ਨਜਾਇਜ ਤਰੀਕੇ ਨਾਲ ਬਣਾਈ ਦੁਕਾਨ ਦੀ ਮੁੜ ਕੀਤੀ ਸ਼ਿਕਾਇਤ,ਐਮ ਟੀ ਪੀ ਅਤੇ ਏ ਟੀ ਪੀ ਦੀ ਮਿਲੀਭੁਗਤ ਨਾਲ ਚੋਣਾਂ ਸਮੇਂ ਲਿਆ ਸੀ ਲਾਹਾ
ਜਲੰਧਰ (ਗੁਰਪ੍ਰੀਤ ਬੱਲ) ਜਲੰਧਰ ਪਠਾਨਕੋਟ ਚੋਂਕ ਨਜਦੀਕ ਅਮਰ ਗਾਰਡਨ ਜੀ ਪੀ ਟਾਵਰ ਨੇੜੇ ਰਾਸ਼ਟਰੀਏ ਰਾਜ ਮਾਰਗ ਦੀ ਸਰਵਿਸ ਲਾਈਨ ਉਪਰ ਨਜਾਇਜ ਤਰੀਕੇ ਨਾਲ ਬਣਾਈ ਇੱਕ ਦੁਕਾਨ ਦੀ ਨਗਰ ਨਿਗਮ ਜਲੰਧਰ ਦੇ ਐਡੀਸ਼ਨਲ ਕਮਿਸ਼ਨਰ ਨੂੰ ਨਾਜਾਇਜ ਬਣੀ ਦੁਕਾਨ ਉਪਰ ਕਾਰਵਾਈ ਕਰਨ ਲਈ ਇੱਕ ਮੁੜ ਸ਼ਿਕਾਇਤ ਦਿੱਤੀ ਗਈ ਜਿਸ ਤੇ ਜਾਣਕਾਰੀ ਲੈਣ ਉਪਰੰਤ ਐਡੀਸ਼ਨਲ ਕਮਿਸ਼ਨਰ ਵਲੋਂ ਐਮ ਟੀ ਪੀ ਨੂੰ ਦੁਕਾਨ ਤੇ ਬਣਦੀ ਕਾਰਵਾਈ ਕਰਨ ਦੇ ਆਦੇਸ਼ ਦਿੱਤੇ .ਨਾਜਾਇਜ ਬਣੀ ਇਸ ਦੁਕਾਨ ਦੀ ਪੱਤਰਕਾਰ ਸੰਜੀਵ ਕੁਮਾਰ ਵਲੋਂ ਛੇ ਮਹੀਨੇ ਪਹਿਲਾ ਨਗਰ ਨਿਗਮ ਜਲੰਧਰ ਵਿਚ ਇੱਕ ਸ਼ਿਕਾਇਤ ਦਿੱਤੀ ਗਈ ਸੀ ਜਿਸ ਤੇ ਕਾਰਵਾਈ ਕਰਦੇ ਨਗਰ ਨਿਗਮ ਵਲੋਂ ਦੁਕਾਨ ਦਾ ਕੰਮ ਬੰਦ ਕਰਵਾ ਦਿੱਤਾ ਗਿਆ ਸੀ ਪਰ ਕੁਝ ਨਿਜੀ ਵਿਕਾਉ ਪੱਤਰਕਾਰਾਂ ਵਲੋਂ ਐਮ ਟੀ ਪੀ ਵਿਜੈ ਕੁਮਾਰ ਅਤੇ ਏ ਟੀ ਪੀ ਸੁਸ਼ਮਾ ਦੁਗਲ ਨਾਲ ਸੈਟਿੰਗ ਕਰਕੇ ਚੋਣਾਂ ਸਮੇਂ ਦੁਕਾਨ ਦੀ ਛੱਤ ਨੂੰ ਪਵਾ ਦਿੱਤਾ ਗਿਆ ਅਤੇ ਨਾਲ ਦੀ ਨਾਲ ਦੁਕਾਨ ਦਾ ਸ਼ਟਰ ਵੀ ਲਗਾਇਆ ਗਿਆ. ਜਦ ਇਹ ਦੁਕਾਨ ਦਾ ਕੰਮ ਬੰਦ ਕਰਵਾਇਆ ਜਾ ਰਿਹਾ ਸੀ ਉਸ ਸਮੇਂ ਐਮ ਟੀ ਪੀ ਵਿਜੈ ਕੁਮਾਰ ਅਤੇ ਮੈਡਮ ਸੁਸ਼ਮਾ ਦੁਗਲ ਨੂੰ ਪੂਰੀ ਜਾਣਕਾਰੀ ਦਿੱਤੀ ਗਈ ਪਰ ਐਮ ਟੀ ਪੀ ਵਲੋਂ ਕਾਰਵਾਈ ਕਰਨ ਦੀ ਵਜਾਏ ਮੋਟੀ ਸੈਟਿੰਗ ਕਰਕੇ ਦੁਕਾਨ ਦਾ ਕੰਮ ਪੂਰਾ ਕਰਵਾਈਆ ਗਿਆ। ਜਿਸਦੀ ਬਾਰ-2ਜਾਣਕਾਰੀ ਮੰਗਣ ਤੇ ਐਮ ਟੀ ਪੀ ਵਲੋਂ ਕੋਈ ਵੀ ਸਪਸ਼ਟ ਜਾਣਕਾਰੀ ਨਹੀਂ ਦਿੱਤੀ ਗਈ । ਜਿਸ ਤੇ ਅੱਜ ਨਗਰ ਨਿਗਮ ਜਲੰਧਰ ਵਿਚ ਨਜਾਇਜ ਬਣੀ ਦੁਕਾਨ ਨੂੰ ਸੀਲ ਕਰਕੇ ਤੋੜਣ ਸੰਬੰਧੀ ਮੁੜ ਦਰਖ਼ਾਸਤ ਦਿੱਤੀ ਗਈ, ਜਿਸ ਤੇ ਤੁਰੰਤ ਕਾਰਵਾਈ ਕਰਨ ਦੇ ਆਦੇਸ਼ ਦਿੱਤੇ ਗਏ, ਹੁਣ ਦੇਖਣਾ ਇਹ ਹੈ ਕਿ ਨਗਰ ਨਿਗਮ ਵਿਚ ਇਸੇ ਤਰਾਂ ਵਿਕਾਉ ਪੱਤਰਕਾਰਾਂ ਨਾਲ ਮਿਲ ਕੇ ਸੈਟਿੰਗ ਕਰਕੇ ਅਧਿਕਾਰੀਆਂ ਵਲੋਂ ਆਪਣੀਆਂ ਜੇਬਾਂ ਭਰੀਆ ਜਾਣਗੀਆਂ ਜਾ ਸੱਚਾਈ ਪਤਾ ਹੋਣ ਤੇ ਬਣਦੀ ਕਾਨੂੰਨੀ ਕਾਰਵਾਈ ਵੀ ਕੀਤੀ ਜਾਵੇਗੀ?
Doaba Times 