ਮਲੇਰੀਆ ਜਾਗਰੂਕਤਾ ਮਹੀਨੇ ਤਹਿਤ ਸਿਹਤ ਬਲਾਕ ਕਾਲਾ ਬੱਕਰਾ ਦੇ ਪਿੰਡ ਕਿੰਗਰਾ ਚੋ ਵਾਲਾ ਵਿਖੇ ਜਾਗਰੂਕਤਾ ਕੈਂਪ ਲਗਾਇਆ ਗਿਆ

ਮੱਛਰਾਂ ਤੋਂ ਬਚਣ ਲਈ ਲੋਕਾਂ ਨੂੰ ਜਾਗਰੂਕ ਕੀਤਾ ਗਿਆ

ਕਾਲਾ ਬੱਕਰਾ ( ਸੂਰਜ ) ਸਿਵਲ ਸਰਜਨ ਜਲੰਧਰ ਡਾ. ਰਮਨ ਸ਼ਰਮਾ ਅਤੇ ਸੀ.ਐਚ.ਸੀ ਕਾਲਾਬੱਕਰਾ ਦੇ ਸੀਨੀਅਰ ਮੈਡੀਕਲ ਅਫ਼ਸਰ ਡਾ: ਰਿਚਰਡ ਓਹਰੀ ਦੇ ਦਿਸ਼ਾ-ਨਿਰਦੇਸ਼ਾਂ ‘ਤੇ ਮਲੇਰੀਆ ਜਾਗਰੂਕਤਾ ਮਹੀਨੇ ਤਹਿਤ ਸ਼ੁਕਰਵਾਰ ਨੂੰ ਸਿਹਤ ਬਲਾਕ ਕਾਲਾ ਬੱਕਰਾ ਦੇ ਪਿੰਡ ਕਿੰਗਰਾ ਚੋ ਵਾਲਾ ਵਿਖੇ ਜਾਗਰੂਕਤਾ ਕੈਂਪ ਲਗਾਇਆ ਗਿਆ। ਕੈਂਪ ਵਿੱਚ ਬੀਈਈ ਨੀਤੀਰਾਜ ਬੀ ਸਿੰਘ ਨੇ
ਜਾਣਕਾਰੀ ਦਿੰਦਿਆਂ ਕਿਹਾ ਕਿ ਆਉਣ ਵਾਲੇ ਸੀਜ਼ਨ ਵਿੱਚ ਮੱਛਰਾਂ ਤੋਂ ਬਚਣ ਲਈ ਲੋਕਾਂ ਨੂੰ ਖੁਦ ਹੀ ਉਪਾਅ ਕਰਨ ਦੀ ਲੋੜ ਹੈ। ਮਲੇਰੀਆ ਦਾ ਮੱਛਰ ਗੰਦੇ ਪਾਣੀ ਵਿੱਚ ਅੰਡੇ ਦਿੰਦਾ ਹੈ, ਜਦੋਂ ਕਿ ਡੇਂਗੂ ਦਾ ਮੱਛਰ ਸਾਫ਼ ਪਾਣੀ ਵਿੱਚ ਅੰਡੇ ਦਿੰਦਾ ਹੈ ਅਤੇ ਆਉਣ ਵਾਲਾ ਬਰਸਾਤ ਦਾ ਮੌਸਮ ਦੋਵਾਂ ਲਈ ਬਹੁਤ ਅਨੁਕੂਲ ਹੈ। ਇਸ ਲਈ ਲੋਕਾਂ ਨੂੰ ਘਰਾਂ ਦੇ ਆਲੇ-ਦੁਆਲੇ ਪਾਣੀ ਇਕੱਠਾ ਨਹੀਂ ਹੋਣ ਦੇਣਾ ਚਾਹੀਦਾ। ਕੂਲਰਾਂ, ਛੱਤਾਂ ‘ਤੇ ਰੱਖੇ ਬਰਤਨ, ਹੋਰ ਟੁੱਟੀਆਂ ਚੀਜ਼ਾਂ ਆਦਿ ਨੂੰ ਨਿਯਮਤ ਤੌਰ ‘ਤੇ ਸਾਫ਼ ਕਰਨਾ ਚਾਹੀਦਾ ਹੈ। ਜੇਕਰ ਆਲੇ-ਦੁਆਲੇ ਮੱਛਰ ਹਨ ਤਾਂ ਮੱਛਰ ਭਜਾਉਣ ਵਾਲੀਆਂ ਕੋਇਲਾਂ, ਮੱਛਰਦਾਨੀ ਅਤੇ ਕਰੀਮ ਦੀ ਵਰਤੋਂ ਕਰਨੀ ਚਾਹੀਦੀ ਹੈ। ਉਨਾਂ ਦੱਸਿਆ ਕਿ ਪੰਜਾਬ ਦੇ ਸਾਰੇ ਸਰਕਾਰੀ ਸਿਹਤ ਸੰਸਥਾਵਾਂ ‘ਚ ਮਲੇਰੀਆ ਦੇ ਟੈਸਟ ਅਤੇ ਇਲਾਜ਼ ਮੁਫਤ ਕੀਤਾ ਜਾਂਦਾ ਹੈ[ਅਜੀਤ ਸਿੰਘ ਹੈਲਥ ਸੁਪਰਵਾਇਜ਼ਰ ਨੇ ਦੱਸਿਆ ਕਿ ਹਫਤੇ ਦੇ ਹਰ ਸ਼ੁੱਕਰਵਾਰ ਜਾਂ ਐਤਵਾਰ ਨੂੰ ਘਰ ਵਿੱਚ ਪਾਣੀ ਦੇ ਸੋਮਿਆਂ ਨੂੰ ਇੱਕ ਵਾਰ ਜਰੂਰ ਸਾਫ਼ ਕਰੋਂ ਜਿਵੇ ਕਿ ਫ੍ਰਿਜ਼ ਦੀ ਟ੍ਰੇ , ਕੂਲਰ ਆਦਿ। ਇਸ ਤੋਂ ਇਵਾਲਾ ਉਨ੍ਹਾਂ ਦੱਸਿਆ ਕਿ ਗੰਦਾ ਪਾਣੀ ਪੀਣ ਜਾਂ ਸਾਫ-ਸਫਾਈ ਨਾ ਰੱਖਣ ਕਾਰਨ ਹੋਣ ਵਾਲੇ ਡਾਇਰਿਆ ਦੇ ਕਾਰਨਾਂ, ਲੱਛਣਾਂ ਅਤੇ ਇਲਾਜ ਬਾਰੇ ਜਾਣਕਾਰੀ ਦਿੱਤੀ ਅਤੇ ਇਹ ਵੀ ਦੱਸਿਆ ਕਿ ਕਿਵੇਂ ਓ.ਆਰ.ਐਸ ਦਾ ਘੋਲ ਘਰ ਵਿੱਚ ਹੀ ਬਣਾਇਆ ਜਾ ਸਕਦਾ ਹੈ ਤਾਂ ਜੋ ਸਰੀਰ ਵਿੱਚ ਪਾਣੀ ਦੀ ਕਮੀ ਨਾ ਹੋਵੇ। ਕੈਂਪ ਵਿੱਚ ਮਲੂਕ ਸਿੰਘ ਮਪਹਵ,ਪੂਜਾ ਮਪਹਵ(ਫੀਮੇਲ),ਨਿਰਮਲ ਕੌਰ ਤੇ ਨਿਰੰਜਨਾ ਆਸ਼ਾ ਵਰਕਰ ਹਾਜਿਰ ਸਨ।

ਐਸ ਐਮ ਓ ਡਾ ਰਿਚਰਡ ਓਹਰੀ ਨੇ ਕਾਲਾ ਬੱਕਰਾ ਸਿਹਤ ਬਲਾਕ ਅਧੀਨ ਆਉਂਦੇ ਸਿਹਤ ਕੇਂਦਰਾਂ ਦੀ ਕੀਤੀ ਚੈਕਿੰਗ

ਜਲੰਧਰ (ਮੁਕੇਸ਼ ਕੁਮਾਰ)ਡਾ ਰਮਨ ਸ਼ਰਮਾ ਸਿਵਲ ਸਰਜਨ ਜਲੰਧਰ ਵੱਲੋ ਪਿੰਡ ਪੱਧਰ ਤੱਕ ਸਿਹਤ ਸਹੂਲਤਾਂ ਦੀ ਪਹੁੰਚ ਦਾ ਨਰੀਖਣ ਕਰਨ ਲਈ ਚਲਾਈ ਮੁਹਿੰਮ ਤਹਿਤ ਐਸ ਐਮ ਓ ਡਾ ਰਿਚਰਡ ਓਹਰੀ ਨੇ ਕਾਲਾ ਬੱਕਰਾ ਸਿਹਤ ਬਲਾਕ ਅਧੀਨ ਆਉਂਦੇ ਸਿਹਤ ਕੇਂਦਰਾਂ ਦੀ ਚੈਕਿੰਗ ਕੀਤੀ ਤੇ ਸੈਕਟਰ ਸਟਾਫ ਨਾਲ ਮੀਟਿੰਗ ਕੀਤੀ।
ਡਾ ਓਹਰੀ ਨੇ ਸੈਕਟਰ ਪੰਡੋਰੀ ਨਿੱਝਰਾਂ ਦੇ ਅਧੀਣ ਆਉਂਦੇ ਸਿਹਤ ਕੇਂਦਰ ਖੋਜਕੀਪੁਰ ਦੀ ਹਾਜ਼ਰੀ,ਕੰਮ ਦਾ ਨਰੀਖਣ ਕੀਤਾ ਤੇ ਰਜਿਸਟਰ ਚੈੱਕ ਕੀਤੇ।ਓਹਨਾਂ ਨੇ ਸਟਾਫ ਨੂੰ ਸਖਤ ਹਦਾਇਤ ਕੀਤੀ ਕਿ ਸਮੇਂ ਦੇ ਪਾਬੰਦ ਰਹਿ ਕੇ ਸਿਹਤ ਸਹੂਲਤਾਂ ਆਮ ਜਨਤਾ ਤੱਕ ਪਹੁੰਚਾਉਣ।
ਨੀਤੀਰਾਜ ਬੀ ਸਿੰਘ ਬੀਈਈ ਨੇ ਦੱਸਿਆ ਕੇ ਇਹ ਸੈਂਟਰ ਲਗਭਗ 6500 ਦੀ ਅਬਾਦੀ ਨੂੰ ਸਿਹਤ ਸੇਵਾਵਾਂ ਦੇ ਰਿਹਾ ਹੈ ਜਿਸ ਵਿੱਚ ਕੋਵਿਡ ਟੀਕਾਕਰਨ ਤੇ ਟੈਸਟ ਤੋਂ ਇਲਾਵਾ ਐਨ ਸੀ ਡੀ ਦੀ ਰੋਕਥਾਮ ਲਈ ਕੈਂਪ ਲਗਾਏ ਜਾਂਦੇ ਹਨ।ਇਸ ਸਮੇ ਸੈਕਟਰ ਜੇ ਸੀ ਐਚ ਓ,ਐਲ ਐਚ ਵੀ ਤੋਂ ਇਲਾਵਾ ਏ ਐਨ ਐਮ ਹਾਜ਼ਿਰ ਸਨ।