Doaba Times

ਆਲ ਇੰਡੀਆ ਐਂਟੀ ਕੁਰੱਪਸ਼ਨ ਫਾਰਮ (regd.)ਅਤੇ ਲਾਇਨਜ਼ ਕਲੱਬ ਫਗਵਾੜਾ ਸਿਟੀ ਵੱਲੋਂ ਫਗਵਾੜਾ ਵਿਖੇ ਵੱਡਾ ਸਮਾਗਮ

ਫਗਵਾੜਾ (ਕੁਲਦੀਪ ਕੁਮਾਰ)ਅੱਜ ਆਲ ਇੰਡੀਆ ਐਂਟੀ ਕੁਰੱਪਸ਼ਨ ਫਾਰਮ (regd.)ਅਤੇ ਲਾਇਨਜ਼ ਕਲੱਬ ਫਗਵਾੜਾ ਸਿਟੀ ਵੱਲੋਂ ਹੋਟਲ ਕਲਾਰਕ ਇਨ ਫਗਵਾੜਾ ਵਿਖੇ ਵੱਡਾ ਸਮਾਗਮ ਕਰਵਾਇਆ ਗਿਆ।
ਇਸ ਮੌਕੇ ਤੇ ਸਮੂਹ ਮੈਂਬਰਾਂ ਨੂੰ ਵਿਸ਼ੇਸ਼ ਤੌਰ ਤੇ ਸਨਮਾਨਤ ਵੀ ਕੀਤਾ ਗਿਆ।

NEXT

ਕੇ.ਐਲ. ਚਾਂਦ ਵੈਲਫੇਅਰ ਟਰੱਸਟ ਵੱਲੋਂ ਲੋੜਵੰਦਾਂ ਨੂੰ ਭੇਟ ਕੀਤੀਆਂ ਵਹੀਲ ਚੇਅਰਾਂ

ਫਗਵਾੜਾ ਕੁਲਦੀਪ ਕੁਮਾਰ ਪਰਵਾਸੀ ਭਾਰਤੀ ਕੇਐਲ ਚਾਂਦ ਦੀ ਰਹਿਨੁਮਾਈ ਹੇਠ ਚੱਲ ਰਹੇ ਕੇਐਲ ਚਾਂਦ ਵੈਲਫੇਅਰ ਟਰੱਸਟ ਵੱਲੋਂ ਸੂਬਾ ਕੋਆਰਡੀਨੇਟਰ ਰਜਿੰਦਰ ਕੁਮਾਰ ਮਾਂਡੀ ਦਿਵਾਈ ਹੇਠ ਫਰੈਂਡਜ਼ ਕਲੋਨੀ ਵਿਖੇ ਸਮਾਗਮ ਦੌਰਾਨ ਛੇ ਦੇ ਕਰੀਬ ਲੋਡ਼ਵੰਦਾਂ ਨੂੰ ਵਹੀਲ ਚੇਅਰਾਂ ਮੁਹੱਈਆ ਕਰਵਾਈਆਂ ਗਈਆਂ । ਇਸ ਮੌਕੇ ਤੇ ਸਤਨਾਮ ਸਿੰਘ ਮਾਧੋਪੁਰ, ਸਮਾਜ ਸੇਵਕ ਤਾਰਾ ਚੰਦ ਚੁੰਬਰ ,ਮਲਕੀਅਤ ਸਿੰਘ ਰਘਬੋਤਰਾ ,ਐਡਵੋਕੇਟ ਰਣਦੀਪ ਕੈਲੇ, ਰਚਨਾ ਬਿਰਹਾ, ਸੀਨੀਅਰ ਪ੍ਰਧਾਨ ਸ਼ਿੰਗਾਰਾ ਰਾਮ, ਕੈਸ਼ੀਅਰ ਆਸ਼ਾ ਰਾਣੀ ਚੁੰਬਰ, ਡਾ ਗਿਆਨ ਚੰਦ ਚੌਕੜੀਆ, ਵਿਨੈ ਕੁਮਾਰ ਬਿੱਟੂ ,ਰਾਜਿੰਦਰ ਡਾਬਰੀ, ਜੱਸੀ ਅਕਾਲਗਡ਼੍ਹ , ਕੈਲਵਿਨ ਚੁੰਬਰ, ਚੇਤਨ ਬਾਹੜ ਮਜਾਰਾ , ਚੰਦਨ ,ਗੁਰਨਾਮ ਪਾਲ, ਬਲਵੰਤ ਰਾਏ ਸੰਨੀ ਕੁਮਾਰ, ਕੇਸਰ ਸਿੰਘ ਮੌਜੂਦ ਸਨ ।

Doaba Times

ਐਮ.ਐਲ.ਏ ਬਲਕਾਰ ਸਿੰਘ ਦੀ ਸਰਪ੍ਰਸਤੀ ਹੇਠ ਪਿੰਡ ਬੱਲਾ ਵਿਖੇ ਸੁਵਿਧਾ ਕੈਂਪ ਲਗਾਇਆ

*ਆਮ ਆਦਮੀ ਪਾਰਟੀ ਪੰਜਾਬ ਵਿੱਚ ਆਮ ਲੋਕਾਂ ਦੀ ਸਰਕਾਰ -ਨੰਬਰਦਾਰ ਯੂਨੀਅਨ ਕਰਤਾਰਪੁਰ ਪ੍ਰਧਾਨ ਸੰਦੀਪ ਵਿਰਦੀ

ਜਲੰਧਰ /ਕਿਸ਼ਨਗਡ਼੍ਹ (ਗੁਰਪ੍ਰੀਤ ਬੱਲ/ਗੁਰਮੁੱਖ ਸਿੰਘ ) ਜਲੰਧਰ ਦੇ ਪਿੰਡ ਬੱਲਾਂ ਵਿਖੇ ਹਲਕਾ ਵਿਧਾਇਕ ਕਰਤਾਰਪੁਰ ਬਲਕਾਰ ਸਿੰਘ ਦੀ ਸਰਪ੍ਰਸਤੀ ਹੇਠ ਤੇ ਐਸ ਡੀ ਐਮ ਬਲਬੀਰ ਰਾਜ ਸਿੰਘ,ਬੀ.ਡੀ.ਪੀ.ਓ ਸੇਵਾ ਸਿੰਘ ਅਤੇ ਰਾਜਵਿੰਦਰ ਕੌਰ ਸੀ.ਡੀ.ਪੀ.ਓ ਬਲਾਕ ਜਲੰਧਰ ਪੱਛਮੀ ਦੀ ਦੇਖ ਰੇਖ ਹੇਠ ਸੁਵਿਧਾ ਕੈੰਪ ਲਗਾਇਆ ਗਿਆ।ਕੈਂਪ ਦੌਰਾਨ ਵੱਖ ਵੱਖ ਮਹਿਕਮਿਆਂ ਵੱਲੋਂ ਪੈਨਸ਼ਨ, ਲੇਬਰ ਕਾਰਡ ,ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ ਹੇਠ ਲੋਕਾਂ ਦੇ ਫਾਰਮ ਭਰੇ ਗਏ।ਇਸ ਮੌਕੇ ਹਲਕਾ ਕਰਤਾਰਪੁਰ ਆਮ ਆਦਮੀ ਪਾਰਟੀ ਦੇ ਕੋਆਰਡੀਨੇਟਰ ਬੀਰ ਚੰਦ ਸੁਰੀਲਾ ਰੰਧਾਵਾ ਮਸੰਦਾਂ,ਸਰਕਲ ਪ੍ਰਧਾਨ ਗਿਆਨ ਸਿੰਘ ਵਿਸ਼ੇਸ਼ ਤੌਰ ਤੇ ਪਹੁੰਚੇ।ਇਸ ਮੌਕੇ ਨੰਬਰਦਾਰ ਸੰਦੀਪ ਸਿੰਘ ਵਿਰਦੀ ,ਹਰਵਿੰਦਰ ਸਿੰਘ ਹੋਠੀ ਮੈਂਬਰ ਪੰਚਾਇਤ,ਮਦਨ ਲਾਲ ਮੱਦੂ,ਵਿਵੇਕ ਭਾਰਗਵ ਸੀਨੀਅਰ ਆਗੂ ਆਪ,ਰਵਿੰਦਰ ਵਿਰਦੀ ਪ੍ਰਧਾਨ ਆਮ ਆਦਮੀ ਪਾਰਟੀ,ਸੁਖਵਿੰਦਰ ਸਿੰਘ ਬਿੱਟੂ ,ਸਾਬਕਾ ਪੰਚ ਬਲਵੀਰ ਕੌਰ,ਸਾਬਕਾ ਸਰਪੰਚ ਸੁਖਦੇਵ ਸਿੰਘ ਸੁੱਖੀ ਵੱਲੋਂ ਵਿਸ਼ੇਸ਼ ਸਹਿਯੋਗ ਦਿੱਤਾ ਗਿਆ। ਇਸ ਮੌਕੇ ਚੰਦਨ ਗਿੱਲਲੇਬਰ ਇਨਫੋਰਸਮੈਂਟ ਅਫਸਰ ,ਜੀ.ਆਰ.ਐੱਸ ਮਨਰੇਗਾ ਮਨਿੰਦਰ ਸਿੰਘ ਜਲੰਧਰ,ਕਸ਼ਮੀਰੀ ਲਾਲ ਪਟਵਾਰੀ ਕਮ ਕਾਨੂੰਗੋ ,ਕੁੰਦਨ ਲਾਲ ਫਰੀਦਪੁਰ ਸਰਪੰਚ ,ਅੱਗਮਲ ਬੱਲ ,ਰਾਜ ਕੁਮਾਰ ਬੈਂਸ ਸਮਸਤਪੁਰ, ਬਲਵੀਰ ਕੌਰ ਸਾਬਕਾ ਮੈਂਬਰ ਪੰਚਾਇਤ, ਸੁਖਵੀਰ ਸਿੰਘ , ਪਰਮਜੀਤ ਸਿੰਘ ਨੰਬਰਦਾਰ ਮੰਨਣਾ, ਦੇਸ਼ਪਾਲ ਕੌਰ ਸਾਬਕਾ ਪੰਚ ਰਾਏਪੁਰ ਰਸੂਲਪੁਰ ,ਸਾਬਕਾ ਪੰਚ ਗਰਦੇਵ ਰਾਏਪੁਰ ਰਸੂਲਪੁਰ, ਮਨਜੀਤ ਕੌਰ ,ਪਰਮਿੰਦਰ ਵਿਰਦੀ, ਓਮ ਪ੍ਰਕਾਸ਼ ਆਦਿ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਸਨ ।

Doaba Times

ਸੀ ਐਚ ਸੀ ਕਾਲਾ ਬੱਕਰਾ ਵਿਖੇ ਦਸਤ ਕੰਟਰੋਲ ਪੰਦਰਵਾੜੇ ਦੀ ਸ਼ੁਰੂਆਤ

ਜਲੰਧਰ,4 ਜੁਲਾਈ (ਸੌਰਬ ਗੁਪਤਾ)ਡਾ ਰਮਨ ਸ਼ਰਮਾ ਸਿਵਲ ਸਰਜਨ ਜਲੰਧਰ ਦੇ ਹੁਕਮਾਂ ਅਨੁਸਾਰ ਡਾ ਰਿਚਰਡ ਓਹਰੀ ਐਸ ਐਮ ਓ ਸੀ ਐਚ ਸੀ ਕਾਲਾ ਬੱਕਰਾ ਦੀ ਅਗਵਾਈ ਵਿੱਚ ਕਾਲਾ ਬੱਕਰਾ ਵਿਖੇ ਸਿਹਤ ਕਰਮੀਆਂ ਦੀ ਮੀਟਿੰਗ ਕਰ ਬਲਾਕ ਵਿੱਚ ਤੀਬਰ ਦਸਤ ਕੰਟਰੋਲ ਪੰਦਰਵਾੜੇ ਦੀ ਸ਼ੁਰੂਆਤ ਕੀਤੀ।ਉਹਨਾਂ ਦੱਸਿਆ ਇਸ ਮੁਹੰਮ ਤਹਿਤ 4 ਤੋਂ 17 ਜੁਲਾਈ ਤੱਕ ਪੰਜ ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਨੂੰ ਏ ਐਨ ਐਮ ਦੀ ਨਿਗਰਾਨੀ ਵਿੱਚ ਆਸ਼ਾ ਵਰਕਰ ਦੇ ਰਾਹੀਂ ਓ ਆਰ ਐਸ ਦੇ ਪੈਕਟ ਦਿੱਤੇ ਜਾਣ ਗੇ।ਅਤੇ ਸੀ ਐਚ ਸੀ ਅਤੇ ਮਿੰਨੀ ਪੀ ਐਚ ਸੀ ਵਿਖੇ ਓ ਆਰ ਐਸ ਕਾਰਨਰ ਸਥਾਪਿਤ ਕੀਤੇ ਜਾਣ ਗੇ।
ਨੀਤੀਰਾਜ ਬੀ ਸਿੰਘ ਬੀਈਈ ਨੇ ਦੱਸਿਆ ਕਿ ਸਿਹਤ ਤੇ ਪਰਿਵਾਰ ਭਲਾਈ ਵਿਭਾਗ ਵਲੋਂ ਨਵਜੰਮੇ ਬੱਚਿਆਂ ਦੀ ਦਸਤ ਕਾਰਨ ਹੋਣ ਵਾਲੀਆਂ ਮੌਤਾਂ ਨੂੰ ਰੋਕਣ ਲਈ ਇਹ ਮੁਹਿੰਮ ਚਲਾਈ ਜਾ ਰਹੀ ਹੈ।ਜਿਸ ਅਧੀਨ ਹੱਥਾਂ ਦੀ ਸਾਫ ਸਫਾਈ ਅਤੇ ਘਰੇਲੂ ਜੀਵਨ ਰੱਖਿਅਕ ਘੋਲ ਬਣਾਉਣ ਦੀ ਸਿਖਲਾਈ ਦਿੱਤੀ ਜਾਵੇਗੀ।
ਇਸ ਸਮੇ ਰਣਜੀਤ ਸਿੰਘ MLT,ਅਮਰਜੀਤ ਸਿੰਘ MPHS ਤੇ ਸਿਹਤ ਸਟਾਫ ਵੀ ਹਾਜ਼ਿਰ ਸਨ।

Doaba Times

ਪੰਜਾਬ ਵਿੱਚ ਅਜ਼ਾਦੀ ਦਾ ਅੰਮ੍ਰਿਤ ਮਹਾਂ ਉਤਸਵ ਤਹਿਤ ਸਿਹਤ ਤੇ ਪਰਿਵਾਰ ਭਲਾਈ ਵਿਭਾਗ ਦੇ ਵੱਲੋਂ 27 ਜੂਨ ਤੋਂ 10 ਜੁਲਾਈ ਤੱਕ ਦੰਪਤੀ ਸੰਪਰਕ ਪੰਦਰਵਾੜਾ ਅਤੇ 11 ਜੁਲਾਈ ਤੋਂ 24 ਜੁਲਾਈ ਤੱਕ ਜਨਸੰਖਿਆ ਸਥਿਰਤਾ ਪੰਦਰਵਾੜਾ ਮਨਾਇਆ ਜਾ ਰਿਹਾ

ਕਾਲਾ ਬੱਕਰਾ (ਗੁਰਮੁੱਖ ਸਿੰਘ) ਦੁਨੀਆ ਭਰ ਦੇ ਦੇਸ਼ਾਂ ਵਿੱਚ ਖਾਸਕਰ ਵਿਕਾਸਸ਼ੀਲ ਦੇ ਸਾਹਮਣੇ ਘੱਟ ਰਹੇ ਕੁਦਰਤੀ ਸੋਮੇ ਤੇ ਵੱਧ ਰਹੀ ਅਬਾਦੀ ਗੰਭੀਰ ਚਿੰਤਾ ਦਾ ਵਿਸ਼ਾ ਬਣਿਆ ਹੋਇਆ ਹੈ ਜਿਸ ਲਈ ਸਾਰੇ ਦੇਸ਼ ਅਬਾਦੀ ਦੀ ਸਮੱਸਿਆ ਉਪਰ ਕਾਬੂ ਪਾਉਣ ਲਈ ਉਪਰਾਲੇ ਕਰ ਰਹੇ ਹਨ।ਪੰਜਾਬ ਵਿੱਚ ਅਜ਼ਾਦੀ ਦਾ ਅੰਮ੍ਰਿਤ ਮਹਾਂ ਉਤਸਵ ਤਹਿਤ ਸਿਹਤ ਤੇ ਪਰਿਵਾਰ ਭਲਾਈ ਵਿਭਾਗ ਦੇ ਵੱਲੋਂ 27 ਜੂਨ ਤੋਂ 10 ਜੁਲਾਈ ਤੱਕ ਦੰਪਤੀ ਸੰਪਰਕ ਪੰਦਰਵਾੜਾ ਅਤੇ 11 ਜੁਲਾਈ ਤੋਂ 24 ਜੁਲਾਈ ਤੱਕ ਜੰਨਸੰਖਿਆ ਸਥਿਰਤਾ ਪੰਦਰਵਾੜਾ ਮਨਾਇਆ ਜਾ ਰਿਹਾ ਹੈ।ਸੀ ਐਚ ਸੀ ਕਾਲਾ ਬੱਕਰਾ ਦੇ ਸੀਨੀਅਰ ਮੈਡੀਕਲ ਅਫਸਰ ਡਾ ਰਿਚਰਡ ਓਹਰੀ ਨੇ ਦੱਸਿਆ ਇਸ ਮੁਹਿੰਮ ਤਹਿਤ ਯੋਗ ਜੋੜਿਆਂ ਦਾ ਸਰਵੇ ਕਰ ਉਹਨਾਂ ਨੂੰ ਬੱਚਿਆਂ ਵਿੱਚ ਵਕਫਾ ਰੱਖਣ ਦੀ ਅਤੇ ਪਰਿਵਾਰ ਨਿਯੋਜਨ ਦੇ ਪੱਕੇ ਸਾਧਨ ਅਪਣਾ ਕੇ ਥੀਮ ਅਨੁਸਾਰ”ਪਰਿਵਾਰ ਨਿਯੋਜਨ ਦਾ ਅਪਨਾਉ ਉਪਾਏ ਲਿਖੋ ਤਰੱਕੀ ਦਾ ਨਵਾਂ ਅਧਿਆਇ” ਦੇਸ਼ ਦੀ ਤਰੱਕੀ ਚ ਹਿੱਸਾ ਪਾ ਸਕਦੇ ਹਨ।
ਬੀਈਈ ਨੀਤੀਰਾਜ ਬੀ ਸਿੰਘ ਨੇ ਦੱਸਿਆ ਕਿ ਸੀ ਐਚ ਓ ,ਐਮ ਪੀ ਐਚ ਡਬਲਊੑ(ਮੇਲ,ਫੀਮੇਲ) ਅਤੇ ਆਸ਼ਾ ਵਰਕਰ ਗਰਭ ਨਿਰੋਧਕ ਗੋਲੀਆਂ,ਨਿਰੋਧ,ਅੰਤਰਾ ਟੀਕਾ ਅਤੇ ਕਾਪਰ ਟੀ ਤੋਂ ਇਲਾਵਾ ਨਸਬੰਦੀ ਨਲਬੰਦੀ ਬਾਰੇ ਯੋਗ ਜੋੜਿਆਂ ਨੂੰ ਜਾਗਰੁਕ ਕਰ ਰਹੇ ਹਨ।

Doaba Times

ਸੀ ਐਚ ਸੀ ਕਾਲਾ ਬੱਕਰਾ ਵਿਖੇ ਡਾਕਟਰ ਦਿਵਸ ਮਨਾਇਆ

ਜਲੰਧਰ (ਗੁਰਪ੍ਰੀਤ ਬੱਲ) ਸੀ ਐਚ ਸੀ ਕਾਲਾ ਬੱਕਰਾ ਵਿਖੇ ਡਾਕਟਰ ਦਿਵਸ ਮਨਾਇਆ ਗਿਆ ਇਸ ਮੌਕੇ ਨੀਤੀਰਾਜ ਬੀ ਸਿੰਘ ਬੀ ਈ ਈ ਕਿਹਾ ਕਿ ਡਾਕਟਰ ਸਾਡੇ ਸਮਾਜ ਦੇ ਸੱਚੇ ਸਾਥੀ ਹਨ ਅਤੇ ਸਮੂਹ ਸਿਹਤ ਸੰਸਥਾਵਾਂ ਵਿੱਚ ਇਹ ਅੰਤਰਰਾਸ਼ਟਰੀ ਦਿਵਸ ਮਨਾਇਆ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਡਾਕਟਰ ਹਰ ਸਮੇਂ ਸਮਾਜ ਦੀ ਸੇਵਾ ਕਰਦੇ ਹਨ, ਪ੍ਰੰਤੂ ਕੋਵਿਡ 19 ਮਹਾਮਾਰੀ ਦੌਰਾਨ ਵਿਸ਼ਵ ਭਰ ਦੇ ਡਾਕਟਰ ਇਸ ਬੀਮਾਰੀ ਤੋਂ ਲੋਕਾਂ ਨੂੰ ਬਚਾਉਣ ਲਈ ਰੁੱਝੇ ਹੋਏ ਹਨ ਉਹ ਮਿਸਾਲੀ ਸੇਵਾ ਹੈ। ਉਨ੍ਹਾਂ ਡਾਕਟਰ ਵਰਗ ਦੀ ਪ੍ਰਸ਼ੰਸਾ ਕਰਦੇ ਹੋਏ ਕਿਹਾ ਕਿ ਅਜਿਹੇ ਸਮੇਂ ਵਿੱਚ ਕੀਤੀ ਜਾਂਦੀ ਸੇਵਾ ਹੋਰ ਵੀ ਮਹੱਤਵਪੂਰਨ ਹੁੰਦੀ ਹੈ ਕਿਉਂਕਿ ਇਸ ਸਮੇਂ ਪੂਰੇ ਸਮਾਜ ਨੂੰ ਇਸ ਜਾਨਲੇਵਾ ਬਿਮਾਰੀ ਤੋਂ ਬਚਾਉਣ ਲਈ ਡਾਕਟਰ ਆਪਣਾ ਪੂਰਾ ਸਮਾਂ ਸੇਵਾ ਲਈ ਸਮਰਪਿਤ ਰਹੇ ਹਨ ਇਹ ਸੇਵਾ ਹਰ ਸਮੇਂ ਜਾਰੀ ਰੱਖਣੀ ਚਾਹੀਦੀ ਹੈ। ਉਨ੍ਹਾਂ “Selfie with Docter” ਦੇ ਅਧੀਨ ਡਾ ਰਿਚਰਡ ਓਹਰੀ ਐਸ ਐਮ ਓ,ਡਾ ਸੁਰਿੰਦਰ ਜਗਤ MS,ਰਣਜੀਤ ਸਿੰਘ ਐਮ ਐਲ ਟੀ ਨਾਲ ਸੈਲਫੀ ਸੋਸ਼ਲ ਮੀਡੀਆ ਉੱਪਰ ਅੱਪਡੇਟ ਕੀਤੀ।
ਬਲਾਕ ਦੇ ਸਕੂਲਾਂ ਵਿੱਚ ਬੱਚਿਆਂ ਨੂੰ ਡਾਕਟਰਾਂ ਦੀ ਕਾਰਜ ਖੇਤਰ ਅਤੇ ਕਾਰਜਸ਼ੈਲੀ ਬਾਰੇ ਜਾਣਕਾਰੀ ਦਿੱਤੀ ਗਈ।

Doaba Times

ਗ਼ਦਰੀ ਬਾਬੇ ਬੰਤਾ ਸਿੰਘ ਦੀ ਸ਼ਹਾਦਤ ਨੂੰ ਸਮਰਪਿਤ ਸ਼ਰਧਾਂਜਲੀ ਸਮਾਗਮ

ਕਿਸ਼ਨਗੜ( ਗੁਰਪ੍ਰੀਤ ਬੱਲ ) ਪੰਜਾਬ ਸਰਕਾਰ ਦੇ ਨਿਰਦੇਸ਼ਾਂ ਹੇਠ ਸੰਘਵਾਲ ਪਿੰਡ ਵਿਖੇ ਏਡੀਸੀ ਜਲੰਧਰ ਵਰਿੰਦਰਜੀਤ ਸਿੰਘ ਬਾਜਵਾ ਦੀ ਅਗਵਾਈ ਹੇਠ ਗਦਰੀ ਬਾਬਿਆਂ ਦੀ ਸ਼ਹਾਦਤ ਨੂੰ ਸਮਰਪਿਤ ਸਮਾਗਮ ਸਰਕਾਰੀ ਮਿਡਲ ਸਕੂਲ ਸੰਘਵਾਲ ਵਿਖੇ ਗਰਾਮ ਪੰਚਾਇਤ ਅਤੇ ਪਤਵੰਤੇ ਸੱਜਣਾਂ ਦੀ ਹਾਜ਼ਰੀ ਵਿੱਚ ਮਨਾਇਆ ਗਿਆ। ਇਸ ਮੌਕੇ ਤੇ ਏਡੀਸੀ ਵਰਿੰਦਰਜੀਤ ਸਿੰਘ ਬਾਜਵਾ ਬੀਡੀਪੀਓ ਸੇਵਾ ਸਿੰਘ ਵੱਲੋਂ ਸ਼ਹੀਦਾਂ ਨੂੰ ਸ਼ਰਧਾ ਦੇ ਫੁੱਲ ਭੇਟ ਕੀਤੇ ਗਏ। ਇਸ ਮੌਕੇ ਤੇ ਡਾ. ਜਸਬੀਰ ਕੌਰ ਗਿੱਲ ਵੱਲੋਂ ਸ਼ਹੀਦ ਬੰਤਾ ਸਿੰਘ, ਸ਼ਹੀਦ ਅਰੂੜ ਸਿੰਘ ਦੀ ਸ਼ਹਾਦਤ ਬਾਰੇ ਵਿਸਥਾਰਪੂਰਵਕ ਚਾਨਣਾ ਪਾਇਆ। ਇਸ ਮੌਕੇ ਸਰਪੰਚ ਮਾ. ਭਾਗ ਰਾਮ, ਡਾ .ਗੁਰਵੀਰ ਸਿੰਘ ਗਿੱਲ, ਜਸਬੀਰ ਕੌਰ ਗਿੱਲ ,ਪਹਿਲਵਾਨ ਹਰਭਜਨ ਸਿੰਘ ,ਮੇਜਰ ਸਿੰਘ, ਨੰਬਰਦਾਰ ਇੰਦਰਜੀਤ ਸਿੰਘ ਬਿੱਲੂ , ਤੋ ਇਲਾਵਾ ਇਲਾਕੇ ਦੇ ਮੋਹਤਵਰ ਮੌਜੂਦ ਸਨ।

NEXT NEWS

ਦਰਬਾਰ ਹਜ਼ਰਤ ਸਾਈਂ ਫੱਜੇ ਸ਼ਾਹ ਜੀ ਸਾਲਾਨਾ ਜੋੜ ਮੇਲਾ ਮਨਾਇਆ

ਜਲੰਧਰ (ਗੁਰਪ੍ਰੀਤ ਬੱਲ ) 20 ਵਾਂ ਸਲਾਨਾ ਜੋੜ ਮੇਲਾ ਦਰਬਾਰ ਹਜ਼ਰਤ ਸਾਈਂ ਫੱਜੇ ਸ਼ਾਹ ਜੀ ਸਿਕੰਦਰਪੁਰ ਧੋਗੜੀ ਜਲੰਧਰ ਵਿਖੇ ਮੌਜੂਦਾ ਗੱਦੀਨਸ਼ੀਨ ਸ. ਗੁਰਪਿੰਦਰ ਸਿੰਘ ਸੂਸ ਜੀ ਅਤੇ ਪ੍ਰਬੰਧਕ ਕਮੇਟੀ ਦੀ ਅਗਵਾਈ ਹੇਠ ਧੂਮ ਧਾਮ ਨਾਲ ਮਨਾਇਆ ਗਿਆ।
ਇਸ ਮੌਕੇ ਤੇ ਸਾਈਂ ਫਕੀਰ ਦਰਬਾਰ ਬਾਬਾ ਇੱਛਾਧਾਰੀ ਜੀ ਤੋਂ ਬਾਬਾ ਦਿਲਬਾਗ ਜੀ ਉਚੇਚੇ ਤੌਰ ਤੇ ਪਹੁੰਚੇ ਧੋਗੜੀ ਸਾਈ ਗੁਰਮੇਲ ਸ਼ਾਹ ਗੁੱਜਾ ਪੀਰ, ਬੀਬੀ ਗੁਰਮੀਤੋ ਕਬੂਲਪੁਰ, ਰੂਪ ਲਾਲ ਪ੍ਰਧਾਨ, ਸੁੁਰਜੀਤ ਕੁਮਾਰ ਪ੍ਰੇਮ ਲਾਲ , ਸੋਢੀ ਚਮਨ ਅੰਜਨਾ ਕੁਮਾਰੀ ਸਰਪੰਚ ਤੂੜੀ ਤੋਂ ਅਨੀਤਾ ਰਾਣੀ ਸਰਪੰਚ ਸਿਕੰਦਰਪੁਰ ਜੈ ਮਾਤਾ ਜਵਾਲਾ ਕਮੇਟੀ ਸਿਕੰਦਰਪੁਰ , ਸੋਢੀ ਮੁਰਾਦਪੁਰ , ਕੁਲਵਿੰਦਰ ਕੌਰ ,ਜਸਵੀਰ ਰਣਦੀਪ ਸੂਸ, ਸ਼ੇਰਾ, ਜਸਵੀਰ ਕੌਰ ਪੰਚ , ਡਾ ਵਰਿੰਦਰ ਕੁਮਾਰ, ਰਾਜੂ ,ਅਕਾਸ਼ ਅਤੇ ਇਲਾਕੇ ਦੀਆਂ ਸਮੂਹ ਸੰਗਤਾਂ ਪਿੰਡ ਸਿਕੰਦਰ ਤੇ ਧੌਗੜੀ ਦੀ ਸਮੂਹ ਸੰਗਤ ਮੌਜੂਦ ਸੀ।ਇਸ ਮੌਕੇ ਤੇ ਪੰਜਾਬ ਦੇ ਪ੍ਰਸਿੱਧ ਕਲਾਕਾਰ ਦਵਿੰਦਰ ਦਿਆਲਪੁਰੀ, ਸਟੇਜ ਸੈਕਟਰੀ ਦੀ ਸੇਵਾ ਬੂਟਾ ਧੋਗਡ਼ੀ ਵੱਲੋਂ ਨਿਭਾਈ ਗਈ,ਬੂਟਾ ਮੁਹੰਮਦ ਕੱਵਾਲ ਜਮਸ਼ੇਰ ਵਾਲੇ, ਕੁਲਵਿੰਦਰ ਕਿੰਦਾ, ਪੰਮੀ ਨਕਾਲ ਪਾਰਟੀ ਵੱਲੋਂ ਆਈਆਂ ਸੰਗਤਾਂ ਦਾ ਮਨੋਰੰਜਨ ਕੀਤਾ।
ਸੰਗਤਾਂ ਵਿੱਚ ਅਤੁੱਟ ਲੰਗਰ ਵਰਤਾਏ ਗਏ ਅਤੇ ਠੰਢੇ ਮਿੱਠੇ ਜਲ ਦੀਆਂ ਛਬੀਲਾਂ ਵੀ ਲਗਾਈਆਂ ਗਈਆਂ।

Doaba Times

ਨਿਜ਼ਾਮਦੀਨਪੁਰ ਵਿਖੇ ਸਲਾਨਾ ਜੋੜ ਮੇਲਾ ਮਨਾਇਆ

ਕਾਲਾ ਬੱਕਰਾ( ਹਰਪ੍ਰੀਤ ਸਿੰਘ) ਨਿਜ਼ਾਮਦੀਨਪੁਰ ਵਿਖੇ ਬਾਬਾ ਕਾਬਲ ਨਾਥ ਜੀ ਤੇ ਬਾਬਾ ਮੇਹਰ ਸ਼ਾਹ ਜੀ ਦੇ ਦਰਬਾਰ ਤੇ ਸਲਾਨਾ ਜੋੜ ਮੇਲਾ ਪ੍ਰਬੰਧਕ ਕਮੇਟੀ ਤੇ ਗ੍ਰਾਮ ਪੰਚਾਇਤ ਤੇ ਸਮੂਹ ਨਗਰ ਨਿਵਾਸੀਆਂ ਦੇ ਸਹਿਯੋਗ ਨਾਲ ਧੂਮਧਾਮ ਨਾਲ ਮਨਾਇਆ ਗਿਆ ।

Doaba Times

ਨੰਬਰਦਾਰ ਯੂਨੀਅਨ ਕਰਤਾਰਪੁਰ ਵੱਲੋਂ ਨਾਇਬ ਤਹਿਸੀਲਦਾਰ ਵਿਜੇ ਕੁਮਾਰ ਹੀਰ ਦਾ ਅਹੁਦਾ ਸੰਭਾਲਣ ਫੁੱਲਾਂ ਦੇ ਗੁਲਦਸਤਿਆ ਨਾਲ ਸਵਾਗਤ


🎙ਨੰਬਰਦਾਰਾਂ ਦੀਆਂ ਸਮੱਸਿਆਵਾਂ ਨੂੰ ਪਹਿਲ ਦੇ ਅਧਾਰ ਤੇ ਹੱਲ ਕਰਾਂਗਾ – ਨਾਇਬ ਤਹਿਸੀਲਦਾਰ ਵਿਜੇ ਕੁਮਾਰ

ਜਲੰਧਰ/ਕਰਤਾਰਪੁਰ(ਗੁਰਪ੍ਰੀਤ ਗੋਰਾ ) ਸਬ ਤਹਿਸੀਲ ਕਰਤਾਰਪੁਰ ਵਿਖੇ ਕਰਤਾਰਪੁਰ ਨੰਬਰਦਾਰ ਯੂਨੀਅਨ ਦੇ ਸੀਨੀਅਰ ਮੀਤ ਪ੍ਰਧਾਨ ਕਰਨੈਲ ਸਿੰਘ ਦਿਆਲਪੁਰ ਦੀ ਅਗਵਾਈ ਵਿੱਚ ਨੰਬਰਦਾਰ ਯੂਨੀਅਨ ਵਲੋਂ ਤਹਿਸੀਲਦਾਰ ਵਿਜੇ ਕੁਮਾਰ ਹੀਰ ਨੂੰ ਕਰਤਾਰਪੁਰ ਵਿਖੇ ਅਹੁਦਾ ਸੰਭਾਲਣ ਤੇ ਉਨ੍ਹਾਂ ਦਾ ਸਵਾਗਤ ਫੁੱਲਾਂ ਦਾ ਗੁਲਦਸਤਾ ਦੇ ਕੇ ਭਰਵਾਂ ਸੁਆਗਤ ਕੀਤਾ ਗਿਆ ।ਇਸ ਇਸ ਮੌਕੇ ਦੇ ਸੀਨੀਅਰ ਮੀਤ ਪ੍ਰਧਾਨ ਕਰਨੈਲ ਸਿੰਘ ਦਿਆਲਪੁਰ,ਜ਼ਿਲ੍ਹਾ ਪ੍ਰੈੱਸ ਸਕੱਤਰ ਨੰਬਰਦਾਰ ਸੰਦੀਪ ਵਿਰਦੀ,ਨੰਬਰਦਾਰ ਭਜਨ ਸਿੰਘ ਧੀਰਪੁਰ ਵੱਲੋਂ ਨੰਬਰਦਾਰਾਂ ਨੂੰ ਤਹਿਸੀਲ ਵਿਖੇ ਆ ਰਹੀਆਂ ਸਮੱਸਿਆਵਾਂ ਸਬੰਧੀ ਜਾਣੂੰ ਵੀ ਕਰਾਇਆ।ਤਹਿਸੀਲਦਾਰ ਵਿਜੇ ਕੁਮਾਰ ਨੇ ਸਮੂਹ ਨੰਬਰਦਾਰਾਂ ਨੂੰ ਭਰੋਸਾ ਦਿੱਤਾ ਕਿ ਉਨ੍ਹਾਂ ਦੀ ਹਰੇਕ ਸਮੱਸਿਆ ਨੂੰ ਪਹਿਲ ਦੇ ਆਧਾਰ ਤੇ ਹੱਲ ਕੀਤਾ ਜਾਵੇਗਾ ਪਬਲਿਕ ਦੇ ਕੰਮਾਂ ਨੂੰ ਪਹਿਲ ਦੇ ਆਧਾਰ ਤੇ ਕੀਤਾ ਜਾਵੇਗਾ ਤੇ ਪੈਂਡਿੰਗ ਪਏ ਕੰਮਾਂ ਦਾ ਨਿਪਟਾਰਾ ਵੀ ਜਲਦ ਕੀਤਾ ਜਾਵੇਗਾ ।ਇਸ ਮੌਕੇ ਤੇ ਨੰਬਰਦਾਰ ਸੰਦੀਪ ਵਿਰਦੀ ਜ਼ਿਲ੍ਹਾ ਜਲੰਧਰ ਪ੍ਰੈਸ ਸਕੱਤਰ,ਨੰਬਰਦਾਰ ਭਜਨ ਸਿੰਘ ਧੀਰਪੁਰ ,ਨੰਬਰਦਾਰ ਤਰਸੇਮ ਸਿੰਘ ਕਾਹਲਵਾਂ, ਚਰਨਜੀਤ ਫਰੀਦਪੁਰ, ਨੰਬਰਦਾਰ ਪਰਮਜੀਤ ਮੰਨਣ ,ਨੰਬਰਦਾਰ ਸੁਰਿੰਦਰ ਸਿੰਘ ਕਾਲਾ ਬਾਹੀਆ,ਨੰਬਰਦਾਰ ਮਨੋਹਰ ਸਿੰਘ ਸਰਮਸਤਪੁਰ,ਨੰਬਰਦਾਰ ਬੂਟਾ ਸਿੰਘ ਬੱਲ ,ਨੰਬਰਦਾਰ ਅਮਰ ਸਿੰਘ ਪੱਤੜ ਖ਼ੁਰਦ,ਨੰਬਰਦਾਰ ਬਚਿੱਤਰ ਸਿੰਘ ਪੱਤੜ ਖ਼ੁਰਦ, ਨੰਬਰਦਾਰ ਗੁਰਦੀਪ ਸਿੰਘ ਸਰਾਏ ਖਾਸ ,ਨੰਬਰਦਾਰ ਦਲਵੀਰ ਸਿੰਘ ਕਾਹਲਵਾਂ ,ਨੰਬਰਦਾਰ ਅਮਰੀਕ ਸਿੰਘ ਬੱਲਾ,ਨੰਬਰਦਾਰ ਬਲਦੇਵ ਸਿੰਘ ਖਾਨਕੇ ਫਤਹਿਗੜ੍ਹ,ਨੰਬਰਦਾਰ ਗਿਆਨ ਚੰਦ ਨੌਗੱਜਾ ਆਦਿ ਵੀ ਹਾਜ਼ਰ ਸਨ ।

Doaba Times

ਪਿੰਡ ਨਿਜ਼ਾਮਦੀਨਪੁਰ ਵਿਖੇ ਛਿੰਝ ਮੇਲਾ

ਕਾਲਾ ਬੱਕਰਾ(ਹਰਪ੍ਰੀਤ ਸਿੰਘ)ਜਲੰਧਰ ਤੋਂ ਪਠਾਨਕੋਟ ਰਾਸ਼ਟਰੀ ਰਾਜ ਮਾਰਗ ਸਥਿਤ ਪਿੰਡ ਨਿਜ਼ਾਮਦੀਨਪੁਰ ਵਿਖੇ ਛਿੰਝ ਮੇਲਾ ਬਾਬਾ ਮੇਹਰ ਸ਼ਾਹ ਜੀ ਅਤੇ ਬਾਬਾ ਕਾਬੁਲ ਨਾਥ ਜੀ ਦੇ ਦਰਬਾਰ ਤੇ ਮਿਤੀ 27.28.ਅਤੇ 29 ਜੂਨ ਦਿਨ ਬੁੱਧਵਾਰ ਨੂੰ ਪਿੰਡ ਨਿਜ਼ਾਮਦੀਨਪੁਰ ਵਿਖੇ ਪਿੰਡ ਦੇ ਸਹਿਯੋਗ ਨਾਲ ਅਤੇ ਐਨ ਆਰ ਆਈ ਵੀਰਾਂ ਦੇ ਸਹਿਯੋਗ ਨਾਲ ਛਿੰਝ ਮੇਲਾ ਕਰਵਾਇਆ ਜਾ ਰਿਹਾ ਹੈ.28 ਅਤੇ 29 ਤਰੀਕ ਨੂੰ ਦੁਪਹਿਰ ਦੋ ਵਜੇ ਤੋਂ ਰਾਤ ਅੱਠ ਵਜੇ ਤੱਕ ਨਕਲਾਂ ਦਾ ਪ੍ਰੋਗਰਾਮ ਹੋਵੇਗਾ.
ਇਸ ਮੌਕੇ ਤੇ ਛਿੰਝ ਮੇਲੇ ਵਿੱਚ ਨਿਜ਼ਾਮਦੀਨਪੁਰ ਵਿਖੇ ਬਾਬਾ ਮੇਹਰ ਸ਼ਾਹ ਜੀ ਅਤੇ ਬਾਬਾ ਕਾਬਲ ਨਾਥ ਜੀ ਦੇ ਦਰਬਾਰ ਤੇ 28 ਅਤੇ 29 ਮੰਗਲਵਾਰ ਅਤੇ ਬੁੱਧਵਾਰ ਨੂੰ ਕੁਸ਼ਤੀਆਂ ਵੀ ਕਰਵਾਈਆਂ ਜਾਣਗੀਆਂ.ਕੁਸ਼ਤੀਆਂ ਵਿੱਚ ਹਿੱਸਾ ਲੈਣ ਆ ਰਹੇ ਪਹਿਲਵਾਨ ਛੋਟਾ ਗੰਨੀ ਹੁਸ਼ਿਆਰਪੁਰ ਅਤੇ ਬੱਗਾ ਘੁਹਾਲੀ ਵਿਚਕਾਰ ਕੁਸ਼ਤੀਆਂ ਕਰਵਾਈਆਂ ਜਾਣਗੀਆਂ.ਕੁਸ਼ਤੀਆਂ ਦਾ ਪਹਿਲਾ ਇਨਾਮ 41000 ਹਜ਼ਾਰ ਅਤੇ ਦੂਸਰਾ 21000 ਹਜ਼ਾਰ ਹੋਵੇਗਾ.ਅਤੇ ਆਈ ਹੋਈ ਸੰਗਤ ਵਾਸਤੇ ਅਟੁੱਟ ਲੰਗਰ ਵਰਤਾਇਆ ਜਾਵੇਗਾ.ਇਸ ਮੌਕੇ ਤੇ ਮੌਜੂਦ ਸਰਪੰਚ ਮਨਦੀਪ ਸਿੰਘ ਲਾਲੀ.ਬਲਾਕ ਸੰਮਤੀ ਮੈਂਬਰ ਸੁਰਿੰਦਰ ਸਿੰਘ (ਛਿੰਦਾ).ਪ੍ਰਧਾਨ ਰੇਸ਼ਮ ਲਾਲ ਸੁਖਵਿੰਦਰ ਸਿੰਘ ਖਜ਼ਾਨਚੀ.ਗੁਰਮੀਤ ਰਾਮ.ਕਰਨੈਲ ਸਿੰਘ.ਸਤਵਿੰਦਰ ਕੌਰ.ਕੁਲਵਿੰਦਰ ਕੌਰ.ਬਲਜੀਤ ਸਿੰਘ.

Doaba Times

ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਦਾ ਸ਼ਹੀਦੀ ਦਿਹਾੜਾ ਧੂਮਧਾਮ ਨਾਲ ਮਨਾਇਆ ‌

ਜਲੰਧਰ/ਮਕਸੂਦਾ(ਗੁਰਮੁੱਖ ਸਿੰਘ )ਗੁਰਦੁਆਰਾ ਸ੍ਰੀ ਗੁਰੂ ਸਿੰਘ ਸਭਾ ਗੋਲਡਨ ਐਵੀਨਿਊ ਮਕਸੂਦਾਂ ਜਲੰਧਰ ਵਿਖੇ ਅੰਮ੍ਰਿਤ ਵੇਲੇ ਬਾਬਾ ਬੰਦਾ ਸਿੰਘ ਬਹਾਦਰ ਜੀ ਦਾ ਸ਼ਹੀਦੀ ਦਿਹਾੜਾ ਸ਼ਰਧਾ ਨਾਲ ਮਨਾਇਆ ਗਿਆ ਇਸ ਮੌਕੇ ਸੰਗਤਾਂ ਨੇ ਗੁਰਦੁਆਰਾ ਸਾਹਿਬ ਵਿਖੇ ਹਾਜ਼ਰੀ ਭਰੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਸੰਗਤਾਂ ਵਾਸਤੇ ਫ੍ਰਰੀ ਮੈਡੀਕਲ ਕੈਪ ਲਗਾਇਆ ਗਿਆ।

ਸ੍ਰੀ ਸੁਖਮਨੀ ਸਾਹਿਬ ਜੀ ਦੇ ਪਾਠ ਉਪਰੰਤ ਹੈਡ ਗ੍ਰੰਥੀ ਭਾਈ ਪ੍ਰਗਟ ਸਿੰਘ ਜੀ ਮਹਾਨ ਵਿਦਵਾਨ ਪੰਥ ਰਤਨ ਇੰਟਰਨੈਸ਼ਨਲ ਕਵੀਸ਼ਰੀ ਜਥਾ ਭਾਈ ਗੁਰਮੁੱਖ ਸਿੰਘ ਐਮ ਏ ਵਲੋ ਸੰਗਤਾਂ ਨੂੰ ਨਿਹਾਲ ਕੀਤਾ ਗਿਆ ਅਤੇ ਡਾ.ਬਲਵੰਤ ਸਿੰਘ ਹੰਸ ਦੁਆਰਾ ਆਪਣੀ ਡਾਕਟਰੀ ਟੀਮ ਨਾਲ ਸੰਗਤਾਂ ਵਾਸਤੇ ਫ੍ਰੀ ਮੈਡੀਕਲ ਕੈਂਪ ਲਗਾਇਆ ਗਿਆ ਜਿਸ ਵਿਚ ਫ਼੍ਰੀ ਦਵਾਈਆ ਦਿੱਤੀਆਂ ਤੇ ਚੈੱਕ ਅੱਪ ਕੀਤਾ ਗਿਆ ਇਹ ਜਾਣਕਾਰੀ ਡਾਕਟਰ ਬਲਵੰਤ ਸਿੰਘ ਹੰਸ
ਇਸ ਮੌਕੇ ਸ਼ਹੀਦੀ ਗੁਰਪੁਰਬ ਸ਼ਰਧਾ ਨਾਲ ਵੱਧ ਤੋ ਵੱਧ ਯੋਗਦਾਨ ਹਰਭਜਨ ਸਿੰਘ ਕਾਹਲੋ, ਗੁਰਮੁੱਖ ਸਿੰਘ ਐਮ ਏ, ਹਰਜਿੰਦਰ ਸਿੰਘ ਉਬਰਾਏ, ਕੁਲਦੀਪ ਸਿੰਘ ਬੋਪਾਰਾਏ, ਜੋਗਿੰਦਰ ਸਿੰਘ ਸੌਢੀ, ਆਈਆਂ ਸੰਗਤਾਂ ਦਾ ਧੰਨਵਾਦ ਗੁਰਜੀਤ ਸਿੰਘ ਜਨਰਲ ਸਕੱਤਰ ‌ਨੇ ਕੀਤਾ ਗਿਆਅਟੁੱਟ ਲੰਗਰ ਵਰਤਾਇਆ =ਅਵਤਾਰ ਸਿੰਘ ਕਾਨੂੰਗੋ ਪ੍ਰੈਸ ਸਕੱਤਰ ਗੁਰਦੁਆਰਾ ਗੋਲਡਨ ਐਵੀਨਿਊ ਮਕਸੂਦਾਂ ਜਲੰਧਰ