Doaba Times

ਗੁਰਦੁਆਰਾ ਬਾਬਾ ਭਾਗੋ ਜੀ ਵਿਖੇ ਸਾਲਾਨਾ ਜੋੜ ਮੇਲਾ 9 ਨੂੰ

ਜਲੰਧਰ/ਕਿਸ਼ਨਗੜ (ਗੁਰਪ੍ਰੀਤ ਬੱਲ) ਜਲੰਧਰ ਰਾਸ਼ਟਰੀ ਰਾਜਮਾਰਗ ਸਥਿਤ ਪਿੰਡ ਬੱਲਾਂ ਵਿਖੇ ਗੁਰਦੁਆਰਾ ਬਾਬਾ ਭਾਗੋ ਵਿਖੇ ਸਾਲਾਨਾ ਜੋੜ ਮੇਲਾ 9 ਅਕਤੂਬਰ ਨੂੰ
ਬੜੀ ਸ਼ਰਧਾਪੂਰਵਕ ਮਨਾਇਆ ਜਾ ਰਿਹਾ
ਹੈ। ਜਿਸ ਦੌਰਾਨ ਇਲਾਕੇ ਦੇ ਪ੍ਰਸਿੱਧ ਢਾਡੀ
ਜੱਥੇ ਤੇ ਉੱਘੇ ਕਲਾਕਾਰ ਦਵਿੰਦਰ
ਗਰੇਵਾਲ, ਹਸਨ ਮਾਣਕ, ਸੁਰਿੰਦਰ ਛਿੰਦਾ,
ਰਣਜੀਤ ਬਾਵਾ, ਫਰੋਜ ਖਾਨ ਹਾਜਰੀ
ਲਗਾਉਣਗੇ। ਸਭ ਤੋਂ ਪਹਿਲਾਂ ਗੁਰਦੁਆਰਾ
ਸਾਹਿਬ ਵਿਖੇ 7 ਅਕਤੂਬਰ ਨੂੰ ਸਵੇਰੇ
11: 30ਵਜੇ ਅਖੰਡ ਪਾਠ ਸਾਹਿਬ ਜੀ
ਆਰੰਭ ਕੀਤੇ ਜਾਣਗੇ ਅਤੇ 9 ਅਕਤੂਬਰ
ਸਵੇਰੇ 10:30 ਤੇ ਭੋਗ ਪਾਏ ਜਾਣਗੇ ਤੇ
ਇਸ ਉਪਰੰਤ ਕੀਰਤਨੀ ਜਥਿਆਂ ਦੁਆਰਾ
ਸੰਗਤਾਂ ਨੂੰ ਕੀਰਤਨ ਰਾਹੀਂ ਨਿਹਾਲ ਕੀਤਾ
ਜਾਵੇਗਾ ਤੇ ਸੰਗਤਾਂ ਵਿੱਚ ਅਟੁੱਟ ਲੰਗਰ
ਵਰਤਾਏ ਜਾਣਗੇ।


Doaba Times

2 ਅਕਤੂਬਰ ਗਾਧੀ ਜਯੰਤੀ ਕਾਰਨ ਇਲਾਕੇ ਚ’ ਜਿਆਦਾ ਤਰ ਬੰਦ ਰਹੇ ਠੇਕੇ – ਕਿਸ਼ਨਗੜ੍ਹ ਤੇ ਬਿਆਸ ਪਿੰਡ ਚੋਰ ਮੋਰੀਆਂ ਰਾਹੀਂ ਸ਼ਰ੍ਹੇਆਮ ਵਿਕੀ ਦਾਰੂ

ਬਿਸਤ ਦੋਆਬ ਨਹਿਰ ਕਿਸ਼ਨਗਡ਼੍ਹ ਵੇਲੇ ਬਿਲਕੁਲ ਨਜ਼ਦੀਕ ਠੇਕੇ ਦੇ ਬਾਹਰ ਸ਼ਰਾਬੀਆਂ ਦਾ ਇਕੱਠ ਚੋਰ ਮੋਰੀਆਂ ਰਾਹੀਂ ਸ਼ਰ੍ਹੇਆਮ ਵੇਚੀ ਜਾ ਰਹੀ ਸੀ ਸ਼ਰਾਬ

ਜਲੰਧਰ/ਕਿਸ਼ਨਗੜ2,ਅਕਤੂਬਰ(ਗੁਰਪ੍ਰੀਤ ਬੱਲ/ਸੌਰਬ ਗੁਪਤਾ) 2 ਅਕਤੂਬਰ ਗਾਂਧੀ ਜਯੰਤੀ ਦੇ ਮੱਦੇਨਜ਼ਰ ਪੂਰੇ ਪੰਜਾਬ ਵਿੱਚ ਡਰਾਈ ਡੇਅ ਘੋਸ਼ਿਤ ਕੀਤਾ ਗਿਆ ਜਿਸਦੇ ਕਾਰਨ ਸ਼ਰਾਬ ਦੇ ਸਾਰੇ ਠੇਕੇ ਸਰਕਾਰ ਵਲੋਂ ਬੰਦ ਰੱਖਣ ਦਾ ਆਦੇਸ਼ ਜਾਰੀ ਕੀਤਾ ਗਿਆ ਸੀ, ਜਿਸ ਦੇ ਕਾਰਨ ਕਈ ਸ਼ਰਾਬ ਦੇ ਠੇਕਿਆਂ ਵੱਲੋਂ ਦਾ ਬਹੁਤ ਵਧੀਆ ਤਰੀਕੇ ਨਾਲ ਪਾਲਣਾ ਕੀਤੀ ਗਈ ਅਤੇ ਇਲਾਕੇ ਵਿੱਚ ਕਈ ਸ਼ਰਾਬ ਦੇ ਠੇਕੇ ਖੁੱਲ੍ਹੇ ਪਾਏ ਗਏ ਤੇ ਕਾਨੂੰਨ ਦੀਆਂ ਸ਼ਰ੍ਹੇਆਮ ਧੱਜੀਆਂ ਉਡਾਈਆ ਗਈਆਂ ਜਿਸ ਦੇ ਚਲਦਿਆਂ ਬਿਸਤ ਦੋਆਬ ਨਹਿਰ ਨਜ਼ਦੀਕ ਸ਼ਰਾਬ ਦੇ ਠੇਕੇ ਤੇ ਚੋਰ ਮੋਰੀਆਂ ਰਾਹੀਂ ਸ਼ਰ੍ਹੇਆਮ ਸ਼ਰਾਬ ਵੇਚੀ ਗਈ ਠੇਕੇ ਦੇ ਬਾਹਰ ਸ਼ਰਾਬੀਆਂ ਦਾ ਇਕੱਠ ਵੀ ਦੇਖਣ ਨੂੰ ਮਿਲਿਆ ਅਤੇ ਇਲਾਕਾ ਨਿਵਾਸੀਆਂ ਨੇ ਦੱਸਿਆ ਕਿ ਬਿਆਸ ਪਿੰਡ ਵਿੱਚ ਠੇਕੇ ਤੇ ਸ਼ਰ੍ਹੇਆਮ ਦਾਰੂ ਵੇਚੀ ਗਈ। ਇਲਾਕੇ ਦੇ ਬਾਕੀ ਠੇਕੇ ਤਕਰੀਬਨ ਬੰਦ ਹੀ ਸਨ, ਪੱਤਰਕਾਰਾਂ ਦੀ ਟੀਮ ਵੱਲੋਂ ਦੌਲਤਪੁਰ ਨਜਦੀਕ ਠੇਕਾ ,ਰਾਏਪੁਰ ਰਸੂਲਪੁਰ ਅੱਡਾ ਸਥਿਤ ,ਨੌਗੱਜਾ ਫੋਕਲ ਪੁਆਇੰਟ ਸਥਿਤ ਇਲਾਕੇ ਦੇ ਠੇਕੇਆ ਤੇ ਗੇੜਾ ਮਾਰਿਆ ਤਾਂ ਸਾਰੇ ਠੇਕੇ ਬੰਦ ਸਨ ਤਾਂ ਸਿਰਫ਼ ਬਿਸਤ ਦੁਆਬ ਨਹਿਰ ਕਿਸ਼ਨਗੜ੍ਹ ਨਜ਼ਦੀਕ ਠੇਕੇ ਚ’ ਚੋਰ ਮੋਰੀਆਂ ਰਾਹੀਂ ਦਾਰੂ ਵੇਚੀ ਜਾ ਰਹੀ ਸੀ , ਠੇਕੇ ਦੇ ਬਾਹਰ ਸ਼ਰਾਬੀਆਂ ਦਾ ਕਾਫੀ ਇਕੱਠ ਵੀ ਦੇਖਣ ਨੂੰ ਮਿਲਿਆ ।

ਕਿਸ਼ਨਗੜ ਤੋਂ ਦੌਲਤਪੁਰ ਨੂੰ ਜਾਂਦੇ ਰਸਤੇ ਤੇ ਬੰਦ ਸ਼ਰਾਬ ਦੇ ਠੇਕੇ ਦੀਆਂ ਤਸਵੀਰਾਂ
ਨੌਗੱਜਾ ਫੋਕਲ ਪੁਆਇੰਟ ਮੰਡੀ ਨਜ਼ਦੀਕ ਬੰਦ ਠੇਕੇ ਦੀਆਂ ਤਸਵੀਰਾਂ

ਪੰਜਾਬ ਦੇ ਨੌਜਵਾਨ ਗਾਇਕ ਟਾਈਗਰ ਹਲਵਾਰਾ ਦਾ ਨਵਾ ਗੀਤ ਹੋਵੇਗਾ ਰਲੀਜ਼ 4 ਅਕਤੂਬਰ ਨੂੰ

Doaba Times


ਕਿਸ਼ਨਗੜ੍ਹ ਕਰਤਾਰਪੁਰ ਰੋਡ ਤੇ ਵਾਪਰਿਆ ਭਿਆਨਕ ਹਾਦਸਾ- ਵਾਲ ਵਾਲ ਬਚੇ ਕਾਰ ਸਵਾਰ

ਕਿਸ਼ਨਗੜ੍ਹ (ਗੁਰਪ੍ਰੀਤ ਬੱਲ) ਕਿਸ਼ਨਗੜ੍ਹ ਕਰਤਾਰਪੁਰ ਰੋਡ ਸਥਿਤ ਪਿੰਡ ਨੌਗੱਜਾ ਗੇਟ ਦੇ ਬਿਲਕੁਲ ਨਜ਼ਦੀਕ ਸ਼ਾਮ ਦੇ ਕਰੀਬ 4 ਵਜੇ ਇਕ ਚਿੱਟੇ ਰੰਗ ਦੀ ਸਕਾਰਪੀਓ ਕਾਰ ਹਾਦਸਾਗ੍ਰਸਤ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ।
ਜਾਣਕਾਰੀ ਮੁਤਾਬਕ ਮੌਕੇ ਤੇ ਮੌਜੂਦ ਲੋਕਾਂ ਵੱਲੋਂ ਦੱਸਿਆ ਗਿਆ ਕਿ ਸੜਕ ਕਿਨਾਰੇ ਲੱਗਾ ਸਫੈਦੇ ਦਾ ਦਰੱਖਤ ਡਿੱਗਣ ਕਾਰਨ ਕਾਰ ਹਾਦਸੇ ਦਾ ਸ਼ਿਕਾਰ ਹੋ ਗਈ ਤੇ ਕਾਰ ਨੇ ਤਿੱਨ ਚਾਰ ਪਲਟੀਆਂ ਖਾਧੀਆਂ, ਮੌਕੇ ਤੇ ਮੌਜੂਦ ਵਿਅਕਤੀਆਂ ਵੱਲੋਂ ਕਾਰ ਦੇ ਸ਼ੀਸ਼ੇ ਤੋੜ ਗਏ ਜ਼ਖ਼ਮੀਆਂ ਨੂੰ ਕਾਰ ਵਿੱਚੋਂ ਬਾਹਰ ਕੱਢਿਆ ਅਤੇ ਮੁੱਢਲੀ ਸਹਾਇਤਾ ਲਈ ਨਿਜੀ ਹਸਪਤਾਲ ਚ ਇਲਾਜ ਲਈ ਭੇਜਿਆ। ਜ਼ਖ਼ਮੀਆਂ ਵਿੱਚ ਦੋ ਵਿਅਕਤੀ ਅਤੇ ਔਰਤ ਸਨ , ਜੋ ਵੀ ਬਣ ਮੰਡਾਂ ਦੇ ਨਿਵਾਸੀ ਸਨ , ਗਨੀਮਤ ਦੀ ਗੱਲ ਰਹੀ ਕਿ ਕਿਸੇ ਦਾ ਜਾਨੀ ਨੁਕਸਾਨ ਨਹੀਂ ਹੋਇਆ ,ਪ੍ਰੰਤੂ ਇਸ ਤਰ੍ਹਾਂ ਦੇ ਹਾਦਸੇ ਦਾ ਕਾਰਨ ਕਿਤੇ ਪ੍ਰਸ਼ਾਸਨ ਦੀ ਲਾਪਰਵਾਹੀ ਸਾਹਮਣੇ ਆਉਂਦੀ ਹੈ ਕਿਉਂਕਿ ਇਸ ਰੋਡ ਤੇ ਸਫੈਦੇ ਦੇ ਦਰੱਖਤ ਡਿੱਗਣ ਦੀ ਕਗਾਰ ਤੇ ਟੇਢੇ ਹਨ ਕਈ ਵਾਰ ਕਈ ਅਖਬਾਰਾਂ ਤੇ ਖਬਰਾਂ ਵੀ ਪ੍ਰਕਾਸ਼ਿਤ ਹੋ ਚੁੱਕੀਆਂ ਹਨ ਪ੍ਰੰਤੂ ਪ੍ਰਸ਼ਾਸਨ ਸੁੱਤਾ ਹੈ ਗੂੜ੍ਹੀ ਨੀਂਦ ।

Doaba Times

ਭਗਵਾਨ ਸ੍ਰੀ ਵਾਲਮੀਕਿ ਮਹਾਰਾਜ ਜੀ ਦੇ ਪ੍ਰਗਟ ਦਿਵਸ ਸਬੰਧੀ ਸੀਨੀਅਰ ਆਗੂ ਵਿਨੋਦ ਕੁਮਾਰ ਮੰਗੀ ਜੀ ਵੱਲੋਂ ਈ ਓ ਅਤੇ ਨਗਰ ਕੌਂਸਲਰ ਦੀ ਸਮੁੱਚੀ ਟੀਮ ਨੂੰ ਸੱਦਾ ਪੱਤਰ ਦਿੱਤਾ

ਕਿਸ਼ਨਗੜ(ਗੁਰਪ੍ਰੀਤ ਬੱਲ ) ਭਗਵਾਨ ਸ੍ਰੀ ਵਾਲਮੀਕਿ ਮਹਾਰਾਜ ਜੀ ਦੇ ਪ੍ਰਗਟ ਦਿਵਸ ਸਬੰਧੀ ਪੰਜਾਬ ਸਫਾਈ ਫੈਡਰੇਸ਼ਨ ਯੂਨੀਅਨ ਸ਼ਾਖਾ ਅਲਾਵਲਪੁਰ ਸੀਨੀਅਰ ਆਗੂ ਵਿਨੋਦ ਕੁਮਾਰ ਮੰਗੀ ਜੀ ਵੱਲੋਂ ਈ ਓ ਅਤੇ ਨਗਰ ਕੌਂਸਲਰ ਦੀ ਸਮੁੱਚੀ ਟੀਮ ਨੂੰ ਸੱਦਾ ਪੱਤਰ ਦਿੰਦੇ ਹੋਏ।

Doaba Times

ਜਲੰਧਰ ਦੇ ਸੰਤੋਖਪੁਰਾ ਵਿਖੇ ਪਹਿਲਾਂ ਹੱਡੀਆਂ
ਅਤੇ ਜੋੜਾਂ ਦਾ ਫ੍ਰੀ ਮੈਡੀਕਲ ਕੈਂਪ ਲਗਾਇਆ

*ਭੀਮ ਟਾਇਗਰ ਵੈੱਲਫੇਅਰ ਸੁਸਾਇਟੀ ਦੇ ਸਹਿਯੋਗ ਨਾਲ ਟੀਮ ਦੇ ਉੱਘੇ ਸਮਾਜ ਸੇਵਕ
ਸ੍ਰੀ ਵਿਜੈ ਮਡਾਰ ਰਵਿਦਾਸੀਆ ਦੀ ਅਗਵਾਈ ਹੇਠ ਪਹਿਲਾਂ ਹੱਡੀਆਂ
ਅਤੇ ਜੋੜਾਂ ਦਾ ਫ੍ਰੀ ਮੈਡੀਕਲ ਕੈਂਪ ਦੌਰਾਨ ਕਰੀਬ 150 ਮਰੀਜ਼ਾ ਦਾ ਫ਼੍ਰੀ ਮੈਡੀਕਲ ਚੈੱਕਅਪ ਕੀਤਾ ਗਿਆ।

ਜਲੰਧਰ (ਗੁਰਪ੍ਰੀਤ ਬੱਲ / ਸੌਰਬ ਗੁਪਤਾ)ਅੱਜ ਜਲੰਧਰ ਦੇ ਸੰਤੋਖਪੁਰਾ ਵਿੱਚ ਭੀਮ ਟਾਇਗਰ
ਵੈੱਲਫੇਅਰ ਸੁਸਾਇਟੀ ਦੇ ਸਹਿਯੋਗ ਨਾਲ ਟੀਮ ਦੇ ਉੱਘੇ ਸਮਾਜ ਸੇਵਕ
ਸ੍ਰੀ ਵਿਜੈ ਮਡਾਰ ਰਵਿਦਾਸੀਆ ਦੀ ਅਗਵਾਈ ਹੇਠ ਪਹਿਲਾਂ ਹੱਡੀਆਂ
ਅਤੇ ਜੋੜਾਂ ਦਾ ਫ੍ਰੀ ਮੈਡੀਕਲ ਕੈਂਪ ਲਗਾਇਆ ਗਿਆ। ਗੁਲਾਬ ਦੇਵੀ
ਹੋਸਪੀਟਲ ਤੋਂ ਆਏ ਹੋਏ MBBS.Ms. ORTHOPAEDIcs ਡਾਕਟਰ ਹਰਪ੍ਰੀਤ ਸਿੰਘ ਨੇ 150 ਦੇ ਕਰੀਬ ਮਰੀਜ਼ਾਂ ਦਾ ਚੈੱਕਅਪ ਕੀਤਾ ਅਤੇ ਲੋੜਵੰਦ ਮਰੀਜ਼ਾਂ ਨੂੰ
ਦਵਾਈਆਂ ਵੀ ਮੁਫ਼ਤ ਦਿੱਤੀਆਂ ਗਈਆਂ। ਇਸ ਮੌਕੇ ਆਮ ਆਦਮੀ
ਪਾਰਟੀ ਤੋਂ ਦਿਨੇਸ਼ ਡੱਲ ਦੇ ਛੋਟੇ ਭਰਾ ਬੋਬੀ ਡੱਲ ਨੇ ਸਰਿਕਤ ਅਤੇ
ਲੱਗੇ ਹੋਏ ਕੈਂਪ ਦੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ। ਸ੍ਰੀ ਵਿਜੈ ਮਡਾਰ ਜੀ
ਨੇ ਦੱਸਿਆ ਗੁਰੂ ਰਵਿਦਾਸ ਮਹਾਰਾਜ ਜੀ ਅਤੇ ਡਾਕਟਰ ਭੀਮ ਰਾਓ
ਅੰਬੇਦਕਰ ਜੀ ਦੇ ਦਰਸਾਏ ਹੋਏ ਮਾਰਗ ਤੇ ਚੱਲਣ ਦੀ ਲੋੜ ਹੈ।
ਉਹਨਾਂ ਦੱਸਿਆ ਆਉਣ ਸਮੇਂ ਤੇ ਗਰੀਬ ਬੱਚਿਆਂ ਲਈ ਟਿਊਸ਼ਨ
ਸੈਂਟਰ ਦਾ ਵੀ ਉਦਘਾਟਨ ਕੀਤਾ ਜਾਵੇਗਾ। ਤਾਂ ਜ਼ੋ ਗਰੀਬ ਲੋਕਾਂ ਬੱਚੇ
ਉਚੇਰੀ ਸਿੱਖਿਆ ਪ੍ਰਾਪਤ ਕਰਨ ਸਕਣ। ਕਮੇਟੀ ਮੈਂਬਰਾਂ ਨੇ ਆਏ ਹੋਏ
ਮਹਿਮਾਨਾਂ ਨੂੰ ਸਰਿਉ ਦੇ ਕੇ ਸਨਮਾਨਿਤ ਕੀਤਾ। ਇਸ ਮੌਕੇ ਰਮਨ,
ਹਰਦਿਆਲ ਮਡਾਰ,ਨਰੇਸ਼ ਕੁਮਾਰ,ਰਿਕਲਵੀਰ, ਰਮੇਸ਼ ਬੱਧਣ,
ਜਤਿੰਦਰ ਜੱਸਲ, ਵਿਨੋਦ ਕੁਮਾਰ, ਚਮਨ ਲਾਲ, ਰਵਿੰਦਰ ਆਦਿ
ਮੈਂਬਰ ਮੌਜੂਦ ਸਨ।

Doaba Times

ਬਜੁਰਗਾਂ ਦੀ ਸਿਹਤ ਸੰਭਾਲ ਲਈ ਪਰਿਵਾਰ ਦਾ ਸਾਥ ਬਹੁਤ ਜ਼ਰੂਰੀ ਹੈ – ਡਾ. ਓਹਰੀ


ਕਾਲਾ ਬੱਕਰਾ(ਗੁਰਪ੍ਰੀਤ ਬੱਲ/ਮੁਕੇਸ਼ ਕੁਮਾਰ) ਸਿਵਲ ਸਰਜਨ ਜਲੰਧਰ ਡਾ ਰਮਨ ਸ਼ਰਮਾ ਦੇ ਦਿਸ਼ਾਂ ਨਿਰਦੇਸ਼ਾਂ ਹੇਠ ਕਾਲਾ ਬੱਕਰਾ ਸਿਹਤ ਕੇਂਦਰ ਵਿੱਚ ਡਾ ਰਿਚਰਡ ਓਹਰੀ ਦੀ ਅਗਵਾਈ ਵਿੱਚ ਸਿਹਤ ਚੈੱਕਅੱਪ ਕੈਂਪ ਲਗਾਇਆ ਗਿਆ।ਡਾ ਓਹਰੀ ਨੇ ਬਜੁਰਗਾਂ ਨਾਲ ਸੰਬੰਧਿਤ ਸਿਹਤ ਸਹੂਲਤਾ ਲਈ ਜਾਗਰੁਕ ਕਰਦਿਆਂ ਦੱਸਿਆ ਜਿਵੇਂ ਕੋਵਿਡ ਮਾਹਾਮਾਰੀ ਦੌਰਾਨ ਬਜ਼ੁਰਗਾਂ ਦਾ ਵਿਸ਼ੇਸ਼ ਧਿਆਨ ਰੱਖਣਾ ਜਰੂਰੀ ਸੀ ਓਸੇ ਤਰਾਂ ਹੁਣ ਵੀ ਪੰਜਾਬ ਸਰਕਾਰ ਬਜ਼ੁਰਗਾਂ ਨੂੰ ਸਿਹਤ ਸੇਵਾਵਾਂ ਦੇਣ ਲਈ ਵਚਨਬੱਧ ਹੈ।ਮਾਨਸਿਕ ਸਿਹਤ ਬਾਰੇ ਬੋਲਦਿਆਂ ਉਹਨਾਂ ਕਿਹਾ ਪਰਿਵਾਰਕ ਮੈਂਬਰਾਂ ਨੂੰ ਚਾਹੀਦਾ ਹੈ ਕਿ ਢਲਦੀ ਉਮਰ ਵਿੱਚ ਬਜ਼ੁਰਗਾਂ ਨਾਲ ਗੱਲਬਾਤ ਕਰਦਿਆਂ ਰਹਿਣਾ ਚਾਹੀਦਾ ਹੈ ਤੇ ਓਹਨਾ ਨੂੰ ਜਿੰਨਾ ਵੀ ਹੋ ਸਕੇ ਬਜ਼ਰੁਗਾਂ ਨੂੰ ਅਪਣੀ ਰੋਜਾਨਾ ਦੀ ਜੀਵਨ ਕਿਰਿਆ ਵਿੱਚ ਸੈਰ ਤੇ ਹਲਕੀਆਂ ਕਸਰਤਾਂ ਸ਼ਾਮਿਲ ਕਰਨੀਆਂ ਚਾਹੀਦੀਆਂ ਹਨ।
ਨੀਤੀਰਾਜ ਬੀ ਸਿੰਘ ਬੀਈਈ ਨੇ ਦੱਸਿਆ ਕੇ ਬਜੁਰਗ ਸਮਾਜ ਦਾ ਸਰਮਾਇਆ ਹੁੰਦੇ ਨੇ ਇਸ ਲਈ ਸਰਕਾਰ ਨੇ ਬਜੁਰਗਾਂ ਦੀ ਸਹਾਇਤਾ ਲਈ ਟੋਲ ਫ੍ਰੀ ਨੰਬਰ 14567 ਸ਼ੁਰੂ ਕੀਤਾ ਗਿਆ ਹੈ।ਇਸ ਸਮੇਂ ਡਾ ਵਿਪਨ ਨੇ ਬਜ਼ੁਰਗਾਂ ਦਾ ਚੈੱਕਅੱਪ ਕੀਤੀ।


NEXT

Doaba Times


ਵੱਖ-ਵੱਖ ਸਕੀਮਾਂ ਸੰਬੰਧੀ ਕੈਪ ਲਗਾਇਆ

ਜਲੰਧਰ /ਮਕਸੂਦਾ 29ਸਤੰਬਰ (ਅਵਤਾਰ ਸਿੰਘ ਕਾਨੂੰਗੋ ) ਅੱਜ ਮਿੱਤੀ 29-9-2022 ਨੂੰ ਗੁਰਦੁਆਰਾ ਸ੍ਰੀ ਗੁਰੂ ਸਿੰਘ ਸਭਾ (ਰਜਿ:) ਗੋਲਡਨ ਐਵੀਨਿਊ ਮਕਸੂਦਾਂ ਜਲੰਧਰ ਵਿਖੇ ਸੈਂਟਰ ਗੋਰਮਿੰਟ ਸੇਵਾ ਕੇਂਦਰ ਸੈਂਟਰ ਜਨਤਾ ਕਲੋਨੀ ਮਕਸੂਦਾਂ ਜਲੰਧਰ ਵਿਖੇ ਪ੍ਰਧਾਨ ਮੰਤਰੀ ਯੋਜਨਾ ਤਹਿਤ ਸੈਂਟਰ ਗੋਰਮਿੰਟ ਕੈਪ ਲਗਾਇਆ ਗਿਆ ਇਸ ਮੌਕੇ ਤੇ ਜਾਣਕਾਰੀ ਦਿੰਦਿਆਂ ਮੋਨੀਕਾ ਦੱਤਾ ,ਵੀ,ਐਲ,ਈ, ਬੈਂਕ ਆਫ ਬੜੌਦਾ ਦੇ ਕਰਮਚਾਰੀ ਸ਼ਾਮਲ ਹੋਏ ਕਿਹਾ ਕਿ 29ਅਤੇ 30ਸਤੰਬਰ 2022 ਨੂੰ ਸਮਾ 10ਤੋ 2ਵੱਜੇ ਤੱਕ ਕੈਪ ਲਗਾਇਆ ਜਾਵੇਗਾ । ਹੁਣ ਤੱਕ ਬੈਕ ਆਫ ਬੜੌਦਾ ਦੇ ਕੇਸ ਬਾਰਾ ਹੋਏ ਹਨ ,ਅਤੇ ਕੰਨਿਆ ਯੋਜਨਾ ਲੇਬਰ ਕਾਰਡ ਕੇਸ ਅੱਠ ਆਏ ਹਨ, ਪ੍ਰਧਾਨ ਮੰਤਰੀ ਯੋਜਨਾ ਤਹਿਤ ਤਾਹਿਤ ਲੇਬਰ ਕਾਰਡ ੳਮਰ 18 ਤੋਂ 60 ਸਰਕਾਰੀ ਨੋਕਰੀ ਨਹੀ ਕਰਦੇ ਉਨ੍ਹਾਂ ਦੇ ਬਣਾਏ ਕੇਸ ਆਏ ਹਨ।

Doaba Times

ਕਿਸ਼ਨਗੜ੍ਹ ਵਿਖੇ ਬਨਾਰਸੀ ਠੱਗਾਂ ਦਾ ਟੋਲਾ- ਭੂ ਮਾਫੀਆ ਸਰਗਰਮ

*ਮੀਡੀਆ ਦੀਆਂ ਕੁਝ ਕਾਲੀਆਂ ਭੇਡਾਂ ਵੱਲੋਂ ਭੋਲੇ ਭਾਲੇ ਲੋਕਾ ਨੂੰ ਕਿਹਾ ਜਾਂਦਾ ਕਿ ਸਾਡੇ ਬਿਨਾਂ ਤਾਂ ਕਿਸ਼ਨਗੜ੍ਹ ਵਿੱਚ ਪੱਤਾ ਨੀ ਹਿੱਲਦਾ ।

ਕਿਸ਼ਨਗੜ੍ਹ ( ਗੁਰਪ੍ਰੀਤ ਬੱਲ) ਰਾਤੋ ਰਾਤ ਕਰੋੜਪਤੀ ਬਣਨ ਦੇ ਸੁਪਨੇ ਵਿੱਚ ਕਈ ਵਿਹਲੜ ਨਿਕੰਮੇ ਪ੍ਰਾਪਰਟੀ ਦਾ ਕਾਲਾ ਕਾਰੋਬਾਰ ਕਰਨ ਦੇ ਸੁਪਨੇ ਲੈ ਰਹੇ ਹਨ ਲੈ ਰਹੇ ਹਨ ਜਿਸ ਦੀ ਮਿਸਾਲ ਕਿਸ਼ਨਗੜ੍ਹ ਵਿੱਚ ਦੇਖਣ ਨੂੰ ਮਿਲਦੀ ਹੈ। ਕਿ ਕਿਵੇਂ ਆਪਣਿਆਂ ਨੂੰ ਸਫੈਦਪੋਸ਼ ਦਿਨ ਵੇਲੇ ਦੱਸਦੇ ਹਨ ਤੇ ਰਾਤ ਦੇ ਸਮੇਂ ਕਾਲੀਆਂ ਭੇਡਾਂ ਬਣ ਜਾਂਦੀਆਂ ਹਨ ਤੇ ਸੂਤਰਾ ਦੇ ਦੱਸਣ ਮੁਤਾਬਿਕ ਪ੍ਰਾਪਰਟੀ ਦੇ ਕਾਲੇ ਕਾਰੋਬਾਰ ਵਿਚ ਕੁੱਝ ਅਖੌਤੀ ਪੱਤਰਕਾਰਾਂ ਦੀ ਮਿਲੀਭੁਗਤ ਨਾਲ ਇਲਾਕੇ ਦੇ ਭੋਲੇ ਭਾਲੇ ਲੋਕਾਂ ਨੂੰ ਠੱਗਿਆ ਜਾਂਦਾ ਹੈ।
ਇਨ੍ਹਾਂ ਕਾਲੀਆਂ ਭੇਡਾਂ ਦਾ ਠੱਗਣ ਦਾ ਤਰੀਕਾ ਵੀ ਫਿਲਮੀ ਅੰਦਾਜ਼ ਬਨਾਰਸੀ ਠੱਗਾਂ ਵਾਲਾ ਹੈ। ਜਿਵੇਂ ਕਿਸੇ ਨੇ ਕਿਸ਼ਨਗੜ੍ਹ ਵਿੱਚ ਪ੍ਰਾਪਰਟੀ ਖਰੀਦਣੀ ਹੁੰਦੀ ਹੈ ਤਾਂ ਬਨਾਰਸੀ ਠੱਗਾਂ ਵੱਲੋਂ ਦੱਸਿਆ ਜਾਂਦਾ ਹੈ ਕਿ ਇਸ ਇਲਾਕੇ ਵਿੱਚ ਤਾਂ ਨਵੀਂ ਯੂਨੀਵਰਸਿਟੀ ਦੇ ਕਾਰਨ ਕੋਈ ਪ੍ਰਾਪਰਟੀ ਖਰੀਦਣ ਲਈ ਬਚੀ ਹੀ ਨਹੀਂ ਹੈ , ਤੇ ਫੇਰ ਆਪਣੇ ਝਾਂਸੇ ਵਿਚ ਲੈ ਗਏ ਦੱਸਿਆ ਜਾਂਦਾ ਹੈ ਕਿ ਪੰਜ ਲੱਖ ਰੁਪਏ ਤੋਂ ਲੈ ਕੇ ਦੱਸ ਲੱਖ ਰੁਪਏ ਤੱਕ ਮਰਲਾ ਵਿਕਾਊ ਹੈ। ਦੂਸਰੀ ਸਾਈਡ ਜਦੋਂ ਕਿਸੇ ਪ੍ਰਾਪਰਟੀ ਮਾਲਕ ਵੱਲੋਂ ਪ੍ਰਾਪਰਟੀ ਵੇਚਣ ਲਈ ਬਨਾਰਸੀ ਠੱਗਾ ਕੋਲ ਜਾਂਦਾ ਹੈ ਤਾਂ ਉਨ੍ਹਾਂ ਵੱਲੋਂ ਕਿਹਾ ਜਾਂਦਾ ਹੈ ਕਿ ਮਾਰਕੀਟ ਬਿਲਕੁਲ ਹੀ ਡਿੱਗ ਗਈ ਹੈ ਤੇ ਜ਼ਮੀਨ ਦਾ ਕੀਮਤੀ ਕਰੀਬ ਵੀਹ ਹਜ਼ਾਰ ਤੋਂ ਲੈ ਕੇ ਤੀਹ ਹਜ਼ਾਰ ਪ੍ਰਤੀ ਮਰਲਾ ਹੈ, ਅਤੇ ਪ੍ਰਾਪਰਟੀ ਦਾ ਕੋਈ ਵੀ ਗਾਹਕ ਨਹੀਂ ਹੈ ਤੇ ਮੰਦਾ ਪੈ ਗਿਆ ਹੈ ਜਿਸ ਕਾਰਨ ਇੰਨੀ ਕੀਮਤ ਨਹੀਂ ਮਿਲੇਗੀ , ਫਿਰੇ ਪੂਰਾ ਬਨਾਰਸੀ ਠੱਗਾਂ ਦਾ ਟੋਲਾ ਪ੍ਰਾਪਰਟੀ ਖ਼ਰੀਦਦਾਰ ਅਤੇ ਵੇਚਣਵਾਲੇ ਵਿਅਕਤੀ ਨੂੰ ਮਾਨਸਿਕ ਤੌਰ ਤੇ ਪ੍ਰੇਸ਼ਾਨ ਵੀ ਕਰਦੇ ਹਨ ਤੇ ਜਿਵੇਂ ਕਿ ਕੁੱਤਾ ਆਪਣੀ ਸੁੰਘਣ ਸ਼ਕਤੀ ਦੁਆਰਾ ਚੋਰਾਂ ਨੂੰ ਫੜਦਾ ਹੈ ਠੀਕ ਉਸੇ ਤਰ੍ਹਾਂ ਹੀ ਇਹ ਵੀ ਪ੍ਰਾਪਰਟੀ ਖਰੀਦਣ ਅਤੇ ਵੇਚਣ ਵਾਲੇ ਦੀ ਪੂਰੀ ਸੂਹ ਕੱਢਦੇ ਹਨ ਅਤੇ ਫਿਰ ਬਨਾਰਸੀ ਠੱਗਾਂ ਦੀ ਆਪਸ ਵਿਚ ਗੁਫ਼ਤਗੂ ਹੁੰਦੀ ਹੈ ਕਿ ਫਲਾਣੇ ਬੰਦੇ ਦੀ ਗੇਮ ਪੈ ਗਈ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਨ੍ਹਾਂ ਕਾਲੀਆਂ ਭੇਡਾਂ ਨਾਲ ਕੁਝ ਸਫੇਦਪੋਸ਼ ਵੀ ਸਾਥ ਦਿੰਦੇ ਹਨ। ਇਸ ਬਨਾਰਸੀ ਠੱਗਾਂ ਦੇ ਖੇਡ ਵਿੱਚ ਪ੍ਰਾਪਰਟੀ ਖ਼ਰੀਦਣ ਵਾਲਾ ਮੇਨ ਖਿਡਾਰੀ ਬਿਲਕੁਲ ਹੀ ਪਰਦੇ ਦੇ ਪਿੱਛੇ ਰਹਿ ਕੇ ਸਾਰੀ ਗੇਮ ਖੇਡਦਾ ਹੈ ਅਤੇ ਉਸ ਦੇ ਮੋਹਰੇ ਪ੍ਰਾਪਰਟੀ ਦੀ ਖਰੀਦ ਫਰੋਖਤ ਕਰਦੇ ਹਨ ਅਤੇ ਇਸ ਖੇਡ ਵਿੱਚ ਸਾਰੀ ਕਾਲੀ ਕਮਾਈ ਦੀ ਵਰਤੋਂ ਕੀਤੀ ਜਾਂਦੀ ਹੈ ਜਿਸ ਸਬੰਧੀ ਬਹੁਤ ਹੀ ਜਲਦ ਜਲੰਧਰ ਦੇ ਈਡੀ ਡਿਪਾਰਟਮੈਂਟ ਨੂੰ ਵੀ ਸੂਚਿਤ ਕਰ ਦਿੱਤਾ ਜਾਵੇਗਾ। ਹੁਣ ਦੇਖਣਾ ਹੋਵੇਗਾ ਕਿ ਸਰਕਾਰ ਵੱਲੋਂ ਇਨ੍ਹਾਂ ਕਾਲੀਆਂ ਭੇਡਾਂ ਤੇ ਨਕੇਲ ਪਾਈ ਜਾ ਸਕੇਗੀ ਜਾਂ ਫਿਰ ਇਨਾ ਕਾਲੀਆਂ ਭੇਡਾਂ ਦੁਆਰਾ ਕਰੋੜਾਂ ਰੁਪਏ ਦੀ ਬਲੈਕ ਮਨੀ ਵਿਦੇਸ਼ਾਂ ਤੋਂ ਮੰਗਵਾ ਕੇ ਇਸੇ ਤਰ੍ਹਾਂ ਦੀ ਬਨਾਰਸੀ ਠੱਗੀ ਦਾ ਖੇਡ ਚਲਦਾ ਰਹੇਗਾ।

ਭਰੋਸੇਯੋਗ ਸੂਤਰਾਂ ਦੇ ਦੱਸਣ ਮੁਤਾਬਕ ਕੁਝ ਪੱਤਰਕਾਰਾਂ ਦਾ ਕਹਿਣਾ ਹੈ ਕਿ ਸਾਡੇ ਬਿਨਾਂ ਤਾਂ ਕਿਸ਼ਨਗਡ਼੍ਹ ਵਿਚ ਪੱਤਾ ਵੀ ਨਹੀਂ ਹਿੱਲ ਸਕਦਾ। ਉਨ੍ਹਾਂ ਪੱਤਰਕਾਰਾਂ ਨੂੰ ਇਹ ਨਹੀਂ ਪਤਾ ਲੱਗਦਾ ਕਿ ਕਈ ਵਾਰ ਪੱਤਾ ਨਹੀਂ ਹਿਲਦਾ ਹੁੰਦਾ ਸਗੋਂ ਦਰੱਖਤ ਦੀਆਂ ਜੜ੍ਹਾਂ ਹੀ ਹਿੱਲ ਜਾਂਦੀਆਂ ਹੁੰਦੀਆਂ ਹਨ ।

Doaba Times

ਕਾਨਪੁਰ ਵਿਖੇ ਹਥਿਆਰਬੰਦ ਲੁਟੇਰਿਆਂ ਵੱਲੋਂ 70 ਭੇਡਾਂ ਤੇ 10 ਬੱਕਰੀਆਂ ਚੋਰੀ

ਪੁਲੀਸ ਵੱਲੋਂ ਇਲਾਕੇ ਦੀਆਂ ਚੋਰੀ, ਲੁੱਟ ਦੀਆਂ ਵਾਰਦਾਤਾਂ ਨਹੀਂ ਹੋ ਰਹੀਆਂ ਟ੍ਰੇਸ। ਚਾਰ ਚਾਰ ਗ੍ਰਾਮ ਦੇ ਮੋਮੀ ਲਿਫਾਫੇ ਵਿੱਚੋਂ ਲੱਭ ਜਾਂਦੇ ਹਨ ਨਸ਼ੀਲੇ ਪਦਾਰਥ ਸਵਾਲਾਂ ਦੇ ਘੇਰੇ ਵਿੱਚ???

  • ਫਰੀਦਪੁਰ ਦੇ ਗੋਗੀ ਗੁੱਜਰ ਤੇ ਲਗਾਇਆ ਚੋਰੀ ਕਰਨ ਦਾ ਦੋਸ਼
  • ਪੁਲਸ ਪ੍ਰਸ਼ਾਸਨ ਸੁੱਤਾ ਗੂੜ੍ਹੀ ਨੀਂਦ – ਨਹੀਂ ਕੀਤੀ ਕੋਈ ਵੀ ਕਾਰਵਾਈ
    ਜਲੰਧਰ /ਕਿਸ਼ਨਗੜ੍ਹ (ਗੁਰਪ੍ਰੀਤ ਬੱਲ) ਨਜ਼ਦੀਕੀ ਪਿੰਡ ਕਾਨਪੁਰ ਨਿਵਾਸੀ ਸਾਬਕਾ ਮੈਂਬਰ ਪੰਚਾਇਤ ਤਰਸੇਮ ਸਿੰਘ ਪੁੱਤਰ ਸਵਰਨ ਸਿੰਘ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ 21 ਸਤੰਬਰ ਦੀ ਰਾਤ ਨੂੰ 2:30 ਵਜੇ ਦੇ ਕਰੀਬ ਉਸ ਨੂੰ ਮਾਲੀ ਨਾਂ ਦੇ ਪਰਵਾਸੀ ਮਜ਼ਦੂਰ ਨੇ ਆ ਕੇ ਦੱਸਿਆ ਕਿ ਨੈਸ਼ਨਲ ਹਾਈ ਵੇ ਤੇ ਸਥਿਤ ਅੱਡਾ ਕਾਹਨਪੁਰ ਵਿਖੇ ਸਥਿਤ ਇਕ ਖਾਲੀ ਪਲਾਟ ਵਿੱਚ ਕਰੀਬ ਦਸ ਸਾਲਾਂ ਤੋਂ ਉਹ ਆਪਣੀਆਂ ਭੇਡਾਂ ਤੇ ਬੱਕਰੀਆਂ ਰੱਖਦਾ ਸੀ ਉਸ ਰਾਤ ਭਾਰੀ ਮੀਂਹ ਦੇ ਕਾਰਨ ਉਸ ਦਾ ਭਰਾ ਉੱਥੇ ਨਹੀਂ ਸੁੱਤਾ ।ਪਰਵਾਸੀ ਮਜ਼ਦੂਰ ਰੁਮਾਲੀ ਨੇ ਦੱਸਿਆ ਕਿ ਉਸ ਨੇ ਕੁੱਤੇ ਭੌਂਕਣ ਦੀ ਆਵਾਜ਼ ਸੁਣੀ ਜਦ ਉਸ ਨੇ ਉੱਠ ਕੇ ਦੇਖਿਆ ਆ ਤਾਂ ਉਸ ਦੇ ਪਲਾਟ ਕੋਲ ਕੁਝ ਗੱਡੀਆਂ ਖੜ੍ਹੀਆਂ ਸਨ ਤੇ ਉਸ ਦੀਆਂ ਭੇਡਾਂ ਤੇ ਬੱਕਰੀਆਂ ਵੀ ਉੱਥੇ ਨਹੀਂ ਸਨ ਜਦੋਂ ਮੈਂ ਜਾ ਕੇ ਪੁਲਾਡ਼ ਵਿੱਚ ਦੇਖਿਆ ਤਾਂ ਉੱਥੇ ਉਸ ਦੀਆਂ 70 ਭੇਡਾਂ ਤੇ 10 ਬੱਕਰੀਆਂ ਨਹੀਂ ਸਨ।ਇਸ ਸੰਬੰਧੀ ਉਸ ਨੇ ਸਥਾਨਕ ਮਕਸੂਦਾਂ ਪੁਲੀਸ ਥਾਣੇ ਵਿਖੇ ਜਾ ਕੇ ਦੱਸਿਆ ਪ੍ਰੰਤੂ ਮੌਕੇ ਤੇ ਡਿਊਟੀ ਦੌਰਾਨ ਮੁਲਾਜ਼ਮਾਂ ਨੇ ਕਿਹਾ ਕਿ ਸਵੇਰੇ ਸੱਤ ਵਜੇ ਅੱਗੇ ਰਿਪੋਰਟ ਲਿਖਾਈ ।ਉਹ ਵਾਪਸ ਪਿੰਡ ਨੂੰ ਆਇਆ ਤੇ ਸਾਬਕਾ ਸਰਪੰਚ ਤੇ ਆਮ ਆਦਮੀ ਪਾਰਟੀ ਦੇ ਆਗੂ ਸਾਬਕਾ ਸਰਪੰਚ ਐੱਮਡੀ ਮੰਗਾਂ ਦੇ ਕੋਲ ਗਿਆ ਤਾਂ ਉਨ੍ਹਾਂ ਸਥਾਨਕ ਮਕਸੂਦਾਂ ਪੁਲੀਸ ਨੂੰ ਸੂਚਿਤ ਕੀਤਾ ਤਾਂ ਪੁਲਸ ਪਾਰਟੀ ਨੇ ਆ ਕੇ ਨੈਸ਼ਨਲ ਹਾਈਵੇ ਤੇ ਸਥਿਤ ਸੈਣੀ ਰਬੜ ਦੀ ਫੈਕਟਰੀ ਦਿੱਲੀ ਵਾਲੇ ਭਵਾਨੀ ਸ਼ੰਕਰ ਫੈਕਟਰੀ ਵਾਲਿਆਂ ਤੇ ਹੇਮਕੁੰਟ ਸਕੂਲ ਦੀ ਸੀਸੀਟੀਵੀ ਫੁਟੇਜ ਨੂੰ ਖੰਘਾਲਿਆ ।ਕੈਮਰਿਆਂ ਦੀ ਫੁਟੇਜ ਵਿਚ ਸਕਾਰਪੀਓ ਕਾਲ਼ੇ ਰੰਗ ਦੀ ਗੱਡੀ ਇਕ ਮਹਿੰਦਰਾ ਪਿੱਕਅਪ ਪਿਕਅੱਪ ਗੱਡੀ ਤੇ ਇਕ ਆਟੋ ਵਿਚ ਹਥਿਆਰਬੰਦ ਲੁਟੇਰੇ ਬੱਕਰੀਆਂ ਤੇ ਭੇਡਾਂ ਚੋਰੀ ਕਰ ਕੇ ਲਿਜਾ ਰਹੇ ਸਨ ।ਪ੍ਰੰਤੂ ਗੱਡੀਆਂ ਦੇ ਨੰਬਰ ਵੀ ਨਹੀਂ ਲੁਆਏ ਹੋਏ ਸਨ ।ਤੇਈ ਦਿਨ ਬੀਤਣ ਦੇ ਬਾਅਦ ਛੱਬੀ ਸਤੰਬਰ ਨੂੰ ਏਐਸਆਈ ਗੁਰਜੀਤ ਸਿੰਘ ਨੇ ਉਸ ਦੇ ਬਿਆਨ ਲੈ ਤੇ ਸਤਾਈ ਸਤੰਬਰ ਨੂੰ ਚੋਰੀ ਦਾ ਮਾਮਲਾ ਦਰਜ ਕੀਤਾ।ਉਸ ਨੂੰ ਇਲਾਕੇ ਦੇ ਲੋਕਾਂ ਨੇ ਦੱਸਿਆ ਕਿ ਫਰੀਦਪੁਰ ਦਾ ਗੋਗੀ ਗੁੱਜਰ ਉਸ ਦੀਆਂ ਭੇਡਾਂ ਤੇ ਬੱਕਰੀਆਂ ਚੋਰੀ ਕਰਕੇ ਲੈ ਗਿਆ ਹੈ ਜਿਸ ਤੇ ਪਹਿਲਾਂ ਵੀ ਭੇਡਾਂ ਤੇ ਬੱਕਰੀਆਂ ਚੋਰੀ ਕਰਨ ਸਬੰਧੀ ਕਈ ਮਾਮਲੇ ਦਰਜ ਹਨ ।ਪੀਡ਼ਤ ਤਰਸੇਮ ਸਿੰਘ ਨੇ ਚੋਰੀ ਹੋਈਆਂ ਭੇਡਾਂ ਤੇ ਬੱਕਰੀਆਂ ਦੀ ਕੀਮਤ ਕਰੀਬ ਅੱਠ ਲੱਖ ਰੁਪਏ ਦੱਸੀ ਹੈ ਮੈਂ ਇਲਾਕੇ ਦੇ ਪਤਵੰਤਿਆਂ ਨੂੰ ਲੈ ਗਏ ਫਰੀਦਪੁਰ ਵਿਜੇ ਗੋਗੀ ਗੁੱਜਰ ਦੇ ਘਰ ਗਿਆ ਤਾਂ ਉਹ ਮੈਨੂੰ ਦੇਖ ਕੇ ਮੌਕੇ ਤੋਂ ਫ਼ਰਾਰ ਹੋ ਗਿਆ ।ਗੋਗੀ ਦੀ ਮਾਤਾ ਚੋਰੀ ਸਬੰਧੀ ਸਭ ਕੁਝ ਜਾਣਦੀ ਹੈ ਉਸ ਨੂੰ ਲਿਜਾ ਕੇ ਪੁੱਛ ਵਿੱਚ ਵਿਕਸਿਤ ਕੀਤਾ ਜਾਵੇ ਤਾਂ ਮੇਰੀਆਂ ਭੇਡਾਂ ਤੇ ਬੱਕਰੀਆਂ ਬਰਾਮਦ ਹੋ ਸਕਦੀਆਂ ਹਨ। ਇਸ ਸੰਬੰਧੀ ਉਸਨੇ ਜਾਂਚ ਕਰ ਰਹੇ ਏ ਐੱਸ ਆਈ ਗੁਰਜੀਤ ਸਿੰਘ ਨੂੰ ਵੀ ਗੋਗੀ ਗੁੱਜਰ ਬਾਰੇ ਦੱਸਿਆ ਪਰੰਤੂ ਉਸ ਨੇ ਕਈ ਦਿਨ ਬੀਤਣ ਤੇ ਵੀ ਕੋਈ ਕਾਰਵਾਈ ਨਹੀਂ ਕੀਤੀ ।ਇਸ ਸਬੰਧੀ ਐਸਐਚਓ ਮਨਜੀਤ ਸਿੰਘ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਨ੍ਹਾਂ ਕਿਹਾ ਕਿ ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ ਤੇ ਜਲਦੀ ਦੋਸ਼ੀਆਂ ਨੂੰ ਕਾਬੂ ਕਰ ਲਿਆ ਜਾਵੇਗਾ।ਇਲਾਕੇ ਦੇ ਆਮ ਆਦਮੀ ਪਾਰਟੀ ਦੇ ਆਗੂਆਂ ਨੇ ਇਸ ਸਬੰਧੀ ਹਲਕਾ ਵਿਧਾਇਕ ਬਲਕਾਰ ਸਿੰਘ ਨਾ ਉਸ ਦੀ ਫੋਨ ਤੇ ਗੱਲ ਵੀ ਕਰਵਾਈ ਤੇ ਉਸ ਚੋਰੀ ਸਬੰਧੀ ਉਨ੍ਹਾਂ ਨੂੰ ਸਾਰਾ ਕੁਝ ਦੱਸਿਆ ।ਹਲਕਾ ਵਿਧਾਇਕ ਬਲਕਾਰ ਸਿੰਘ ਨੇ ਉਸ ਨੂੰ ਭਰੋਸਾ ਦਿੱਤਾ ਕਿ ਜਲਦ ਹੀ ਉਸ ਦੀਆਂ ਭੇਡਾਂ ਤੇ ਬੱਕਰੀਆਂ ਬਰਾਮਦ ਕਰਕੇ ਉਸ ਦੇ ਹਵਾਲੇ ਕੀਤੀਆਂ ਜਾਣਗੀਆਂ ।

Doaba Times

ਸੀ ਐਚ ਸੀ ਕਾਲਾ ਬੱਕਰਾ ਵਿੱਚ ਮਨਾਏ ਗਏ ਵਿਸ਼ਵ ਦਿਲ ਦਿਵਸ

ਕਾਲਾ ਬੱਕਰਾ (ਮੁਕੇਸ਼ ਕੁਮਾਰ /ਦਿਲਬਾਗ ਸਿੰਘ ) ਵਿਸ਼ਵ ਦਿਲ ਦਿਵਸ ਹਰ ਸਾਲ 29 ਸਤੰਬਰ ਨੂੰ ਮਨਾਇਆ ਅਤੇ ਮਨਾਇਆ ਜਾਂਦਾ ਹੈ, ਜਿਸਦਾ ਉਦੇਸ਼ ਕਾਰਡੀਓਵੈਸਕੁਲਰ ਬਿਮਾਰੀਆਂ ਪ੍ਰਤੀ ਜਾਗਰੂਕਤਾ ਵਧਾਉਣ ਅਤੇ ਉਹਨਾਂ ਦੇ ਵਿਸ਼ਵਵਿਆਪੀ ਪ੍ਰਭਾਵ ਨੂੰ ਨਕਾਰਨ ਲਈ ਉਹਨਾਂ ਨੂੰ ਕਿਵੇਂ ਨਿਯੰਤਰਿਤ ਕਰਨਾ ਹੈ।ਇਸ ਲਈ ਵਰਲਡ ਹਾਰਟ ਫੈਡਰੇਸ਼ਨ ਦੀ ਸਥਾਪਨਾ ਵਿਸ਼ਵ ਸਿਹਤ ਸੰਗਠਨ ਦੇ ਸਹਿਯੋਗ ਨਾਲ ਕੀਤੀ ਗਈ ਸੀ।ਇਹ ਪਹਿਲੀ ਵਾਰ 24 ਸਤੰਬਰ 2000 ਨੂੰ ਮਨਾਇਆ ਗਿਆ।ਇਹ ਜਾਣਕਾਰੀ ਡਾ ਰਿਚਰਡ ਓਹਰੀ ਐਸ ਐਮ ਓ ਨੇ ਡਾ ਰਮਨ ਸ਼ਰਮਾ ਸਿਵਲ ਸਰਜਨ ਜਲੰਧਰ ਦੇ ਨਿਰਦੇਸ਼ਾ ਉੱਤੇ ਸੀ ਐਚ ਸੀ ਕਾਲਾ ਬੱਕਰਾ ਵਿੱਚ ਮਨਾਏ ਗਏ ਵਿਸ਼ਵ ਦਿਲ ਦਿਵਸ ਦੇ ਮੌਕੇ ਦਿੱਤੀ ਓਹਨਾ ਕਿਹਾ ਕਾਰਡੀਓਵੈਸਕੁਲਰ ਬਿਮਾਰੀਆਂ (ਸੀਵੀਡੀ) ਵਿਸ਼ਵ ਪੱਧਰ ‘ਤੇ ਮੌਤ ਦਾ ਸਭ ਤੋਂ ਆਮ ਕਾਰਨ ਹਨ। ਅੰਦਾਜ਼ਨ 17 ਮਿਲੀਅਨ ਲੋਕ ਹਰ ਸਾਲ CVD ਤੋਂ ਮਰਦੇ ਹਨ। ਕੋਰੋਨਰੀ ਦਿਲ ਦੀ ਬਿਮਾਰੀ ਜਾਂ ਸਟ੍ਰੋਕ ਇਹਨਾਂ ਮੌਤਾਂ ਦਾ ਮੁੱਖ ਕਾਰਨ ਸਨ।
ਡਾ ਨੀਤੀਕਾ ਸੈਣੀ ਐਮ ਓ ਨੇ ਕਿਹਾ CVD ਬਾਰੇ ਇੱਕ ਆਮ ਗਲਤ ਧਾਰਨਾ ਇਹ ਹੈ ਕਿ ਇਹ ਵਿਕਸਤ ਦੇਸ਼ਾਂ ਵਿੱਚ ਵਧੇਰੇ ਲੋਕਾਂ ਨੂੰ ਪ੍ਰਭਾਵਤ ਕਰਦਾ ਹੈ ਜੋ ਟਕਨੈਲੋਜੀ ‘ਤੇ ਵਧੇਰੇ ਨਿਰਭਰ ਹਨ ਅਤੇ ਬੈਠਣ ਵਾਲੀ ਜੀਵਨ ਸ਼ੈਲੀ ਦੀ ਅਪਣਾਈ ਹੈ। ਪਰ 80% ਤੋਂ ਵੱਧ ਮੌਤਾਂ ਮੱਧ-ਆਮਦਨ ਅਤੇ ਘੱਟ ਆਮਦਨੀ ਵਾਲੇ ਦੇਸ਼ਾਂ ਵਿੱਚ ਹੁੰਦੀਆਂ ਹਨ। ਕਾਰਡੀਓਵੈਸਕੁਲਰ ਬਿਮਾਰੀ ਦੇ ਮੁੱਖ ਕਾਰਨ ਸੰਸ਼ੋਧਿਤ ਕਾਰਨ ਕਸਰਤ ਦੀ ਕਮੀ, ਸਿਗਰਟਨੋਸ਼ੀ, ਅਤੇ ਇੱਕ ਮਾੜੀ ਖੁਰਾਕ ਸ਼ਾਮਲ ਹੈ। ਦੇਸ਼ਾਂ ਦੀਆਂ ਆਰਥਿਕ ਪ੍ਰਣਾਲੀਆਂ ਵੀ ਕਾਰਡੀਓਵੈਸਕੁਲਰ ਬਿਮਾਰੀਆਂ ਦੁਆਰਾ ਮੁੱਖ ਤੌਰ ‘ਤੇ ਪ੍ਰਭਾਵਤ ਹੁੰਦੀਆਂ ਹਨ – ਇਲਾਜ ਦੀ ਲਾਗਤ ਬਹੁਤ ਜ਼ਿਆਦਾ ਹੁੰਦੀ ਹੈ ਅਤੇ ਸਮੇਂ ਸਿਰ ਬਿਮਾਰੀਆਂ ਦਾ ਇਲਾਜ ਕਰਨ ਵਿੱਚ ਅਸਫਲਤਾ ਦੇ ਨਤੀਜੇ ਵਜੋਂ ਉਤਪਾਦਕਤਾ ਦਾ ਨੁਕਸਾਨ ਹੁੰਦਾ ਹੈ ਅਤੇ ਕੰਮ ਤੋਂ ਲੰਮੀ ਗੈਰਹਾਜ਼ਰੀ ਹੁੰਦੀ ਹੈ।
ਨੀਤੀਰਾਜ ਬੀ ਸਿੰਘ ਬੀਈਈ ਨੇ ਬੋਲਦਿਆਂ ਕਿਹਾ ਹਾਈ ਬਲੱਡ ਪ੍ਰੈਸ਼ਰ, ਅਤੇ ਉੱਚ ਕੋਲੇਸਟ੍ਰੋਲ (ਖਾਸ ਤੌਰ ‘ਤੇ LDL), ਦਿਲ ਦੀ ਬਿਮਾਰੀ ਦੇ ਮੁੱਖ ਜੋਖਮ ਦੇ ਕਾਰਕ ਹਨ।ਖੁਰਾਕ ਦਿਲ ਦੀ ਸਿਹਤ ਵਿੱਚ ਇੱਕ ਪ੍ਰਮੁੱਖ ਭੂਮਿਕਾ ਅਦਾ ਕਰਦੀ ਹੈ ਅਤੇ ਇੱਕ ਮਾੜੀ ਜਾਂ ਅਸੰਤੁਲਿਤ ਖੁਰਾਕ ਤੁਹਾਡੇ ਦਿਲ ਦੀਆਂ ਬਿਮਾਰੀਆਂ ਦੇ ਜੋਖਮ ਨੂੰ ਪ੍ਰਭਾਵਤ ਕਰ ਸਕਦੀ ਹੈ। ਵਾਸਤਵ ਵਿੱਚ, ਕੁਝ ਭੋਜਨ ਬਲੱਡ ਪ੍ਰੈਸ਼ਰ, ਟ੍ਰਾਈਗਲਿਸਰਾਈਡਸ, ਕੋਲੇਸਟ੍ਰੋਲ ਦੇ ਪੱਧਰ ਅਤੇ ਸੋਜ ਨੂੰ ਪ੍ਰਭਾਵਿਤ ਕਰ ਸਕਦੇ ਹਨ, ਇਹ ਸਾਰੇ ਦਿਲ ਦੀਆਂ ਬਿਮਾਰੀਆਂ ਲਈ ਜੋਖਮ ਦੇ ਕਾਰਕ ਹਨ।ਇਸ ਲਈ ਸਾਨੂੰ ਆਪਣੀ ਜੀਵਨ ਜਾਚ ਨੂੰ ਸੁਧਾਰਨਾ ਚਾਹੀਦਾ ਹੈ।

NEXT

DSSD ਹਾਈ ਸਕੂਲ ਅਤੇ ਮਾਡਲ ਸਕੂਲ ਵਿਖੇ ਆਯੁਰਵੈਦ ਬਾਰੇ ਡਿਸਪੈਂਸਰੀ ਵੱਲੋਂ ਕਰਾਇਆ ਜਾਣੂ

ਕਿਸ਼ਨਗੜ੍ਹ (ਗੁਰਪ੍ਰੀਤ ਬੱਲ) ਸਰਕਾਰੀ ਆਯੁਰਵੈਦਿਕ ਡਿਸਪੈਂਸਰੀ ਸਰਮਸਤਪੁਰ ਵੱਲੋਂ ਜ਼ਿਲ੍ਹਾ ਆਯੁਰਵੈਦਿਕ ਅਤੇ ਯੂਨਾਨੀ ਅਫਸਰ ਜਲੰਧਰ ਡਾਕਟਰ ਜੋਗਿੰਦਰ ਪਾਲ ਦੀ ਅਗਵਾਈ ਹੇਠ DSSD ਹਾਈ ਵਿਖੇ ਸਕੂਲੀ ਅਧਿਆਪਕਾਂ ਅਤੇ ਸਕੂਲੀ ਬੱਚਿਆਂ ਨੂੰ, ਹਰ ਦਿਨ ਹਰ ਘਰ ਆਯੁਰਵੇਦ’ ਪਰੋਗਰਾਮ ਅਧੀਨ ਲੈਕਚਰ ਦਿੱਤਾ ਗਿਆ। ਜਿਸ ਵਿਚ ਡਾਕਟਰ ਅਦਿਤੀ ਸੋਂਧੀ ਨੇ ਸਕੂਲੀ ਬੱਚਿਆਂ ਨੂੰ
ਆਯੁਰਵੈਦਿਕ ਪੱਧਤੀ ਅਨੁਸਾਰ ਆਹਾਰ ਵਿਹਾਰ ਬਾਰੇ ਵਿਸਤਾਰ ਪੂਰਵਕ ਜਾਣਕਾਰੀ ਦਿੱਤੀ ਗਈ। ਇਸ ਦੌਰਾਨ ਰਸੋਈ ਵਿਚ ਮੌਜੂਦ ਮਸਾਲਿਆਂ ਦੇ ਰੂਪ ਵਿੱਚ ਦਵਾਈਆਂ ਦੀ ਪਹਿਚਾਣ ਅਤੇ
ਉਹਨਾਂ ਦੇ ਲਾਭ ਦੱਸੇ।
ਪ੍ਰਿੰਸੀਪਲ ਜਗਦੀਪ ਕੌਰ ਨੇ ਬੱਚਿਆਂ ਨੂੰ ਆਪਣੇ ਹਰ ਦਿਨ ਘਰਾਂ ਵਿੱਚ ਇਸ ਗਿਆਨ ਦੀ ਵਰਤੋਂ ਕਰਦੇ ਹੋਏ ਬਿਮਾਰੀਆਂ ਤੋਂ ਬਚਾਅ ਦਾ ਸੁਝਾਅ ਦਿੱਤਾ। ਪ੍ਰਿੰਸੀਪਲ
ਮਾਡਲ ਸਕੂਲ ਜਸਪ੍ਰੀਤ ਕੌਰ ਨੇ ਬੱਚਿਆਂ ਨੂੰ ਘਰਾਂ ਵਿੱਚ ਪੌਦੇ ਲਗਾਉਣ ਲਈ ਪ੍ਰੇਰਿਤ ਕੀਤਾ। ਇਸ ਮੌਕੇ ਗੁਰਪ੍ਰੀਤ ਕੌਰ, ਰਮਨਪ੍ਰੀਤ ਕੌਰ , ਗੁਰਜੋਤ ਸਿੰਘ, ਕਾਜਲ ਵਰਮਾ
ਆਦਿ ਅਧਿਆਪਕ ਮੌਜੂਦ ਸਨ।