ਉਸਾਰੀ ਅਧੀਨ ਫੈਕਟਰੀ ਚ ‘ ਮਜ਼ਦੂਰਾਂ ਨੂੰ ਬੰਧਕ ਬਣਾ ਕੇ ਚੋਰਾ ਵਲੋ ਲੱਖਾ ਰੁ: ਦੇ ਸਰਿਏ ਦੀ ਲੁੱਟ ਦੀ ਵਾਰਦਾਤ

ਜਲੰਧਰ /ਕਿਸ਼ਨਗੜ(ਗੁਰਪ੍ਰੀਤ ਬੱਲ/ਮੁਕੇਸ਼ ਕੁਮਾਰ) ਅਲਾਵਲਪੁਰ ਕਿਸ਼ਨਗੜ ਰੋਡ ਤੇ ਸਥਿਤ ਰੇਲਵੇ ਫਾਟਕਾਂ ਨਜ਼ਦੀਕ ਉਸਾਰੀ ਅਧੀਨ ਫੈਕਟਰੀ ਤੇ ਤਾਇਨਾਤ ਸਕਿਓਰਿਟੀ ਗਾਰਡ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸੋਮਵਾਰ ਤੜਕੇ ਕਰੀਬ 2:30 ਵਜੇ ਦੇ ਕਰੀਬ ਕੁੱਤਿਆਂ ਦੇ ਭੌਂਕਣ ਦੀ ਅਵਜ਼ ਤੇ ਮਜ਼ਦੂਰਾਂ ਵੱਲੋਂ ਆਸ ਪਾਸ ਨਜ਼ਰ ਮਾਰੀ ਤਾਂ ਅਚਾਨਕ ਦੀਵਾਰ ਟੱਪ ਕੇ ਦਰਜਨ ਤੋਂ ਜ਼ਿਆਦਾ ਨਕਾਬਪੋਸ਼ ਲੁਟੇਰੇ ਕੰਧ ਟੱਪ ਕੇ ਅੰਦਰ ਅਤੇ ਹਥਿਆਰਾਂ ਦੀ ਨੋਕ ਤੇ 7 ਪਰਵਾਸੀ ਮਜ਼ਦੂਰਾਂ ਨੂੰ ਕਮਰੇ ਅੰਦਰ ਬੰਧਕ ਬਣਾ ਕੇ ਸਾਰੇ ਮਜ਼ਦੂਰਾਂ ਦੇ ਮੋਬਾਇਲ ਫੋਨ ਵੀ ਖੋਹ ਲਏ ਗਏ।ਇਸ ਤੋਂ ਬਾਅਦ ਲੁਟੇਰਿਆਂ ਦੁਆਰਾ ਮੇਨ ਗੇਟ ਖੋਲ੍ਹ ਕੇ ਟਰੱਕ ਅੰਦਰ ਲਿਆਂਦਾ ਗਿਆ ਤੇ ਸਰੀਆ ਲੋਡ ਕੀਤਾ ਤੇ 4 ਵਜੇ ਦੇ ਕਰੀਬ ਟਰੱਕ ਲੈ ਕੇ ਫ਼ਰਾਰ ਹੋ ਗਏ, ਤੇ ਜਾਂਦੇ ਸਮੇਂ ਲੁਟੇਰਿਆਂ ਵੱਲੋਂ ਸਕਿਓਰਿਟੀ ਗਾਰਡ ਦੇ ਮੋਟਰਸਾਇਕਲ ਦੀ ਚਾਬੀ ਵੀ ਨਾਲ ਲੈ ਗਏ। ਇਸ ਤੋਂ ਬਾਅਦ ਕਿਸੇ ਤਰ੍ਹਾਂ ਕਰਕੇ ਮਜਦੂਰਾਂ ਵਲੋਂ ਬਾਹਰ ਜਾ ਕੇ ਰੌਲਾ ਰੱਪਾ ਪਾਇਆ ਗਿਆ। ਇਸ ਤੋਂ ਬਾਅਦ ਫੈਕਟਰੀ ਸਾਈਟ ਇੰਚਾਰਜ ਰਣਜੀਤ ਕੁਮਾਰ ਨੂੰ ਚੋਰੀ ਸਬੰਧੀ ਜਾਣਕਾਰੀ ਦਿੱਤੀ ਗਈ ਤੇ ਰਣਜੀਤ ਕੁਮਾਰ ਨੇ ਮੌਕੇ ਤੇ ਪਹੁੰਚ ਕੇ ਪੁਲਸ ਚੌਕੀ ਅਲਾਵਲਪੁਰ ਵਿਖੇ ਚੋਰੀ ਦੀ ਘਟਨਾ ਸਬੰਧੀ ਰਿਪੋਰਟ ਦਰਜ ਕਰਾਈ। ਇਸ ਉਪਰੰਤ ਅਲਾਵਲਪੁਰ ਪੁਲੀਸ ਪਾਰਟੀ ਵੱਲੋਂ ਮੌਕੇ ਤੇ ਪਹੁੰਚ ਕੇ ਸਕਿਓਰਿਟੀ ਗਾਰਡ ਤੇ ਮਜ਼ਦੂਰਾਂ ਤੋਂ ਘਟਨਾ ਸਬੰਧੀ ਜਾਣਕਾਰੀ ਲਈ ਅਤੇ ਇਲਾਕੇ ਦੇ ਸੀਸੀਟੀਵੀ ਕੈਮਰੇ ਖੰਗਾਲਦੇ ਹੋਏ ਅਗਲੇਰੀ ਕਾਰਵਾਈ ਸ਼ੁਰੂ ਕੀਤੀ ।
ਜਾਣਕਾਰੀ ਦਿੰਦੇ ਹੋਏ ਸਾਈਡ ਇੰਚਾਰਜ ਰਣਜੀਤ ਕੁਮਾਰ ਨੇ ਦੱਸਿਆ ਕਿ ਲੁਟੇਰਿਆਂ ਵੱਲੋਂ 4ਟਨ ਦੇ ਕਰੀਬ ਸਰੀਆ ਟਰੱਕ ਵਿੱਚ ਲੱਦ ਕੇ ਲੈ ਗਏ ਜਿਸਦੀ ਕੀਮਤ ਕਰੀਬ 3 ਲੱਖ ਰੁਪਏ ਦੇ ਕਰੀਬ ਬਣਦੀ ਸੀ।

ਬਿਆਸ ਪਿੰਡ ਵਿਖੇ ਐੱਸ ਬੀ ਆਈ ਬੈਂਕ ਦੇ ਏ ਟੀ ਐਮ ਨੂੰ ਲੁੱਟਣ ਦੀ ਨਾਕਾਮ ਕੋਸ਼ਿਸ਼

ਜਲੰਧਰ/ਕਾਲਾ ਬੱਕਰਾ (ਗੁਰਪ੍ਰੀਤ ਬੱਲ/ਹਰਪ੍ਰੀਤ ਸਿੰਘ) ਜਲੰਧਰ ਪਠਾਨਕੋਟ ਰਾਸ਼ਟਰੀ ਰਾਜ ਮਾਰਗ ਸਥਿਤ ਬਿਆਸ ਪਿੰਡ ਦਿਖੇ ਮੇਨ ਗੇਟ ਦੇ ਬਿਲਕੁਲ ਨਜ਼ਦੀਕ ਐੱਸਬੀਆਈ ਬੈਂਕ ਦੇ ਨਾਲ ਐਸਬੀਆਈ ਬੈਂਕ ਦਾ ਏਟੀਐਮ ਨੂੰ ਚੋਰਾਂ ਵੱਲੋਂ ਲੁੱਟਣ ਦੀ ਨਾਕਾਮ ਕੋਸ਼ਿਸ਼ ਕੀਤੀ ਗਈ।
ਜਾਣਕਾਰੀ ਮੁਤਾਬਕ ਤੜਕੇ 3:25 ਵਜੇ ਚੋਰ ਇਕ ਚਿੱਟੇ ਰੰਗ ਦੀ ਬਰੇਜ਼ਾ ਗੱਡੀ ਵਿਚ ਆਏ ਤੇ ਗੈਸ ਕਟਰ ਨਾਲ ਏਟੀਐਮ ਕੱਟਿਆ ਇਸ ਉਪਰੰਤ ਸਾਇਰਨ ਵੱਜ ਗਿਆ ਅਤੇ ਚੋਰ ਮੌਕੇ ਤੋ ਭੱਜ ਗਏ ।
ਕੰਟਰੋਲ ਰੂਮ ਤੋਂ ਪੁਲੀਸ ਚੌਂਕੀ ਅਆਵਲਪੁਰ ਨੂੰ ਸਵੇਰੇ ਚਾਰ ਵਜੇ ਇਸ ਵਾਰਦਾਤ ਸਬੰਧੀ ਇਤਲਾਹ ਮਿਲੀ ਤੇ ਚੌਂਕੀ ਇੰਚਾਰਜ ਸਬ -ਇੰਸਪੈਕਟਰ ਸੁਖਵਿੰਦਰਪਾਲ ਸਮੇਤ ਪੁਲੀਸ ਪਾਰਟੀ ਮੌਕੇ ਤੇ ਪਹੁੰਚੇ ਤੇ ਅਗਲੇਰੀ ਕਾਰਵਾਈ ਸ਼ੁਰੂ ਕੀਤੀ,ਤੇ ਸੀਸੀਟੀਵੀ ਕੈਮਰੇ ਚੈੱਕ ਕਰਦਿਆਂ ਦੇਖਿਆ ਗਿਆ ਕਿ ਆਰੋਪੀਆ ਵੱਲੋਂ ਬਰੈਂਡਿਡ ਮਹਿੰਗੇ ਬੂਟ ਤੇ ਕੱਪੜੇ ਪਾਏ ਸਨ ਜਿਸ ਤੋਂ ਕਿ ਲੁਟੇਰੇ ਵੱਡੇ ਘਰਾਂ ਦੇ ਕਾਕੇ ਜਾਪਦੇ ਹਨ ।
ਇਸ ਮੌਕੇ ਤੇ ਫਿੰਗਰ ਪ੍ਰਿੰਟ ਐਕਸਪਰਟ ਟੀਮ ਵੀ ਪਹੁੰਚੀ ਤੇ ਏਟੀਐਮ ਦੇ ਆਸ ਪਾਸ ਫਿੰਗਰਪ੍ਰਿੰਟ ਇਕੱਠੇ ਕੀਤੇ।
ਏਟੀਐਮ ਵਿੱਚ 15 ਲੱਖ 69 ਹਜਾਰ 500 ਰੁ: ਸੇਵ ਸਨ, ਜਿਸ ਨੂੰ ਕਿ ਸ਼ਾਮ ਦੇ ਸਮੇਂ ਐਸਬੀਆਈ ਦੀ ਜਲੰਧਰੋਂ ਟੀਮ ਵੱਲੋਂ ਗਿਣਤੀ ਕੀਤੀ ਗਈ ਤੇ ਪੁਲੀਸ ਦੀ ਮੁਸਤੈਦੀ ਵਿੱਚ ਸਾਰਾ ਕੈਸ਼ ਜਲੰਧਰ ਭੇਜ ਦਿੱਤਾ ਗਿਆ।
ਇਸ ਮੌਕੇ ਤੇ ਥਾਣਾ ਆਦਮਪੁਰ ਐਸਐਚਓ ਨੇ ਕਿਹਾ ਗਿਆ ਕਿ ਇਸ ਵਾਰਦਾਤ ਵਿੱਚ ਆਰੋਪੀਆ ਦੀ ਸੀਸੀਟੀਵੀ ਫੁਟੇਜ ਦੇ ਆਧਾਰ ਤੇ ਪਛਾਣ ਕਰਕੇ ਜਲਦੀ ਸਲਾਖਾਂ ਪਿੱਛੇ ਹੋਣਗੇ ।