ਚੋਰਾਂ ਵੱਲੋਂ ਦੁਕਾਨ ਦੀ ਛੱਤ ਪਾੜ ਕੇ ਕੀਤੀ ਚੋਰੀ
ਬਿਆਸ ਪਿੰਡ ਰਾਣਾ ਇਲੈਕਟ੍ਰਿਕ ਦੀ ਦੁਕਾਨ ਤੇ ਦੂਸਰੀ ਵਾਰ ਫਿਰ ਹੋਈ ਚੋਰੀ ਪ੍ਰਸ਼ਾਸਨ ਸੁੱਤਾ ਕੁਭਕਰਨੀ ਨੀਂਦ
ਬਿਆਸ ਪਿੰਡ (ਹਰਪ੍ਰੀਤ ਸਿੰਘ ਹੈਪੀ /ਗੁਰਪ੍ਰੀਤ ਬੱਲ) ਜਲੰਧਰ ਤੋ ਪਠਾਨਕੋਟ ਰਾਸ਼ਟਰੀ ਰਾਜ ਮਾਰਗ ਸਥਿੱਤ ਅੱਡਾ ਬਿਆਸ ਪਿੰਡ ਵਿਖੇ Rana Electrical ਦੀ ਦੁਕਾਨ ਤੇ ਕੱਲ ਰਾਤ ਹੋਈ ਦੂਸਰੀ ਵਾਰ ਚੋਰੀ ਹੋਣ ਦੀ ਜਾਣਕਾਰੀ ਮਿਲੀ।
ਮਿਲੀ ਜਾਣਕਾਰੀ ਮੁਤਾਬਕ ਰਣਜੀਤ ਸਿੰਘ ਉਰਫ ਰਾਣਾ ਹਰ ਰੋਜ ਦੀ ਤਰਾ ਆਪਣੀ ਦੁਕਾਨ ਰਾਤ 8 ਵਜੇ ਦੇ ਕਰੀਬ ਤਾਲਾ ਲਗਾ ਕੇ ਪਿੰਡ ਰਾਣੀਭੱਟੀ ਆਪਣੇ ਘਰ ਵਾਪਸ ਗਿਆ । ਬੁੱਧਵਾਰ ਸਵੇਰੇ ਹਰ ਰੋਜ ਦੀ ਤਰਾ ਉਸ ਨੇ ਜਦੋ ਆਪਣੀ ਦੁਕਾਨ ਦਾ ਸ਼ਟਰ ਚੁੱਕਿਆ ਤਾ ਉਸ ਨੇ ਦੇਖਿਆ ਕਿ ਉਸ ਦੀ ਦੁਕਾਨ ਦੀ ਚੋਰਾ ਵਲੋ ਛੱਤ ਪਾੜ ਕੇ ਚੋਰੀ ਕੀਤੀ ਹੋਈ ਸੀ। ਫਿਰ ਉਸ ਨੇ ਆਪਣੀ ਦੁਕਾਨ ਦਾ ਸਮਾਨ ਚੈਂਕ ਕਿੱਤਾ ਤਾ ਉਸ ਨੂੰ ਪਤਾ ਲੱਗਿਆ ਕਿ ਉਸ ਦੀ ਦੁਕਾਨ ਵਿੱਚ ਪਇਆ ਤਾਂਬਾ ਚੋਰ ਲੈ ਕੇ ਰਾਤੋ ਰਾਤ ਫਰਾਰ ਹੋ ਗਏ। ਜਿਸ ਦਾ ਨੁਕਸਾਨ ਘੱਟੋ ਘੱਟ 20ਤੋ 25 ਹਜਾਰ ਦੇ ਕਰੀਬ ਹੋ ਗਿਆ। ਜਿਸ ਤੋ ਬਾਅਦ ਉਨਾ ਨੇ ਪਿੰਡ ਵਾਸੀਆ ਨੂੰ ਦੱਸਿਆ।ਜਿਸ ਤੋ ਉਪਰੰਤ ਅਲਾਵਲਪੁਰ ਪੁਲਿਸ ਚੋਕੀ ਨੂੰ ਸੂਚੀਤ ਕੀਤਾ ਗਿਆ । ਮੋਕੇ ਤੇ ਅਲਾਵਲਪੁਰ ਪੁਲਿਸ ਚੌਂਕੀ ਤੋਂ ਪੁਲਿਸ ਮੁਲਾਜ਼ਮਾਂ ਨੇ ਪੁੱਛ ਪੜਤਾਲ ਕਿੱਤੀ ਤੇ ਰਣਜੀਤ ਸਿੰਘ ਰਾਣਾ ਨੂੰ ਭਰੋਸਾ ਦਿੱਤਾ ਕਿ ਜਿਸ ਨੇ ਵੀ ਇਸ ਚੋਰੀ ਦੀ ਘਟਨਾ ਨੂੰ ਅੰਜਾਮ ਦਿੱਤਾ ਉਨਾ ਨੂੰ ਜਲਦ ਤੋ ਜਲਦ ਗ੍ਰਿਫਤਾਰ ਕਰ ਕੇ ਸਖਤ ਤੋ ਸਖਤ ਕਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।
Doaba Times 