ਫੈਕਟਰੀ ਮਾਲਕਾਂ ਤੇ ਜੰਡੂਸਿੰਘਾ ਚੌਕੀ ਦੇ ਨਵੇਂ ਇੰਚਾਰਜ ਲਾਭ ਸਿੰਘ ਨਾਲ ਮੀਟਿੰਗ

ਜਲੰਧਰ(ਗੁਰਪ੍ਰੀਤ ਬੱਲ/ ਮੁਕੇਸ਼ ਕੁਮਾਰ)ਜੰਡੂਸਿੰਘਾ ਪੁਲਿਸ ਚੌਕੀ ਇੰਚਾਰਜ ਲਾਭ ਸਿੰਘ ਵੱਲੋਂ ਬੀਤੇ ਕੁਝ ਦਿਨ ਪਹਿਲਾਂ ਹੀ ਚਾਰਜ ਸੰਭਾਲਦਿਆਂ ਇਲਾਕਿਆਂ ਦੀਆਂ ਸਮੱਸਿਆਵਾਂ ਦੇ ਹੱਲ ਸਬੰਧੀ ਇਲਾਕੇ ਦੇ ਫੈਕਟਰੀ ਮਾਲਕਾਂ ਨਾਲ ਮੀਟਿੰਗ ਰੱਖੀ ਗਈ ।
ਜਿਸ ਦੌਰਾਨ ਫੈਕਟਰੀ ਮਾਲਕਾਂ ਨੂੰ ਆਉਣ ਵਾਲੀਆਂ ਸਮੱਸਿਆਵਾਂ ਨੂੰ ਗੰਭੀਰਤਾ ਨਾਲ ਸੁਣਿਆ ਗਿਆ, ਜਿਸ ਵਿਚ ਫੈਕਟਰੀ ਮਾਲਕਾ ਵੱਲੋਂ ਦੱਸਿਆ ਗਿਆ ਕਿ ਫੈਕਟਰੀ ਵਰਕਰਾਂ ਨਾਲ ਇਲਾਕੇ ਵਿਚ ਲੁਟੇਰਿਆਂ ਵੱਲੋਂ ਲੁੱਟਮਾਰ ਦੀਆਂ ਘਟਨਾਵਾਂ ਦਿਨੋਂ ਦਿਨ ਵਧ ਰਹੀਆਂ ਹਨ , ਜਿਸ ਕਾਰਨ ਉਨ੍ਹਾਂ ਨੂੰ ਫੈਕਟਰੀਆਂ ਰਾਤ ਦੇ ਸਮੇਂ ਤਕ ਚਲਾਉਣ ਵਿੱਚ ਕਾਫੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਵਰਕਰ ਸ਼ਾਮ ਦੀ ਛੇ ਵਜੇ ਤਕ ਹੀ ਛੁੱਟੀ ਕਰ ਜਾਂਦੇ ਹਨ, ਜਿਸਦਾ ਬੁਰਾ ਅਸਰ ਫੈਕਟਰੀਆਂ ਦੀ ਪ੍ਰੋਡਕਸ਼ਨ ਤੇ ਪੈਂਦਾ ਹੈ ਤੇ ਕਾਰੋਬਾਰ ਵਿੱਚ ਘਾਟਾ ਪੈ ਰਿਹਾ ਹੈ ।
ਫੈਕਟਰੀ ਮਾਲਕਾਂ ਵੱਲੋਂ ਇਸ ਲੁੱਟ ਖੋਹ ਦੀਆਂ ਘਟਨਾਵਾਂ ਨੂੰ ਰੋਕਣ ਲਈ ਜੰਡੂਸਿੰਘਾ ਚੌਂਕੀ ਇੰਚਾਰਜ ਲਾਭ ਸਿੰਘ ਨੂੰ ਇਲਾਕੇ ਵਿੱਚ ਪੁਲਸ ਦੀ ਗਸ਼ਤ ਨੂੰ ਵਧਾਉਣ ਦੀ ਅਪੀਲ ਕੀਤੀ ਗਈ।
ਜਿਸ ਦੌਰਾਨ ਚੌਂਕੀ ਇੰਚਾਰਜ ਲਾਭ ਸਿੰਘ ਵੱਲੋਂ ਅਸ਼ਵਾਸਨ ਦਿੱਤਾ ਕਿ ਇਲਾਕੇ ਵਿਚ ਪੁਲਿਸ ਦੀ ਗਸ਼ਤ ਵਧਾ ਦਿੱਤੀ ਜਾਵੇਗੀ ਤੇ ਲੁਟੇਰਿਆਂ ਤੇ ਨੱਥ ਪਾਈ ਜਾਵੇਗੀ। ਇਸ ਮੌਕੇ ਤੇ ਮੁਕੇਸ਼ ਕੁਮਾਰ ਜਿਲਾ ਪ੍ਰਧਾਨ ,ਮੌਲਿਕ ਟੈਕਨੋਕਾਸਟ ਪ੍ਰਾਈਵੇਟ ਲਿਮਟਿਡ ਦੇ ਐਮ ਡੀ ਦੀਪਕ ਅਗਰਵਾਲ , ਐਚ ਪੀ ਗਲੋਬਲ ਦੇ ਐਮ ਡੀ ਚਰਨਜੀਤ ਸਿੰਘ ਮੈੰਗੀ , ਦੀਪਕ ਇੰਡਸਟਰੀ ਕਾਰਪ. , ਮੈਕ ਚੌਇਸ ,ਵਿਸ਼ਾਲ ਟੂਲਜ਼ , ਸੰਚਿਤ ਐਕਸਪੋਰਟਸ, ਮੈਡਲੀ ਐਕਸਪੋਰਟਸ ,ਅਡਵਾਂਸ ਟੂਲਸ ,ਸ੍ਰੀ ਆਇਸਕ੍ਰੀਮ ਅਤੇ ਫੈਕਟਰੀ ਸਟਾਫ ਮੌਜੂਦ ਸੀ।