ਇੱਕ ਸਾਲ ਦੇ ਅੰਦਰ ਹੀ ਆਮ ਆਦਮੀ ਪਾਰਟੀ ਦੀ ਖੁੱਲੀ ਪੋਲ- ਪ੍ਰਧਾਨ ਬਲਵਿੰਦਰ ਸਿੰਘ ਮੱਲੀਨੰਗਲ, ਚੇਅਰਮੈਨ ਉਕਾਰ ਸਿੰਘ ਦੌਲਤਪੁਰ

ਕਿਸ਼ਨਗੜ(ਗੁਰਪ੍ਰੀਤ ਬੱਲ) ਪਿਛਲੇ ਸਾਲ ਆਮ ਆਦਮੀ ਪਾਰਟੀ ਦੀ ਸਰਕਾਰ ਪੰਜਾਬੀਆਂ ਨਾਲ ਵੱਡੇ-ਵੱਡੇ ਵਾਅਦੇ ਕਰਕੇ ਸੱਤਾ ਵਿੱਚ ਆਈ ਸੀ ਪਰ ਇੱਕ ਸਾਲ ਦੇ ਅੰਦਰ ਹੀ ਆਮ ਆਦਮੀ ਪਾਰਟੀ ਦੀ ਪੋਲ ਖੁੱਲ੍ਹ ਗਈ ਹੈ । ਆਪਣੇ ਕੀਤੇ ਹੋਏ ਵਾਅਦੇ ਤਾ ਕੀ ਪੂਰੇ ਕਰਨੇ ਸੀ ਇਹ ਸਰਕਾਰ ਪਹਿਲਾਂ ਤੋਂ ਮਿਲਦੀਆਂ ਸਹੂਲਤਾਂ ਵੀ ਬੰਦ ਕਰ ਰਹੀ ਹੈ । ਜਿਵੇਂ ਪਹਿਲਾਂ ਸਰਕਾਰ ਨੇ ਪੰਜਾਬੀਆਂ ਨੂੰ ਮੁਫ਼ਤ ਬਿਜਲੀ ਦੇਣ ਦਾ ਵਾਅਦਾ ਕੀਤਾ ਸੀ ਪਰ ਹੁਣ ਪੰਜਾਬ ਸਰਕਾਰ ਆਮ ਘਰਾਂ ਅਤੇ ਕਾਰਖਾਨਿਆਂ ਵਿਚ ਪਰੀ-ਪੇਡ ਬਿਜਲੀ ਦੇ ਮੀਟਰ ਲਾਉਣੇ ਸ਼ੁਰੂ ਕਰ ਰਹੀ ਹੈ । ਜਿਸ ਨਾਲ ਬਿਜਲੀ ਦੀ ਵਰਤੋਂ ਤੇ ਵੱਡੀ ਕਟੌਤੀ ਬੱਝ ਸਕਦੀ ਹੈ । ਇਸ ਦੇ ਨਾਲ ਹੀ ਜੁੜਿਆ ਹੋਇਆ ਮਸਲਾ ਬਿਜਲੀ ਸੰਸ਼ੋਧਨ ਬਿੱਲ 2020 ਦਾ ਹੈ । ਕਿਸਾਨ ਅੰਦੋਲਨ ਦੇ ਦੌਰਾਨ ਤਾਂ ਸਰਕਾਰ ਨੇ ਇਸ ਬਿਲ ਨੂੰ ਆਰਜ਼ੀ ਤੌਰ ਤੇ ਰੋਕ ਦਿੱਤਾ ਸੀ ਪਰ ਹੁਣ ਫਿਰ ਸਰਕਾਰਾਂ ਇਸ ਬਿਲ ਨੂੰ ਲਾਗੂ ਕਰਨ ਦੀ ਮੰਸ਼ਾ ਵਿਚ ਹਨ। ਇਸ ਬਿੱਲ ਦੇ ਲਾਗੂ ਹੋਣ ਨਾਲ ਹਰ ਆਮ ਗਰੀਬ ਵਰਗ ਦੇ ਵਿਅਕਤੀ ਦਾ ਨੁਕਸਾਨ ਹੋਵੇਗਾ। ਇਸ ਲਈ ਪੰਜਾਬ ਦੇ ਸਾਰੇ ਵਾਸੀਆਂ ਨੂੰ ਬੇਨਤੀ ਹੈ ਕਿ ਜੇ ਸਰਕਾਰ ਵੱਲੋਂ ਤੁਹਾਡੇ ਘਰ ਅਤੇ ਕਾਰੋਬਾਰ ਵਿਖੇ ਧੱਕੇ ਨਾਲ ਪ੍ਰੀਪੇਡ ਮੀਟਰ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਜਾਂਦੀ ਹੈ ਤਾਂ ਤੁਸੀਂ ਕਿਸਾਨ ਜਥੇਬੰਦੀਆਂ ਦੇ ਨਾਲ ਸੰਪਰਕ ਕਰ ਸਕਦੇ ਹੋ । ਜੇ ਸਰਕਾਰ ਆਪਣੀ ਇਹ ਕੂਟਨੀਤੀਆਂ ਬੰਦ ਨਹੀਂ ਕਰਦੀ ਤਾਂ ਕਿਸਾਨ ਜਥੇਬੰਦੀਆਂ ਵੱਲੋਂ ਸਰਕਾਰ ਦੇ ਖਿਲਾਫ਼ ਵੱਡੇ ਪੱਧਰ ਤੇ ਵਿਰੋਧ ਕੀਤਾ ਜਾਵੇਗਾ ।

Kapurthala

ਅੱਖਾਂ ਦਾ ਮੁਫ਼ਤ ਜਾਂਚ ਅਪ੍ਰੇਸ਼ਨ ਕੈਂਪ ਸੁਭਾਸ਼ ਚੰਦਰ ਧੁੰਨਾਂ ਦੀ ਬਰਸੀ ਤੇ ਵਿਸ਼ਾਲ ਕੈਂਪ ਲਗਾਇਆ ਗਿਆ

ਕਪੂਰਥਲਾ (ਰਵੀ ਕੁਮਾਰ) ਅੱਖਾਂ ਦਾ ਮੁਫ਼ਤ ਜਾਂਚ ਕੈਂਪ ਸਮਾਜ ਸੇਵਕ ਸਵਰਗੀ ਸੁਭਾਸ਼ ਚੰਦਰ ਧੁੰਨਾਂ ਦੀ ਯਾਦ ਵਿੱਚ ਸੁਭਾਸ਼ ਚੰਦਰ ਧੁੰਨਾਂ ਮੈਮੋਰੀਅਲ ਟਰੱਸਟ ਦੇ ਚੇਅਰਮੈਨ ਗਿਆਨ ਚੰਦ ਧੁੰਨਾਂ ਪ੍ਰਧਾਨ ਪਵਨ ਕੁਮਾਰ ਧੁੰਨਾਂ ਤੇ ਟਰੱਸਟੀਆਂ ‌ਦੀ ਅਗਵਾਈ ਹੇਠ ਸੁਭਾਸ਼ ਪੈਲੇਸ ਟਾਵਰ ਮਾਰਕਫੈੱਡ ਰੋਡ ਕਪੂਰਥਲਾ ਵਿਖੇ ਲਗਾਇਆ ਗਿਆ। ਜਿਸ ਦਾ ਉਦਘਾਟਨ ਟਰੱਸਟ ਦੇ ਚੇਅਰਮੈਨ ਸ੍ਰੀ ਗਿਆਨ ਚੰਦ ਧੁੰਨਾਂ ਗ੍ਰਾਮੀਣ ਬੈਂਕ ਦੇ ਚੇਅਰਮੈਨ ਸ੍ਰੀ ਸੰਜੀਵ ਕੁਮਾਰ ਦੂਬੇ ਨੇ ਕੀਤਾ। ਇਸ ਮੋਕੇ ਤੇ ਵੱਖ ਵੱਖ ਬੁਲਾਰਿਆਂ ਨੇ ਸੰਬੋਧਨ ਕਰਦਿਆਂ ਚੇਅਰਮੈਨ ਗਿਆਨ ਚੰਦ ਧੁੰਨਾਂ, ਗ੍ਰਾਮੀਣ ਬੈਂਕ ਦੇ ਚੇਅਰਮੈਨ ਸੰਜੀਵ ਦੁਬੇ ਪ੍ਰਧਾਨ ਪਵਨ ਕੁਮਾਰ ਧੁੰਨਾਂ, ਰਾਜਨ ਆਈ ਹਸਪਤਾਲ ਜਲੰਧਰ ਪ੍ਰਸਿੱਧ ਡਾਕਟਰ ਸਚਿਨ, ਡਾਕਟਰ ਰਾਜ ਕੁਮਾਰ ਨੇ ਕਿਹਾ ਕਿ ਅੱਖਾਂ ਮਨੁੱਖਤਾ ਦੀ ਜ਼ਿੰਦਗੀ ਦੀ ਨਿਆਮਤ ਹਨ ਇਹਨਾਂ ਦੀ ਸੰਭਾਲ ਕਰਨੀ ਮਹੱਤਵ ਪੂਰਨ ਹੈ, ਸਮੇਂ ਸਮੇਂ ਅੱਖਾਂ ਦੀ ਜਾਂਚ ਕਰਵਾਉਣੀ ਬਹੁਤ ਜ਼ਰੂਰੀ ਹੈ। ਅੱਖਾਂ ਮਨੁੱਖਤਾ ਦਾ ਸਰਮਾਇਆ ਹਨ। ਮੁੱਫਤ ਕੈਂਪ ਟਰੱਸਟ ਵੱਲੋਂ ਲਗਾਉਣਾ ਮਨੁੱਖਤਾ ਦੀ ਬਹੁਤ ਵੱਡੀ ਸੇਵਾ ਹੈ। ਇਹਨਾਂ ਤੋਂ ਇਲਾਵਾ ਅਵਿਨਾਸ਼ ਚੰਦਰ ਧੰਨਾ, ਅਸ਼ਵਨੀ ਕੁਮਾਰ ਧੁੰਨਾਂ, ਕੈਂਪ ਭੂਸ਼ਨ ਧੁੰਨਾਂ , ਮੀਡੀਆ ਇੰਚਾਰਜ ਹਰਜੀਤ ਸਿੰਘ ਭਾਟੀਆ ਤੇ ਬਲਵੰਤ ਸਿੰਘ ਬਾਜਵਾ ਨੇ ਦੱਸਿਆ ਕਿ ਲੋੜਵੰਦਾਂ ਦੇ ਮੁਫ਼ਤ ਅੱਖਾਂ ਦੇ ਆਪ੍ਰੇਸ਼ਨ ਰਾਜਨ ਹਸਪਤਾਲ ਜਲੰਧਰ ਦੇ ਮਾਹਿਰ ਡਾਕਟਰ ਸਚਿਨ ਦੀ ਅਗਵਾਈ ਹੋਣਗੇ ਤੇ ਇਸ ਟੀਮ ਨੇ ਅੱਖਾਂ ਦੀ ਜਾਂਚ ਕੀਤੀ ।ਚੇਅਰਮੈਨ ਸ੍ਰੀ ਗਿਆਨ ਚੰਦ ਧੁੰਨਾਂ ਪ੍ਰਧਾਨ ਪਵਨ ਕੁਮਾਰ ਧੁੰਨਾਂ ਕੈਂਪ ਮੀਡੀਆ ਇੰਚਾਰਜ ਹਰਜੀਤ ਸਿੰਘ ਭਾਟੀਆ ਨੇ ਦੱਸਿਆ ਕਿ 120 ਮਰੀਜ਼ਾਂ ਦੀ ਅੱਖਾਂ ਦੇ ਆਪ੍ਰੇਸ਼ਨ ਕੀਤੇ ਜਾਣ ਗੇ ਅੱਖਾਂ ਦੀ ਜਾਂਚ 460 ਅੱਖਾਂ ਦੇ ਮਰੀਜ਼ਾਂ ਦੀ ਕੀਤੀ ਦਵਾਈਆਂ ਐਨਕਾਂ ਮੁਫ਼ਤ ਵੰਡੀਆਂ ਗਈਆਂ ਲੈਨਜ ਫਰੀ ਪਾਏ ਜਾਣਗੇ ਮਰੀਜ਼ਾਂ ਲਈ ਲੰਗਰ ਤੇ ਫਰੂਟ ਮੁਹਈਆ ਕੀਤਾ ਜਾਵੇਗਾ ਇਸ ਮੌਕੇ ਤੇ ਚੇਅਰਮੈਨ ਸ੍ਰੀ ਗਿਆਨ ਚੰਦ ਧੁੰਨਾਂ ,ਪ੍ਰਧਾਨ ਪਵਨ ਕੁਮਾਰ ਧੁੰਨਾਂ ਟਰੱਸਟੀਆਂ ਵਿਚ ਅਵਿਨਾਸ਼ ਚੰਦਰ ਧੁੰਨਾਂ ,ਅਸ਼ਵਨੀ ਕੁਮਾਰ ਧੁੰਨਾਂ ,ਭੁਸ਼ਨ ਧੁੰਨਾਂ ,ਅਜੈ ਧੁੰਨਾਂ ,ਸਾਹਿਲ ਧੁੰਨਾਂ, ਕੈਂਪ ਮੀਡੀਆ ਇੰਚਾਰਜ ਹਰਜੀਤ ਸਿੰਘ ਭਾਟੀਆ, ਡਾਕਟਰ ਰਾਜ ਕੁਮਾਰ, ਬਲਵੰਤ ਸਿੰਘ ਬਾਜਵਾ’ ਸ਼ਿਵ ਧੁੰਨਾਂ , ਮਦਨ ਮੋਹਨ, ਸੁਰਿੰਦਰਪਾਲ ਸਿੰਘ ਖਾਲਸਾ, ਕਪੂਰ ਚੰਦ, ਸ. ਨਰਿੰਦਰ ਪੰਛੀ , ਸਰਦਾਰੀ ਲਾਲ ਸ਼ਰਮਾ, ਗਰਗ , ਸਰਬਜੀਤ ਕੁਮਾਰ ਸੂਦ, ਸੁਖਦੇਵ ਵਰਮਾ, ਸੁਭਾਸ਼ ਗੁਪਤਾ ,ਅਸ਼ਵਨੀ ਰਾਜਪੂਤ, ਸਮਾਜ ਸੇਵਕ ਅਸ਼ੋਕ ਗੋਗਨਾ, ਮਨਪ੍ਰੀਤ ਸਿੰਘ ਭਾਟੀਆ, ਮਾਸਟਰ ਇੰਦਰ ਸਿੰਘ ,ਮਦਨ ਮੋਹਨ ਤੋ ਇਲਾਵਾ ਹੋਰ ਵੱਡੀ ਗਿਣਤੀ ਵਿਚ ਸ਼ਖ਼ਸੀਅਤਾਂ ਹਾਜਰ ਸਨ।

Kala Bakra

ਸੀਐਚਸੀ ਕਾਲਾ ਬੱਕਰਾ ਵਿਖੇ ਲਗਾਇਆ ਗਿਆ ਦੰਦਾਂ ਦੀ ਸਿਹਤ ਪੰਦਰਵਾੜਾ

ਕਾਲਾ ਬੱਕਰਾ(ਦਿਲਬਾਗ ਸਿੰਘ ਸਿੱਧੂ / ਗੁਰਪ੍ਰੀਤ ਬੱਲ) ਸਿਹਤ ਵਿਭਾਗ ਵੱਲੋਂ ਸੀਐਚਸੀ ਕਾਲਾ ਬੱਕਰਾ ਵਿਖੇ ਲਗਾਇਆ ਗਿਆ ਦੰਦਾਂ ਦੀ ਸਿਹਤ ਪੰਦਰਵਾੜਾ ਸ਼ੁਕਰਵਾਰ ਨੂੰ ਖਤਮ ਹੋ ਗਿਆ। ਸਮਾਪਨ ਸਮਾਰੋਹ ਵਿੱਚ ਜ਼ਿਲ੍ਹਾ ਡੈਂਟਲ ਹੈਲਥ ਅਫਸਰ ਡਾ. ਬਲਜੀਤ ਕੌਰ ਰੂਬੀ ਵਿਸ਼ੇਸ਼ ਤੌਰ ‘ਤੇ ਪਹੁੰਚੇ ਅਤੇ ਲੋੜਵੰਦ ਵੀਹ ਮਰੀਜਾਂ ਦੇ ਮੁਫ਼ਤ ਬਣਾਏ ਗਏ ਡੈਂਚਰ ਦਿੱਤੇ। ਇਸ ਮੌਕੇ ਉਨ੍ਹਾਂ ਦੇ ਨਾਲ ਸੀਨੀਅਰ ਮੈਡੀਕਲ ਅਫਸਰ ਡਾ. ਰਿਚਰਡ ਓਹਰੀ,ਡਾ ਭਵਦੀਪ ਕੌਰ,ਡਾ ਜਤਿੰਦਰ ਕੌਰ,ਡਾ ਅਨੁਦੀਪ ਪੱਡਾ,ਡਾ ਪੂਜਾ ਅਤੇ ਹੋਰ ਮੌਜੂਦ ਸਨ।  ੦ਇਸ ਮੌਕੇ ਆਪਣੇ ਸੰਬੋਧਨ ਵਿੱਚ ਡਾ. ਬਲਜੀਤ ਕੌਰ ਰੂਬੀ ਨੇ ਦੱਸਿਆ ਕਿ ਪੰਦਰਵਾੜੇ ਦਰਮਿਆਨ 853 ਮਰੀਜਾਂ ਦੀ ਜਾਂਚ ਕੀਤੀ ਗਈ, ਜਿਸ ਵਿੱਚ 170 ਸਕੂਲੀ ਵਿਦਿਆਰਥੀ ਵੀ ਸ਼ਾਮਲ ਹਨ। ਕੈਂਪ ‘ਚ 22 ਮਰੀਜਾਂ ਨੂੰ ਦੰਦਾਂ ਦੀ ਪੀੜ (ਡੈਂਚਰ) ਲਗਾਈ ਗਈ, ਜਦਕਿ 233 ਮਰੀਜਾਂ ਦੇ ਖਰਾਬ ਹੋ ਚੁੱਕੇ ਦੰਦ ਕੱਡੇ ਗਏ। ਇਸੇ ਤਰ੍ਹਾਂ 171 ਮਰੀਜਾਂ ਦੀ ਫਿਲਿੰਗ, 53 ਮਰੀਜਾਂ ਦੀ ਸਕੇਲਿੰਗ ਅਤੇ 31 ਮਰੀਜਾਂ ਦੀ ਆਰ.ਸੀ.ਟੀ. ਕੀਤੀ ਗਈ। ਉਨ੍ਹਾਂ ਕਿਹਾ ਕਿ ਅੱਗੇ ਵੀ ਵਿਭਾਗ ਵੱਲੋਂ ਅਜੀਹੇ ਕੈਂਪ ਲਗਾਏ ਜਾਣਗੇ, ਤਾਂ ਜੋ ਲੋਕਾਂ ਨੂੰ ਮੁਫਤ ਸਹੂਲਤਾਂ ਮਿਲਦੀਆਂ ਰਹਿਣ। ਐਸਐਮਓ ਡਾ. ਰਿਚਰਡ ਓਹਰੀ ਨੇ ਕਿਹਾ ਕਿ ਲੋਕ ਸਿਰਫ ਇਲਾਜ ‘ਤੇ ਹੀ ਨਿਰਭਰ ਨਾ ਰਹਿਣ, ਸਗੋਂ ਆਪਣੇ ਦੰਦਾਂ ਦੀ ਸਾਂਭ ਸੰਭਾਲ ਰੱਖਣ ਬਾਰੇ ਵੀ ਜਾਗਰੂਕ ਹੋਣ। ਖਾਣ ਖਾਣ ਤੋਂ ਬਾਅਦ ਕੁਰਲੀ ਕਰਨ ਅਤੇ ਰਾਤ ਨੂੰ ਸੌਣ ਤੋਂ ਪਹਿਲਾਂ ਦੰਦਾਂ ਦੀ ਸਫਾਈ ਕਰਨ ਦੀ ਆਦਤ ਪਾਉਣ।