ਸੋਢਲ ਮੇਲੇ ਦੌਰਾਨ ਰਾਮ ਨਗਰ ਫਾਟਕ ਨੂੰ 5 ਦਿਨਾ ਤੱਕ ਬੰਦ ਰੱਖਣ ਦੇ ਜਲੰਧਰ ਦੇ ਡੀਸੀ ਵੱਲੋਂ ਦਿੱਤੇ ਗਏ ਤੁਗਲਕੀ ਫਰਮਾਨ ਨੂੰ ਰੱਦ ਕਰਵਾ ਕੇ ਰਹਾਗੇ-ਰਾਇਲ ਕਲੱਬ ਦੇ ਜਰਨਲ ਸਕੱਤਰ ਸ੍ਰੀ ਸੂਰਜ ਬਿਰਦੀ ਅਤੇ ਐਸ ਸੀ ਮੋਰਚਾ ਦੇ ਜਰਨਲ ਸਕੱਤਰ ਅਸ਼ਵਨੀ ਕੁਮਾਰ ਬਿਰਦੀ
ਜਲੰਧਰ(ਸੰਜੀਵ ਕੁਮਾਰ) ਸੋਢਲ ਮੇਲੇ ਦੌਰਾਨ ਰਾਮ ਨਗਰ ਫਾਟਕ ਨੂੰ 5 ਦਿਨਾ ਤੱਕ ਬੰਦ ਰੱਖਣ ਦੇ ਜਲੰਧਰ ਦੇ ਡੀਸੀ ਵੱਲੋਂ ਦਿੱਤੇ ਗਏ ਤੁਗਲਕੀ ਫਰਮਾਨ ਨੂੰ ਰੱਦ ਕਰਕੇ ਫਾਟਕ ਨੂੰ ਖੁਲਾ ਰੱਖਣ ਲਈ ਤਾਂ ਜੋ ਕੇ ਇਲਾਕਾ ਨਿਵਾਸੀਆਂ ਨੂੰ ਜਰੂਰੀ ਕੰਮਾਂ ਲਈ ਆਉਣ ਜਾਣ ਵਿੱਚ ਪ੍ਰੇਸ਼ਾਨੀ ਨਾ ਹੋਵੇ ਅਤੇ ਰਾਮ ਨਗਰ ਗਾਂਧੀ ਕੈੰਪ ਗਾਜੀ ਗੁੱਲਾ ਇਲਾਕੇ ਵਿੱਚ ਸੀਵਰੇਜ ਦੇ ਗੰਦੇ ਪਾਣੀ ਦੀ ਨਿਕਾਸੀ ਲਈ ਰਾਇਲ ਕਲੱਬ ਦੇ ਜਰਨਲ ਸਕੱਤਰ ਸ੍ਰੀ ਸੂਰਜ ਬਿਰਦੀ ਅਤੇ ਐਸ ਸੀ ਮੋਰਚਾ ਦੇ ਜਰਨਲ ਸਕੱਤਰ ਅਸ਼ਵਨੀ ਕੁਮਾਰ ਬਿਰਦੀ ਵੱਲੋਂ ਡਿਵੀਜਨਲ ਕਮਿਸ਼ਨਰ ਮਾਣਯੋਗ ਪ੍ਰਦੀਪ ਸਭਰਵਾਲ( ਆਈ ਏ ਐਸ) ਨਾਲ ਮੁਲਾਕਾਤ ਕਰਕੇ ਉਪਰੋਕਤ ਸਮੱਸਿਆ ਤੋਂ ਜਾਣੂ ਕਰਵਾਇਆ ਗਿਆ।
ਅਸ਼ਵਨੀ ਕੁਮਾਰ ਐਸ ਸੀ ਮੋਰਚਾ ਵੱਲੋਂ ਮਿਉਂਸਿਪਲ ਕਾਰਪੋਰੇਸ਼ ਅਤੇ ਪ੍ਰਸ਼ਾਸਨ ਵੱਲੋਂ ਐਸੀ ਭਾਈਚਾਰੇ ਨਾਲ ਭੇਦਭਾਵ ਕਰਨ ਦੇ ਦੋਸ਼ ਲਗਾਏ ਅਤੇ ਦੱਸਿਆ ਕਿ ਮੁਹੱਲਾ ਰਾਮ ਨਗਰ ਗਾਂਧੀ ਕੈੰਪ ਦੀ ਅਬਾਦੀ ਸੋ ਫੀਸਦੀ ਅਨੁਸੂਚਿਤ ਜਾਤੀ ਦੇ ਹੋਣ ਕਰਕੇ ਇਨ੍ਹਾਂ ਇਲਾਇਆ ਨਾਲ ਭੇਦਭਾਵ ਵਾਲਾ ਰਵਈਆ ਵਰਤਿਆ ਜਾਂਦਾ ਹੈ। ਪਿਛਲੇ 4 ਮਹੀਨਿਆਂ ਤੋਂ ਲੋਕੀ ਸੀਵਰੇਜ ਦੇ ਗੰਦੇ ਪਾਣੀ ਨਾਲ ਬੁਰੀ ਤਰਾ ਪ੍ਰੇਸ਼ਾਨ ਹਨ ਪੀਣ ਵਾਲੇ ਪਾਣੀ ਵਿੱਚ ਵੀ ਗਟਰ ਦਾ ਪਾਣੀ ਆਉਣ ਕਰਕੇ 2 ਬੱਚਿਆਂ ਦੀ ਜਾਨ ਵੀ ਚਲੀ ਗਈ ਛੋਟੇ ਦੁਕਾਨਦਾਰਾਂ ਦਾ ਰੋਜ ਨੁਕਸਾਨ ਹੋ ਰਿਹਾ ਹੈ ਪਾਣੀ ਖੜਾ ਹੋਣ ਕਰਕੇ ਕੋਈ ਰਾਹਕ ਦੁਕਾਨ ਤੇ ਨਹੀਂ ਵੜਦਾ ਲੇਕਿਨ ਇਸ ਸਮੱਸਿਆ ਦਾ ਹਾਲੇ ਤਕ ਕੋਈ ਹੱਲ ਨਹੀਂ ਕੀਤਾ ਗਿਆ। ਮੇਰੇ ਵੱਲੋਂ ਅਤੇ ਇਲਾਕਾ ਨਿਵਾਸੀਆਂ ਵੱਲੋਂ ਬਹੁਤ ਵਾਰ ਲਿਖਤੀ ਸ਼ਿਕਾਇਤਾਂ ਕਾਰਪੋਰੇਸ਼ਨ ਦੇ ਕਮਿਸ਼ਨਰ ਨੂੰ ਦੇਣ ਅਤੇ ਧਰਨੇ ਪ੍ਰਦਰਸ਼ਨ ਕਰਨ ਤੋਂ ਬਾਅਦ ਵੀ ਕੋਈ ਸੁਣਵਾਈ ਨਹੀਂ ਹੋਈ।
ਮਾਨਯੋਗ ਪ੍ਰਦੀਪ ਸਭਰਵਾਲ ਜੀ ਨੇ ਇਨ੍ਹਾਂ ਸਮੱਸਿਆਵਾਂ ਨੂੰ ਗੰਭੀਰਤਾ ਨਾਲ ਲੈਂਦੀਆਂ ਸੋਢਲ ਮੇਲੇ ਦੌਰਾਨ ਫਾਟਕ ਬੰਦ ਨਾ ਕਰਨ ਲਈ ਤੁਰੰਤ ਡੀਸੀ ਦਫਤਰ ਨੂੰ ਮਾਰਕ ਕੀਤਾ ਅਤੇ ਨਾਲ ਹੀ ਕਾਰਪੋਰੇਸ਼ਨ ਜਲੰਧਰ ਦੇ ਕਮਿਸ਼ਨਰ ਨਾਲ ਗੱਲ ਕਰਕੇ ਇਕ ਟੀਮ ਨੂੰ ਰਾਮ ਨਗਰ ਗਾਂਧੀ ਕੈੰਪ ਜਾ ਕੇ ਜਲਦ ਤੋਂ ਜਲਦ ਸਮਸਿਆ ਦਾ ਹੱਲ ਕਰਨ ਦੇ ਆਦੇਸ਼ ਦਿੱਤੇ।
ਉਮੀਦ ਕਰਦੇ ਹਾਂ ਕਿ ਜਲਦ ਹੀ ਸਾਡੇ ਇਲਾਕਾ ਨਿਵਾਸੀਆਂ ਨੂੰ ਫਾਟਕ ਅਤੇ ਗੰਦੇ ਪਾਣੀ ਦੀ ਸਮੱਸਿਆ ਤੋਂ ਨਿਜਾਤ ਮਿਲੇਗਾ।
Doaba Times 