85 ਸਾਲ ਬਿਰਧ ਮਾਤਾ ਠੋਕਰਾ ਖਾਣ ਲਈ ਮਜਬੂਰ

* ਆਪਣੇ ਲੜਕੇ ਤੇ ਲਗਾਇਆ ਤੰਗ ਤੇ ਪ੍ਰੇਸ਼ਾਨ ਕਰਨ ਦਾ ਆਰੋਪ ਨਹੀਂ ਕਰ ਰਹੇ ਦੇਖਭਾਲ, ਨਹੀਂ ਦੇ ਰਹੇ ਰੋਟੀ ਪਾਣੀ, ਕਰ ਰਹੇ ਹਨ ਗਾਲੀ ਗਲੋਚ।

• ਘਰ ਦੋਵੇਂ ਲੜਕਿਆਂ ਦੇ ਨਾਮ ਤੇ ਕਰਵਾ ਚੁੱਕੀ ਹੈ ਬਜ਼ੁਰਗ ਔਰਤ
• 
  ਜਲੰਧਰ/ ਆਦਮਪੁਰ :(ਗੁਰਪ੍ਰੀਤ ਸਿੰਘ/ਸੁਰਜੀਤਪਾਲ) ਗੁਰਦੁਆਰਾ ਬਾਬੇ ਸ਼ਹੀਦਾਂ ਦਮਦਮੀ ਟਕਸਾਲ (ਜਥਾ ਭਿੰਡਰਾਂ ਮਹਿਤਾ) ਬ੍ਰਾਚ ਸਰਮਸਤਪੁਰ ਜਲੰਧਰ ਵਿਖੇ ਮਹਿੰਦਰ ਕੌਰ ਵਿਧਵਾ ਹਰਭਜਨ ਸਿੰਘ ਮਕਾਨ ਨੰ. 3315 ਵਾਰਡ ਨੰ. 12, ਮੁਹੱਲਾ ਗਾਜੀਪੁਰ , ਆਦਮਪੁਰ ਵੱਲੋਂ ਇਕ ਦਰਖਾਸਤ ਆਪਣੇ ਪੁੱਤਰ ਬਲਵੀਰ ਸਿੰਘ ਵਿਰੁੱਧ ਦਿੱਤੀ। ਜ਼ਿਕਰਯੋਗ ਹੈ ਕਿ ਬਜ਼ੁਰਗ ਮਾਤਾ ਵੱਲੋਂ ਆਪਣੇ ਦੋਵੇਂ ਲੜਕਿਆਂ ਨੂੰ ਹਿੱਸਾ ਦੇ ਚੁੱਕੀ ਹੈ।ਦੋਵੇਂ ਲੜਕੇ ਉਸ ਨੂੰ ਰੋਟੀ ਪਾਣੀ ਦੇਣ ਤੋਂ ਵੀ ਆਨਾਕਾਨੀ ਕਰ ਰਹੇ ਹਨ।ਬਜ਼ੁਰਗ ਔਰਤ ਆਪਣੀ ਅਲੱਗ ਰੋਟੀ ਪਾਣੀ ਬਣਾਉਣ ਲਈ ਮਜਬੂਰ ਹੈ।ਪ੍ਰੰਤੂ ਉਸ ਦੇ ਲੜਕੇ ਵੱਲੋਂ ਉਸਨੂੰ ਕੁੱਟਮਾਰ ਕੀਤੀ ਜਾਂਦੀ ਅਤੇ ਤੰਗ ਪ੍ਰੇਸ਼ਾਨ ਕੀਤਾ ਜਾ ਰਿਹਾ ਹੈ।ਬਜ਼ੁਰਗ ਮਾਂ ਦੇ ਘਰ ਰੋਟੀ ਪਾਣੀ ਬਣਾਉਣ ਲਈ ਗੈਸ ਵਾਲੇ ਚੁੱਲ੍ਹੇ ਦੀ ਵੀ ਭੰਨਤੋਡ਼ ਉਸਦੇ ਲੜਕੇ ਨੇ ਕਰ ਦਿੱਤੀ।ਬਜ਼ੁਰਗ ਔਰਤ ਨੇ ਕਈ ਵਾਰ ਇਲਾਕੇ ਦੇ ਪਤਵੰਤਿਆਂ ਨੂੰ ਇਸ ਸਬੰਧੀ ਸੂਚਿਤ ਕੀਤਾ ਪ੍ਰੰਤੂ ਉਸ ਦਾ ਲੜਕਾ ਮੋਹਤਬਾਰਾਂ ਨੂੰ ਵੀ ਟਿੱਚ ਜਾਣਦਾ ਹੈ।ਉਕਤ ਕਲਯੁੱਗੀ ਪੁੱਤਰ ਵੱਲੋਂ ਆਪਣੀ ਬਜ਼ੁਰਗ ਮਾਂ ਦੀ ਕੁੱਟਮਾਰ ਵੀ ਕੀਤੀ ਜਾਂਦੀ ਹੈ।ਸਥਾਨਕ ਲੋਕਾਂ ਨੇ ਪ੍ਰਸ਼ਾਸਨ ਤੋਂ ਪੁਰਜ਼ੋਰ ਮੰਗ ਕੀਤੀ ਹੈ ਕਿ ਬਜ਼ੁਰਗ ਮਾਤਾ ਨੂੰ ਇਨਸਾਫ ਦਿਵਾਇਆ ਜਾਵੇ ਤੇ ਉਸ ਦੇ ਲੜਕੇ ਤੇ ਨੂੰਹ ਖਿਲਾਫ ਸਖਤ ਕਾਰਵਾਈ ਕੀਤੀ ਜਾਵੇ।

ਕਿੱਕ ਡਰੱਗਜ਼ ਆਸਟ੍ਰੇਲੀਆ ਵੱਲੋਂ ਪਹਿਲਾਂ ਕਬੱਡੀ ਕੱਪ ਸਲੇਮਪੁਰ ਮਸੰਦਾ ਵਿਖੇ ਸ਼ਾਨੋ-ਸ਼ਕੌਤ ਨਾਲ ਸੰਪਨ

ਕਿਸ਼ਨਗੜ੍ਹ(ਗੁਰਪ੍ਰੀਤ ਬੱਲ) ਕਿੱਕ ਡਰੱਗਜ਼ ਆਸਟ੍ਰੇਲੀਆ ਵੱਲੋਂ ਸਲੇਮਪੁਰ ਮਸੰਦਾ ਜਲੰਧਰ ਵਿਖੇ ਪਹਿਲਾਂ ਕਬੱਡੀ ਕੱਪ ਟੂਰਨਾਮੈਂਟ ਕਰਵਾਇਆ ਗਿਆ। ਟੂਰਨਾਮੈਂਟ ਸੰਬੰਧੀ ਜਾਣਕਾਰੀ ਦਿੰਦਿਆ ਜਸਪਾਲ ਸਿੰਘ ਤੇਜਾ ਕਿਸ਼ਨਗੜ੍ਹ ਦੀਪਕ ਆਨੰਦ, ਵਿਵੇਕ ਜੋਸ਼ੀ (ਤਿੰਨੋਂ ਮੈਂਬਰ) ਤੇ ਪ੍ਰਬੰਧਕਾਂ ਵੱਲੋਂ ਸਾਂਝੇ ਤੌਰ ਤੇ ਦੱਸਿਆ ਕਿ ਕਿੱਕ ਡਰੱਗਜ਼ ਆਸਟ੍ਰੇਲੀਆ ਸੰਸਥਾ ਵੱਲੋਂ ਕਰਵਾਏ ਪਹਿਲੇ ਕਬੱਡੀ ਕੱਪ ਟੂਰਨਮੈਂਟ ‘ਚ ਅੱਠ ਟੀਮਾਂ ਨੇ ਭਾਗ ਲਿਆ।

ਟੂਰਨਾਮੈਂਟ ਦੇ ਓਪਨ ਮੁਕਾਲਬਲੇ ‘ਚ ਮੇਜ਼ਬਾਨ ਸਲੇਮਪੁਰ ਮਸੰਦਾ ਦੀ ਟੀਮ ਨੇ ਸੁਰਖਪੁਰ ਦੀ ਟੀਮ ਨੂੰ ਹਰਾ ਕੇ ਜਿੱਤ ਪ੍ਰਾਪਤ ਕਰਦਿਆ ਟਰਾਫ਼ੀ ਤੇ ਕਬਜ਼ਾ ਕੀਤਾ। ਇਸ ਦੇ ਨਾਲ ਹੀ 70 ਕਿਲੋਂ ਭਾਰ ਵਰਗ ਦੇ ਕਰਵਾਏ ਜਬਰਦਸਤ ਮੁਕਾਬਲੇ ‘ਚ ਬਾਬਾ ਪਾਲਾ ਸਿੰਘ (ਲੋਹਗੜ੍ਹ) ਦੀ ਟੀਮ ਨੇ ਬਾਬਾ ਜਵਾਲਾ ਸਿੰਘ (ਹਰਖੋਵਾਲ) ਦੀ ਟੀਮ ਨੂੰ ਹਰਾ ਕੇ ਜਿੱਤ ਹਾਸਿਲ ਕਰਕੇ ਕੱਪ ਤੇ ਕਬਜ਼ਾ ਕੀਤਾ।

ਕਿੱਕ ਡਰੱਗਜ਼ ਆਸਟ੍ਰੇਲੀਆ ਵੱਲੋਂ ਕਾਫੀ ਲੰਬੇ ਅਰਸੇ ਤੋਂ ਨੌਜਵਾਨਾਂ ਨੂੰ ਨਸ਼ਿਆ ਤੋਂ ਦੂਰ ਰਹਿਣ ਲਈ ਸਕੂਲਾਂ, ਕਾਲਜਾਂ ‘ਚ ਫ੍ਰਰੀ ਸੈਮੀਨਾਰ ਲਗਾਏ ਜਾਂਦੇ ਹਨ। ਜਿਸ ‘ਚ ਨਸ਼ਿਆ ਦੇ ਮਾੜੇ ਪ੍ਰਭਾਵਾਂ ਨਾਲ ਹੋਣ ਵਾਲੇ ਵੱਡੇ ਨੁਕਸਾਨਾਂ ਬਾਰੇ ਬੱਚਿਆਂ ਦੇ ਨਾਲ-ਨਾਲ ਨੌਜਵਾਨਾਂ ਨੂੰ ਜਾਗਰੂਕ ਕਰਵਾਇਆ ਜਾਂਦਾ ਹੈ।

ਕਿੱਕ ਡਰੱਗਜ਼ ਸੰਸਥਾ ਵੱਲੋਂ ਖੇਡਾਂ ਵੱਲ ਨੌਜਵਾਨਾਂ ਨੂੰ ਪ੍ਰੇਰਿਤ ਕਰਨ ਲਈ ਪਹਿਲਾਂ ਕਬੱਡੀ ਕੱਪ ਕਰਵਾਇਆ ਗਿਆ ਜਿਸ ਨੂੰ ਨੇਪਰੇ ਚੜਾਉਣ ‘ਚ ਗੁਰਮੀਤ ਸਿੰਘ ਪਰਾਸਰਾਮਪੁਰ, ਭਜਿੰਦਰ ਸਿੰਘ ਮਾਨ, ਬੌਬੀ ਜੌਹਲ, ਨਵੀਂ ਮਾਨ, ਪਰਮਿੰਦਰ ਸਿੰਘ ਆਦਿ ਵੱਲੋਂ ਅਹਿਮ ਭੂਮਿਕਾ ਨਿਭਾਈ ਗਈ।

ਟੂਰਨਾਮੈਂਟ ਨੂੰ ਸਪਾਂਸਰ ਕੈਮਡਨ ਕਾਲਜ, ਸਿੰਘ ਡੇਅਰੀ, ਮਨਜੀਤ ਜੌਹਲ, ਡੀ.ਸੀ ਸੀਨੂੰ, ਸਿੰਘ ਫੈਬਰੀਕੇਸਨ, ਰਿਆਲੀਟੀ ਰੀਅਲ ਇਸਟੇਟ, ਜੈਪੁਰ ਪੈਲੇਸ ਆਦਿ ਵੱਲੋਂ ਕਰਨ ਤੇ ਕਿੱਕ ਡਰੱਗਜ ਆਸਟ੍ਰੇਲੀਆ ਸੰਸਥਾ ਵੱਲੋਂ ਵਿਸੇਸ਼ ਤੌਰ ਤੇ ਧੰਨਵਾਦ ਕੀਤਾ । ਇਸ ਮੌਕ ਹੋਰਾਂ ਤੋਂ ਇਲਾਵਾ ਵਿਵੇਕ ਜੋਸ਼ੀ, ਜਸਪਾਲ ਸਿੰਘ ਤੇਜਾ, ਪਲਵਿੰਦਰ ਸਿੰਘ ਤੇਜਾ (ਦੋਨੋਂ ਕਿਸ਼ਨਗੜ੍ਹ), ਦੀਪਕ ਆਨੰਦ, ਹੈਪੀ, ਹੈਰੀ, ਗੁਰਦਿਆਲ ਸਿੰਘ ਮਾਨ, ਸਰਪੰਚ ਕੁਲਵਿੰਦਰ ਸਿੰਘ ਜੌਹਲ, ਜਸਪ੍ਰੀਤ ਸਿੰਘ ਜੱਸਾ ਸੰਘਵਾਲ, ਸੁਰਿੰਦਰ ਸਿੰਘ ਨਿਜ਼ਾਮਦੀਨਪੁਰ, ਜਤਿੰਦਰ ਸਿੰਘ ਜੋਹਲ, ਬਲਕਾਰ ਸਿੰਘ, ਡਾ. ਗੁਰਬਖਸ਼ ਸੁਆਮੀ, ਵਿੱਕੀ, ਰਵਿੰਦਰ ਸਿੰਘ ਫੁਲ, ਪਰਮਿੰਦਰ ਸਿੰਘ (ਐਸ ਐਚ ਓ ਜਲੰਧਰ ਕੈਂਟ), ਡੀ ਸੀ ਜੌਹਲ, ਹਰਪ੍ਰੀਤ ਸਿੰਘ ਜੌਹਲ, ਜਸਕਰਨ ਸਿੰਘ, ਵਿਜੈ ਮਾਡਰ, ਜਸਵਿੰਦਰ ਭੱਲਾ, ਮਨਜੀਤ ਸਿੰਘ ਜੌਹਲ, ਗੁਰਮੀਤ ਸਿੰਘ ਆਦਿ ਵਿਸ਼ੇਸ ਤੌਰ ਤੇ ਹਾਜ਼ਿਰ ਸਨ |
ਉਕਤ ਟੂਰਨਾਮੈਂਟ ਦੇ ਆਖਰੀ ‘ਚ ਜੇਤੂ ਤੇ ਉਪ ਜੇਤੂ ਰਹੀਆਂ ਟੀਮਾਂ ਨੂੰ ਕਿੱਕ ਡਰੱਗਜ਼ ਆਸਟੇ੍ਰਲੀਆ ਦੇ ਮੈਂਬਰਾਂ ਤੇ ਸਲੇਮਪੁਰ ਦੀ ਗ੍ਰਾਮ ਪੰਚਾਇਤ ਦੇ ਮੈਂਬਰਾਂ ਵੱਲੋਂ ਸਾਂਝੇ ਤੌਰ ਤੇ ਸਨਮਾਨਿਤ ਕੀਤਾ ਗਿਆ। ਟੂਰਨਾਮੈਂਟ ਦੌਰਾਨ ਮੰਚ ਸੰਚਾਲਨ ਦੀਆਂ ਸੇਵਾਵਾਂ ਜਸਪਾਲ ਸਿੰਘ ਤੇਜਾ ਤੇ ਗਰਾਊਡ ‘ਚ ਮੈਚ ਦੌਰਾਨ ਕਮੈਂਟਰੀ ਦੀ ਭੂਮਿਕਾ ਬਿੱਟੂ ਵੱਲੋਂ ਬਾਖੂਬੀ ਨਿਭਾਈਆਂ ਗਈਆ।
ਫੋਟੋ ਕੈਪਸ਼ਨ – ਕਿੱਕ ਡਰੱਗਜ ਆਸਟ੍ਰੇਲੀਆ ਸੰਸਥਾ ਦੇ ਮੈਂਬਰਾਂ ਵੱਲੋਂ ਖਿਡਾਰੀਆਂ ਨੂੰ ਸਨਮਾਨਿਤ ਕਰਦੇ ਹੋਏ।

ਅਲਾਵਲਪੁਰ ਦੇ ਇਲਾਕਾ ਨਿਵਾਸੀਆਂ ਵੱਲੋਂ ਆਮ ਆਦਮੀ ਪਾਰਟੀ ਦੇ ਦਫ਼ਤਰ ਦਾ ਉਦਘਾਟਨ

ਕਾਲਾ ਬੱਕਰਾ (ਹਰਪ੍ਰੀਤ ਸਿੰਘ)ਆਦਮਪੁਰ ਹਲਕੇ ਅਲਾਵਲਪੁਰ ਵਿਖੇ ਵਾਇਸ ਪ੍ਰੈਜ਼ੀਡੈਂਟ ਟਰੇਡ ਵਿੰਗ ਜਲੰਧਰ ਸਰਬਜੀਤ ਸਿੰਘ ਅਤੇ ਅਲਾਵਲਪੁਰ ਦੇ ਇਲਾਕਾ ਨਿਵਾਸੀਆਂ ਵੱਲੋਂ ਆਮ ਆਦਮੀ ਪਾਰਟੀ ਦੇ ਦਫ਼ਤਰ ਦਾ ਉਦਘਾਟਨ ਕੀਤਾ ਗਿਆ.ਇਸ ਮੌਕੇ ਤੇ ਸਰਬਜੀਤ ਸਿੰਘ ਵੱਲੋਂ ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਸਾਡੇ ਦੇਸ਼ ਨੂੰ ਆਜ਼ਾਦ ਹੋਇਆਂ ਭਾਵੇਂ ਹੀ 75ਸਾਲ ਹੋ ਗਏ ਹਨ.ਪਰ ਸਾਡਾ ਦੇਸ਼ ਹਾਲੇ ਵੀ ਇਨ੍ਹਾਂ ਰਾਜਨੀਤਕ ਪਾਰਟੀਆਂ ਦੀ ਗੁਲਾਮੀ ਬਣ ਕੇ ਆਪਣਾ ਜੀਵਨ ਬਤੀਤ ਕਰ ਰਿਹਾ ਹੈ.ਇਸ ਵਾਰ ਪੰਜਾਬ ਦੇ ਲੋਕ ਬਦਲਾਓ ਚਾਹੁੰਦੇ ਹਨ.ਬਦਲਾਅ ਦੇ ਲਈ ਪੰਜਾਬ ਦੇ ਵਿੱਚ ਆਮ ਆਦਮੀ ਪਾਰਟੀ ਦਾ ਆਉਣਾ ਬਹੁਤ ਜ਼ਰੂਰੀ ਹੈ.ਇਸ ਵਾਰ ਸਰਬਜੀਤ ਸਿੰਘ ਸਾਬੀ ਵੱਲੋਂ ਪੰਜਾਬ ਦੇ ਵੋਟਰਾਂ ਨੂੰ ਨਿਮਰਤਾ ਸਹਿਤ ਬੇਨਤੀ ਕਰਦੇ ਹੋਏ ਆਖਿਆ ਕਿ ਇਸ ਵਾਰ ਉਹ ਆਪਣੀ ਵੋਟ ਦਾ ਸਹੀ ਮਤਦਾਨ ਕਰਨ ਤਾਂ ਜੋ ਪੰਜਾਬ ਦਾ ਭਲਾ ਤੇ ਵਿਕਾਸ ਹੋ ਸਕੇ.ਪੰਜਾਬ ਦੇ ਅੱਜ ਦੇ ਹਾਲਾਤ ਜੇਕਰ ਆਪਾਂ ਦੇਖੀਏ ਤਾਂ ਪੂਰੇ ਪੰਜਾਬ ਦੇ ਲੋਕ ਮੌਕੇ ਦੀਆਂ ਸਰਕਾਰਾਂ ਤੋਂ ਦੁਖੀ ਤੇ ਪ੍ਰੇਸ਼ਾਨ ਹਨ.ਉਨ੍ਹਾਂ ਨੇ ਆਦਮਪੁਰ ਹਲਕੇ ਦੇ ਲਾਗੇ ਲਾਗੇ ਦੇ ਪਿੰਡਾਂ ਦੇ ਲੋਕਾਂ ਨਾਲ ਮਿਲ ਕੇ ਇਹ ਜਾਣਿਆ ਕਿ ਨਾ ਤਾਂ ਲੋਕਾਂ ਦੇ ਕੋਲ ਕੋਈ ਕੰਮ ਕਾਰ ਹੈ ਤੇ ਨਾ ਕੋਈ ਸਰਕਾਰੀ ਨੌਕਰੀ ਨਾ ਵਧੀਆ ਮੈਡੀਕਲ ਸਹੂਲਤਾਂ ਅਤੇ ਨਾ ਹੀ ਕੋਈ ਵਧੀਆ ਰੁਜ਼ਗਾਰ.ਪਿਛਲੀਆਂ ਸਰਕਾਰਾਂ ਨੇ ਪੰਜਾਬ ਦੀ ਜਨਤਾ ਨੂੰ ਸਿਰਫ਼ ਲਾਰਿਆਂ ਵਿਚ ਵਿੱਚ ਹੀ ਰੱਖਿਆ ਹੈ.ਤੇ ਪੰਜਾਬ ਦੀ ਜਨਤਾ ਨਾਲ ਝੂਠੇ ਵਾਅਦੇ ਕੀਤੇ ਹਨ.ਜੇਕਰ ਪੰਜਾਬ ਦੀ ਨੌਜਵਾਨ ਪੀੜ੍ਹੀ ਦੀ ਗੱਲ ਕਰੀਏ ਤਾਂ ਅੱਜ ਹਰ ਨੌਜਵਾਨ ਨੂੰ ਨਸ਼ੇ ਦੀ ਲੱਤ ਲੱਗ ਚੁੱਕੀ ਹੈ.

ਸਰਬਜੀਤ ਸਿੰਘ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਆਮ ਆਦਮੀ ਪਾਰਟੀ ਦੀ ਸਰਕਾਰ ਆਉਣ ਤੇ ਪੰਜਾਬ ਦੀ ਹਰ ਮਹਿਲਾ ਨੂੰ ਜਿਸ ਦੀ ਉਮਰ ਅਠਾਰਾਂ ਸਾਲ ਤੋਂ ਵੱਧ ਹੈ ਉਸ ਨੂੰ ਹਰ ਮਹੀਨੇ ਇੱਕ ਹਜ਼ਾਰ ਦੀ ਮਦਦ ਕੀਤੀ ਜਾਵੇਗੀ.ਅਤੇ ਬਿਜਲੀ ਦੇ ਬਿੱਲਾਂ ਵਿੱਚ ਵੀ ਵੱਡੀ ਕਟੌਤੀ ਕੀਤੀ ਜਾਵੇਗੀ ਤਿੱਨ ਸੌ ਯੂਨਿਟ ਫ੍ਰੀ ਦੇ ਨਾਲ ਨਾਲ ਵਧੀਆ ਸਕੂਲ ਵਧੀਆ ਐਜੂਕੇਸ਼ਨ ਵਧੀਆ ਹਸਪਤਾਲ ਬਣਾਏ ਜਾਣਗੇ.ਸਰਬਜੀਤ ਸਿੰਘ ਵੱਲੋਂ ਵੋਟਰਾਂ ਨੂੰ ਬੇਨਤੀ ਕੀਤੀ ਗਈ ਇਸ ਵਾਰ ਪੰਜਾਬ ਦੇ ਵਿੱਚ ਆਮ ਆਦਮੀ ਪਾਰਟੀ ਦਾ ਸਾਥ ਦਿਓ ਤਾਂ ਜੋ ਪੰਜਾਬ ਨੂੰ ਨਸ਼ਾਮੁਕਤ ਪੰਜਾਬ ਬਣਾ ਸਕੀਏ.
ਸਰਬਜੀਤ ਸਿੰਘ ( ਵਾਈਸ ਪ੍ਧਾਨ ਟਰੇਡ ਵਿੰਗ ਜੰਲਧਰ ) ਪਵਨ ਖੋਸਲਾ ( ਪ੍ਧਾਨ ਐਸੀ ਵਿੰਗ ਆਦਮਪੁਰ )
ਵਰਿੰਦਰ ਸਿੰਘ . ਇਕਬਾਲ .ਸੰਦੀਪ ਕੁਮਾਰ . ਵਿਕਾਸ ਭੱਟੀ .

ਆਯੂਸ਼ਮਾਨ ਸੇਹਤ ਬੀਮਾ ਯੋਜਨਾ ਕਾਰਡ ਬਣੇ ਰੱਦੀ

ਜਲੰਧਰ(ਗੁਰਪ੍ਰੀਤ ਬੱਲ) ਸਰਕਾਰ ਵਲੋਂ ਆਮ ਲੋਕਾਂ ਤੇ ਕਈ ਪ੍ਰਕਾਰ ਦੇ ਟੈਕਸ ਤੋ ਮੋਟੀ ਆਮਦਨੀ ਕੀਤੀ ਜਾਦੀ ਹੈ ਤੇ ਜਿਸਦੇ ਬਦਲੇ ਕੁੱਝ ਸਹੂਲਤਾਂ ਸਰਕਾਰ ਵਲੋਂ ਆਮ ਲੋਕਾਂ ਨੂੰ ਦਿੱਤੀਆਂ ਜਾਦੀਆਂ ਹਨ, ਜਿਵੇ ਆਯੂਸ਼ਮਾਨ ਸੇਹਤ ਬੀਮਾ ਯੋਜਨਾ ਇਕ ਹੈ,ਜਿਸ ਵਿਚ 5ਲੱਖ ਰੁਪਏ ਦੇ ਇਲਾਜ ਦੀ ਸਹੂਲਤ ਸਰਕਾਰੀ ਅਤੇ ਗੈਰ ਸਰਕਾਰੀ ਹਸਪਤਾਲਾ ਵਿੱਚ ਮਰੀਜਾਂ ਨੂੰ ਦਿੱਤੀ ਜਾਦੀ ਹੈ। ਜੋ ਕਿ ਪੰਜਾਬ ਵਿੱਚ ਕਾਫੀ ਸਮੇਂ ਤੋਂ ਚਰਚਾ ਦਾ ਵਿਸ਼ਾ ਰਹੀ ਕਈ ਪ੍ਰਾਈਵੇਟ ਹਸਪਤਾਲਾ ਤੇ ਆਰੋਪ ਵੀ ਲੱਗਦੇ ਰਗੇ ਕਿ ਫਰਜੀ ਮਰੀਜਾਂ ਨਾਲ ਸੈਟਿੰਗ ਕਰਕੇ ਲੱਖਾਂ ਰੁਪਏ ਦਾ ਚੂਨਾ ਸਰਕਾਰ ਨੂੰ ਲਗਾਇਆ ਗਿਆ। ਅਸਲ ਵਿਚ ਸਹੀ ਮਰੀਜਾਂ ਦੇ ਆਯੂਸ਼ਮਾਨ ਸੇਹਤ ਬੀਮਾ ਯੋਜਨਾ ਦੇ ਕਾਰਡ ਨੂੰ ਪ੍ਰਾਈਵੇਟ ਹਸਪਤਾਲਾਂ ਵਲੋਂ ਰੱਦੀ ਦੇ ਕਾਗਜ਼ ਦਾ ਟੁੱਕੜਾ ਸਮਝਿਆ ਜਾਂਦਾ ਹੈ।

ਗੁਰਪ੍ਰੀਤ ਸਿੰਘ ਬੱਲ ਪੱਤਰਕਾਰ ਵਲੋ ਸਰਕਾਰੀ ਹੈਲਥ ਸਿਸਟਮ ਤੇ ਨਿਸ਼ਾਨਾ ਲਾਉਂਦੇ ਹੋਏ ਆਰੋਪ ਲਗਾਏ ਕਿ ਸਰਕਾਰ ਵਲੋਂ ਆਮ ਲੋਕਾਂ ਦੇ ਆਯੂਸ਼ਮਾਨ ਸੇਹਤ ਬੀਮਾ ਯੋਜਨਾ ਦੇ ਕਾਰਡ (ਪ੍ਰਤੀ ਵਿਅਕਤੀ ਕਾਰਡ 30 ਤੋ 50 ਰੁਪਏ) ਬਣਾ ਕੇ ਲੱਖਾ ਰੁਪਏ ਦੀ ਲੁੱਟ ਆਮ ਲੋਕਾ ਨਾਲ ਕਰ ਕੇ ਸਰਕਾਰੀ ਖਜਾਨੇ ਭਰੇ

ਜਲੰਧਰ ਪਠਾਨਕੋਟ ਰਾਸ਼ਟਰੀ ਰਾਜਮਾਰਗ ਸਥਿਤ ਫੈਕਟਰੀ ਵਿਚ ਰਾਤ ਦੇ ਹਨੇਰੇ ਚ’ ਜੇ ਸੀ ਬੀ ਮਸ਼ੀਨ ਨਾਲ ਕਬਜ਼ਾ ਕਰਨ ਦੀ ਕੋਸ਼ਿਸ਼

ਜਲੰਧਰ ਨਾਰਥ ਹਲਕੇ ਤੋਂ ਉਮੀਦਵਾਰ ਬਾਵਾ ਹੈਨਰੀ ਦੇ ਚੋਣ ਪ੍ਰਚਾਰ ਲਈ ਪਹੁੰਚੇ ਅਵਤਾਰ ਹੈਨਰੀ

ਜਲੰਧਰ(ਗੁਰਪ੍ਰੀਤ ਬੱਲ) ਪਠਾਨਕੋਟ ਬਾਈਪਾਸ ਮੈਟਰੋ ਮਾਲ ਨਜ਼ਦੀਕ ਗੁਰਜੀਤ ਸਿੰਘ ਵਿਰਦੀ ਦੇ ਦਫ਼ਤਰ ਵਿਖੇ ਹਲਕਾ ਨਾਰਥ ਵਿਧਾਨਸਭਾ ਦੇ ਕਾਗਰਸੀ ਉਮੀਦਵਾਰ ਬਾਵਾ ਹੈਨਰੀ ਦੇ ਸਮਰਥਨ ਵਿਚ ਕਾਗਰਸੀ ਵਰਕਰਾਂ ਦਾ ਵੱਡਾ ਇਕੱਠ ਹੋਇਆ।
ਇਸ ਮੌਕੇ ਤੇ ਇਲਾਕੇ ਦੇ ਪਾਰਟੀ ਵਰਕਰ ਭਾਰੀ ਗਿਣਤੀ ਵਿਚ ਮੌਜੂਦ ਸਨ, ਜਿਸ ਦੌਰਾਨ ਨਾਰਥ ਹਲਕੇ ਦੇ ਉਮੀਦਵਾਰ ਬਾਵਾ ਹੈਨਰੀ ਦੇ ਇਲਾਕੇ ਦੇ ਵਿਕਾਸ ਕਾਰਜਾ ਬਾਰੇ ਚਰਚਾ ਕੀਤੀ ਗਈ।
ਇਸ ਦੌਰਾਨ ਬਾਵਾ ਹੈਨਰੀ ਦੇ ਸੁਪਨੇ ਬਰਲਟਨ ਪਾਰਕ ਨੂੰ ਸਪੋਰਟਸ ਹੱਬ ਬਣਾਉਣ ਬਾਰੇ ਚਰਚਾ ਕੀਤੀ ਤੇ ਸ਼੍ਰੋਮਣੀ ਅਕਾਲੀ ਦਲ ਤੇ ਨਿਸ਼ਾਨਾ ਸਾਧਦੇ ਹੋਏ ਕਿਹਾ ਕਿ ਕਿਵੇਂ ਉਨ੍ਹਾਂ ਨੇ ਨੌਜਵਾਨਾਂ ਤੇ ਨਜਾਇਜ ਪਰਚੇ, ਨਸ਼ੇ ਦਾ ਕਾਰੋਬਾਰ ਤੇ ਸ਼ਹਿਰ ਦੀਆਂ ਸੰਪਤੀਆਂ ਨੂੰ ਗਿਰਵੀ ਰੱਖ ਕੇ ਨਗਰ ਨਿਗਮ ਨੂੰ ਸੌ ਕਰੋੜ ਰੁਪਏ ਦਾ ਟੈਂਡਰ ਜਾਰੀ ਕੀਤਾ ਸੀ।

ਇਸ ਮੌਕੇ ਤੇ ਅਵਤਾਰ ਹੈਨਰੀ ਵੱਲੋਂ ਪਾਰਟੀ ਵਰਕਰਾਂ ਨੂੰ ਅਪੀਲ ਕੀਤੀ ਕਿ 20 ਫਰਵਰੀ ਨੂੰ ਪੰਜੇ ਤੇ ਮੋਹਰ ਲਗਾ ਕੇ ਫਿਰ ਦੁਬਾਰਾ ਬਾਵਾ ਹੈਨਰੀ ਨੂੰ ਸੇਵਾ ਦਾ ਮੌਕਾ ਦੇਵੋ।

ਇਸ ਮੌਕੇ ਤੇ ਕੁੱਕੂ ਜੀ(ਕੋਟ ਕਿਸ਼ਨ ਚੰਦ),ਹੈਪੀ ਵਿਰਦੀ, ਵਿਕਰਮ ਖੈਹਰਾ, ਪਰਮਿੰਦਰ ਵਿਰਦੀ, ਪ੍ਰੋ. ਛੱਤਰਪਾਲ(ਸਟੇਜ ਸੈਕਟਰੀ), ਵਰਿੰਦਰ ਕੁਮਾਰ ਸੋਨੀ(ਕਾਨਪੁਰ), ਬਲਵੀਰ ਸਿੰਘ, ਗੁਰਮੁੱਖ ਸਿੰਘ, ਆਤਮਾ ਸਿੰਘ, ਅਸ਼ੋਕ ਕੁਮਾਰ, ਮਨੂੰ ਵਿਰਦੀ, ਗੁਰਜੀਤ ਵਿਰਦੀ, ਸੰਨੀ ਵਿਰਦੀ, ਨੱਥੂ ਰਾਣਾ ਜੀ, ਰਾਕੇਸ਼ ਕੁਮਾਰ ਸਰੋਆ, ਦੀਪ ਸਿੰਘ, ਮੰਜੀਤ ਲੱਕੀ ਸਮੇਤ ਭਾਰੀ ਗਿਣਤੀ ਚ’ ਪਾਰਟੀ ਵਰਕਰ ਤੇ ਇਲਾਕਾ ਨਿਵਾਸੀ ਮੌਜੂਦ ਸਨ।

Next News ਅਗਲੀ ਖਬਰ

ਰਾਤ ਦੇ ਹਨੇਰੇ ਚ’ ਜਲੰਧਰ- ਪਠਾਨਕੋਟ ਰਾਸ਼ਟਰੀ ਰਾਜਮਾਰਗ ਸਥਿਤ ਫੈਕਟਰੀ ਤੇ ਕਬਜੇ ਦੀ ਕੋਸ਼ਿਸ਼

*ਮੌਕੇ ਤੇ ਤਾਇਨਾਤ ਸਕਿਉਰਿਟੀ ਗਾਰਡ ਵਲੋਂ ਬਣਾਈ ਗਈ ਵੀਡੀਓ ।

* ਮਾਮਲਾ ਅਦਾਲਤ ਵਿੱਚ ਵਿਚਾਰ ਅਧੀਨ ਹੋਣ ਦੇ ਬਾਵਜੂਦ ਵੀ ਕਬਜ਼ਾ ਕਰਨ ਦੀ ਕੋਸ਼ਿਸ਼।
ਜਲੰਧਰ/ਕਿਸ਼ਨਗੜ (ਸੁਰਜੀਤ ਪਾਲ) ਜਲੰਧਰ-ਪਠਾਨਕੋਟ ਰਾਸ਼ਟਰੀ ਰਾਜਮਾਰਗ ਸਥਿਤ ਪਿੰਡ ਨੂਰਪੁਰ ਨੇੜੇ ਫ਼ੈਕਟਰੀ ਲੱਗਰ ਇੰਡਸਟਰੀਜ਼ ਵਿੱਚ ਰਾਤ ਦੇ ਸਮੇਂ ਜੇ.ਸੀ.ਬੀ ਮਸ਼ੀਨ ਚਲਾ ਕੇ ਕਬਜ਼ਾ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ।
ਮੌਕੇ ‘ਤੇ ਮੌਜੂਦ ਰਾਤ ਦੇ ਸੁਰੱਖਿਆ ਗਾਰਡ ਵੱਲੋਂ ਅਵਾਜ਼ ਸੁਨਣ ਤੇ ਮੌਕੇ ਤੇ ਪਹੁੰਚਿਆ ਤਾ ਦੇਖਿਆ ਤਾ ਜੇ ਸੀ ਬੀ ਮਸ਼ੀਨ ਰਾਹੀ ਫੈਕਟਰੀ ਅੰਦਰ ਨਜਾਇਜ਼ ਕਬਜ਼ਾ ਕੀਤਾ ਜਾ ਰਿਹਾ ਸੀ ਤੇ ਜਲੰਧਰ ਇਜੀ. ਦੇ ਗੇਟ ਨਾਲ ਪਈਆਂ ਇੱਟਾਂ ਜੇਸੀਬੀ ਮਸ਼ੀਨ ਰਾਹੀ ਧੱਕੇ ਨਾਲ ਕਬਜ਼ਾ ਕਰਨ ਦੀ ਨੀਅਤ ਨਾਲ ਅੰਦਰ ਲਿਆ ਕੇ ਚਾਰਦੀਵਾਰੀ ਕਰਨ ਦੇ ਇਰਾਦੇ ਨਾਲ ਰੱਖੀਆਂ ,ਇਸ ਮੌਕੇ ਸੁਰੱਖਿਆ ਗਾਰਡ ਵੱਲੋਂ ਵੀਡੀਓ ਵੀ ਬਣਾਈ ਗਈ। ਜਿਸ ਵਿੱਚ ਸਾਫ਼ ਨਜ਼ਰ ਆ ਰਿਹਾ ਹੈ ਕਿ ਜੇਸੀਬੀ ਮਸ਼ੀਨ ਚੱਲ ਰਹੀ ਹੈ, ਸੁਰੱਖਿਆ ਗਾਰਡ ਵਲੋਂ ਜੇ ਸੀ ਬੀ ਚਾਲਕ ਨਾਲ ਗੱਲਬਾਤ ਕੀਤੀ ਗਈ ਤਾਂ ਚਾਲਕ ਨੇ ਦੱਸਿਆ ਕਿ ਪੁਲਿਸ ਨਾਲ ਗੱਲਬਾਤ ਕਰ ਲਈ ਗਈ ਹੈ। ਇਸ ਉਪਰੰਤ ਸੁਰੱਖਿਆ ਗਾਰਡ ਵਲੋ ਆਪਣੇ ਸਾਥੀਆਂ ਨੂੰ ਬੁਲਾਇਆ ਗਿਆ ਤਾਂ ਜਦੋਂ ਉਹ ਮੌਕੇ ‘ਤੇ ਪਹੁੰਚੇ ਤਾਂ ਜੇਸੀਬੀ ਮਸ਼ੀਨ ਚਾਲਕ ਉਥੋਂ ਫ਼ਰਾਰ ਹੋ ਚੁੱਕਾ ਸੀ।

ਇਸ ਤੋਂ ਬਾਅਦ ਗੁਰਦੇਵ ਸਿੰਘ ਵੱਲੋਂ ਸਬੰਧਤ ਥਾਣਾ ਮਕਸੂਦਾ ਵਿਖੇ ਇਸ ਨਜ਼ਾਇਜ ਕਬਜ਼ੇ ਦੀ ਰਿਪੋਰਟ ਵੀ ਦਰਜ ਕਰਵਾਈ ਗਈ।
ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸੁਰੱਖਿਆ ਗਾਰਡ ਵੱਲੋਂ ਦੱਸਿਆ ਗਿਆ ਕਿ ਇਸ ਜਾਇਦਾਦ ਦੇ ਮਾਲਕਾਂ ਦਾ ਕੇਸ ਮਾਨਯੋਗ ਅਦਾਲਤ ਵਿੱਚ ਚੱਲ ਰਿਹਾ ਹੈ। ਇਸ ਥਾਂ ਦੀ ਵੰਡ ਵੀ ਨਹੀਂ ਹੋਈ, ਉਸ ਤੋਂ ਬਾਅਦ ਵੀ ਇਸ ’ਤੇ ਕਬਜ਼ਾ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ।
ਇਸ ਪੂਰੇ ਮਾਮਲੇ ਨੂੰ ਡੀ.ਐਸ.ਪੀ ਸੁਖਪਾਲ ਸਿੰਘ ਰੰਧਾਵਾ ਦੇ ਧਿਆਨ ਚ’ ਲਿਆ ਦਿੱਤਾ ਗਿਆ। ਪੂਰਾ ਮਾਮਲਾ ਉਚ ਅਧਿਕਾਰੀਆਂ ਦੇ ਧਿਆਨ ਚ’ ਲਿਆ ਦਿੱਤਾ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਉਕਤ ਜਾਇਦਾਦ ਮਾਲਕਾਂ ਦਾ ਕੇਸ ਅਦਾਲਤ ਵਿਚ ਚੱਲ ਰਿਹਾ ਹੈ, ਇਸ ਜਗ੍ਹਾ ‘ਤੇ ਪਹਿਲਾਂ ਵੀ ਕਈ ਵਾਰ ਚੋਰੀਆਂ ਹੋ ਚੁੱਕੀਆਂ ਹਨ।

ਸੰਤ ਸਮਾਜ ਵਲੋ ਵਿਧਾਨ ਸਭਾ ਚੋਣਾ ਵਿੱਚ ਸ਼੍ਰੋਮਣੀ ਅਕਾਲੀ ਦਲ-ਬਸਪਾ ਦੀ ਹਮਾਇਤ ਦਾ ਐਲਾਨ

*ਹਰ ਸਿੱਖ ਅਤੇ ਪੰਜਾਬੀ ਸੁਖਬੀਰ ਸਿੰਘ ਬਾਦਲ ਦੀ ਅਗਵਾਈ ਵਿੱਚ ਸ੍ਰੋਮਣੀ ਅਕਾਲੀ ਦਲ-ਬਸਪਾ ਦੀ ਸਰਕਾਰ ਬਣਾਉਣ ਵਿੱਚ ਪਾਵੇ ਯੋਗਦਾਨ-ਪ੍ਰਧਾਨ ਸੰਤ ਸਮਾਜ

ਜਲੰਧਰ(ਗੁਰਪ੍ਰੀਤ ਸਿੰਘ ਬੱਲ)

ਗੁਰਮਤਿ ਸਿਧਾਂਤ ਪ੍ਰਚਾਰਕ ਸੰਤ ਸਮਾਜ ਦੀ ਇੱਕ ਵਿਸ਼ਾਲ ਮੀਟਿੰਗ ਸਰਮਸਤਪੁਰ ਜਲੰਧਰ ਵਿਖੇ ਸੰਤ ਸਮਾਜ ਦੇ ਪ੍ਰਧਾਨ ਸੰਤ ਗਿਆਨੀ ਹਰਨਾਮ ਸਿੰਘ ਖਾਲਸਾ ਮੁਖੀ ਦਮਦਮੀ ਟਕਸਾਲ ਦੀ ਪ੍ਰਧਾਨਗੀ ਵਿੱਚ ਹੋਈ। ਜਿਸ ਵਿੱਚ ਵੱਖ-ਵੱਖ ਸੰਪਰਦਾਵਾਂ ਦੇ ਮੁਖੀ ਸੰਤ ਮਹਾਂਪੁਰਸ਼, ਉਦਾਸੀਨ, ਨਿਰਮਲੇ, ਕਾਰ ਸੇਵਾ ਅਤੇ ਨਿਹੰਗ ਸਿੰਘ ਜਥੇਬੰਦੀਆਂ ਨਾਲ ਸੰਬੰਧਿਤ 300 ਦੇ ਕਰੀਬ ਸੰਤ ਮਹਾਪੁਰਸ਼ ਸ਼ਾਮਲ ਹੋਏ।ਮੀਟਿੰਗ ਵਿੱਚ ਹਾਜ਼ਰ ਸਮੂਹ ਸੰਤ-ਮਹਾਂਪੁਰਸ਼ਾ ਨੇ ਸਰਬਸੰਮਤੀ ਨਾਲ ਪੰਜਾਬ ਦੀਆਂ 117 ਵਿਧਾਨ ਸਭਾ ਸੀਟਾਂ ਉੱਪਰ ਸ਼੍ਰੋਮਣੀ ਅਕਾਲੀ ਦਲ ਅਤੇ ਬਸਪਾ ਉਮੀਦਵਾਰਾਂ ਦੀ ਹਮਾਇਤ ਕਰਨ ਦਾ ਐਲਾਨ ਕੀਤਾ। ਸੰਤ ਗਿਆਨੀ ਹਰਨਾਮ ਸਿੰਘ ਖਾਲਸਾ ਨੇ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ ਸ਼੍ਰੋਮਣੀ ਅਕਾਲੀ ਦਲ ਖਾਲਸਾ ਪੰਥ ਦੀ ਉਹ ਮਹਾਨ ਸੰਸਥਾ ਹੈ ਜਿਸ ਦਾ ਜਨਮ ਪੰਥ ਦੀਆਂ ਧਾਰਮਿਕ ਅਤੇ ਰਾਜਨੀਤਿਕ ਚਣੌਤੀਆਂ ਭਰਪੂਰ ਪ੍ਰਸਥਿਤੀਆਂ ਦੌਰਾਨ ਵੱਡੇ ਸੰਘਰਸ਼ ਅਤੇ ਕੁਰਬਾਨੀਆਂ ਦੇ ਪਿੜ ਵਿੱਚ ਹੋਇਆ।ਇੱਕ ਸਦੀ ਦੇ ਆਪਣੇ ਲੰਬੇ ਸਫਰ ਦੁਰਾਨ ਸ਼੍ਰੋਮਣੀ ਅਕਾਲੀ ਦਲ ਨੇ ਪੰਥਕ ਹਿਤਾ ਦੀ ਪਹਿਰੇਦਾਰੀ ਕਰਦਿਆਂ ਵੱਡੇ- ਵੱਡੇ ਮੋਰਚੇ ਲਾ ਪੰਥ ਲਈ ਭਾਰੀ ਕੁਰਬਾਨੀਆਂ ਕੀਤੀਆਂ ਉਹਨਾਂ ਕਿਹਾ ਕਿ ਪਿਛਲੀ ਅਕਾਲੀ ਸਰਕਾਰ ਵੱਲੋ ਸ੍ਰੀ ਦਰਬਾਰ ਸਹਿਬ ਦੇ ਵਿਰਾਸਤੀ ਰਸਤਿਆਂ ਦਾ ਸੁੰਦਰੀਕਰਨ, ਜੂਨ ੱ84 ਦੇ ਘੱਲੂਘਾਰੇ ਦੀ ਸ਼ਹੀਦੀ ਯਾਦਗਾਰ, ਛੋਟਾ ਅਤੇ ਵੱਡਾ ਘੱਲੂਘਾਰਾ ਯਾਦਗਾਰ, ਵਿਰਾਸਤ-ਏ-ਖਾਲਸਾ, ਚੱਪੜਚਿੜੀ ਯਾਦਗਾਰ ਆਦਿ ਦੀ ਸੇਵਾ ਕਰਕੇ ਪੰਥ ਦੇ ਸ਼ਾਨਾਮਤੇ ਇਤਿਹਾਸ ਅਤੇ ਵਿਰਾਸਤ ਨੂੰ ਸੰਭਾਲਣ ਲਈ ਕੀਤੇ ਗਏ ਵਡੇਰੇ ਕਾਰਜਾਂ ਉਪਰ ਪੰਥ ਨੂੰ ਮਾਣ ਹੈ।ਉਹਨਾਂ ਸਮੱੁਚੇ ਸੰਤ ਸਮਾਜ ਵੱਲੋ ਗੁਰ ਪੰਥ ਅਤੇ ਪੰਜਾਬ ਵਾਸੀਆਂ ਨੂੰ ਪੰਜਾਬ ਅਤੇ ਪੰਥ ਦੇ ਵਡੇਰੇ ਹਿੱਤਾ ਲਈ 20 ਫਰਵਰੀ ਨੂੰ ਸ਼੍ਰੋਮਣੀ ਅਕਾਲੀ ਦਲ ਅਤੇ ਬਸਪਾ ਦੇ ਉਮੀਦਵਾਰਾਂ ਨੂੰ ਜਿਤਾਉਣ ਦੀ ਅਪੀਲ ਕੀਤੀ।ਇਸ ਮੌਕੇ ਹਾਜ਼ਰ ਵੱਡੀ ਗਿਣਤੀ ਵਿੱਚ ਸਮੂਹ ਸੰਤ ਮਹਾਂਪੁਰਸ਼ਾਂ ਨੇ ਜੈਕਾਰਿਆਂ ਦੀ ਅਵਾਜ ਵਿੱਚ ਇਸ ਅਪੀਲ ਦੀ ਪ੍ਰੋੜਤਾ ਕੀਤੀ।ਇਸ ਮੀਟਿੰਗ ਵਿੱਚ ਮੁੱਖ ਤੌਰ ਤੇ ਸੰਤ ਬਾਬਾ ਗੁਰਦਿਆਲ ਸਿੰਘ ਟਾਂਡੇ ਵਾਲੇ, ਸੰਤ ਬਾਬਾ ਮਹਿੰਦਰ ਸਿੰਘ ਜਨੇਰ ਵਾਲੇ, ਸੰਤ ਬਾਬਾ ਹਾਕਮ ਸਿੰਘ, ਸੰਤ ਬਾਬਾ ਬੁੱਧ ਸਿੰਘ ਜੀ ਨਿਕੇ ਘੁਮਣਾ ਵਾਲੇ, ਸੰਤ ਬਾਬਾ ਤਰਲੋਕ ਸਿੰਘ ਖਿਆਲੇ ਵਾਲੇ, ਸੰਤ ਬਾਬਾ ਸੁਰਜੀਤ ਸਿੰਘ ਘਨੁੜਕੀ ਵਾਲੇ, ਸੰਤ ਬਾਬਾ ਹਰੀ ਸਿੰਘ ਨਾਨਕਸਰ ਕਲੇਰਾਂ, ਸੰਤ ਬਾਬਾ ਅਮਰਜੀਤ ਸਿੰਘ ਸਮਪਰਦਾਏ ਹਰਖੋਵਾਲ, ਸੰਤ ਬਾਬਾ ਸੁਰਜੀਤ ਸਿੰਘ ਮਹਿਰੋਂ, ਸੰਤ ਬਾਬਾ ਅਵਤਾਰ ਸਿੰਘ ਧੂਲਕੋਟ, ਭਾਈ ਅਮਰਜੀਤ ਸਿੰਘ ਚਾਵਲਾ, ਭਾਈ ਅਜੈਬ ਸਿੰਘ ਅਭਿਆਸੀ, ਸੰਤ ਬਾਬਾ ਮਾਨ ਸਿੰਘ ਮੜੀਆਵਾਲੇ, ਜੱਥੇਦਾਰ ਬਾਬਾ ਮੇਜਰ ਸਿੰਘ, ਸੰਤ ਬਾਬਾ ਜੀਤ ਸਿੰਘ ਜੌਹਲਾਵਾਲੇ, ਸੰਤ ਬਲਦੇਵ ਸਿੰਘ ਜੋਗੇਵਾਲ, ਸੰਤ ਬਾਬਾ ਸੱਜਣ ਸਿੰਘ ਗੁਰੂ ਕੀ ਬੇਰ, ਸੰਤ ਬਾਬਾ ਸੁਖਦੇਵ ਸਿੰਘ ਭੁਚਂੋਕਲਾ ਅਤੇ ਸੰਤ ਬਾਬਾ ਗੁਰਜੀਤ ਸਿੰਘ ਨਾਨਕਸਰ ਵਾਲਿਆਂ ਵੱਲੋ ਸੰਤ ਬਾਬਾ ਹਰੀ ਸਿੰਘ ਨਾਨਕਸਰ ਕਲੇਰਾਂ, ਸੰਤ ਬਾਬਾ ਅਮਰੀਕ ਸਿੰਘ ਕਾਰ ਸੇਵਾ ਪਟਿਆਲੇ ਵਾਲੇ, ਸੰਤ ਬਾਬਾ ਪਰਮਜੀਤ ਸਿੰਘ ਹੰਸਾਲੀ ਸਾਹਿਬ ਦੇ ਪ੍ਰਤੀਨਿਧ ਸੰਤ ਬਾਬਾ ਧੰਨਾ ਸਿੰਘ ਨਾਨਕਸਰ ਬੜੂੰਦੀ, ਸੰਤ ਬਾਬਾ ਅਨੰਦਰਾਜ ਸਿੰਘ ਸਮਰਾਲਾ ਚੌਕ, ਸੰਤ ਬਾਬਾ ਕੁਲਵੰਤ ਸਿੰਘ ਨਾਨਕਸਰ ਭਾਈ ਕੀ ਸਮਾਧ ਦੇ ਪ੍ਰਤੀਨਿਧ, ਸੰਤ ਸਿੰਘ ਜੋਰਾ ਸਿੰਘ ਬਧਨੀਕਲਾਂ ਦੇ ਪ੍ਰਤੀਨਿਧ, ਸੰਤ ਬਾਬਾ ਗੁਰਦੇਵ ਸਿੰਘ ਭਾਈ ਕੀ ਸਮਾਧ ਦੇ ਪ੍ਰਤੀਨਿਧ, ਸੰਤ ਭਗਤ ਮਿਲਖਾ ਸਿੰਘ ਦੇ ਪ੍ਰਤੀਨਿਧ, ਸੰਤ ਬਾਬਾ ਬਚਨ ਸਿੰਘ ਕਾਰ ਸੇਵਾ ਵਾਲਿਆ ਦੇ ਪ੍ਰਤੀਨਿਧ, ਸੰਤ ਬਾਬਾ ਜਗਜੀਤ ਸਿੰਘ ਲੋਪੋ ਵਾਲਿਆਂ ਦੇ ਪ੍ਰਤੀਨਿਧਸੰਤ ਬਾਬਾ ਪਰਮਾਨੰਦ ਜੰਡਿਆਲਾ ਗੁਰੂ, ਸੰਤ ਬਾਬਾ ਹਰਪ੍ਰੀਤ ਸਿੰਘ ਜੋਗੇਵਾਲ, ਸੰਤ ਬਾਬਾ ਗੁਰਨਾਮ ਸਿੰਘ ਡਰੋਲੀ ਭਾਈ, ਸੰਤ ਬਾਬਾ ਸਰੂਪ ਸਿੰਘ ਚੰਡੀਗੜ ਵਾਲੇ, ਸੰਤ ਬਾਬਾ ਹਰੀ ਸਿੰਘ ਨਾਨਕਸਰ ਜੀਰਾ, ਮਾਤਾ ਜਸਪ੍ਰੀਤ ਕੌਰ ਮਾਹਲਪੁਰ, ਸੰਤ ਬਾਬਾ ਸਤਿੰਦਰ ਸਿੰਘ ਮੁਕੇਰੀਆਂ ਵਾਲੇ, ਸੰਤ ਬਾਬਾ ਅਜਾਇਬ ਸਿੰਘ ਮੱਖਣਵਿੰਡੀ, ਸੰਤ ਬਾਬਾ ਦਿਲਬਾਗ ਸਿੰਘ ਅਨੰਦਪੁਰ ਵਾਲੇ, ਸੰਤ ਬਾਬਾ ਸਤਨਾਮ ਸਿੰਘ ਜੀ ਕਾਰ ਸੇਵਾ ਅਨੰਦਪੁਰ ਵਾਲੇ, ਸੰਤ ਬਾਬਾ ਸੁਖਦੇਵ ਸਿੰਘ ਖੋਜਕੀਪੁਰ, ਸੰਤ ਬਾਬਾ ਹਰਜੀਤ ਸਿੰਘ ਬੜੂਸਾਹਿਬ, ਸੰਤ ਬਾਬਾ ਨਿਰਮਲ ਦਾਸ ਸੈਕਟਰੀ, ਸੰਤ ਕਲਿਆਣ ਦੇਵ ਗਿੱਦੜਬਾਹਾ, ਸੰਤ ਬਚਿੱਤਰ ਸਿੰਘ ਗੁਰੂਸਰ, ਸੰਤ ਅਨੂਪ ਸਿੰਘ ਮੌੜਮੰਡੀ, ਸੰਤ ਦਰਸਨ ਸਿੰਘ ਘੋੜੇਬਾਹਾ, ਸੰਤ ਸੁਚਾ ਸਿੰਘ ਨਾਨਕਸਰ ਫਿਰੋਜਪੁਰ, ਸੰਤ ਨਿਰਮਲ ਦਾਸ ਰਾਏਪੁਰ ਰਸੂਲਪੁਰ, ਸੰਤ ਸਾਹਿਬ ਸਿੰਘ ਰੱਤਾਟਿੱਬਾ, ਬਾਬਾ ਸੁਬੇਗ ਸਿੰਘ ਕਾਰ ਸੇਵਾ ਗੋਇੰਦਵਾਲ ਸਾਹਿਬ, ਜੱਥੇਦਾਰ ਸੁੱਖਾ ਸਿੰਘ ਮਿਸਲ ਸ਼ਹੀਦਾਂ, ਬਾਬਾ ਲੱਖਾ ਸਿੰਘ ਰਾਮਥੰਮਣ, ਮਹੰਤ ਗੁਰਮੁੱਖ ਸਿੰਘ ਲੋਪੋਂ, ਸੰਤ ਜਗਦੇਵ ਸਿੰਘ ਧਰਮਕੋਟ, ਸੰਤ ਅਮਰਜੀਤ ਸਿੰਘ ਧਰਮਕੋਟ,ਬਾਬਾ ਜਤਿੰਦਰ ਸਿੰਘ ਸੰਪਰਦਾਏ ਰਾੜਾ ਸਾਹਿਬ, ਜੱਥੇਦਾਰ ਦਵਿੰਦਰ ਸਿੰਘ ਅਕਾਲੀ, ਮਹੰਤ ਜਗਰੂਪ ਸਿੰਘ ਰਾਮਪੁਰਾ ਫੁਲ, ਸੰਤ ਸੁੱਧ ਸਿੰਘ ਟੂਸਿਆਂ ਵਾਲੇ, ਜੱਥੇਦਾਰ ਮੇਜਰ ਸਿੰਘ ਸੋਢੀ, ਮਹੰਤ ਜਗਤਾਰ ਸਿੰਘ, ਸੰਤ ਹਰਵਿੰਦਰ ਸਿੰਘ ਨੰਗਲ ਅਰਾਈਆਂ, ਸੰਤ ਬਾਬਾ ਬੀਰ ਸਿੰਘ ਭੰਗਾਲੀ, ਮਹੰਤ ਵਰਿੰਦਰ ਮੁਨੀ, ਸੰਤ ਕਵਲਜੀਤ ਸਿੰਘ ਨਾਗੀਆਣਾ, ਸੰਤ ਬਲਦੇਵ ਸਿੰਘ ਫਰਵਾਹੀ, ਸੰਤ ਰਣਯੋਧ ਸਿੰਘ ਸਾਮ ਚੌਰਾਸੀ, ਸੰਤ ਵਹਿਗੁਰੂ ਸਿੰਘ ਰਾਜਪੁਰਾ, ਸਵਾਮੀ ਤਿਰਮੁੱਖਦਾਸ ਬਠਿੰਡਾ, ਸੰਤ ਰੁਪਿੰਦਰ ਸਿੰਘ, ਸੰਤ ਗੁਰਦੇਵ ਸਿੰਘ ਮਟਵਾਣਾ ਮੋਗਾ, ਸੰਤ ਬਲਵੀਰ ਸਿੰਘ ਨਿਜਰਾਂ, ਸੰਤ ਅਵਤਾਰ ਸਿੰਘ ਝੁੱਗੀਵਾਲੇ ਮੋਗਾ, ਸੰਤ ਪਵਨਦੀਪ ਸਿੰਘ ਕੜਿਆਲ ਵਾਲੇ, ਬਾਬਾ ਜੱਜ ਸਿੰਘ ਜਲਾਲਾਬਾਦ, ਮਹੰਤ ਸਿਵਰਾਉ ਸਿੰਘ ਯੋਗੇਵਾਲ, ਸੰਤ ਦਿਲਬਾਗ ਸਿੰਘ ਸਰਹਾਲੀ ਸਾਹਿਬ, ਸੰਤ ਸੁਖਦੇਵ ਸਿੰਘ ਨਿਰਮਲ ਡੇਰਾ, ਬਾਬਾ ਬੇਅੰਤ ਸਿੰਘ ਬੇਰਕਲਾਂ ਲੰਗਰਾਂਵਾਲੇ, ਬਾਬਾ ਮੇਜਰ ਸਿੰਘ ਵਾਂ ਵਾਲੇ, ਸੰਤ ਮਨਜਿੰਦਰ ਸਿੰਘ ਰਾਏਪੁਰ ਰਸੂਲਪੁਰ, ਬਾਬਾ ਹਰਜਿੰਦਰ ਸਿੰਘ ਬਾਗਾ ਪੁਰਾਣਾ, ਸੰਤ ਧੰਨਾ ਸਿੰਘ ਜੈਤੋ, ਬਾਬਾ ਰਣਜੀਤ ਸਿੰਘ ਲੰਗਿਆਣਾ ਪੁਰਾਣਾ, ਬਾਬਾ ਗੁਰਪ੍ਰੀਤ ਸਿੰਘ ਮਿਰਜਾਪੁਰ, ਬਾਬਾ ਗੁਰਦੇਵ ਸਿੰਘ ਤਰਨਾਦਲ, ਬਾਬਾ ਸਰਬਜੋਤ ਸਿੰਘ ਡਾਂਗੋਵਾਲੇ, ਸੰਤ ਹਰਵਿੰਦਰ ਸਿੰਘ ਰੌਣੀ, ਸੰਤ ਇਕਬਾਲ ਸਿੰਘ ਨੱਥੂਵਾਲਾ ਮੋਗਾ, ਮਹੰਤ ਮੁਰਾਰੀ ਦਾਸ ਸਿਧੋਵਾਲ, ਸੰਤ ਬਾਬਾ ਨਵਤੇਜ ਸਿੰਘ ਚੇਲਿਆਣਾ, ਬਾਬਾ ਸਵਿੰਦਰ ਸਿੰਘ ਟਾਹਲੀ ਸਾਹਿਬ, ਸੰਤ ਬਾਬਾ ਸੋਹਣ ਸਿੰਘ, ਮਹੰਤ ਅਮਨਦੀਪ ਸਿੰਘ ਉਗੋਕੇ, ਸੰਤ ਗੁਰਦੇਵ ਸਿੰਘ ਤਰਸਿੱਕਾ, ਬਾਬਾ ਸੁਖਦੇਵ ਸਿੰਘ ਸਿਧਾਣਾ ਸਾਹਿਬ, , ਬਾਬਾ ਜੁਗਿੰਦਰ ਸਿੰਘ ਲਾਲੂਵਾਲਾ, ਬਾਬਾ ਸਤਨਾਮ ਸਿੰਘ ਮੋਗਾ, ਸੰਤ ਬਾਬਾ ਜੀਤ ਸਿੰਘ ਤਰਨਾਦਲ ਮਹਿਤਾ ਚੌਕ, ਬਾਬਾ ਸੁਲੱਖਣ ਸਿੰਘ ਮੁਰਾਦਪੁਰਾ, ਬਾਬਾ ਅਵਤਾਰ ਸਿੰਘ ਬਰਨਾਲਾ, ਬਾਬਾ ਗੁਰਬਖਸ਼ ਸਿੰਘ ਨਕੋਦਰ, ਬਾਬਾ ਬਲਵਿੰਦਰ ਸਿੰਘ ਜੀ ਮਸਤੂਆਣਾ, ਬਾਬਾ ਤੀਰਥ ਸਿੰਘ ਆਨੰਦਪੁਰ ਸਾਹਿਬ ਤੋ ਇਲਾਵਾ ਹੋਰ ਬਹੁਤ ਸਾਰੇ ਸੰਤ ਮਹਾ ਪੁਰਸ਼ ਮੌਜੂਦ ਸਨ।

ਕੇ. ਕੇ. ਸੱਭਰਵਾਲ ਤੇ ਰੰਜਿਸ਼ ਤਹਿਤ ਐੱਫ ਆਈ ਆਰ ਦਰਜ ਕਰਵਾਈ ਗਈ – ਰਜਿੰਦਰ ਗਿੱਲ

ਜਲੰਧਰ/ਅਲਾਵਲਪੁਰ(ਗੁਰਪ੍ਰੀਤ ਬੱਲ) ਵਿਧਾਨ ਸਭਾ ਹਲਕਾ ਕਰਤਾਰਪੁਰ ਤੋਂ ਡੈਮੋਕਰੇਟਿਕ ਭਾਰਤੀ ਸਮਾਜ ਪਾਰਟੀ ਦੇ ਸੀਨੀਅਰ ਆਗੂ ਤੇ ਸੋਸ਼ਲ ਵਰਕਰ ਕੇ ਕੇ ਸੱਭਰਵਾਲ ਨੂੰ ਉਮੀਦਵਾਰ ਬਣਾ ਲਿਆ ਹੈ।ਡੈਮੋਕ੍ਰੇਟਿਕ ਭਾਰਤੀ ਸਮਾਜ ਪਾਰਟੀ ਦੇ ਰਾਸ਼ਟਰੀ ਪ੍ਰਧਾਨ ਸ਼ੀ ਰਜਿੰਦਰ ਗਿੱਲ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਕੇਵਲ ਕ੍ਰਿਸ਼ਨ ਸੱਭਰਵਾਲ ਤੇ 323,324,327,148,149,506,506,120 – B ਦੀਆਂ ਧਰਾਵਾਂ ਤਹਿਤ FIR 115/16 ਡਵੀਜ਼ਨ ਨੰਬਰ -1 ਜਲੰਧਰ ਵਿੱਚ ਕੇਸ ਦਰਜ ਕੀਤਾ ਗਿਆ ਹੈ। ਜੋ ਕਿ ਮਾਣਯੋਗ ਅਦਾਲਤ ਵਿਚ ਵਿਚਾਰ ਅਧੀਨ ਚੱਲ ਰਿਹਾ ਹੈ ।ਉਨ੍ਹਾਂ ਨੇ ਕਿਹਾ ਕਿ ਉਕਤ ਐੱਫਆਈਆਰ ਰੰਜਿਸ਼ ਤਹਿਤ ਕਰਵਾਈ ਗਈ ਹੈ।

ਸਰਕਾਰੀ ਸਕੂਲ ਪਚਰੰਗਾ ਵਿਖੇ ਤਿਰੰਗਾ ਲਹਿਰਾਇਆ

ਭੋਗਪੁਰ 27 ਜਨਵਰੀ ( ਹਰਪ੍ਰੀਤ ਬਿਆਸ ਪਿੰਡ ) ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਵਿਖੇ ਸਰਕਾਰੀ ਹਦਾਇਤਾਂ ਅਨੁਸਾਰ 26 ਜਨਵਰੀ ਗਣਤੰਤਰ ਦਿਵਸ ਮੌਕੇ ਪ੍ਰਿੰਸੀਪਲ ਸਸ਼ੀ ਕੁਮਾਰ ਨੇ ਸਕੂਲ ਸਟਾਫ਼ ਦੀ ਹਾਜ਼ਰੀ ਵਿੱਚ ਤਿਰੰਗਾ ਝੰਡਾ ਲਹਿਰਾਇਆ ਅਤੇ ਰਾਸ਼ਟਰੀ ਗੀਤ ਗਾਇਆ ਗਿਆ । ਤਿੰਰਗਾ ਝੰਡਾ ਚੜਾਉਣ ਦੀ ਰਸਮ ਮੌਕੇ ਲੈਕ : ਮਨਜੀਤ ਕੌਰ , ਕ੍ਰਿਸ਼ਨਾ ਦੇਵੀ , ਮਨਜੀਤ ਕੁਮਾਰੀ ,ਗੁਰਪ੍ਰੀਤ ਕੌਰ , ਕੁਲਵਿੰਦਰ ਕੌਰ , ਸਵਿਤਾ ਗਭੀਰ , ਸਵਾਤੀ ਪੁਸਕਰਨਾ , ਸ਼ੁਸਮਾ ਰਾਣੀ , ਰੁਪਿੰਦਰ ਕੌਰ , ਪ੍ਰਿਯੰਕਾ ਸਮੇਤ ਆਏ ਹੋਏ ਦਾਨੀ ਸੱਜਣ , ਸਮਾਜ ਸੇਵੀ ਆਦਿ ਹੋਰ ਇਲਾਕੇ ਦੇ ਪੰਤਵਾਤੇ ਸੱਜਣ ਵੱਡੀ ਗਿਣਤੀ ਵਿੱਚ ਹਾਜ਼ਰ ਸਨ ।