਠੇਕੇ ਦੇ ਕਰਿੰਦਿਆਂ ਵੱਲੋਂ ਐਕਸਪਾਇਰੀ ਤਰੀਕ ਦੀਆਂ ਬੀਅਰਾ ਵੇਚੀਆਂ ਜਾ ਰਹੀਆਂ ਹਨ, ਜੋ ਕਿ ਸਿਹਤ ਲਈ ਹਾਨੀਕਾਰਕ ਹੋ ਸਕਦੀਆਂ ਹਨ। ਇਸੇ ਤਰ੍ਹਾਂ ਸੂਤਰਾਂ ਤੋਂ ਪਤਾ ਚੱਲਿਆ ਕਿ ਬਿਆਸ ਪਿੰਡ ਠੇਕੇ ਤੇ ਵੀ ਐਕਸਪਾਇਰੀ ਬੀਅਰਾਂ ਵੇਚੀਆਂ ਜਾ ਰਹੀਆਂ ਸਨ।

ਇਸ ਸਬੰਧੀ ਐਕਸਾਈਜ਼ ਡਿਪਾਰਟਮੈਂਟ ਨਾਲ ਵੀ ਗੱਲਬਾਤ ਕੀਤੀ ਗਈ , ਉਨ੍ਹਾਂ ਕਿਹਾ ਕਿ ਇਸ ਤਰ੍ਹਾਂ ਨਹੀਂ ਹੋ ਸਕਦਾ , ਹੋ ਸਕਦਾ ਹੈ ਇੱਕ ਦੋ ਬੋਤਲਾਂ ਭੁਲੇਖੇ ਚੱਲ ਗਈਆਂ ਹੋਣ।
ਕੀ ਪ੍ਰਸ਼ਾਸਨ ਜਾਂ ਸਰਕਾਰੀ ਅਧਿਕਾਰੀ ਇਸ ਵੱਲ ਧਿਆਨ ਦੇਣਗੇ ਤਾਂ ਜੋ ਗਾਹਕਾਂ ਦੀ ਜ਼ਿੰਦਗੀ ਨਾਲ ਖਿਲਵਾੜ ਨਾ ਹੋ ਸਕੇ ?

ਰਾਤ ਦੇ 11 ਵਜੇ ਸੋਲਰ ਲਾਇਟਾ ਦੀ ਬਿਜਲੀ ਗੁੱਲ

*ਪ੍ਰਸਾਸ਼ਨਿਕ ਅਧਿਕਾਰੀਆਂ ਦੀ ਮਿਲੀਭੁਗਤ ਤੇ ਅਣਗਹਿਲੀ ਤੇ ਘਟੀਆ ਕੁਆਲਿਟੀ ਦੀਆਂ ਸੋਲਰ ਲਾਇਟਾ ਅਤੇ ਵੱਡੇ ਘਪਲੇ ਦੀ ਆਸ਼ੰਕਾ

ਜਲੰਧਰ(ਗੁਰਪ੍ਰੀਤ ਬੱਲ) ਪਿਛਲੇ ਦਿਨੀਂ ਸਰਕਾਰ ਵਲੋ ਸੁੰਦਰੀਕਰਨ ਦੇ ਨਾਂ ਤੇ ਕਰੋੜਾਂ ਰੁਪਏ ਖਰਚ ਕਰਕੇ ਪਿੰਡ ਬੱਲਾਂ ਦੇ ਚਾਰ-ਚੁਫੇਰੇ ਸੋਲਰ ਲਾਈਟਾਂ ਬਿਸਤ ਦੁਆਬ ਨਹਿਰ ਕਿਨਾਰੇ ਤੇ ਲਗਾਈਆਂ ਗਈਆਂ ਸਨ ਜੋ ਕਿ ਕਾਫ਼ੀ ਘੱਟ ਵ੍ਹਾਟ ਦੀਆਂ ਹਨ ਤੇ ਰਾਤ ਦੇ ਸਮੇਂ ਇੰਝ ਜਾਪਦਾ ਹੈ ਜਿਵੇਂ ਕੋਈ ਮੋਮਬੱਤੀ ਜਾ ਦੀਵਾ ਜਗ ਰਿਹਾ ਹੋਵੇ, ਜਲੰਧਰ ਪਠਾਨਕੋਟ ਰਾਸ਼ਟਰੀ ਰਾਜ ਮਾਰਗ ਤੋਂ ਪਿੰਡ ਬੱਲਾ ਨੂੰ ਜਾਂਦਿਆਂ ਜੋ ਲਾਈਟਾਂ ਲਗਾਈਆਂ ਗਈਆਂ ਹਨ ਉਹ ਠੀਕ ਵਾਟ ਦੀਆਂ ਹਨ ਪ੍ਰੰਤੂ ਰਾਤ ਦੇ ਗਿਆਰਾਂ ਵਜੇ ਹੀ ਚੈਕਿੰਗ ਦੌਰਾਨ ਬਿਜਲੀ ਗੁੱਲ ਪਾਈ ਗਈ।

ਜਿਸ ਤੇ ਕਿ ਕਈ ਸਵਾਲ ਕਈ ਖੜ੍ਹੇ ਹੁੰਦੇ ਹਨ, ਕਿ ਲਾਈਟਾਂ ਘਟੀਆ ਕੁਆਲਟੀ ਦੀਆਂ ਹਨ, ਜਾਂ ਫਿਰ ਅਧਿਕਾਰੀਆਂ ਵਲੋਂ ਮੋਟੇ ਕਮੀਸ਼ਨ ਦੇ ਚੱਕਰ ਵਿੱਚ ਇਹ ਘਪਲਾ ਕੀਤਾ ਗਿਆ ਹੈ।

ਇਹ ਪੂਰਾ ਮਾਮਲਾ ਹਲਕਾ ਕਰਤਾਰਪੁਰ ਆਮ ਆਦਮੀ ਪਾਰਟੀ ਦੇ ਐਮਐਲਏ ਦੇ ਧਿਆਨ ਵਿਚ ਲਿਆ ਦਿੱਤਾ ਗਿਆ ਹੈ, ਉਨ੍ਹਾਂ ਭਰੋਸਾ ਦਿੱਤਾ ਕਿ ਆਮ ਆਦਮੀ ਪਾਰਟੀ ਦੇ ਹੁੰਦਿਆਂ ਕੋਈ ਘਪਲਾ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ ਤੇ ਇਸ ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ ਕੀਤੀ ਜਾਵੇਗੀ।

ਹਾਦਸਾਗ੍ਰਸਤ ਕਾਰ ਦੇ ਰਹੀ ਹਾਦਸਿਆਂ ਨੂੰ ਸੱਦਾ

ਰਾਏਪੁਰ(ਮੁਕੇਸ਼ ਕੁਮਾਰ) ਬੀਤੇ ਦਿਨੀਂ ਜਲੰਧਰ ਪਠਾਨਕੋਟ ਰਾਸ਼ਟਰੀ ਰਾਜ ਮਾਰਗ ਸਥਿਤ ਹੇਮਕੁੰਟ ਸਕੂਲ ਨਜ਼ਦੀਕ ਭੱਠੇ ਦੇ ਬਿਲਕੁਲ ਸਾਹਮਣੇ ਇਕ ਕਾਰ ਹਾਦਸਾਗ੍ਰਸਤ ਹੋ ਗਈ ਸੀ ਜੋ ਕਿ ਕਈ ਦਿਨ ਬੀਤ ਜਾਣ ਦੇ ਬਾਵਜੂਦ ਵੀ ਨਾ ਤਾਂ ਪ੍ਰਸ਼ਾਸਨ ਵੱਲੋਂ ਕਾਰ ਨੂੰ ਸਾਈਡ ਤੇ ਕੀਤਾ ਗਿਆ ਨਾ ਹੀ ਕਾਰ ਮਾਲਕ ਵੱਲੋਂ ਕਾਰ ਨੂੰ ਸਾਈਡ ਕੀਤਾ ਜਿਸ ਕਾਰਨ ਹਾਦਸਾ ਗ੍ਰਸਤ ਕਾਰ ਵੱਡੇ ਹਾਦਸਿਆ ਨੂੰ ਸੱਦਾ ਦੇ ਰਹੀ ਹੈ।

ਪ੍ਰਸ਼ਾਸਨ ਤੋਂ ਮੰਗ ਹੈ ਕਿ ਹਾਦਸਾਗ੍ਰਸਤ ਕਾਰ ਨੂੰ ਸਾਈਡ ਤੇ ਕੀਤਾ ਜਾਵੇ ਤਾਂ ਜੋ ਆਉਣ ਵਾਲੇ ਦਿਨਾਂ ਵਿਚ ਵੱਡੇ ਹਾਦਸਿਆਂ ਤੋਂ ਬਚਿਆ ਜਾ ਸਕੇ।