ਰਿਜਰਵ ਸਟਾਫ ਨੂੰ ਮਾਣ ਭੱਤਾ ਨਾ ਦੇਣ ਤੇ ਭਾਰੀ ਰੋਸ਼

ਜਲੰਧਰ (ਗੁਰਪ੍ਰੀਤ ਬੱਲ) ਮਿਤੀ 10 – 5 – 23 ਨੂੰ ਅਸੈਂਬਲੀ ਹਲਕਾ 31 ਨਕੋਦਰ ਜਿਮਨੀ ਚੋਣਾਂ ਦੌਰਾਨ ਰਿਜਰਵ ਸਟਾਫ ਨੂੰ ਸ਼ਾਮ 6 ਵਜੇ ਤੱਕ ਬਿਠਾਇਆ ਗਿਆ। ਸਾਰੇ ਚੋਣ ਹਲਕਿਆਂ ਵਿਚ ਰਿਜਰਵ ਸਟਾਫ ਨੂੰ ਮੌਕੇ ਤੇ ਮਾਣ ਭੱਤਾ ਦਿੱਤਾ ਗਿਆ ਹੈ । ਸਾਰੇ ਹਲਕਿਅਾ ਵਿੱਚ ਪੂਰੀ ਡਿਉਢੀ ਦੇਣ ਉਪਰੰਤ ਰਿਜਰਵ ਸਟਾਫ ਨੂੰ ਮੌਕੇ ਤੇ ਮਾਣ ਦਿੱਤਾ ਗਿਆ ।ਹਲਕਾ ਸੁਪਰਡੈਂਟ ਸ੍ਰੀਮਤੀ ਬਲਵਿੰਦਰ ਕੌਰ ਵਲੋ ਰਿਜਰਵ ਸਟਾਫ ਦੀ ਅਟੈਂਡੈਂਸ 12 : 30 ਵਜੇ ਲੈਣ ਉਪਰੰਤ ਕਿਹਾ ਗਿਆ ਕਿ ਮਾਣਭੱਤਾ ਉਨ੍ਹਾਂ ਨੂੰ ਹੀ ਦਿੱਤਾ ਜਾਵੇਗਾ ਜੋ 6 ਵਜੇ ਤੱਕ ਬੈਠਣਗੇ ।ਇਨ੍ਹਾਂ ਹੁਕਮਾਂ ਦੀ ਪਾਲਣਾ ਕਰਦੇ ਹੋਏ ਸਟਾਫ ਸ਼ਾਮ ਸਮੇਂ ਤਕ ਬੈਠਾ ਰਿਹਾ। ਪ੍ਰੰਤੂ ਸ਼ਾਮੀ 6 ਵਜੇ SDM ਕੰਵਲਪ੍ਰੀਤ ਸਿੰਘ ਨੇ ਵਿਸ਼ਵਾਸ਼ ਦੁਆਇਆ ਕਿ ਤੁਹਾਡਾ ਮਾਣ ਭੱਤਾ ਤੁਹਾਡੇ ਬੈਂਕ ਖਾਤਿਆਂ ਵਿਚ ਪਾ ਦਿੱਤਾ ਜਾਵੇਗਾ। ਸਾਰੇ ਹਲਕਿਆਂ ਵਿਚ ਰਿਜਰਵ ਸਟਾਫ ਨੂੰ ਮੌਕੇ ਤੇ ਮਾਣ ਭੱਤਾ ਦਿਁਤਾ ਗਿਆ ।ਇਸ ਮੌਕੇ ਰਿਜਰਵ ਸਟਾਫ ਵਿੱਚ ਭਾਰੀ ਰੋਸ ਪਾਇਆ ਗਿਆ ! ਸਟਾਫ਼ ਨੇ ਦੋਸ਼ ਲਾਇਆ ਕਿ ਉਨ੍ਹਾਂ ਨੂੰ ਸ਼ਾਮ ਤੱਕ ਖੱਜਲ-ਖੁਆਰ ਕੀਤਾ ਗਿਆ! ਇਸ ਸਬੰਧੀ ਪੱਖ ਜਾਨਣ ਲਈ SDM ਨਕੋਦਰ ਕੰਵਲਪ੍ਰੀਤ ਸਿੰਘ ਨਾਲ ਫੋਨ ਤੇ ਵਾਰ ਵਾਰ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ ਪ੍ਰੰਤੂ SDM ਨੇ ਫੋਨ ਨਹੀਂ ਚੁੱਕਿਆ ।

NEXT

ਅਗਲੀ ਖਬਰ

ਅੱਡਾ ਕਿਸ਼ਨਗੜ ਚ’ ਜਲਦਬਾਜੀ ਦੇ ਚੱਕਰ ਚ’ ਹਾਦਸਿਆ ਦਾ ਸਿਲਸਿਲਾ ਲਗਾਤਾਰ ਜਾਰੀ

*ਪਿਛਲੇ ਹਾਦਸੇ ਚ’ ਕਾਰ ਦਾ ਸ਼ੀਸ਼ਾ ਪਹਿਲਾ ਹੀ ਟੁੱਟਾ ਸੀ ਤੇ ਕਾਰ ਚਾਲਕ ਵਲੋ ਆਪਣੇ ਆਪ ਨੂੰ ਵੱਡੇ ਅਦਾਰੇ ਦਾ ਪੱਤਰਕਾਰ ਦੱਸਿਆ ਜਾ ਰਿਹਾ ਸੀ ਤੇ ਫੋਕਾ ਦਬਾਅ ਬਣਾਇਆ ਜਾ ਰਿਹਾ ਸੀ ਤੇ ਜਿਸ ਕਾਰਨ ਉਸ ਪੱਤਰਕਾਰ ਨੂੰ ਕਿਸ਼ਨਗੜ ਦੇ ਪੱਤਰਕਾਰਾ ਵਲੋ ਭਜਾਇਆ ਗਿਆ ਸੀ।

ਕਿਸ਼ਨਗੜ (ਗੁਰਪ੍ਰੀਤ ਬੱਲ) ਜਲੰਧਰ ਪਠਾਂਨਕੋਟ ਰਾਸਟਰੀ ਰਾਜਮਾਰਗ ਮਾਰਗ ਤੇ ਸਥਿਤ ਅੱਡਾ ਕਿਸ਼ਨਗੜ੍ਹ ਚੌਂਕ ਵਿੱਚ ਹਾਦਸਿਆ ਦਾ ਸਿਲਸਿਲਾ ਲਗਾਤਾਰ ਜਾਰੀ ਹੈ, ਅਕਸਰ ਹੀ ਦੇਕਣ ਵਿੱਚ ਆਉਂਦਾ ਹੈ ਕਿ ਕਾਰ ਚਾਲਕ ਬਹੁਤ ਜਲਦਬਾਜੀ ਕਰਦੇ ਹਨ , ਜਿਸਦੇ ਕਾਰਨ ਹਾਦਸਾ ਵਾਪਰ ਜਾਦਾ ਹੈ ਤੇ ਵਾਹਨਾ ਦਾ ਨੁਕਸਾਨ ਹੋ ਜਾਦਾ ਹੈ , ਬਹੁਤ ਵਾਰ ਦੇਖਣ ਵਿੱਚ ਮਿਲਦਾ ਹੈ ਕਿ ਗਲਤੀ ਹਮੇਸ਼ਾ ਟਰੱਕ ਚਾਲਕ ਦੀ ਕੱਢੀ ਜਾਦੀ ਹੈ ਅਸਲ ਵਿੱਚ ਗਲਤੀ ਕਾਰ ਚਾਲਕ ਦੀ ਹੁੰਦੀ ਹੈ ਜੋ ਕਿ ਰਾਗ ਸਾਇਡ ਤੋ ਟਰੱਕ ਨੂੰ ੳਵਰਟੇਕ ਕਰਦੇ ਹਨ ਤੇ ਹਾਦਸੇ ਦਾ ਸ਼ਿਕਾਰ ਹੋ ਜਾਦੇ ਹਨ ਅਤੇ ਇੱਕ ਕਹਾਵਤ ਵੀ ਮਸ਼ਹੂਰ ਹੈ ਕਿ ਕਾਹਲੀ ਅੱਗੇ ਟੋਏ । ਪ੍ਰਾਪਤ ਜਾਣਕਾਰੀ ਅਨੁਸਾਰ ਨਿੱਜੀ ਕੰਪਨੀ ਦਾ ਟਰੱਕ ਜੋ ਕਿ ਜਲੰਧਰ ਤੋਂ ਗੁਰਦਾਸਪੁਰ ਵੱਲ ਜਾ ਰਿਹਾ ਸੀ ਜਿਸ ਵੱਲੋਂ ਜਲੰਧਰ ਪਠਾਂਨਕੋਟ ਰਾਸਟਰੀ ਰਾਜਮਾਰਗ ਤੇ ਸਥਿਤ ਕਿਸ਼ਨਗੜ ਚੌਕ ਵਿਖੇ ਸਵਿਫ਼ਟ ਕਾਰ ਚਾਲਕ ਵੱਲੋਂ ਗਲਤ ਢੰਗ ਨਾਲ ਕਰਾਸ ਕਰਨ ਸਮੇਂ ਟਰੱਕ ਨਾਲ ਹਾਦਸੇ ਦਾ ਸ਼ਿਕਾਰ ਹੋ ਗਈ। ਜਿਸ ਕਾਰਣ ਕਾਰ ਬੁਰੀ ਤਰ੍ਹਾਂ ਨੁਕਸਾਨੀ ਗਈ। ਦੋਹਾਂ ਧਿਰਾਂ ਵਿਚ ਬਹਿਸਬਾਜੀ ਜਾਰੀ ਸੀ। ਖਬਰ ਲਿਖੇ ਜਾਣ ਤੱਕ ਸਥਾਨਕ ਪੁਲਸ ਮੌਕੇ ਤੇ ਨਹੀਂ ਪਹੁੰਚੀ।

NEXT

ਅਗਲੀਖਬਰ

ਸੰਤ ਬਾਬਾ ਪ੍ਰੀਤਮ ਦਾਸ ਜੀ (ਬਾਬੇ ਜੌੜੇ) 34ਵੀ ਸਾਲਾਨਾ ਬਰਸੀ ਸਮਾਗਮ 16 ਮਈ ਨੂੰ ਮਨਾਈ ਜਾਵੇਗੀ

ਜਲੰਧਰ(ਗੁਰਪ੍ਰੀਤ ਬੱਲ) ਬ੍ਰਹਮਗਿਆਨੀ ਬ੍ਰਹਮਲੀਨ 108 ਸੰਤ ਬਾਬਾ ਪ੍ਰੀਤਮ ਦਾਸ ਜੀ (ਬਾਬੇ ਜੋੜੇ) ਰਾਏਪੁਰ ਰਸੂਲਪੁਰ ਜਲੰਧਰ ਵਾਲਿਆਂ ਦੀ 34ਵੀਂ ਸਾਲਾਨਾ ਬਰਸੀ ਸਮਾਗਮ ਡੇਰਾ ਸੰਤ ਬਾਬਾ ਪ੍ਰੀਤਮ ਦਾਸ ਜੀ ਰਾਏਪੁਰ ਰਸੂਲਪੁਰ ਜਲੰਧਰ ਵਿਖੇ 16 ਮਈ ਬਹੁਤ ਹੀ ਸ਼ਰਧਾ ਅਤੇ ਸਤਿਕਾਰ ਨਾਲ ਮਨਾਇਆ ਜਾ ਰਿਹਾ ਹੈ। ਇਸ ਬਰਸੀ ਸਮਾਗਮ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਡੇਰੇ ਦੇ ਮੌਜੂਦਾ ਗੱਦੀਨਸ਼ੀਨ ਸੰਤ ਬਾਬਾ ਨਿਰਮਲ ਦਾਸ ਜੀ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਸੰਤ ਬਾਬਾ ਪ੍ਰੀਤਮ ਦਾਸ ਜੀ ਦੀ ਨਿੱਘੀ ਯਾਦ ਨੂੰ ਸਮਰਪਿਤ ਬਰਸੀ ਸਮਾਗਮ ਦੀ ਆਰੰਭਤਾ ਹੋ ਚੁੱਕੀ ਹੈ, ਇਸ ਸਮਾਗਮ ਸਬੰਧੀ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਬਾਣੀ ਦੇ ਸੰਪਟ ਪਾਠ ਆਰੰਭ ਕੀਤੇ ਗਏ ਹਨ ਅਤੇ ਦੂਰ ਦਰਾਡੇ ਤੋ ਹਰ

ਰੋਜ਼ ਭਾਰੀ ਗਿਣਤੀ ਵਿੱਚ ਸੰਗਤਾਂ ਡੇਰੇ ਵਿਖੇ ਨਤਮਸਤਕ ਹੋ ਰਹੀਆਂ ਹਨ। ਇਸ ਬਰਸੀ ਸਮਾਗਮ ਵਿੱਚ ਗੁਰੂ ਰਵਿਦਾਸ ਸਾਧੂ ਸੰਪ੍ਰਦਾਇ ਸੁਸਾਇਟੀ ਪੰਜਾਬ ਅਤੇ ਵੱਖ ਵੱਖ ਸੰਪ੍ਰਦਾਵਾਂ ਦੇ ਸੰਤ ਮਹਾਂਪੁਰਸ਼ ਬ੍ਰਹਮਲੀਨ ਸੰਤ ਬਾਬਾ ਪ੍ਰੀਤਮ ਦਾਸ ਜੀ ਨੂੰ ਸ਼ਰਧਾਂਜਲੀ ਭੇਂਟ ਕਰਨ ਲਈ ਆ ਰਹੇ ਹਨ ਅਤੇ ਪੰਥ ਦੇ ਪ੍ਰਸਿੱਧ ਕੀਰਤਨੀਏ,ਰਾਗੀ ਢਾਡੀ ਅਤੇ ਪ੍ਰਚਾਰਕ ਸੰਗਤਾਂ ਨੂੰ ਪ੍ਰਬਚਨਾ ਰਾਹੀਂ ਨਿਹਾਲ ਕਰਨਗੇ।ਇਸ ਮੌਕੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਨਾਰੀ ਸ਼ਕਤੀ ਫਾਉਂਡੇਸ਼ਨ ਭਾਰਤ ਦੀ ਪ੍ਰਧਾਨ ਭੈਣ ਸੰਤੋਸ਼ ਕੁਮਾਰੀ ਨੇ ਦੱਸਿਆ ਬਰਸੀ ਸਮਾਗਮ ਸਬੰਧੀ ਸਾਰੀਆਂ ਤਿਆਰੀਆਂ ਮੁਕੰਮਲ ਹੋ ਚੁਕੀਆਂ ਹਨ। ਹਰ ਰੋਜ਼ ਸੰਤ ਬਾਬਾ ਨਿਰਮਲ ਦਾਸ ਜੀ ਵਲੋਂ ਸ਼ਾਮ ਨੂੰ ਕੀਰਤਨ ਦਿਵਾਨ ਸਜਾਏ ਜਾਂਦੇ ਹਨ, ਜਿਸ ਵਿੱਚ ਸੈਂਕੜੇ ਸੰਗਤਾਂ ਗੁਰੂ ਜਸ ਸਰਵਣ ਕਰਕੇ ਆਪਣਾ ਜੀਵਨ ਸਫ਼ਲਾ ਕਰਦੀਆਂ ਹਨ। ਭੈਣ ਸੰਤੋਸ਼ ਕੁਮਾਰੀ ਨੇ ਦੱਸਿਆ ਕਿ 16 ਮਈ ਦਿਨ ਮੰਗਲਵਾਰ ਨੂੰ ਦੇਸ਼ ਭਰ ਤੋ ਸੰਤ ਮਹਾਂਪੁਰਸ਼ ਸੰਤਾਂ ਨੂੰ ਸ਼ਰਧਾਂਜਲੀ ਭੇਂਟ ਕਰਨਗੇ ਉਥੇ ਹੀ ਧਾਰਮਿਕ, ਸਮਾਜਿਕ ਅਤੇ ਰਾਜਨੀਤਕ ਆਗੂ ਸੰਤ ਬਾਬਾ ਪ੍ਰੀਤਮ ਜੀ ਨੂੰ ਸ਼ਰਧਾਂਜਲੀਆਂ ਭੇਂਟ ਕਰਨਗੇ। ਇਲਾਕੇ ਦੀਆਂ ਸੰਗਤਾਂ ਨੂੰ ਵੱਡੀ ਗਿਣਤੀ ਵਿੱਚ ਡੇਰਾ ਸੰਤ ਬਾਬਾ ਪ੍ਰੀਤਮ ਦਾਸ ਜੀ ਬਾਬੇ ਜੌੜੇ ਰਾਏਪੁਰ ਰਸੂਲਪੁਰ ਜਲੰਧਰ ਵਿਖੇ ਪੁੱਜ ਕੇ ਆਪਣਾ ਜੀਵਨ ਸਫ਼ਲਾ ਕਰਨ ਦੀ ਅਪੀਲ ਕੀਤੀ।