Category: School

Jalandhar

ਸਰਕਾਰੀ ਮਿਡਲ ਸਕੂਲ ਲੁਹਾਰ ਸੁੱਖਾ ਸਿੰਘ ਨੂੰ ਮਿਲਿਆ ਉੱਤਮ ਸਕੂਲ ਪੁਰਸਕਾਰ

ਜਲੰਧਰ( ਗੁਰਪ੍ਰੀਤ ਬੱਲ)

ਪੰਜਾਬ ਸਰਕਾਰ ਵੱਲੋਂ ਜਲੰਧਰ ਜ਼ਿਲੇ ਵਿਚੋਂ ਸਾਲ 2024-25 ਲਈ ਵਿਧਾਨ ਸਭਾ ਹਲਕਾ ਜਲੰਧਰ ਛਾਉਣੀ ਵਿਚ ਪੈਂਦੇ ਪਿੰਡ ਲੁਹਾਰ ਸੁੱਖਾ ਸਿੰਘ ਦੇ ਸਰਕਾਰੀ ਮਿਡਲ ਸਕੂਲ ਨੂੰ ਉੱਤਮ ਸਕੂਲ ਪੁਰਸਕਾਰ ਦਿੱਤਾ ਗਿਆ ਹੈ, ਜਿਸ ਦੇ ਤਹਿਤ ਵਿਭਾਗ ਵੱਲੋਂ ਸਕੂਲ ਨੂੰ ਸਨਮਾਨ ਚਿੰਨ੍ਹ ਤੇ ਪੰਜ ਲੱਖ ਰੁਪਏ ਦੇ ਪੁਰਸਕਾਰ ਨਾਲ ਨਿਵਾਜਿਆ ਗਿਆ ਹੈ।ਸਕੂਲ ਨੂੰ ਉੱਤਮ ਸਕੂਲ ਪੁਰਸਕਾਰ ਮਿਲਣ ‘ਤੇ ਸ਼ਿਵਾਲੀ ਸਕੂਲ ਇੰਚਾਰਜ ਨੇ ਪੰਜਾਬ ਸਰਕਾਰ, ਸਿੱਖਿਆ ਮੰਤਰੀ ਹਰਜੋਤ ਸਿੰਘ ਬੈਂਸ, ਸਿੱਖਿਆ ਸਕੱਤਰ ਅਨਿੰਦਿਤਾ ਮਿਤਰਾ, ਡੀ. ਪੀ. ਆਈ. ਪਰਮਜੀਤ ਸਿੰਘ ਅਤੇ ਜ਼ਿਲਾ ਸਿੱਖਿਆ ਅਫਸਰ ਗੁਰਿੰਦਰਜੀਤ ਕੌਰ ਦਾ ਵਿਸ਼ੇਸ਼ ਤੌਰ ‘ਤੇ ਧੰਨਵਾਦ ਕੀਤਾ ਤੇ ਕਿਹਾ ਕਿ ਵਿਦਿਆਰਥੀਆਂ ਦੀ ਵਿਦਿਆ ਅਤੇ ਸਕੂਲ ਦੇ ਵਿਕਾਸ ਸਾਰਾ ਸਟਾਫ ਹੋਰ ਮਿਹਨਤ ਅਤੇ ਸ਼ਿੱਦਤ ਨਾਲ ਆਪਣਾ ਫਰਜ਼ ਨਿਭਾਵਾਂਗੇ।

ਚੰਡੀਗੜ੍ਹ ਵਿਖੇ ਮਿਉਂਸੀਪਲ ਭਵਨ ਵਿਚ ਰਾਜ ਪੱਧਰੀ ਸਮਾਗਮ ਵਿਚ ਸਿੱਖਿਆ ਮੰਤਰੀ ਪੰਜਾਬ ਤੋਂ ਉਪਰੋਕਤ ਪੁਰਸਕਾਰ ਹਾਸਲ ਕਰਨ ਵਾਲੇ ਮਾਸਟਰ ਬਲਜੀਤ ਸਿੰਘ ਵਲੋਂ ਪਿੰਡ ਦੀ ਪੰਚਾਇਤ ਅਤੇ ਐਨ. ਆਰ. ਆਈ. ਸੱਜਣਾਂ ਦਾ ਵਿਸ਼ੇਸ਼ ਧੰਨਵਾਦ ਕੀਤਾ, ਜਿਨ੍ਹਾਂ ਦੇ ਸਹਿਯੋਗ ਸਦਕਾ ਪਿੰਡ ਦਾ ਇੰਨਾ ਮਾਣ ਵਧਿਆ ਹੈ। ਇਸ ਮੌਕੇ ਹਰਿੰਦਰ ਕੌਰ ਪ੍ਰਿੰਸੀਪਲ, ਬੀ. ਐੱਨ. ਓ. ਸੁਨੀਤਾ ਸਹੋਤਾ, ਗੀਤਾ ਰਾਣੀ, ਪ੍ਰਿਆ ਪਸਰੀਚਾ, ਵਰਿੰਦਰ ਸਿੰਘ ਗਰੋਵਰ, ਲੀਨਾ, ਮਨਜੀਤ ਕੌਰ ਅਤੇ ਸੁਖਵਿੰਦਰ ਕੌਰ ਵੀ ਮੌਜੂਦ ਸਨ।

Doaba Times

ਜਨਮ ਦਿਨ ਮੁਬਾਰਕ

ਜਲੰਧਰ

ਸੈਂਟਰ ਪੱਧਰੀ ਖੇਡਾਂ ਸ਼ਾਨੋਂ ਸ਼ੌਕਤ ਨਾਲ ਸੰਪਨ, ਲਗਾਤਾਰ ਪੰਜਵੀਂ ਵਾਰ ਓਵਰ ਆਲ ਟਰਾਫ਼ੀ ਰਾਮ ਨਗਰ ਨੇ ਜਿੱਤੀ

ਖੇਡਾਂ ਵਿਦਿਆਰਥੀਆਂ ਵਿੱਚ ਚੰਗੇ ਗੁਣ ਭਰਦੀਆਂ ਹਨ…. ਤਰਸੇਮ ਲਾਲ

ਜਲੰਧਰ (ਗੁਰਪ੍ਰੀਤ ਬੱਲ) ਜ਼ਿਲ੍ਹਾ ਜਲੰਧਰ ਦੇ ਬਲਾਕ ਵੈਸਟ-2 ਦੇ ਅਧੀਨ ਪੈਂਦੇ ਸੈਂਟਰ ਮੁਹੱਲਾ ਕਰਾਰ ਖਾਂ ਦੀਆਂ ਸੈਂਟਰ ਪੱਧਰੀ ਖੇਡਾਂ ਸਰਕਾਰੀ ਪ੍ਰਾਇਮਰੀ ਸਮਾਰਟ ਸਕੂਲ ਰਾਮ ਨਗਰ ਵਿਖੇ ਕਰਵਾਈਆਂ ਗਈਆਂ।

    ਖੇਡਾਂ ਦਾ ਉਦਘਾਟਨ ਸੈਂਟਰ ਹੈੱਡ ਟੀਚਰ ਮੈਡਮ ਮਨਜੀਤ ਕੌਰ ਨੇ ਰਿਬਨ ਕੱਟ ਕੇ ਕੀਤਾ। ਪ੍ਰਾਇਮਰੀ ਸਕੂਲਾਂ ਦੀਆਂ ਖੇਡਾਂ ਦੇ ਉੱਘੇ ਸਟੇਟ ਪੱਧਰੀ ਕੋਚ ਅਤੇ ਹੈੱਡ ਟੀਚਰ ਤਰਸੇਮ ਲਾਲ ਨੇ ਦੱਸਿਆ ਕਿ ਇਨ੍ਹਾਂ ਖੇਡਾਂ ਵਿੱਚ ਮੁਹੱਲਾ ਕਰਾਰ ਖਾਂ ,ਰਾਮ ਨਗਰ , ਗਾਂਧੀ ਕੈਂਪ ਕੁੜੀਆਂ,ਗਾਂਧੀ ਕੈਂਪ ਮੁੰਡੇ,ਬਸਤੀ ਗੁਜ਼ਾਂ ਕੁੜੀਆ,ਬਸਤੀ ਗੁਜ਼ਾ ਮੁੰਡੇ,ਰੋਜ਼ਾ ਸਹਿਫਲ ਰਹਿਮਾਨ ਨੇ ਭਾਗ ਲਿਆ। ਕਬੱਡੀ ਮੁੰਡੇ ਪਹਿਲਾ ਸਥਾਨ ਰਾਮ ਨਗਰ,ਦੂਜਾ ਸਥਾਨ ਗਾਂਧੀ ਕੈਂਪ ਮੁੰਡੇ,ਖੋ ਖੋ ਪਹਿਲਾ ਸਥਾਨ ਰਾਮ ਨਗਰ ,ਦੂਜਾ ਸਥਾਨ ਗਾਂਧੀ ਕੈਂਪ ਮੁੰਡੇ, ਕਬੱਡੀ ਕੁੜੀਆ ਪਹਿਲਾ ਸਥਾਨ ਰਾਮ ਨਗਰ,ਦੂਜਾ ਸਥਾਨ ਗਾਂਧੀ ਕੈਂਪ ਕੁੜੀਆਂ,ਫੁੱਟਬਾਲ ਮੁੰਡੇ /ਕੁੜੀਆਂ ਪਹਿਲਾ ਸਥਾਨ ਰਾਮ ਨਗਰ,ਮਿੰਨੀ ਹੈਂਡ ਬਾਲ ਮੁੰਡੇ/ਕੁੜੀਆਂ ਪਹਿਲਾ ਸਥਾਨ ਰਾਮ ਨਗਰ,ਰੱਸਾ -ਕੱਸੀ ਪਹਿਲਾ ਸਥਾਨ ਗਾਂਧੀ ਕੈਂਪ ਮੁੰਡੇ,ਦੂਜਾ ਸਥਾਨ ਮੁਹੱਲਾ ਕਰਾਰ ਖਾਂ,ਹਾਕੀ ਪਹਿਲਾ ਸਥਾਨ ਗਾਂਧੀ ਕੈਂਪ ਕੁੜੀਆਂ,
ਬੈਡਮਿੰਟਨ ਪਹਿਲਾ ਸਥਾਨ ਰਾਮ ਨਗਰ,ਦੂਜਾ ਸਥਾਨ ਗਾਂਧੀ ਕੈਂਪ ਕੁੜੀਆਂ,
ਲੰਬੀ ਛਾਲ, 100ਮੀਟਰ,200 ਮੀਟਰ,400 ਮੀਟਰ,600 ਮੀਟਰ, ਗੋਲਾ ਸੁੱਟਣ ਦੇ ਮੁਕਾਬਲੇ ਵੀ ਕਰਵਾਏ ਗਏ ਅਤੇ ਬੱਚਿਆਂ ਨੇ ਜਿੱਤਾਂ ਪ੍ਰਾਪਤ ਕੀਤੀਆਂ। ਉਨ੍ਹਾਂ ਅੱਗੇ ਆਖਿਆ ਕਿ ਖੇਡਾਂ ਵਿਦਿਆਰਥੀਆਂ ਦੇ ਵਿੱਚ ਚੰਗੇ ਗੁਣ ਭਰਦੀਆਂ ਹਨ ਅਤੇ ਉਨ੍ਹਾਂ ਦੇ ਸਰਵਪੱਖੀ ਵਿਕਾਸ ਵਿੱਚ ਸਹਾਇਤਾ ਕਰਦੀਆਂ ਹਨ।ਇਨ੍ਹਾਂ ਖੇਡਾਂ ਆਲ ਓਵਰ ਟਰਾਫੀ ਸਰਕਾਰੀ ਪ੍ਰਾਇਮਰੀ ਸਕੂਲ ਰਾਮ ਨਗਰ ਨੇ ਲਗਾਤਾਰ ਪੰਜਵੀਂ ਵਾਰੀ ਜਿੱਤੀ।

   ਇਸ ਮੌਕੇ ਤੇ ਮੈਡਮ ਮਨਜੀਤ ਕੌਰ,ਤਰਸੇਮ ਲਾਲ,ਸੁਨੀਤਾ ਦੇਵੀ,ਅਸ਼ੋਕ ਕੁਮਾਰ, ਨਮਰਤਾ ਅਰੋੜਾ, ਗੁਰਵਿੰਦਰ ਕੌਰ, ਦਵਿੰਦਰ ਕੌਰ,ਦੀਪਕ ਸੂਰੀ,ਅਨੀਤਾ ਅਰੋੜਾ,ਹਰਸ਼ ਕੁਮਾਰੀ ਅਰੋੜਾ,ਸ਼ਮਾ ਰਾਣੀ,ਮੀਨੂ ਮਹਿਤਾ,ਗਗਨ ਗੁਪਤਾ, ਮੁਨੀਸ਼ ਕੁਮਾਰ,ਕਮਲਪ੍ਰੀਤ ਕੌਰ, ਸਨੇਹ ਲਤਾ, ਵਿਸ਼ਵਜੋਤੀ,ਸੁਰਿੰਦਰ ਕੁਮਾਰੀ,ਰੀਨਾ ਰਾਣੀ, ਊਸ਼ਾ ਰਾਣੀ,ਵਿਜੈ ਕੁਮਾਰ,ਵਿਮੀ ਵਰਮਾ,ਨਵਨੀਤ ਕੌਰ,ਰਜਨੀ,ਮਮਤਾ ਦੇਵੀ ਅਤੇ ਹੋਰ ਅਧਿਆਪਕ ਹਾਜ਼ਰ ਸਨ।

Doaba Times

ਮਿਡ ਡੇ ਮੀਲ ਵਿੱਚ ਸਕੂਲੀ ਬੱਚਿਆਂ ਨੂੰ ਦਿੱਤਾ ਜਾਵੇਗਾ ਕਿਨੂੰ

ਜਲੰਧਰ(ਗੁਰਪ੍ਰੀਤ ਸਿੰਘ ਬੱਲ) ਪੰਜਾਬ ਦੇ ਬਾਗਬਾਨਾਂ ਲਈ ਖੁਸ਼ੀ ਵਾਲੀ ਖਬਰ ਸਾਹਮਣੇ ਆਈ ਹੈ। ਹੁਣ ਪੰਜਾਬ ਦੇ ਸਰਕਾਰੀ ਸਕੂਲਾਂ ਵਿੱਚ ਬੱਚਿਆਂ ਨੂੰ ਦੁਪਹਿਰ ਦੇ ਮਿਡ ਡੇ ਮੀਲ ਨਾਲ ਪੰਜਾਬ ਦੇ ਮੌਸਮੀ ਫਲ ਦਿੱਤੇ ਜਾਣਗੇ। ਅਬੋਹਰ ਇਲਾਕੇ ਦੇ ਬਾਗਬਾਨਾਂ ਵੱਲੋਂ ਪੰਜਾਬ ਸਰਕਾਰ ਤੋਂ ਪਿਛਲੇ ਸਮੇਂ ਤੋਂ ਮੰਗ ਕੀਤੀ ਜਾ ਰਹੀ ਸੀ ਕਿ ਮਿਡ ਡੇ ਮੀਲ ਵਿੱਚ ਕਿਨੂੰ ਦਿੱਤਾ ਜਾਵੇ। ਜਦੋਂ ਕਿ 1 ਜਨਵਰੀ ਤੋਂ ਸਿਰਫ ਕੇਲਾ ਹੀ ਮਿਡ ਡੇ ਮੀਲ ਵਿੱਚ ਦਿੱਤਾ ਜਾ ਰਿਹਾ ਸੀ। ਪੰਜਾਬ ਸਰਕਾਰ ਵੱਲੋਂ ਪੰਜਾਬ ਦੇ ਬਾਗਬਾਨਾਂ ਦੀ ਮੰਗ ਨੂੰ ਧਿਆਨ ਵਿੱਚ ਰੱਖਦਿਆਂ ਬੀਤੇ ਕੱਲ ਫੈਸਲਾ ਕੀਤਾ ਗਿਆ ਕਿ ਪੰਜਾਬ ਦੇ ਸਰਕਾਰੀ ਸਕੂਲਾਂ ਵਿੱਚ ਦੁਪਹਿਰ ਦੇ ਭੋਜਨ ਨਾਲ ਸਕੂਲ ਮੁਖੀ ਕੋਈ ਵੀ ਮੌਸਮੀ ਫਲ ਦੇ ਸਕਦਾ ਹੈ। ਇਹ ਖਬਰ ਪੰਜਾਬ ਦੇ ਕਿੰਨੂ ਕਾਸ਼ਤਕਾਰਾਂ ਲਈ ਬੜੀ ਅਹਿਮ ਹੈ। ਕਿਉਂਕਿ ਇਸ ਸਾਲ ਕਿੰਨੂੰ ਦੇ ਭਾਅ ਪੂਰੇ ਨਾ ਮਿਲਣ ਕਾਰਨ ਬਾਗਬਾਨਾਂ ਵਿੱਚ ਨਾਖੁਸ਼ੀ ਪਾਈ ਜਾ ਰਹੀ ਸੀ। ਸਿੱਖਿਆ ਵਿਭਾਗ ਵੱਲੋਂ ਇਸ ਸਬੰਧੀ ਪੱਤਰ ਵੀ ਜਾਰੀ ਕੀਤਾ ਗਿਆ ਹੈ। 12 ਫਰਵਰੀ ਤੋਂ ਕਿੰਨੂੰ ਬੱਚਿਆਂ ਨੂੰ ਖਾਣ ਲਈ ਸਕੂਲਾਂ ਵਿਚ ਮਿਲੇਗਾ। ਉਧਰ ਸਿੱਖਿਆ ਵਿਭਾਗ ਵੱਲੋਂ ਅਜਿਹੇ ਪ੍ਰਬੰਧ ਵੀ ਕੀਤੇ ਜਾ ਰਹੇ ਹਨ ਕਿ ਜਿਹੜੇ ਮੌਸਮ ਵਿੱਚ ਜਿਹੜਾ ਫਲ ਪੰਜਾਬ ਵਿੱਚ ਜਿਹੜੇ ਇਲਾਕੇ ਚ ਹੋਵੇਗਾ ਉੱਥੇ ਉਨੇ ਸਮੇਂ ਦੌਰਾਨ ਉਹੀ ਫਲ ਬੱਚਿਆਂ ਨੂੰ ਦਿੱਤੇ ਜਾਣ। ਦੱਸਣ ਯੋਗ ਹੈ ਕਿ ਕਿੰਨੂ ਵਿੱਚ ਵਿਟਾਮਿਨ ਸੀ ਸਮੇਤ ਅਜਿਹੇ ਬੜੇ ਪੌਸਟਿਕ ਤੱਤ ਹਨ ਜੋ ਬਿਮਾਰੀਆਂ ਨਾਲ ਲੜਨ ਲਈ ਸਮਰੱਥ ਹੁੰਦੇ ਹਨ। ਸਰਕਾਰ ਦੇ ਇਸ ਫੈਸਲੇ ਤੇ ਖੁਸ਼ੀ ਪ੍ਰਗਟ ਕਰਦਿਆਂ ਵੱਖ-ਵੱਖ ਕਿਸਾਨ ਜਥੇਬੰਦੀਆਂ ਦੇ ਆਗੂਆ ਨੇ ਕਿਹਾ ਕਿ ਉਹਨਾਂ ਦੀ ਪਹਿਲੀ ਮੰਗ ਨੂੰ ਬੂਰ ਪਿਆ ਹੈ ਤੇ ਹੁਣ ਸਾਡੇ ਬੱਚਿਆਂ ਨੂੰ ਸਕੂਲਾਂ ਵਿੱਚ ਸਰਕਾਰੀ ਤੌਰ ਤੇ ਕਿੰਨੂੰ ਖਾਣ ਲਈ ਮਿਲੇਗਾ।

Doaba Times

ਐਲੀਮੈਂਟਰੀ ਟੀਚਰਜ਼ ਯੂਨੀਅਨ ਵਲੋਂ 30 ਨੂੰ ਜਲੰਧਰ ਵਿਖੇ ਅਹਿਮ ਮੀਟਿੰਗ

ਜਲੰਧਰ(ਗੁਰਪ੍ਰੀਤ ਬੱਲ) ਪੰਜਾਬ ਦੇ ਨਿਰੋਲ ਪ੍ਰਾਇਮਰੀ ਅਧਿਆਪਕਾਂ ਦੀ ਸਿਰਮੌਰ ਜਥੇਬੰਦੀ ਐਲੀਮੈਂਟਰੀ ਟੀਚਰਜ਼ ਯੂਨੀਅਨ ਪੰਜਾਬ (ਰਜਿ:) ਵਲੋਂ 30 ਅਪ੍ਰੈਲ ਨੂੰ ਜਲੰਧਰ ਵਿਖੇ ਅਧਿਆਪਕ ਵਰਗ ਦੀਆਂ ਮੰਗਾਂ ਅਤੇ ਉਨ੍ਹਾਂ ਦੇ ਹੱਲ ਲਈ ਸੂਬਾ ਪੱਧਰੀ ਵਿਚਾਰ -ਵਟਾਂਦਰਾ ਮੀਟਿੰਗ ਕੀਤੀ ਜਾ ਰਹੀ ਹੈ। ਜਥੇਬੰਦੀ ਦੀ ਜਲੰਧਰ ਇਕਾਈ ਦੇ ਪ੍ਰਧਾਨ ਤਰਸੇਮ ਲਾਲ ਅਤੇ ਜਨਰਲ ਸਕੱਤਰ ਰਿਸ਼ੀ ਕੁਮਾਰ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪ੍ਰਾਇਮਰੀ ਅਧਿਆਪਕਾਂ ਦੀਆਂ ਹਰ ਤਰ੍ਹਾਂ ਦੀਆਂ ਪ੍ਰਮੋਸ਼ਨਾਂ,ਡੀ ਏ ਦੀਆਂ ਬਕਾਇਆ ਕਿਸ਼ਤਾਂ,ਪੇ-ਕਮਿਸ਼ਨ ਦੀਆਂ ਤਰੁੱਟੀਆਂ ਅਤੇ ਅਧਿਆਪਕਾਂ ਦੇ ਹੋਰ ਭੱਖਦੇ ਮਸਲਿਆਂ ਤੇ ਵਿਚਾਰ-ਚਰਚਾ ਕਰਨ ਲਈ ਇਹ ਮੀਟਿੰਗ ਕੀਤੀ ਜਾਵੇਗੀ। ਇਸ ਮੀਟਿੰਗ ਦੀ ਪ੍ਰਧਾਨਗੀ ਐਲੀਮੈਂਟਰੀ ਟੀਚਰਜ਼ ਯੂਨੀਅਨ ਪੰਜਾਬ (ਰਜਿ:) ਦੇ ਸੂਬਾ ਪ੍ਰਧਾਨ ਹਰਜਿੰਦਰਪਾਲ ਸਿੰਘ ਪੰਨੂ ਵਲੋਂ ਕੀਤੀ ਜਾਵੇਗੀ।ਇਸ ਮੀਟਿੰਗ ਵਿੱਚ ਸੂਬੇ ਭਰ ਤੋਂ ਜਥੇਬੰਦੀ ਦੇ ਸੂਬਾ ਕਮੇਟੀ ਮੈਂਬਰ ਅਤੇ ਕਾਰਜਕਾਰਨੀ ਮੈਂਬਰ ਹਿੱਸਾ ਲੈਣਗੇ।ਇਸ ਮੀਟਿੰਗ ਦੌਰਾਨ ਜਥੇਬੰਦੀ ਵਲੋਂ ਅਧਿਆਪਕਾਂ ਦੇ ਹਿੱਤਾਂ ਦੀ ਪੂਰਤੀ ਲਈ ਭਵਿੱਖ ਦੇ ਐਕਸ਼ਨਾਂ ਦੀ ਵਿਉਂਤਬੰਦੀ ਵੀ ਕੀਤੀ ਜਾਵੇਗੀ।

Doaba Times

ਸਰਕਾਰੀ ਪ੍ਰਾਇਮਰੀ ਸਕੂਲ ਰਹੀਮ ਪੁਰ ਵਿਖੇ ਹੋਇਆ ਸਲਾਨਾ ਸਮਾਗਮ

ਐਨ ਆਰ ਆਈ ਸੁਰਜੀਤ ਸਿੰਘ ਭੁਪਾਲ ਨੇ ਸਕੂਲ ਨੂੰ 21000 ਰੁਪਏ ਕੀਤੇ ਦਾਨ

ਕਰਤਾਰਪੁਰ/ਕਿਸ਼ਨਗੜ(ਗੁਰਪ੍ਰੀਤ ਬੱਲ/ ਦਿਲਬਾਗ ਸਿੱਧੂ) ਇਲਾਕੇ ਭਰ ਵਿੱਚ ਸਿੱਖਿਆ ਦੀ ਮੋਹਰੀ ਸੰਸਥਾ ਵਜੋਂ ਉੱਭਰ ਰਹੇ ਸਰਕਾਰੀ ਪ੍ਰਾਇਮਰੀ ਸਮਾਰਟ ਸਕੂਲ ਰਹੀਮ ਪੁਰ ਵਿਖੇ ਸਲਾਨਾ ਸਮਾਗਮ ਸ਼ਾਨੋ-ਸ਼ੌਕਤ ਨਾਲ ਕਰਵਾਇਆ ਗਿਆ।ਇਸ ਸਮਾਗਮ ਵਿੱਚ ਮੁੱਖ ਮਹਿਮਾਨ ਵਜੋਂ ਸਟੇਟ ਅਵਾਰਡੀ ਬਲਾਕ ਪ੍ਰਾਇਮਰੀ ਸਿੱਖਿਆ ਅਫ਼ਸਰ ਕਰਤਾਰਪੁਰ ਸ਼੍ਰੀ ਬੀ ਕੇ ਮਹਿਮੀ ਜੀ ਨੇ ਸ਼ਿਰਕਤ ਕੀਤੀ। ਸਮਾਗਮ ਵਿੱਚ ਸਕੂਲ ਦੇ ਵਿਦਿਆਰਥੀਆਂ ਦੀਆਂ ਸਿੱਖਿਆ, ਸੱਭਿਆਚਾਰਕ ਅਤੇ ਸਮਾਜਿਕ ਸੇਧ ਦੇਣ ਵਾਲੀਆਂ ਮਨਮੋਹਕ ਪੇਸ਼ਕਾਰੀਆਂ ਨਾਲ ਹਾਜ਼ਰੀਨ ਦਾ ਦਿਲ ਜਿੱਤਿਆ।ਇਸ ਦੌਰਾਨ ਸਿੱਖਿਆ,ਖੇਡਾਂ ਅਤੇ ਹੋਰ ਵੱਖ-ਵੱਖ ਮੁਕਾਬਲਿਆਂ ਵਿੱਚ ਮੱਲਾਂ ਮਾਰਨ ਵਾਲੇ ਵਿਦਿਆਰਥੀਆਂ ਨੂੰ ਸਨਮਾਨਿਤ ਕੀਤਾ ਗਿਆ।ਸਮਾਗਮ ਵਿੱਚ ਉਚੇਚੇ ਤੌਰ ਤੇ ਪੁੱਜੇ ਐਨ ਆਰ ਆਈ ਸ. ਸੁਰਜੀਤ ਸਿੰਘ ਭੁਪਾਲ ਨੇ ਸਕੂਲ ਦੇ ਚਲ ਰਹੇ ਵਿਕਾਸ ਕਾਰਜਾਂ ਲਈ 21000/- ਰੁਪਏ ਸਕੂਲ ਨੂੰ ਦਾਨ ਵਜੋਂ ਦਿੱਤੇ।ਮੁੱਖ ਮਹਿਮਾਨ ਬੀ ਪੀ ਈ ਓ ਸ਼੍ਰੀ ਬੀ ਕੇ ਮਹਿਮੀ ਜੀ ਨੇ ਆਪਣੇ ਸੰਬੋਧਨ ਵਿੱਚ ਸਕੂਲ ਮੁਖੀ ਮੈਡਮ ਰਣਜੀਤ ਕੌਰ ਸਮੇਤ ਸਮੁੱਚੇ ਮਿਹਨਤੀ ਸਕੂਲ ਸਟਾਫ਼ ਦੀ ਪ੍ਰਸ਼ੰਸਾ ਕਰਦਿਆਂ ਪਿੰਡ ਦੇ ਪਤਵੰਤਿਆਂ ਅਤੇ ਸਾਰੇ ਐਨ ਆਰ ਆਈ ਦਾਨੀ ਸੱਜਣਾਂ ਦਾ ਸਕੂਲ ਦੀ ਨੁਹਾਰ ਬਦਲਣ ਲਈ ਦਿੱਤੇ ਸਹਿਯੋਗ ਲਈ ਧੰਨਵਾਦ ਕੀਤਾ।ਸਮਾਗਮ ਦੌਰਾਨ ਦਾਨੀ ਸੱਜਣਾਂ ਸੁਰਜੀਤ ਸਿੰਘ ਭੁਪਾਲ, ਤਰਸੇਮ ਸਿੰਘ ਭੁਪਾਲ,ਜਸਵਿੰਦਰ ਸਿੰਘ ਖ਼ਾਲਸਾ,ਰਘੁਵੀਰ ਸਿੰਘ ਟਿਵਾਣਾ,ਮਾ.ਗੁਲਜ਼ਾਰ ਮੁਹੰਮਦ,ਮੈਡਮ ਮਨਸਿਮਰਤ ਕੌਰ ਅਤੇ ਹੋਰਨਾਂ ਨੂੰ ਸਨਮਾਨ ਚਿੰਨ੍ਹ ਭੇਂਟ ਕਰਕੇ ਸਭਨਾਂ ਨੂੰ ਸਨਮਾਨਿਤ ਕੀਤਾ ਗਿਆ।ਇਸ ਮੌਕੇ ਨਰਦੇਵ ਸਿੰਘ ਬੀ ਐਮ ਟੀ,ਰਿਸ਼ੀ ਕੁਮਾਰ ਜ਼ਿਲ੍ਹਾ ਜਨਰਲ ਸਕੱਤਰ ਈ ਟੀ ਯੂ,ਕੁਲਵੰਤ ਸਿੰਘ ਸੀ ਐਚ ਟੀ,ਪ੍ਰਿੰ: ਸਤਨਾਮ ਸਿੰਘ,ਲੈਕਚਰਾਰ ਕੁਲਵਿੰਦਰ ਸਿੰਘ,ਜਗਦੀਪ ਸਿੰਘ ਭੁਪਾਲ,ਹਰਭਜਨ ਸਿੰਘ ਭੁਪਾਲ,ਹਰੀਕ੍ਰਿਸ਼ਨ ਲਾਲ ਸਰਪੰਚ,ਜਸਵਿੰਦਰ ਸਿੰਘ ਟਿਵਾਣਾ, ਦਰਬਾਰਾ ਸਿੰਘ,ਰਛਪਾਲ ਸਿੰਘ ਪਾਲਾ,ਪਲਵਿੰਦਰ ਸਿੰਘ ਪਿੰਦਾ,ਮੈਡਮ ਡੇਜ਼ੀ,ਮਨਜੀਤ ਰਾਣੀ,ਮੰਜੂ ਦੇਵੀ,ਬਖਸ਼ੀਸ਼ ਕੌਰ,ਐਸ ਐਮ ਸੀ ਚੇਅਰਪਰਸਨ ਆਸ਼ਾ ਰਾਣੀ,ਪਿੰਡ ਦੇ ਪੰਚਾਇਤ ਮੈਂਬਰ, ਪਿੰਡ ਦੇ ਪਤਵੰਤੇ ਅਤੇ ਵੱਡੀ ਗਿਣਤੀ ਵਿੱਚ ਬੱਚਿਆਂ ਦੇ ਮਾਪੇ ਹਾਜ਼ਰ ਸਨ।ਇਸ ਸਮਾਗਮ ਦੌਰਾਨ ਸਟੇਜ ਸਕੱਤਰ ਦੀ ਭੂਮਿਕਾ ਸੀ ਐਮ ਟੀ ਸੰਜੀਵ ਜੋਸ਼ੀ ਨੇ ਬਾਖੂਬੀ ਨਿਭਾਈ।

Doaba Times

ਪੰਜਾਬ ਦੇ ਸਿੱਖਿਆ ਵਿਭਾਗ ਵਿੱਚ ਬਦਮਾਸ਼ੀ ਕਲਚਰ ਨੂੰ ਸਹਿਣ ਨਹੀ ਕੀਤਾ ਜਾਵੇਗਾ:- ਈ.ਟੀ.ਯੂ.

ਡੀ.ਈ.ਓ. ਕਪੂਰਥਲਾ ਨੂੰ ਬਦਮਾਸ਼ੀ ਕਲਚਰ ਪ੍ਰਮੋਟ ਨਾ ਹੋਣ ਦੇਣ ਦੀ ਅਪੀਲ

ਜਲੰਧਰ (ਗੁਰਪ੍ਰੀਤ ਬੱਲ) – ਐਲੀਮੈਂਟਰੀ ਟੀਚਰਜ਼ ਯੂਨੀਅਨ ਪੰਜਾਬ (ਰਜਿ:) ਜ਼ਿਲ੍ਹਾ ਜਲੰਧਰ ਦੇ ਆਗੂਆਂ ਨੇ ਪੰਜਾਬ ਦੇ ਸਿੱਖਿਆ ਵਿਭਾਗ ਵਿੱਚ ਪੈਰ ਪਸਾਰ ਰਹੇ ਬਦਮਾਸ਼ੀ ਕਲਚਰ ਉਪਰ ਚਿੰਤਾ ਜ਼ਾਹਿਰ ਕਰਨ ਉਪਰੰਤ ਆਪਣਾ ਪ੍ਰਤੀਕਰਮ ਦਿੰਦਿਆ ਕਿਹਾ ਕਿ ਪੰਜਾਬ ਦੇ ਸਰਕਾਰੀ ਸਕੂਲਾਂ ਵਿੱਚ ਬਦਮਾਸ਼ੀ ਕਲਚਰ ਨੂੰ ਹਰਗਿਜ਼ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ। ਆਪਣਾ ਬਿਆਨ ਜਾਰੀ ਕਰਦਿਆਂ ਐਲੀਮੈਂਟਰੀ ਟੀਚਰਜ਼ ਯੂਨੀਅਨ ਜ਼ਿਲ੍ਹਾ ਦੇ ਪ੍ਰਧਾਨ ਤਰਸੇਮ ਲਾਲ, ਜਨਰਲ ਸਕੱਤਰ ਰਿਸ਼ੀ ਕੁਮਾਰ ਅਤੇ ਜ਼ਿਲ੍ਹਾ ਇਕਾਈ ਦੇ ਆਗੂਆਂ ਪਵਨ ਮਸੀਹ, ਦਿਲਬਾਗ਼ ਸਿੰਘ,ਰਵੀ ਕੁਮਾਰ, ਸੁਖਦੇਵ ਸਿੰਘ, ਅਸ਼ੋਕ ਕੁਮਾਰ, ਅਮਨਦੀਪ ਸਿੰਘ, ਜਸਵੰਤ ਸਿੰਘ,ਸੁਖਵਿੰਦਰ ਸਿੰਘ, ਕਪਿਲ ਕਵਾਤਰਾ,ਦੀਪਕ ਆਦਮਪੁਰ, ਨਰੇਸ਼ ਕੁਮਾਰ ਪਾਲ,ਰਵਿੰਦਰ ਕੁਮਾਰ,ਰਾਮਪਾਲ,ਭਗਵੰਤ ਪ੍ਰਿਤਪਾਲ ਸਿੰਘ, ਮਥਰੇਸ਼ ਕੁਮਾਰ,ਪ੍ਰੇਮ ਕੁਮਾਰ, ਦਵਿੰਦਰ ਸਿੰਘ,ਸਤੀਸ਼ ਕੁਮਾਰ, ਸ਼ੇਅਰ ਚੰਦ,ਲਖਵਿੰਦਰ ਸਿੰਘ ਆਦਿ ਨੇ ਕਿਹਾ ਕਿ ਪੰਜਾਬ ਦੇ ਅਧਿਆਪਕ ਵਰਗ ਨੇ ਪੰਜਾਬ ਦੀ ਸਿੱਖਿਆ ਨੂੰ ਲੀਹਾਂ ਉੱਪਰ ਪਾਉਣ ਦੇ ਮਕਸਦ ਨਾਲ ਬੜੇ ਚਾਅ ਨਾਲ ਆਮ ਆਦਮੀ ਦੀ ਸਰਕਾਰ ਨੂੰ ਵੋਟਾਂ ਪਾਈਆਂ ਸਨ ਤਾਂ ਜੋ ਸਕੂਲਾਂ ਵਿੱਚੋਂ ਬਦਮਾਸ਼ੀ ਕਲਚਰ ਖਤਮ ਕੀਤਾ ਜਾ ਸਕੇ ਪਰ ਉਹਨਾਂ ਕਿਹਾ ਕਿ ਕੁੱਝ ਕੁ ਪੁਰਾਣੀਆਂ ਆਦਤਾਂ ਦੇ ਆਦੀ ਲੋਕ ਫਿਰ ਪੰਜਾਬ ਦੇ ਸਕੂਲਾਂ ਵਿੱਚ ਬਦਮਾਸ਼ੀ ਫੈਲਾਅ ਕੇ ਸਿੱਖਿਆ ਵਿਭਾਗ ਪੰਜਾਬ ਵਿੱਚ ਅਸਥਿਰਤਾ ਪੈਦਾ ਕਰ ਰਹੇ ਹਨ। ਬਦਮਾਸ਼ੀ ਤੋਂ ਪ੍ਰਭਾਵਿਤ ਹੋਏ ਕਪੂਰਥਲਾ ਜਿਲੇ ਦੇ ਸੈੰਟਰ ਹੈੱਡ ਟੀਚਰ ਰਵੀ ਵਾਹੀ ਨੂੰ ਜ਼ਿਲ੍ਹੇ ਦੇ ਡੀ.ਈ.ਓ. (ਐਲੀ.) ਵੱਲੋ ਮੁਅੱਤਲ ਕਰ ਦਿੱਤੇ ਜਾਣ ਉੱਤੇ ਹੈਰਾਨੀ ਪ੍ਰਗਟ ਕਰਦਿਆਂ ਉਕਤ ਆਗੂਆਂ ਨੇ ਕਿਹਾ ਕਿ ਪੰਜਾਬ ਦੇ ਇਤਿਹਾਸ ਵਿੱਚ ਇਹ ਪਹਿਲੀ ਵਾਰ ਹੋਇਆ ਹੈ ਕਿ ਦਬਾਅ ਹੇਠ ਆ ਕੇ ਜ਼ਿਲ੍ਹੇ ਦੇ ਡੀ.ਈ.ਓ. ਵਲੋਂ ਇਨਸਾਫ ਮੰਗਣ ਵਾਲੇ ਟੀਚਰ ਨੂੰ ਹੀ ਸਜ਼ਾ ਦੇ ਕੇ ਸਸਪੈੰਡ ਕਰ ਦਿੱਤਾ ਗਿਆ ਹੋਵੇ ਅਤੇ ਫੋਨ ਕਰਕੇ ਆਪਣੇ ਸੀਨੀਅਰ ਅਧਿਆਪਕ ਨੂੰ ਗੰਦੀਆਂ ਗਾਲਾਂ ਕੱਢਣ ਅਤੇ ਤਰ੍ਹਾਂ-ਤਰ੍ਹਾਂ ਦੀਆਂ ਧਮਕੀਆਂ ਦੇਣ ਵਾਲੇ ਵਿਅਕਤੀ ਦਾ ਬਚਾਅ ਕੀਤਾ ਜਾ ਰਿਹਾ ਹੋਵੇ। ਉਕਤ ਆਗੂਆਂ ਨੇ ਪੁਲਿਸ ਪ੍ਰਸ਼ਾਸ਼ਨ ਦੀ ਕਾਰਗੁਜਾਰੀ ਉਪਰ ਹੈਰਾਨੀ ਪ੍ਰਗਟ ਕੀਤੀ ਕਿ ਆਖਿਰ ਕਿਸ ਦੀ ਸ਼ਹਿ ਉਪਰ ਦੋਸ਼ੀ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਉਹਨਾਂ ਕਿਹਾ ਕਿ ਪੰਜਾਬ ਦੇ ਸਕੂਲਾਂ ਵਿੱਚੋ ਬਦਮਾਸ਼ੀ ਕਲਚਰ ਖਤਮ ਕਰਨ ਲਈ ਜਲਦ ਹੀ ਪੰਜਾਬ ਪੱਧਰ ਉੱਤੇ ਐਕਸ਼ਨ ਉਲੀਕੇ ਜਾਣਗੇ। ਇਸ ਵਕਤ ਯੂਨੀਅਨ ਦੇ ਸਮੂਹ ਆਗੁੁੂਆਂ ਨੇ ਇੱਕਮਤ ਹੋ ਕੇ ਮਤਾ ਪਾਸ ਕੀਤਾ ਕਿ ਐਲੀਮੈਂਟਰੀ ਟੀਚਰਜ ਯੂਨੀਅਨ ਪੰਜਾਬ ਵੱਲੋ ਡੀ.ਈ.ਓ. ਕਪੂਰਥਲਾ ਖਿਲਾਫ ਜੋ ਵੀ ਐਕਸ਼ਨ ਉਲੀਕਿਆ ਜਾਵੇਗਾ ਜ਼ਿਲ੍ਹਾ ਜਲੰਧਰ ਵਲੋਂ ਉਸ ਵਿੱਚ ਵੱਧ ਚੜ ਕੇ ਸ਼ਮੂਲੀਅਤ ਕੀਤੀ ਜਾਵੇਗੀ। ਸਭ ਆਗੂਆਂ ਨੇ ਇਸ ਬਦਮਾਸ਼ੀ ਖਿਲਾਫ ਡਟਣ ਦਾ ਪ੍ਰਣ ਲਿਆ।

Jalandhar

ਮਾਮਲਾ ਸਕੂਲ ਵਿੱਚ ਹੋ ਰਹੀਆਂ ਚੋਰੀਆਂ ਅਤੇ ਸਫ਼ਾਈ ਪ੍ਰਬੰਧਾਂ ਦਾ

ਸਰਕਾਰੀ ਪ੍ਰਾਇਮਰੀ ਸਕੂਲਾਂ ਵਿੱਚ ਸਫਾਈ ਕਰਮਚਾਰੀ ਅਤੇ ਚੌਕੀਦਾਰ ਦੀ ਪੋਸਟ ਦਿੱਤੀ ਜਾਵੇ-ਤਰਸੇਮ, ਰਿਸ਼ੀ

ਜਲੰਧਰ (ਸੁਰਜੀਤ ਪਾਲ/ਗੁਰਪ੍ਰੀਤ ਬੱਲ) ਪ੍ਰਾਇਮਰੀ ਅਧਿਆਪਕਾਂ ਦੀ ਸਿਰਮੌਰ ਜਥੇਬੰਦੀ ਐਲੀਮੈਂਟਰੀ ਟੀਚਰਜ਼ ਯੂਨੀਅਨ ਪੰਜਾਬ (ਰਜਿ:) ਦੀ ਜ਼ਿਲ੍ਹਾ ਜਲੰਧਰ ਦੇ ਪ੍ਰਧਾਨ ਤਰਸੇਮ ਲਾਲ ਅਤੇ ਜਨਰਲ ਸਕੱਤਰ ਰਿਸ਼ੀ ਕੁਮਾਰ ਨੇ ਮੀਟਿੰਗ ਉਪਰੰਤ ਪ੍ਰੈੱਸ ਬਿਆਨ ਰਾਹੀਂ ਪੰਜਾਬ ਸਰਕਾਰ ਤੋਂ ਸਰਕਾਰੀ ਪ੍ਰਾਇਮਰੀ ਸਕੂਲਾਂ ਵਿੱਚ ਸਫਾਈ ਵਿਵਸਥਾ ਦਰੁੱਸਤ ਕਰਨ ਲਈ ਸਫਾਈ ਕਰਮਚਾਰੀ ਦੀ ਪੋਸਟ ਅਤੇ ਸਰਕਾਰੀ ਪ੍ਰਾਇਮਰੀ ਸਕੂਲਾਂ ਵਿੱਚ ਵਧ ਰਹੀਆਂ ਚੋਰੀਆਂ ਨੂੰ ਰੋਕਣ ਲਈ ਚੌਂਕੀਦਾਰ ਦੀ ਪੋਸਟ ਦੇਣ ਦੀ ਜੋਰਦਾਰ ਮੰਗ ਕੀਤੀ।ਉਨ੍ਹਾਂ ਦੱਸਿਆ ਕਿ ਜਿੱਥੇ ਪੰਜਾਬ ਸਰਕਾਰ ਸਰਕਾਰੀ ਸਕੂਲਾਂ ਵਿੱਚ ਸਿੱਖਿਆ ਦਾ ਮਿਆਰ ਉੱਚਾ ਚੁੱਕਣ,ਸਕੂਲਾਂ ਦੀ ਦਿੱਖ ਅਤੇ ਢਾਂਚੇ ਨੂੰ ਦਰੁੱਸਤ ਕਰਨ ਲਈ ਅਨੇਕਾਂ ਕਦਮ ਚੁੱਕ ਰਹੀ ਹੈ,ਪ੍ਰੰਤੂ ਸਕੂਲਾਂ ਦੀ ਸਫਾਈ ਅਤੇ ਸੁਰੱਖਿਆ ਵੱਲ ਧਿਆਨ ਨਹੀਂ ਦੇ ਰਹੀ।ਉਨ੍ਹਾਂ ਅੱਗੇ ਆਖਿਆ ਕਿ ਵਰਤਮਾਨ ਸਮੇਂ ਵਿੱਚ ਅਧਿਆਪਕ ਆਪਣੇ ਕੋਲੋਂ ਪੈਸੇ ਦੇ ਕੇ ਸਕੂਲਾਂ ਵਿੱਚ ਸਫਾਈ ਕਰਵਾ ਰਹੇ ਹਨ।ਸਰਕਾਰੀ ਵਲੋਂ ਸਕੂਲਾਂ ਦੇ ਵਿਦਿਆਰਥੀਆਂ ਨੂੰ ਬਿਹਤਰ ਅਤੇ ਪ੍ਰਭਾਵਸ਼ਾਲੀ ਸਿੱਖਿਆ ਦੇਣ ਲਈ ਕਾਫ਼ੀ ਗ੍ਰਾਂਟਾਂ ਅਤੇ ਸਿੱਖਣ ਸਹਾਇਕ ਸਮੱਗਰੀ ਮੁਹੱਈਆ ਕਰਵਾਈ ਜਾ ਰਹੀ ਹੈ ਪ੍ਰੰਤੂ ਇਨ੍ਹਾਂ ਸਕੂਲਾਂ ਵਿੱਚ ਚੌਂਕੀਦਾਰਾਂ ਦੇ ਨਾ ਹੋਣ ਕਾਰਨ ਚੋਰ ਬੇਖੌਫ਼ ਸਕੂਲਾਂ ਵਿੱਚ ਪਏ ਕੀਮਤੀ ਸਮਾਨ ਜਿਵੇਂ ਕੰਪਿਊਟਰ,ਪ੍ਰੋਜੈਕਟਰ,ਪ੍ਰਿੰਟਰ,ਸਾਊਂਡ ਸਿਸਟਮ,ਗੈਸ ਸਿਲੰਡਰ ਅਤੇ ਅਨਾਜ ਆਦਿ ਸਮਾਨ ਚੋਰੀ ਕਰ ਰਹੇ ਹਨ।ਜਥੇਬੰਦੀ ਦੇ ਦੋਵੇਂ ਆਗੂਆਂ ਨੇ ਸਫਾਈ ਕਰਮਚਾਰੀ ਅਤੇ ਚੌਂਕੀਦਾਰ ਦੀ ਪੋਸਟ ਮਿਲਣ ਦੀ ਦੇਰੀ ਤੱਕ ਸਰਕਾਰੀ ਪ੍ਰਾਇਮਰੀ ਸਕੂਲਾਂ ਨੂੰ ਪ੍ਰਤੀ ਮਹੀਨਾ ਸਕੂਲ ਸਫਾਈ ਅਤੇ ਸਕੂਲਾਂ ਦੀ ਸੁਰੱਖਿਆ ਵਿਵਸਥਾ ਲਈ ਢੁੱਕਵਾਂ ਫੰਡ ਜਾਰੀ ਕਰਨ ਦੀ ਮੰਗ ਕੀਤੀ।ਇਸ ਮੌਕੇ ਜ਼ਿਲ੍ਹਾ ਸਰਪ੍ਰਸਤ ਪਵਨ ਮਸੀਹ, ਪ੍ਰੈੱਸ ਸਕੱਤਰ ਦਿਲਬਾਗ ਸਿੰਘ,ਵਿੱਤ ਸਕੱਤਰ ਰਵੀ ਕੁਮਾਰ,ਅਸ਼ੋਕ ਕੁਮਾਰ,ਅਮਨਦੀਪ ਸਿੰਘ,ਜਸਵੰਤ ਸਿੰਘ ਰੌਲੀ,ਸੁਖਦੇਵ ਸਿੰਘ,ਕਪਿਲ ਕਵਾਤਰਾ,ਸੁਖਵਿੰਦਰ ਸਿੰਘ (ਸਾਰੇ ਸੀਨੀ: ਮੀਤ ਪ੍ਰਧਾਨ) ਸ.ਪ੍ਰੈੱਸ ਸਕੱਤਰ ਨਰੇਸ਼ ਕੁਮਾਰ ਪਾਲ,ਜਥੇਬੰਦਕ ਸਕੱਤਰ ਰਾਮਪਾਲ,ਰਵਿੰਦਰ ਕੁਮਾਰ,ਮਥਰੇਸ਼ ਕੁਮਾਰ,ਸਤੀਸ਼ ਕੁਮਾਰ,,ਸੰਜੀਵ ਸ਼ਰਮਾ,ਪ੍ਰੇਮ ਕੁਮਾਰ,ਕੁਲਵੰਤ ਸਿੰਘ,ਨਰਿੰਦਰ ਕੁਮਾਰ, ਸੰਦੀਪ ਸੰਧੂ,ਰਾਮਪਾਲ,ਸੁਖਦੇਵ ਸਿੰਘ, ਸ਼ੇਖਰ ਚੰਦ,ਲਖਵਿੰਦਰ ਸਿੰਘ, ਵਿਨਿਤ ਕੁਮਾਰ,ਵਿਸ਼ਾਲ,ਦਲੀਪ ਸਿੰਘ ਅਤੇ ਹੋਰ ਅਧਿਆਪਕ ਹਾਜ਼ਰ ਸਨ।

Doaba Times

ਰਹੀਮਪੁਰ ਵਿਖੇ ਸਕੂਲ ਲਾਇਬ੍ਰੇਰੀ (GSSS) ਲਈ ਵੱਖ-ਵੱਖ ਵਿਸ਼ਿਆਂ ‘ਤੇ ਲਗਭਗ 200 ਕਿਤਾਬਾਂ ਦਾਨ ਕੀਤੀਆਂ

ਜਲੰਧਰ (ਗੁਰਪ੍ਰੀਤ ਬੱਲ) ਡਾ: ਹਰਜਿੰਦਰ ਸਿੰਘ ਅਟਵਾਲ ਇੰਚਾਰਜ ‘ਅਟਵਰਟਾ’ ਨਿਊਜ਼ ਪੇਪਰ ਨਵਾਂ ਜ਼ਮਾਨਾ ਅਤੇ ਸ.ਰਣਜੀਤ ਸਿੰਘ ਮੈਂਬਰ ਦੇਸ਼ ਭਗਤ ਯਾਦਗਰ ਕਮੇਟੀ ਵਲੋ
ਸਕੂਲ ਲਾਇਬ੍ਰੇਰੀ GSSS ਰਹੀਮਪੁਰ ਲਈ ਵੱਖ-ਵੱਖ ਵਿਸ਼ਿਆਂ ‘ਤੇ ਲਗਭਗ 200 ਕਿਤਾਬਾਂ ਦਾਨ ਕੀਤੀਆਂ ਗਈਆਂ । ਇਸ ਮੌਕੇ ਤੇ ਪ੍ਰਿਸੀਪਲ ਸਤਨਾਮ ਸਿੰਘ ਅਤੇ ਸਟਾਫ਼ ਜੀ.ਐਸ.ਐਸ. ਰਹੀਮਪੁਰ ਮੌਜੂਦ ਸਨ।

Doaba Times

ਐਨ ਆਰ ਆਈ ਪਰਿਵਾਰ ਵਲੋਂ ਬੱਚਿਆਂ ਨੂੰ ਬੈਗ ਅਤੇ ਸਟੇਸ਼ਨਰੀ ਵੰਡੀ

ਸਰਕਾਰੀ ਸਕੂਲਾਂ ਦੇ ਵਿਕਾਸ ਵਿੱਚ ਐਨ ਆਰ ਆਈ ਪਰਿਵਾਰਾਂ ਦਾ ਵੱਡਾ ਯੋਗਦਾਨ…… ਰਿਸ਼ੀ ਕੁਮਾਰ

ਜਲੰਧਰ (ਗੁਰਪ੍ਰੀਤ ਬੱਲ /ਮੁਕੇਸ਼ ਕੁਮਾਰ) ਸਰਕਾਰੀ ਪ੍ਰਾਇਮਰੀ ਸਕੂਲ ਅੰਬੀਆ ਤੋਹਫ਼ਾ ਦੇ ਸਾਰੇ ਵਿਦਿਆਰਥੀਆਂ ਨੂੰ ਸਕੂਲ ਬੈਗ ਅਤੇ ਸਟੇਸ਼ਨਰੀ ਦੀ ਵੰਡ ਅਮਰੀਕਾ ਨਿਵਾਸੀ ਗੁਰਪ੍ਰਤਾਪ ਸਿੰਘ ਨਿੱਜਰ ਸਪੁੱਤਰ ਸ. ਹਰਪ੍ਰੀਤਪਾਲ ਸਿੰਘ ਨਿੱਜਰ ਵਲੋਂ ਕੀਤੀ ਗਈ।ਸਕੂਲ ਮੁਖੀ ਰਿਸ਼ੀ ਕੁਮਾਰ ਨੇ ਇਸ ਐਨ ਆਰ ਆਈ ਪਰਿਵਾਰ ਦਾ ਇਸ ਵਧੀਆ ਉਪਰਾਲੇ ਲਈ ਧੰਨਵਾਦ ਪ੍ਰਗਟ ਕਰਦਿਆਂ ਇਸ ਪਰਿਵਾਰ ਨੂੰ ਸਨਮਾਨ ਚਿੰਨ੍ਹ ਭੇਂਟ ਕਰਕੇ ਸਨਮਾਨਿਤ ਕੀਤਾ ਗਿਆ।ਉਨ੍ਹਾਂ ਆਪਣੇ ਸੰਬੋਧਨ ਵਿੱਚ ਆਖਿਆ ਕਿ ਸਰਕਾਰੀ ਸਕੂਲਾਂ ਦੇ ਵਿਕਾਸ ਵਿੱਚ ਸਰਕਾਰਾਂ ਦੇ ਨਾਲ-ਨਾਲ ਐਨ. ਆਰ. ਆਈ. ਪਰਿਵਾਰਾਂ ਦਾ ਬਹੁਤ ਵੱਡਾ ਯੋਗਦਾਨ ਹੈ।ਇਸ ਮੌਕੇ ਸਰਦਾਰਨੀ ਮਨਦੀਪ ਕੌਰ ਨਿੱਜਰ( ਯੂ ਐਸ ਏ ਨਿਵਾਸੀ), ਉਦੇਪ੍ਰਤਾਪ ਸਿੰਘ ਨਿੱਜਰ (ਯੂ ਐਸ ਏ ਨਿਵਾਸੀ),ਮਨਜੀਤ ਸਿੰਘ(ਸਰਪੰਚ),ਮਾਸਟਰ ਹੇਮ ਰਾਜ,ਮਲਕੀਤ ਸਿੰਘ,ਗੁਰਦੀਪ ਸਿੰਘ (ਇਟਲੀ ਨਿਵਾਸੀ), ਭੁਪਿੰਦਰ ਕੌਰ (ਆਂਗਣਵਾੜੀ ਵਰਕਰ),ਸੁਰਜੀਤ ਸਿੰਘ,ਰਾਜਵਿੰਦਰ ਕੌਰ, ਕੁਲਵਿੰਦਰ ਕੌਰ,ਬੰਸੀ ਅਤੇ ਵਿਦਿਆਰਥੀਆਂ ਦੇ ਮਾਪੇ ਹਾਜ਼ਰ ਸਨ।

Jalandhar

ਦਿਵਿਆਂਗ ਬੱਚਿਆਂ ਦੀਆਂ ਖੇਡਾਂ ਸ਼ਾਨੋ-ਸ਼ੌਕਤ ਨਾਲ ਸੰਪਨ

ਜਲੰਧਰ (ਗੁਰਪ੍ਰੀਤ ਬੱਲ/ਸੌਰਬ ਗੁਪਤਾ) ਦਿਵਿਆਂਗ ਬੱਚਿਆਂ ਦੀਆਂ ਖੇਡ-ਰੁਚੀਆਂ ਨੂੰ ਪ੍ਰਫੁੱਲਤ ਕਰਕੇ ਉਨ੍ਹਾਂ ਦੇ ਸਰਵਪੱਖੀ ਵਿਕਾਸ ਲਈ ਡਾਇਰੈਕਟਰ ਜਨਰਲ ਸਕੂਲ ਸਿੱਖਿਆ-ਕਮ-ਸਟੇਟ ਪ੍ਰੋਜੈਕਟ ਡਾਇਰੈਕਟਰ ਸਮੱਗਰ ਸਿੱਖਿਆ ਅਭਿਆਨ ਪੰਜਾਬ ਦੇ ਦਿਸ਼ਾ-ਨਿਰਦੇਸ਼ਾ ਅਨੁਸਾਰ ਇਨ੍ਹਾਂ ਬੱਚਿਆਂ ਦੀਆਂ ਖੇਡਾਂ ਸਾਈਂ ਦਾਸ ਸੀ: ਸੈ: ਸਕੂਲ ਪਟੇਲ ਚੌਂਕ ਜਲੰਧਰ ਵਿਖੇ ਕਰਵਾਈਆਂ ਗਈਆ।ਇਹ ਖੇਡਾਂ ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਐ: ਸਿੱ:) ਗੁਰਸ਼ਰਨ ਸਿੰਘ ਦੀ ਪ੍ਰਧਾਨਗੀ ਹੇਠ ਬੀ ਪੀ ਈ ਓ ਪੱਛਮੀ-2 ਸ਼੍ਰੀ ਬਾਲ ਕ੍ਰਿਸ਼ਨ ਦੀ ਅਗਵਾਈ ਵਿੱਚ ਸਫਲਤਾਪੂਰਵਕ ਕਰਵਾਈਆਂ ਗਈਆਂ।ਇਨ੍ਹਾਂ ਖੇਡਾਂ ਵਿੱਚ ਬਲਾਕ ਪੂਰਬੀ-1,ਪੂਰਬੀ-2,ਪੱਛਮੀ-1,ਪੱਛਮੀ-2 ਅਤੇ ਕਰਤਾਰਪੁਰ ਬਲਾਕ ਦੇ ਲੱਗਭਗ 116 ਦਿਵਿਆਂਗ ਖਿਡਾਰੀਆਂ (ਵਿਦਿਆਰਥੀਆਂ) ਨੇ ਭਾਗ ਲਿਆ।ਇਨ੍ਹਾਂ ਖੇਡ ਮੁਕਾਬਲਿਆਂ ਵਿੱਚ 50 ਮੀਟਰ,100 ਮੀਟਰ,200 ਮੀਟਰ ਦੌੜਾਂ, ਗੋਲਾ ਸੁੱਟਣਾ,ਲੰਮੀ ਛਾਲ ਅਤੇ ਬੈਡਮਿੰਟਨ ਆਦਿ ਖੇਡਾਂ ਵਿੱਚ ਵਿਦਿਆਰਥੀਆਂ ਨੇ ਵਧ-ਚੜ੍ਹ ਕੇ ਭਾਗ ਲਿਆ।ਇਨ੍ਹਾਂ ਖੇਡ-ਮੁਕਾਬਲਿਆਂ ਨੂੰ ਨੇਪਰੇ ਚਾੜਨ ਵਿੱਚ ਸਾਈਂ ਦਾਸ ਸੀ: ਸੈ: ਸਕੂਲ ਦੇ ਪ੍ਰਿੰਸੀਪਲ ਸ਼੍ਰੀ ਰਾਕੇਸ਼ ਸ਼ਰਮਾ ਅਤੇ ਸਕੂਲ ਸਟਾਫ਼ ਦਾ ਸ਼ਲਾਘਾਯੋਗ ਯੋਗਦਾਨ ਰਿਹਾ।ਖੇਡ-ਮੁਕਾਬਲਿਆਂ ਉਪਰੰਤ ਜੇਤੂ ਖਿਡਾਰੀਆਂ ਨੂੰ ਇਨਾਮਾਂ ਦੀ ਵੰਡ ਬੀ ਪੀ ਈ ਓ ਪੱਛਮੀ-2 ਸ਼੍ਰੀ ਬਾਲ ਕ੍ਰਿਸ਼ਨ ਵਲੋਂ ਕੀਤੀ ਗਈ।ਇਸ ਮੌਕੇਜ਼ਿਲ੍ਹਾ ਸਿੱਖਿਆ ਦਫ਼ਤਰ (ਐ: ਸਿੱ:) ਜਲੰਧਰ ਵਲੋਂ ਮਨੋਜ ਕੁਮਾਰ ਅਤੇ ਮੋਹਿਤ ਸ਼ਰਮਾ ਪਵਨ ਕੁਮਾਰ,ਲਲਿਤ ਮਿਸ਼ਰਾ ,ਰਜਨੀ ਬਾਲਾ(ਸਾਰੇ ਆਈ ਈ ਆਰ ਟੀ),ਸੀ ਐਚ ਟੀ ਭਾਰਤ ਭੂਸ਼ਣ,ਐਚ ਟੀ ਤਰਸੇਮ ਲਾਲ, ਅਸ਼ੋਕ ਕੁਮਾਰ, ਆਸ਼ੂਤੋਸ਼ ਭਾਰਦਵਾਜ,ਗੁਰਵਿੰਦਰ ਸਿੰਘ,ਲਲਿਤ ਕੁਮਾਰ,ਰਾਜੇਸ਼ ਕੁਮਾਰ,ਮੈਡਮ ਨਿਸ਼ੀ (ਲੇਖਾਕਾਰ),ਰੀਨਾ ਕੁਮਾਰੀ,ਸਮਾਇਲੀ,ਚਰਨਜੀਤ ਕੌਰ, ਵੀਨੂੰ ਸੂਦ ਆਦਿ ਵਲੋਂ ਇਨ੍ਹਾਂ ਖੇਡਾਂ ਨੂੰ ਸਫਲਤਾਪੂਰਵਕ ਕਰਵਾਉਣ ਵਿੱਚ ਵੱਡਮੁੱਲਾ ਯੋਗਦਾਨ ਪਾਇਆ।ਇਸ ਮੌਕੇ ਦਿਵਿਆਂਗ ਵਿਦਿਆਰਥੀਆਂ ਦੇ ਮਾਪਿਆਂ ਨੇ ਵੱਡੀ ਗਿਣਤੀ ਵਿੱਚ ਹਾਜ਼ਰ ਸਨ।