ਪੱਤਰਕਾਰ ਕੁਲਦੀਪ ਹੋਠੀ ਦੀ ਸਵ. ਮਾਤਾ ਜੀ ਨੂੰ ਅੰਤਿਮ ਅਰਦਾਸ ਤੇ ਪਾਠ ਦੇ ਭੋਗ ਦੇ ਮੌਕੇ ਤੇ ਸ਼ਰਧਾਂਜਲੀਆਂ

ਕਿਸ਼ਨਗੜ੍ਹ : (ਗੁਰਪ੍ਰੀਤ ਬੱਲ)

ਪਿੰਡ ਬੱਲਾ ਨਿਵਾਸੀ ਪੱਤਰਕਾਰ ਕੁਲਦੀਪ ਹੋਠੀ ਨੂੰ ਪਿਛਲੇ ਦਿਨੀ ਉਸ ਸਮੇਂ ਭਾਰੀ ਸਦਮਾ ਲੱਗਾ ਜਦੋਂ ਉਹਨਾਂ ਦੇ ਮਾਤਾ ਸ਼੍ਰੀਮਤੀ ਗੁਰਬਖਸ਼ ਕੌਰ ਪਤਨੀ ਸਰਦਾਰ ਜਗਤ ਸਿੰਘ ਸੁਦੀਵੀ ਵਿਛੋੜਾ ਦੇ ਕੇ ਗੁਰੂ ਚਰਨਾਂ ਵਿੱਚ ਜਾ ਬਿਰਾਜੇ ਸਨ! ਕਾਫਲੇ ਚ ਵਿਛੜੀ ਰੂਹ ਦੀ ਆਤਮਕ ਸ਼ਾਂਤੀ ਲਈ ਗੁਰਦੁਆਰਾ ਮੰਜੀ ਸਾਹਿਬ ਵਿਖੇ ਸਹਿਜ ਪਾਠਾਂ ਦੇ ਭੋਗ ਪਾਉਣ ਉਪਰੰਤ ਪਾਠ ਦੇ ਭੋਗ ਤੇ ਅੰਤਿਮ ਅਰਦਾਸ ਕੀਤੀ ਗਈ! ਇਸ ਉਪਰੰਤ ਕੀਰਤਨੀ ਜਥਿਆਂ ਵੱਲੋਂ ਕੀਰਤਨ ਦੁਆਰਾ ਸੰਗਤਾਂ ਨੂੰ ਨਿਹਾਲ ਕੀਤਾ। ਇਸ ਉਪਰੰਤ ਬਲਦੇਵ ਰਾਹੀ ਅਤੇ ਜਥੇਦਾਰ ਅਵਤਾਰ ਸਿੰਘ ਕਾਨੂੰਗੋ ਵੱਲੋਂ ਮਾਤਾ ਗੁਰਬਖਸ਼ ਕੌਰ ਨੂੰ ਸ਼ਰਧਾਂਜਲੀ ਭੇਟ ਕਰਦੇ ਹੋਏ ਕਿਹਾ ਕਿ ਮਾਤਾ ਗੁਰਬਖਸ਼ ਕੌਰ ਦੀ ਅਚਨਚੇਤ ਮੌਤ ਕਾਰਨ ਪਰਿਵਾਰ ਨੂੰ ਇੱਕ ਨਾਂ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ। ਉਹਨਾਂ ਕਿਹਾ ਕਿ ਮਾਂ ਇੱਕ ਪਰਿਵਾਰ ਦਾ ਮੁੱਢ ਹੁੰਦੀ ਹੈ ਮਾਂ ਦਾ ਘਾਟਾ ਕੋਈ ਵੀ ਪੂਰਾ ਨਹੀਂ ਕਰ ਸਕਦਾ। ਇਸ ਮੌਕੇ ਤੇ ਸਰਪੰਚ ਪ੍ਰਦੀਪ ਕੁਮਾਰ ਜੀ ਦੀਪਾ, ਸਾਬਕਾ ਸਰਪੰਚ ਮਾਸਟਰ ਸਰਵਣ ਸਿੰਘ, ਪੀਟੀ ਪਰਮਜੀਤ ਸਿੰਘ ਜੋੜਾ, ਬੂਟਾ ਸਿੰਘ ਲੰਬੜਦਾਰ, ਅਮਰੀਕ ਸਿੰਘ ਨੰਬਰਦਾਰ,ਪੱਤਰਕਾਰ ਜਸਵਿੰਦਰ ਬੱਲ, ਪੱਤਰਕਾਰ ਬਲਵੀਰ ਬੈਂਸ, ਪੱਤਰਕਾਰ ਹੁਸਨ ਲਾਲ, ਪੱਤਰਕਾਰ ਗੁਰਦੀਪ ਸਿੰਘ, ਮੇਵਾ ਸਿੰਘ ਹੋਠੀ, ਜਥੇਦਾਰ ਭੁਪਿੰਦਰ ਸਿੰਘ ਮੰਨਣ, ਹਰਜਿੰਦਰ ਸਿੰਘ ਫੌਜੀ, ਗੁਰਪਿਆਰ ਸਿੰਘ ਹੋਠੀ, ਜਿੰਦਰ ਸਿੰਘ ਹੋਠੀ, ਤਰਨਜੀਤ ਸਿੰਘ ਹੋਠੀ ਆਦਿ ਵੀ ਹਾਜ਼ਰ ਸਨ। ਇਸ ਮੌਕੇ ਸੰਗਤਾਂ ਵਿੱਚ ਅਟੁੱਟ ਲੰਗਰ ਵਰਤਾਏ ਗਏ।