Jalandhar





ਪੁਲਸ ਕਮਿਸ਼ਨਰ ਧੰਨਪ੍ਰੀਤ ਕੌਰ ਅਤੇ ਹੋਰ ਉੱਚ ਅਧਿਕਾਰੀਆਂ ਦੇ ਆਦੇਸ਼ ਐੱਸ ਐੱਚ ਓ ਲਈ ਇੱਕ ਡਰਾਮਾ
ਦੋਸ਼ੀ ਦੀ ਪੁਲਸ ਨਾਲ ਪੱਕੀ ਸੈਟਿੰਗ ਸੀ ਤਾਂ ਹੀ ਗਿਰਫਤਾਰੀ ਦੇ ਆਦੇਸ਼ ਨੂੰ ਐੱਸ ਐੱਚ ਓ ਨੇ ਟੰਗਿਆ ਛਿੱਕੇ
ਭ੍ਰਸ਼ਟ ਮੁਲਾਜਮਾਂ ਨੇ ਛਾਪਾ ਮਾਰ ਕੇ ਗਿਰਫ਼ਤਾਰ ਕਰਨ ਦੀ ਬਜਾਏ, ਫੋਨ ਕਰਕੇ ਦੋਸ਼ੀ ਨੂੰ ਪਹਿਲਾ ਹੀ ਕਰ ਦਿੱਤਾ ਸੀ ਇਧਰ ਉਧਰ
ਡੀਸੀਪੀ ਨਰੇਸ਼ ਡੋਗਰਾ ਦੇ ਦਫਤਰ ਨੂੰ ਲਗਾ ਤਾਲਾ,ਸਵੇਰ ਤੋਂ ਇੰਤਜ਼ਾਰ ਕਰਦੇ ਕਰਦੇ ਸ਼ਾਮ ਨੂੰ ਮਿਲਿਆ ਲਾਰਾ
ਜਲੰਧਰ (ਸੰਜੀਵ ਕੁਮਾਰ)ਮੁਹੱਲਾ ਸਈਪੁਰ ਕਲਾਂ ਦੀਆਂ ਔਰਤਾਂ ਨੂੰ ਗੰਦੇ ਇਸ਼ਾਰੇ ਕਰਨ ਅਤੇ ਅਸ਼ਲੀਲ ਗੰਦ ਬੋਲਣ ਨੂੰ ਲੈ ਕੇ ਮੁਹੱਲਾ ਸਈਪੁਰ ਕਲਾਂ ਦੀਆਂ ਪੀੜਿਤ ਔਰਤਾਂ ਨੇ ਪਹਿਲਾ ਚੌਂਕੀ ਫੋਕਲ ਪੁਆਇਟ ਦੇ ਇੰਚਾਰਜ ਅਵਤਾਰ ਸਿੰਘ ਨੂੰ ਸ਼ਿਕਾਇਤ ਦਿੱਤੀ ਸੀ ਜਿਸਦੀ ਸੁਣਵਾਈ ਨਾ ਹੋਣ ਕਰਕੇ ਬਾਅਦ ਵਿਚ ਪੁਲਸ ਕਮਿਸ਼ਨਰ ਜਲੰਧਰ ਧੰਨਪ੍ਰੀਤ ਕੌਰ ਨੂੰ ਇਕ ਲਿਖਿਤ ਸ਼ਿਕਾਇਤ ਦਿੱਤੀ ਸੀ ਜਿਸ ਤੇ ਔਰਤਾਂ ਵਲੋਂ ਬਾਰ ਬਾਰ ਇਨਸਾਫ਼ ਲੈਣ ਲਈ ਪੁਲਸ ਕਮਿਸ਼ਨਰ ਜਲੰਧਰ ਦਫਤਰ ਗੇੜੇ ਲਗਾਏ ਜਿਸ ਤੇ ਡੇਢ ਮਹੀਨੇ ਚ ਸ਼ਿਕਾਇਤ ਚ ਸਾਰੇ ਬਿਆਨ ਬਗੈਰਾ ਹੋਣ ਦੇ ਬਾਵਜੂਦ ਜਦ ਗੱਲ ਕਾਰਵਾਈ ਕਰਨ ਦੀ ਹੁੰਦੀ ਤੇ ਪੁਲਸ ਹੇਠਲੇ ਲੈਵਲ ਦੇ ਅਧਿਕਾਰੀਆਂ ਵਲੋਂ ਹਰ ਵਾਰ ਪੜਤਾਲ ਹੋ ਰਹੀ ਹੈ ਦਾ ਭਰੋਸਾ ਦੇ ਕੇ ਉਨਾਂ ਨੂੰ ਘਰ ਭੇਜ ਦਿੱਤਾ ਜਾਂਦਾ । ਦੋਸ਼ੀ ਖਿਲਾਫ ਸ਼ਿਕਾਇਤ ਦੇਣ ਤੋਂ ਪਹਿਲਾਂ ਮੁਹੱਲੇ ਦੀਆਂ ਔਰਤਾਂ ਨੇ ਵਾਰਡ ਨੰ 79 ਤੋ ਕੌਸਲਰ ਮਨਿੰਦਰ ਕੌਰ ਨੂੰ ਸਾਰੀ ਗੱਲ ਦਸੀ ਸੀ ਕਿ ਮੁਹੱਲੇ ਚ ਇੱਕ ਠਰਕੀ ਵਿਅਕਤੀ ਹਰ ਰੋਜ ਦੀ ਤਰਾਂ ਬੱਚਿਆਂ ਅਤੇ ਔਰਤਾਂ ਨੂੰ ਗਲਤ ਇਸ਼ਾਰੇ ਕਰਦਾ ਹੈ ਇਸ ਦੀ ਪਾਰਸ਼ਦ ਪਤੀ ਦਿਨੇਸ਼ ਹੀਰ ਅਤੇ ਉਸਦੀ ਪਤਨੀ ਨੇ ਖੁਦ ਜਾਂਚ ਕੀਤੀ ਜੌ ਖੁਦ ਦੋਸ਼ੀ ਦੀ ਗੰਦੀ ਭਾਸ਼ਾ ਦੇ ਸ਼ਿਕਾਰ ਹੋਏ ਤੇ ਕੌਂਸਲਰ ਨੂੰ ਖੁਦ ਇਨਸਾਫ਼ ਲੈਣ ਲਈ ਪੁਲੀਸ ਕਮਿਸ਼ਨਰ ਜਲੰਧਰ ਨੂੰ ਸ਼ਿਕਾਇਤਾਂ ਦੇਣੀਆਂ ਪਈਆਂ ਜਿਸਦਾ ਨਤੀਜਾ ਜ਼ੀਰੋ ਰਿਹਾ ਤੇ ਹਰ ਸ਼ਿਕਾਇਤ ਨੂੰ ਠੰਡੇ ਬਸਤੇ ਚ ਪਾ ਕੇ ਹਰ ਵਾਰ ਲਾਰੇਬਾਜੀ ਕੀਤੀ ਗਈ । ਜਲੰਧਰ ਪੁਲਸ ਇਸ ਠਰਕੀ ਵਿਅਕਤੀ ਤੋਂ ਡਰਦੇ ਹੋਏ ਕੋਈ ਵੀ ਐਕਸ਼ਨ ਨਹੀਂ ਲੈ ਰਹੀ ਕਿਉਕਿ ਔਰਤਾਂ ਨੂੰ ਛੇੜਨ ਵਾਲੇ ਵਿਅਕਤੀ ਦੀ ਆਮ ਆਦਮੀ ਪਾਰਟੀ ਦੇ ਵਿਅਕਤੀ ਅਤੇ ਨੇਤਾਵਾਂ ਨਾਲ ਬੈਠਣੀ ਊਠਣੀ ਹੈ ਜੌ ਭ੍ਰਸ਼ਟ ਨੇਤਾਵਾਂ ਨਾਲ ਹਮਸਲਾਹ੍ਹ ਹੋ ਕੇ ਵਾਰ ਵਾਰ ਔਰਤਾਂ ਨੂੰ ਗੰਦ ਬੋਲਦਾ ਤੇ ਅਸ਼ਲੀਲ ਇਸ਼ਾਰੇ ਕਰਦਾ ਆ ਰਿਹਾ ਪਰ ਚੌਂਕੀ ਫੋਕਲ ਪੁਆਇੰਟ ਅਤੇ ਡਿਵੀਜ਼ਨ ਨੰਬਰ ਅੱਠ ਦੀ ਪੁਲਸ ਇਸ ਮਸਲੇ ਨੂੰ ਦਬਾਉਣ ਚ ਲਗੀ ਹੈ ਇਸ ਸਬੰਧੀ ਪੁਲਸ ਕਮਿਸ਼ਨਰ ਨੇ ਡੀਸੀਪੀ ਨਰੇਸ਼ ਡੋਗਰਾ ਨੂੰ ਪੜਤਾਲ ਕਰਕੇ ਕਰਵਾਈ ਕਰਨ ਦੇ ਆਦੇਸ਼ ਦਿੱਤੇ ਸਨ ਜਿਨ੍ਹਾਂ ਨੇ ਇਹ ਆਦੇਸ਼ ਏਸੀਪੀ ਨੌਰਥ ਅਸ਼ੋਕ ਮੀਨਾ ਨੂੰ ਭੇਜ ਦਿੱਤਾ ਜਿਨਾ ਨਾਲ ਪਾਰਸ਼ਦ ਪਤੀ ਆਪਣੇ ਸਾਥੀਆਂ ਸਮੇਤ ਮਿਲੇ ਜਿਨਾ ਨੇ ਤੁਰੰਤ ਡਿਵਜ਼ਨ ਨੰਬਰ ਅੱਠ ਦੇ ਐਸ ਐਚ ਓ ਯਾਦਵਿੰਦਰ ਸਿੰਘ ਨੂੰ ਕਿਹਾ ਕਿ ਦੋਸ਼ੀ ਨੂੰ ਫੜ ਕੇ ਕੋਰਟ ਚ ਪੇਸ਼ ਕੀਤਾ ਜਾਵੇ ਤੇ ਉਸਦੇ ਖਿਲਾਫ ਇੱਕ ਸ਼ਾਂਤੀ ਭੰਗ ਕਰਨ ਸਬੰਧੀ 107/150 ਦਾ ਕਲੰਦਰਾ ਕੱਟਿਆ ਸੀ ਜਿਸ ਚ ਇਹ ਦੋਸ਼ੀ ਹੈ ਪਰ ਐੱਸ ਐੱਚ ਓ ਨੇ ਏਸੀਪੀ ਨੌਰਥ ਅਸ਼ੋਕ ਮੀਨਾ ਅਤੇ ਕਮਿਸ਼ਨਰ ਪੁਲਸ ਮੈਡਮ ਧੰਨਪ੍ਰੀਤ ਕੌਰ ਦੇ ਆਦੇਸ਼ ਨੂੰ ਛਿੱਟੇ ਟੰਗ ਕੇ ਆਪਣੀ ਮਰਜੀ ਕਰਦੇ ਹੋਏ ਬਿਨਾਂ ਕਿਸੇ ਦੋਸ਼ੀ ਨੂੰ ਫੜੇ ਕਲੰਦਰਾ ਕੋਰਟ ਚ ਪੇਸ਼ ਕਰਨ ਦੀ ਕੋਸ਼ਿਸ ਕੀਤੀ ਜਿਸਦਾ ਪਤਾ ਲਗਦੇ ਸਾਰ ਹੀ ਜਦ ਕੌਂਸਲਰ ਪਤੀ ਨੇ ਏਸੀਪੀ ਨੌਰਥ ਅਸ਼ੋਕ ਮੀਨਾ ਅਤੇ ਡੀਸੀਪੀ ਨਰੇਸ਼ ਡੋਗਰਾ ਨਾਲ ਗੱਲਬਾਤ ਕੀਤੀ ਤੇ ਉਨ੍ਹਾਂ ਨੇ ਆਪਣੀ ਦਿੱਤੀ ਹੋਈ ਜੁਬਾਨ ਨੂੰ ਬਚਾਉਂਦੇ ਹੋਏ ਕਿਹਾ ਕਿ ਮੇਰੀ ਐੱਸ ਐੱਚ ਓ ਨਾਲ ਗੱਲ ਹੋ ਗਈ ਹੈ ਉਹ ਦੋਸ਼ੀ ਦੇ ਘਰ ਚ ਬੈਠੇ ਹਨ ਤੇ ਦੋਸ਼ੀ ਘਰੋ ਫਰਾਰ ਹੈ ਹੁਣ ਇਥੇ ਸ਼ੀਸ਼ਾ ਸਾਫ ਦਿਖਾਈ ਦਿੰਦਾ ਹੈ ਕਿ ਜਦ ਐੱਸ ਐੱਚ ਓ ਨੂੰ ਪਹਿਲਾ ਹੀ ਉੱਚ ਅਧਿਕਾਰੀਆਂ ਨੇ ਦੋਸ਼ੀ ਸਮੇਤ ਪੇਸ਼ ਹੋਣ ਨੂੰ ਕਿਹਾ ਸੀ ਤੇ ਚੌਂਕੀ ਫੋਕਲ ਪੁਆਇੰਟ ਦਾ ਮੁਨਸ਼ੀ ਕਰਨਵੀਰ ਸਿੰਘ ਜੋ ਭ੍ਰਸ਼ਟਾਚਾਰੀ ਦੀ ਲਾਈਨ ਚ ਸ਼ਾਮਿਲ ਹੈ ਉਹ ਉਸ ਸਮੇਂ ਕਿਸ ਦੇ ਨਾਲ ਅਤੇ ਕਿਸਦੇ ਇਸ਼ਾਰੇ ਤੇ ਕਲੰਦਰਾ ਕੋਰਟ ਚ ਦੇਣ ਚਲਾ ਗਿਆ ਤੇ ਕੀ ਉੱਚ ਅਧਿਕਾਰੀਆਂ ਦੇ ਆਦੇਸ਼ ਨੂੰ ਇਹ ਹਵਾ ਹਵਾਈ ਸਮਝਦੇ ਜਾਂ ਲੋਕਾਂ ਨੂੰ ਬੇਵਕੂਫ਼ ਬਣਾ ਰਹੇ ਕਿ ਹਰ ਇੱਕ ਨੂੰ ਲਾਰੇ ਲਗਾ ਕੇ ਬੇਵਕੂਫ਼ ਬਣਾ ਕੇ ਆਪਣੇ ਅੱਗੇ ਪਿੱਛੇ ਘੁੰਮਾ ਕੇ ਰਾਜਨੀਤੀ ਲੋਕਾਂ ਨੂੰ ਖੁਸ਼ ਕਰੀਏ ?ਜੇਕਰ ਗੱਲ ਕਰੀਏ ਚੌਂਕੀ ਫੋਕਲ ਪੁਆਇੰਟ ਦੀ ਤੇ ਇਹਨਾਂ ਦੀ ਪਹਿਲਾ ਹੀ ਦੋਸ਼ੀ ਵਿਅਕਤੀ ਨਾਲ ਮੋਟੀ ਸੈਟਿੰਗ ਹੈ ਜੌ ਔਰਤਾਂ ਨੂੰ ਗੰਦ ਬੋਲਦਾ ਆ ਰਿਹਾ ਹੈ ਜਿਸ ਸਬੰਧੀ ਔਰਤਾਂ ਵਲੋਂ ਚੌਂਕੀ ਫੋਕਲ ਪੁਆਇੰਟ ਚ ਸ਼ਿਕਾਇਤਾਂ ਦਿੱਤੀਆਂ ਸਨ ਪਰ ਭ੍ਰਸ਼ਟ ਮੁਲਾਜਮਾਂ ਨੇ ਕਿਸੇ ਹੋਰ ਦਾ ਰਾਜੀਨਾਮਾ ਲਗਾ ਕੇ ਦਿੱਤੀ ਸ਼ਿਕਾਇਤ ਨੂੰ ਬੰਦ ਕਰ ਦਿੱਤਾ ਸੀ ਫਿਰ ਇਕ ਸ਼ਿਕਾਇਤ ਤੇ ਵਾਰ ਵਾਰ ਗੇੜੇ ਮਰਵਾ ਕੇ ਲੋਕਾਂ ਨੂੰ ਮਾਨਸਿਕ ਤੌਰ ਤੇ ਪ੍ਰੇਸ਼ਾਨ ਕਰਕੇ ਰਾਜੀਨਾਮਾ ਕਰਵਾ ਕੇ ਆਪਣੇ ਆਪ ਨੂੰ ਬਚਾਉਂਦਾ ਆਇਆ ਹੈ ਜਿਸਨੂੰ ਲੈ ਕੇ ਔਰਤਾਂ ਵਿਚ ਭਾਰੀ ਰੋਸ ਚਲਦਾ ਆ ਰਿਹਾ ਪਰ ਅਖੀਰ ਚ ਹਨ ਵੀ ਔਰਤਾਂ ਨੂੰ ਨਿਰਾਸ਼ਾ ਹੀ ਮਿਲੀ। ਇਸ ਮਸਲੇ ਨੂੰ ਲੈ ਕੇ ਕਾਰਵਾਈ ਕਰਨ ਦੀ ਡਿਊਟੀ ਡੀਸੀਪੀ ਨਰੇਸ਼ ਡੋਗਰਾ ਜੀ ਦੀ ਲਗਾਈ ਗਈ ਸੀ ਉਨਾਂ ਦੇ ਇੰਤਜ਼ਾਰ ਚ ਕੌਂਸਲਰ ਪਤੀ ਦਿਨੇਸ਼ ਹੀਰ ਨੇ ਸਾਥੀਆਂ ਸਮੇਤ ਸ਼ਾਮ ਤੱਕ ਇੰਤਜ਼ਾਰ ਕੀਤਾ ਤੇ ਨਰੇਸ਼ ਡੋਗਰਾ ਦੇ ਦਫਤਰ ਨੂੰ ਤਾਲਾ ਲਗਿਆ ਮਿਲਿਆ ਤੇ ਸ਼ਾਮ ਨੂੰ ਲਾਰਾ ਮਿਲਿਆ ਕਿ ਕਿਸੇ ਪਿੰਡ ਚ ਘਟਨਾ ਨੂੰ ਲੈ ਕੇ ਡਿਊਟੀ ਲਗੀ ਹੈ ਪਰ ਆਮ ਲੋਕਾਂ ਦੀ ਸੁਰੱਖਿਆ ਕਿੱਥੇ ਹੈ ? ਇਸ ਸਬੰਧੀ ਜਦ ਡੀਸੀਪੀ ਨਰੇਸ਼ ਡੋਗਰਾ ਨਾਲ ਗੱਲ ਕਰਨੀ ਚਾਹੀ ਤੇ ਉਨ੍ਹਾਂ ਵਲੋਂ ਫੋਨ ਨਹੀਂ ਚੁੱਕਿਆ ਗਿਆ।

ਭੋਗਪੁਰ (ਹਰਪ੍ਰੀਤ ਸਿੰਘ/ ਗੁਰਪ੍ਰੀਤ ਬੱਲ ) ਜਲੰਧਰ ਤੋ ਪਠਾਨਕੋਟ ਰਾਸ਼ਟਰੀ ਰਾਜ ਮਾਰਗ ਸਥਿੱਤ ਭੋਗਪੁਰ ਵਿੱਖੇ ਅੱਜ ਮਿਤੀ 10.10.2025 ਨੂੰ ਧੰਨ ਧੰਨ ਬਾਬਾ ਦੀਪ ਸਿੰਘ ਸਿੰਘ ਜੀ ਛੋਟਾ ਹਾਥੀ ਸਟੈਂਡ ਤੇ ਸਮੂੰਹ ਯੂਨੀਅਨ ਦੇ ਮੈਬਰ ਸਹਿਬਾਨ ਦੀ ਸਹਿਮਤੀ ਦੇ ਨਾਲ ਅੱਜ ਜਗਦੀਪ ਸਿੰਘ (ਜੱਗੀ) ਨੂੰ ਪ੍ਧਾਨ ਨਿਯੁਕਤ ਕੀਤਾ ਗਿਆ ਤੇ ਨਾਲ ਹੀ ਗੋਰਵ ਗੋਰਾ ਨੂੰ ਵਾਈਸ ਪ੍ਧਾਨ ਨਿਯੁਕਤ ਕੀਤਾ ਗਿਆ। ਇਸ ਮੋਕੇ ਤੇ ਡਰਾਈਵਰ ਵੀਰਾ ਵਲੋਂ ਪ੍ਧਾਨ ਬਣਨ ਦੀ ਖੁਸ਼ੀ ਵਿੱਚ ਮਠਿਆਈ ਵੰਡ ਕੇ ਸਾਰਿਆ ਦਾ ਮੂੰਹ ਮਿੱਠਾ ਕਰਵਾਇਆ ।
ਜਗਦੀਪ ਸਿੰਘ ਜੱਗਾ ਨੇ ਪ੍ਧਾਨ ਦਾ ਅਹੁਦਾ ਸੰਭਾਲਦੇ ਹੀ ਡਰਾਈਵਰ ਵੀਰਾ ਨੂੰ ਭਰੋਸਾ ਦਵਾਇਆ ਕਿ ਆਉਣ ਵਾਲੇ ਸਮੇ ਵਿੱਚ ਜੇਕਰ ਕਿਸੇ ਡਰਾਈਵਰ ਵੀਰ ਨੂੰ ਕਿਸੇ ਤਰਾ ਦੀ ਕੋਈ ਮੁਸ਼ਕਿਲ ਆਉਦੀ ਤਾ ਉਹ ਦਿਨ ਰਾਂਤ ਉਨਾ ਦੇ ਨਾਲ ਖੜੇ ਹਨ।


ਕੁਝ ਮਹੀਨੇ ਪਹਿਲਾਂ ਹੀ ਰਾਸ਼ਟਰੀਏ ਰਾਜ ਮਾਰਗ ਦੀ ਸਰਵਿਸ ਲਾਈਨ ਪੁੱਟ ਕੇ ਧੱਕੇ ਨਾਲ ਪਾਇਆ ਗਿਆ ਸੀ ਨਾਜਾਇਜ਼ ਸੀਵਰੇਜ ਪਾਈਪ,ਰਹਿੰਦਾ ਕੰਮ ਪੂਰਾ ਕਰਵਾ ਕੇ ਦੋਵਾਂ ਨੇ ਕੀਤੀ ਆਪ ਨੇਤਾ ਦੀ ਚਮਚਾਗਿਰੀ
ਮੈਨੂੰ ਪੁੱਛਣ ਦਾ ਕਿਸੇ ਤੋਂ ਕੋਈ ਅਧਿਕਾਰ ਨਹੀਂ: ਐਸਡੀਓ ਸ਼ਰਮਾ
ਜਲੰਧਰ ਨਗਰ ਨਿਗਮ ਸੰਵਿਧਾਨ ਵਿਰੋਧੀ ਕਰਦਾ ਕੰਮ, ਖ਼ਾਸ ਆਦਮੀ ਪਾਰਟੀ ਸਰਕਾਰ ਦੇ ਜਾਤੀ ਮਾਨਸਿਕਤਾ ਦਾ ਕੋੜ ਦਿਮਾਗ ਚ ਰੱਖ ਕੇ ਕਰਵਾਉਂਦੇ ਨਾਜਾਇਜ਼ ਕੰਮ :- ਸੰਜੀਵ ਕੁਮਾਰ
ਸੰਜੇ ਗਾਂਧੀ ਨਗਰ ਚ ਪਾਈਪ ਲਾਈਨ ਠੀਕ ਕਰਨ ਲਈ ਟਰੈਕਟਰ ਭੇਜਣ ਦੀ ਬਜਾਏ ਨਜਾਇਜ ਕੰਮਾਂ ਚ ਕੀਤੀ ਗਈ ਵਰਤੋ:- ਕੌਂਸ-ਪਤੀ ਦਿਨੇਸ਼ ਹੀਰ
ਜਲੰਧਰ (ਲੱਕੀ ਬੈਂਸ/ ਗੁਰਪ੍ਰੀਤ ਬੱਲ) ਜਲੰਧਰ ਦੇ ਫੋਕਲ ਪੁਆਇੰਟ ਨੇੜੇ ਕੁਝ ਮਹੀਨੇ ਪਹਿਲਾ ਇਕ ਫੈਕਟਰੀ ਮਾਲਕ ਵਲੋਂ ਨਾਜਾਇਜ਼ ਤਰੀਕੇ ਨਾਲ ਆਪਣੀ ਫੈਕਟਰੀ ਦੇ ਨਿੱਜੀ ਸੀਵਰੇਜ ਦਾ ਪਾਈਪ ਰਾਸ਼ਟਰੀਏ ਰਾਜ ਮਾਰਗ ਦੀ ਸਰਵਿਸ ਲਾਈਨ ਨੂੰ ਨਾਜਾਇਜ਼ ਤਰੀਕੇ ਨਾਲ ਪੁੱਟ ਕੇ 200 ਫੁੱਟ ਦੇ ਕਰੀਬ ਪਾਈਪ ਪਾਇਆ ਜਾ ਰਿਹਾ ਸੀ ਜਿਸਦੀ ਸ਼ਿਕਾਇਤ ਹੋਣ ਕਰਕੇ ਅਤੇ ਮੀਡੀਆ ਚ ਆਉਣ ਕਰਕੇ ਕੰਮ ਨੂੰ ਬੰਦ ਕਰਵਾ ਦਿੱਤਾ ਗਿਆ ਸੀ ਪਰ ਹੁਣ ਕੁਝ ਸਮਾਂ ਪੈਣ ਤੇ ਇੱਕ ਵਾਰ ਫਿਰ ਸੰਵਿਧਾਨ ਵਿਰੋਧੀ ਖ਼ਾਸ ਆਦਮੀ ਪਾਰਟੀ ਨਾਲ ਸੈਟਿੰਗ ਕਰਕੇ ਨਗਰ ਨਿਗਮ ਜਲੰਧਰ ਦੇ XEN ਸੁਖਵਿੰਦਰ ਸਿੰਘ ਅਤੇ ਦਾਦਾ ਕਲੋਨੀ ਜੋਨ ਦੇ ਐਸਡੀਓ ਸ਼ਰਮਾ ਸਿੰਘ ਵਲੋਂ ਨਾਜਾਇਜ਼ ਤਰੀਕੇ ਨਾਲ ਮੋਟੀ ਰਕਮ ਅੰਦਰ ਕਰਕੇ ਸੀਵਰੇਜ ਦੇ ਪਾਈਪ ਨੂੰ ਨਾਜਾਇਜ਼ ਤਰੀਕੇ ਨਾਲ ਜੋੜ ਦਿੱਤਾ,ਜਾਣਕਾਰੀ ਦਿੰਦੇ ਸੰਜੀਵ ਕੁਮਾਰ ਨੇ ਦੱਸਿਆ ਕਿ ਮੁਹੱਲਾ ਸਈਪੁਰ ਕਲਾਂ ਦੀ ਅੰਬੇਡਕਰ ਪਾਰਕ ਵਿਚ ਦੀ ਦੋਸ਼ੀਆਂ ਨੇ ਪਹਿਲਾ ਵੀ ਸੀਵਰੇਜ ਪਾਈਪ ਪਾਉਣ ਦੀ ਕੋਸ਼ਿਸ਼ ਕੀਤੀ ਸੀ ਜਿਸ ਸਬੰਧੀ ਕੋਰਟ ਚ ਕੇਸ ਕਰਨ ਤੇ ਨਗਰ ਨਿਗਮ ਵਲੋਂ ਕੋਰਟ ਚ ਕਿਹਾ ਸੀ ਕਿ ਇਹ ਜ਼ਮੀਨ ਕਾਰਪੋਰੇਸ਼ਨ ਵਿਚ ਨਹੀਂ ਆਉਂਦੀ ਇਸ ਲਈ ਇਸ ਜ਼ਮੀਨ ਨੂੰ ਗਲਤ ਕਨੈਕਸ਼ਨ ਦੇ ਦਿੱਤਾ ਸੀ ਜਿਸਨੂੰ ਕੱਟ ਦਿੱਤਾ ਗਿਆ ਹੈ ਹੁਣ ਇਨੇਂ ਸਾਲ ਬਾਅਦ ਫੈਕਟਰੀ ਮਾਲਕ ਨਾਲ ਸੈਟਿੰਗ ਕਰਕੇ ਕਾਰਪੋਰੇਸ਼ਨ ਦੇ ਐਸਡੀਓ ਸ਼ਰਮਾ ਸਿੰਘ ਅਤੇ XEN ਸੁਖਵਿੰਦਰ ਸਿੰਘ ਨੇ ਇਹ ਪਾਈਪ ਲਾਈਨ ਨੂੰ ਬਿਨਾ ਕਿਸੇ ਇਜਾਜਤ ਦੇ ਸਰਵਿਸ ਲਾਈਨ ਪੁੱਟ ਕੇ ਪਵਾਇਆ ਤੇ ਜਦ ਮੀਡੀਆ ਵਲੋਂ ਇਸ ਸਬੰਧੀ ਪੁੱਛਿਆ ਗਿਆ ਕਿ ਕਿਸਦੀ ਮਨਜੂਰੀ ਨਾਲ ਇਹ ਪਾਈਪ ਪਾਇਆ ਗਿਆ ਤੇ ਐਸਡੀਓ ਦਾ ਕਹਿਣਾ ਸੀ ਕਿ ਮੈਨੂੰ ਪੁੱਛਣ ਦੀ ਤੇਰੇ ਕੋਲ ਕੀ ਅਥਾਰਟੀ ਹੈ? ਇਸ ਲਈ ਲਈ ਮੈਂ ਕੋਈ ਜਵਾਬ ਨਹੀਂ ਦੇਣਾ ਜਿਸਤੋਂ ਬਾਅਦ ਐਸਡੀਓ ਨੇ ਫੋਨ ਨਹੀਂ ਚੁੱਕਿਆ ਇਸਤੋਂ ਬਾਅਦ ਹੁਣ ਜਦ ਐਸਡੀਓ ਨੂੰ ਦਾਦਾ ਕਾਲੋਨੀ ਜੋਨ ਜਾ ਕੇ ਪਾਈਪ ਦੀ ਪੁੱਛਗਿੱਛ ਕੀਤੀ ਤੇ ਐਸਡੀਓ ਨੇ ਆਪਣੀ ਬੇਟੀ ਬਿਮਾਰ ਹੋਣ ਦਾ ਬਹਾਨਾ ਬਣਾ ਕੇ ਆਪਣੀ ਨਲਾਇਕੀ ਤੇ ਪਰਦਾ ਪਾਉਣ ਦੀ ਕੋਸ਼ਿਸ਼ ਕੀਤੀ.ਸੰਜੀਵ ਕੁਮਾਰ ਨੇ ਅੱਗੇ ਦੱਸਿਆ ਕਿ ਜਲੰਧਰ ਨਗਰ ਨਿਗਮ ਸੰਵਿਧਾਨ ਵਿਰੋਧੀ ਹੈ ਜੋ ਬਾਬਾ ਸਾਹਿਬ ਦੇ ਵਿਰੋਧ ਚ ਹੈ ਤੇ ਖ਼ਾਸ ਆਦਮੀ ਪਾਰਟੀ ਪਹਿਲਾ ਵੀ ਇਹੋ ਜਹਿਆ ਹਰਕਤਾਂ ਕਰਦਾ ਆਇਆ ਹੈ ਇਹਨਾਂ ਦੇ ਦਿਮਾਗ ਚ ਅੱਜ ਵੀ ਜਾਤਪਾਤ ਵਾਲਾ ਕੋੜ ਬੈਠਾ ਹੈ ਜੌ ਆਪਣਾ ਕੰਮ ਸੰਵਿਧਾਨਿਕ ਤਰੀਕੇ ਨਾਲ ਕਰਨ ਦੀ ਬਜਾਏ ਮਨੁਸਮਿਰਤੀ ਦੇ ਹਿਸਾਬ ਨਾਲ ਲੋਕਾਂ ਨੂੰ ਧੋਖੇ ਚ ਰੱਖਦਾ ਦਿਖਾਈ ਦੇ ਰਿਹਾ ਹੈ ਤੇ ਇਸੇ ਪ੍ਰਕਾਰ ਸੰਜੇ ਗਾਂਧੀ ਨਗਰ ਦੇ ਬਾਹਰ ਵੀ ਨਜਾਇਜ ਕੰਮ ਨੂੰ ਕਰਨ ਚ ਐਕਸੀਅਨ ਅਤੇ ਐਸਡੀਓ ਦਾ ਸਭ ਤੋਂ ਵੱਡਾ ਹੱਥ ਹੈ ਅਤੇ ਇਸ ਨਾਜਾਇਜ਼ ਅਤੇ ਧੱਕੇ ਨਾਲ ਪਾਈਪ ਪਾਉਣ ਵਾਲੇ ਸਾਰਿਆ ਦੇ ਨਾਮ ਕੋਰਟ ਚ ਦੇਣ ਦੀ ਤਿਆਰੀ ਕਰ ਲਈ ਹੈ ਦੋਸ਼ੀਆਂ ਨੂੰ ਕਿਸੇ ਵੀ ਕੀਮਤ ਤੇ ਬਖਸ਼ਿਆ ਨਹੀਂ ਜਾਵੇਗਾ ਦੂਜੇ ਪਾਸੇ ਜਦ ਇਸ ਸਬੰਧੀ ਕੌਂਸਲਰ ਪਤੀ ਦਿਨੇਸ਼ ਹੀਰ ਨਾਲ ਗੱਲ ਕੀਤੀ ਤੇ ਉਨਾਂ ਦੱਸਿਆ ਕਿ ਮੇਰੇ ਵਾਰਡ ਦੇ ਸੰਜੇ ਗਾਂਧੀ ਨਗਰ ਦੀ ਗਲੀ ਨੰ 5 ਵਿਚ ਪਾਈਪ ਲਾਈਨ ਲੀਕ ਕਰਦੀ ਸੀ ਉਸਨੂੰ ਠੀਕ ਕਰਵਾਉਣ ਲਈ ਕਈ ਵਾਰ ਗੁਜਾਰਿਸ਼ ਕਰ ਚੁੱਕਾ ਪਰ ਜਦ ਸੀਵਰੇਜ ਚੋ ਪਾਣੀ ਕੱਢਣ ਲਈ ਟਰੈਕਟਰ ਦਾ ਕਿਹਾ ਤੇ ਐਕਸੀਅਨ ਸੁਖਵਿੰਦਰ ਸਿੰਘ ਵਲੋਂ ਕਿਹਾ ਗਿਆ ਕਿ ਟਰੈਕਟਰ ਕਿਸੇ ਜ਼ਰੂਰੀ ਕੰਮ ਨੂੰ ਕਰਨ ਲਈ ਭੇਜਿਆ ਹੈ ਜਦ ਕਿ ਟਰੈਕਟਰ ਸੰਜੇ ਗਾਂਧੀ ਨਗਰ ਦੇ ਬਾਹਰ ਨਜਾਇਜ ਤਰੀਕੇ ਨਾਲ ਚਲ ਰਹੇ ਕੰਮ ਨੂੰ ਦਰੁਸਤ ਕਰਵਾਉਣ ਲਈ ਭੇਜਿਆ ਸੀ ਜਿਸਦੀਆਂ ਫੋਟੋ ਬਗੈਰਾ ਦਿਖਾਉਣ ਤੇ ਐਕਸੀਅਨ ਅਤੇ ਐਸਡੀਓ ਕੋਲ ਕੋਈ ਜਵਾਬ ਨਹੀਂ ਸੀ ਇਹਨਾਂ ਦੀਆਂ ਨਜਾਇਜ ਕੰਮ ਚ ਦਿਲਚਸਪੀ ਦੇਖ ਕੇ ਹੁਣ ਸਵਾਲ ਉੱਠਣਾ ਲਾਜ਼ਮੀ ਹੈ ਕਿ ਇਹ ਇਹ ਕੰਮ ਕਿਉ ਕਰਦੇ ਹਨ ? ਪਰ ਹੁਣ ਜਲਦ ਹੀ ਵਿਜੀਲੈਂਸ ਵਿਭਾਗ ਨੂੰ ਜਾਂਚ ਪੜਤਾਲ ਕਰਨ ਲਈ ਸ਼ਿਕਾਇਤ ਦਿੱਤੀ ਜਾਵੇਗੀ ਤਾਂ ਜੌ ਇਹਨਾਂ ਦੇ ਨਜਾਇਜ ਕੰਮਾਂ ਪ੍ਰਤੀ ਕੀਤੇ ਘਪਲੇ ਫੜੇ ਜਾਣ ਤੇ ਵਾਰਡ ਚ ਲੋਕਾਂ ਦੇ ਸਹੀ ਕੰਮ ਹੋ ਸਕਣ।


ਜਲੰਧਰ( ਸੰਜੀਵ ਕੁਮਾਰ) ਬੋਧ ਗਯਾ ਮੁਕਤੀ ਅੰਦੋਲਨ ਦੇ ਤਹਿਤ ‘ਮਸ਼ਾਲ ਮਾਰਚ’ 17 ਅਗਸਤ, 2025 ਨੂੰ ਇਤਿਹਾਸਕ ਸਥਾਨ ਅੰਬੇਡਕਰ ਭਵਨ, ਡਾ. ਅੰਬੇਡਕਰ ਮਾਰਗ, ਜਲੰਧਰ ਤੋਂ ਮਾਨਯੋਗ ਭਿਕਸ਼ੂ ਸੰਘ, ਐਡਵੋਕੇਟ ਹਰਭਜਨ ਸਾਂਪਲਾ ਅਤੇ ਧੰਮਾਂਚਾਰੀ ਬਲਦੇਵ ਰਾਜ ਜੱਸਲ ਦੀ ਅਗਵਾਈ ਵਿੱਚ ਆਰੰਭ ਹੋਇਆ। ਇਸ ਮਸ਼ਾਲ ਮਾਰਚ ਦਾ ਮਕਸਦ ਬੋਧ ਗਯਾ ਵਿਖੇ ਬੀ.ਟੀ. ਐਕਟ 1949 ਨੂੰ ਰੱਦ ਕਰਾਉਣ ਅਤੇ ਮਹਾਬੋਧੀ ਮਹਾਵਿਹਾਰ ਦਾ ਮੁਕੰਮਲ ਕੰਟਰੋਲ ਭਿਕਸ਼ੂ ਸੰਘ ਨੂੰ ਸੌਂਪਣ ਦੇ ਸਬੰਧ ਵਿੱਚ ਹੈ। ਮਸ਼ਾਲ ਮਾਰਚ ਅੰਬੇਡਕਰ ਭਵਨ, ਡਾ. ਅੰਬੇਡਕਰ ਮਾਰਗ, ਜਲੰਧਰ ਤੋਂ ਚਲਣ ਉਪਰੰਤ ਇਸ ਦਾ ਸਵਾਗਤ ਸਿਧਾਰਥ ਨਗਰ ਬੁੱਧ ਵਿਹਾਰ ਬੂਟਾ ਮੰਡੀ, ਅੰਬੇਡਕਰ ਪਾਰਕ ਬੂਟਾ ਮੰਡੀ, ਬੋਧੀ ਸਤਵ ਅੰਬੇਡਕਰ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਫੂਲਪੁਰ ਧਨਾਲ, ਜੇਤਵਨ ਬੁੱਧ ਵਿਹਾਰ, ਅੰਬੇਡਕਰ ਨਗਰ ਨਕੋਦਰ, ਅਸ਼ੋਕਾ ਬੁੱਧ ਵਿਹਾਰ ਰਵਿਦਾਸ ਨਗਰ ਨਕੋਦਰ ਅਤੇ ਬੁੱਧ ਵਿਹਾਰ ਬਾਠ ਕਲਾਂ ਵਿਖੇ ਭਰਵਾਂ ਸਵਾਗਤ ਕੀਤਾ ਗਿਆ।
ਇਸ ਤੋਂ ਬਾਅਦ ਇਹ ਮਸ਼ਾਲ ਮਾਰਚ ਫਗਵਾੜਾ ਵਿਖੇ ਪਹੁੰਚਿਆ ਅਤੇ ਡਾ. ਅੰਬੇਡਕਰ ਪਾਰਕ ਹਦੀਆਬਾਦ ਤੋਂ ਹੁੰਦਾ ਹੋਇਆ ਬੁੱਧ ਵਿਹਾਰ ਸਤਨਾਮਪੁਰਾ, ਡਾ. ਅੰਬੇਡਕਰ ਪਾਰਕ ਹਰਗੋਬਿੰਦ ਨਗਰ ਅਤੇ ਅੰਤਿਮ ਪੜਾ ਵਿੱਚ ਅੰਬੇਡਕਰ ਭਵਨ ਅਰਬਨ ਐਸਟੇਟ ਫਗਵਾੜਾ ਵਿਖੇ ਪਹੁੰਚਿਆ ਜਿੱਥੇ ਸਮੂਹ ਸ੍ਰੀ ਗੁਰੂ ਰਵਿਦਾਸ ਸਭਾ, ਅੰਬੇਡਕਰ ਸੈਨਾ ਮੂਲ ਨਿਵਾਸੀ, ਸੰਘ ਮਿਤਾ ਬੁੱਧ ਵਿਹਾਰ, ਡਾ. ਅੰਬੇਡਕਰ ਪਾਰਕ ਹਦੀਆਬਾਦ ਦੀ ਪ੍ਰਬੰਧਕ ਕਮੇਟੀ ਵੱਲੋਂ ਮਸ਼ਾਲ ਮਾਰਚ ਦਾ ਜੋਸ਼ੋ ਖਰੋਸ਼ ਨਾਲ ਸਵਾਗਤ ਕੀਤਾ ਗਿਆ।
ਡਾ. ਅੰਬੇਡਕਰ ਭਵਨ ਅਰਬਨ ਐਸਟੇਟ ਫਗਵਾੜਾ ਵਿਖੇ ਭਰਵੇਂ ਇਕੱਠ ਨੂੰ ਐਡਵੋਕੇਟ ਹਰਭਜਨ ਸਾਂਪਲਾ, ਧੰਮਾਚਾਰੀਆ ਅਚਲ ਕਿਰਤੀ, ਭਿਕਸ਼ੁਣੀ ਧਮਾ ਆਨੰਦ, ਸ੍ਰੀ ਗੁਰੂ ਰਵਿਦਾਸ ਸਭਾ ਦੇ ਜਨਰਲ ਸਕੱਤਰ ਸ਼੍ਰੀ ਘਣਸ਼ਾਮ ਅਤੇ ਹੋਰ ਬਹੁਤ ਸਾਰੇ ਵਿਦਵਾਨ ਬੁਲਾਰਿਆਂ ਨੇ ਸੰਬੋਧਨ ਕੀਤਾ।
ਭ੍ਰਸ਼ਟ ਮੁਲਾਜਮਾ ਦੀ ਪੁਲਿਸ ਕਮਿਸ਼ਨਰ ਧੰਨਪ੍ਰੀਤ ਕੌਰ ਅਤੇ ਏ ਸੀ ਪੀ ਨੋਰਥ ਰਿਸ਼ਭ ਭਾਟੀਆ ਜੀ ਨੂੰ ਕੀਤੀ ਗਈ ਸ਼ਿਕਾਇਤ
ਪੁ-ਕਮਿ ਮੈਡਮ ਧੰਨਪ੍ਰੀਤ ਕੌਰ ਦੇ ਆਦੇਸ਼ ਅਨੁਸਾਰ ਏ ਸੀ ਪੀ ਨੋਰਥ ਵਲੋਂ ਇਲਾਕੇ ਚ ਗੇੜਾ ਮਾਰਨ ਤੋਂ ਪਹਿਲਾ ਹੀ ਚੋਂਕੀ ਫੋ-ਪੁ ਪੁਲਿਸ ਨੇ ਡਾ ਦੀ ਦੁਕਾਨ ਬੰਦ ਕਰਵਾ ਕੇ ਡਾ ਨੂੰ ਕੀਤਾ ਫਰਾਰ

ਚੋਂਕੀ ਫੋਕਲ ਪੁਆਇੰਟ ਦੇ ਭ੍ਰਸ਼ਟ ਮੁਲਾਜਮਾਂ ਨੂੰ ਨੰਗਾ ਕਰਨਗੇ ਚੋਂਕੀ ਚ ਲਗੇ ਸੀ ਸੀ ਟੀਵੀ ਕੈਮਰੇ
ਜਲੰਧਰ(ਸੰਜੀਵ ਕੁਮਾਰ) ਵੈਸੇ ਤੇ ਆਮ ਲੋਕਾਂ ਵਲੋਂ ਹਰ ਇੱਕ ਚੀਜ਼ ਤੇ ਲੱਖਾਂ ਰੁਪਏ ਟੈਕਸ ਦੇ ਕੇ ਲੋਕ ਆਪਣੇ ਆਪਣੇ ਇਲਾਕੇ ਚ ਸਫਾਈ ਅਤੇ ਸਿਹਤ ਸਹੂਲਤਾਂ ਮਿਲਣ ਦੀ ਸਰਕਾਰ ਤੋਂ ਹਰ ਇੱਕ ਵਿਅਕਤੀ ਆਸ ਕਰਦਾ ਹੈ ਪਰ ਸਹੂਲਤ ਕੋਈ ਵੀ ਨਹੀਂ ਮਿਲਦੀ ਪਰ ਜੇਕਰ ਦੇਖਿਆ ਜਾਵੇ ਤੇ ਪੰਜਾਬ ਚ ਸਭ ਤੋਂ ਜਿਆਦਾ ਗੰਦ ਨਸ਼ੇ ਨੇ ਪਾਇਆ ਹੈ ਤੇ ਇਸ ਗੰਦ ਨੂੰ ਸਾਫ ਕਰਨ ਲਈ ਜਿਥੇ ਪੰਜਾਬ ਸਰਕਾਰ ਨੇ ਯੁੱਧ ਨਸ਼ਿਆਂ ਵਿਰੁੱਧ ਇੱਕ ਮੁਹਿੰਮ ਚਲਾਈ ਹੈ ਉਸ ਮੁਹਿੰਮ ਦੀਆ ਧੱਜੀਆਂ ਉਡਾਉਂਣ ਚ ਪੰਜਾਬ ਪੁਲਿਸ ਹੀ ਸਭ ਤੋਂ ਜਿਆਦਾ ਅੱਗੇ ਹੈ ਕਿਉਂਕਿ ਇਹ ਨਸ਼ਾ ਬਿਕਾਉਂਣ ਚ ਪੰਜਾਬ ਪੁਲਿਸ ਦੀ ਪੂਰੀ ਪੂਰੀ ਸ਼ਹਿ ਹੈ ਤੇ ਇਹ ਕੰਮ ਲੋਕਾਂ ਦੇ ਅੱਖੀ ਕੱਟਾ ਪਾ ਕੇ ਸ਼ਰੇਆਮ ਬਿਨਾ ਕਿਸੇ ਡਰ ਤੋਂ ਹਰ ਪਾਸੇ ਹੁੰਦਾ ਦਿਖਾਈ ਦਿੰਦਾ ਹੈ ਅਜਿਹਾ ਹੀ ਮਾਮਲਾ ਚੋਂਕੀ ਫੋਕਲ ਪੁਆਇੰਟ ਚ ਦੇਖਣ ਨੂੰ ਮਿਲਿਆ ਜਿਥੇ ਚੋਂਕੀ ਫੋਕਲ ਪੁਆਇੰਟ ਪੁਲਿਸ ਦੀ ਸ਼ਹਿ ਤੇ ਇੱਕ ਬਿਨਾ ਡਿਗਰੀ ਦੇ ਝੋਲਾਛਾਪ ਡਾ ਰਿਸ਼ੀ ਨਾਮ ਦੇ ਵਿਅਕਤੀ ਵਲੋਂ ਲੰਬੇ ਸਮੇਂ ਤੋਂ ਨਸ਼ੇ ਦਾ ਵਪਾਰ ਕੀਤਾ ਜਾ ਰਿਹਾ ਜਿਸਤੋ ਚੋਂਕੀ ਫੋਕਲ ਪੁਆਇੰਟ ਹਵਤਾ ਲੈ ਕੇ ਇਹ ਕੰਮ ਕਰਵਾਉਂਣ ਚ ਆਪਣੀ ਅਹਿਮ ਭੂਮਿਕਾ ਅਦਾ ਕਰਦੀ ਆ ਰਹੀ ਹੈ ਪਰ ਕੁਝ ਦਿਨ ਪਹਿਲਾ ਚੋਂਕੀ ਫੋਕਲ ਪੁਆਇੰਟ ਨੂੰ ਹਵਤਾ ਸਮੇਂ ਸਿਰ ਨਹੀਂ ਪਹੁੰਚਿਆ ਜਿਸ ਤੇ ਚੋਂਕੀ ਫੋਕਲ ਦੇ ਇੱਕ ਪੁਲਿਸ ਮੁਲਾਜਮ ਵਲੋਂ ਦੁਕਾਨ ਤੇ ਛਾਪਾ ਮਾਰਿਆ ਜਿਸ ਚ ਨਸ਼ੇ ਦੀਆ ਗੋਲੀਆਂ ਅਤੇ ਕੈਪਸੂਲ ਬਰਾਮਦ ਹੋਏ ਜਦ ਇਸ ਸੰਬੰਧੀ ਚੋਂਕੀ ਫੋਕਲ ਪੁਆਇੰਟ ਦੇ ਇੰਚਾਰਜ ਨਾਲ ਗੱਲ ਕੀਤੀ ਤੇ ਊਨਾ ਨੇ ਕਿਹਾ ਕਿ ਇਹੋ ਜਿਹਾ ਕੋਈ ਵੀ ਮਾਮਲਾ ਮੇਰੇ ਧਿਆਨ ਚ ਨਹੀਂ ਹੈ ਜਦ ਇਸਦੀ ਪੂਰੀ ਤਹਿ ਤੱਕ ਪੜਤਾਲ ਕੀਤੀ ਗਈ ਤੇ ਇਸਤੋਂ ਸਾਫ ਨਜਰ ਆਇਆ ਕਿ ਚੋਂਕੀ ਫੋਕਲ ਪੁਲਿਸ ਦੇ ਇੰਚਾਰਜ ਝੂਠ ਬੋਲ ਰਹੇ ਹਨ ਤੇ ਇੰਚਾਰਜ ਦੀ ਪੋਲ ਖੁਲਦੇ ਦੇਖ ਕੁਝ ਪੁਲਿਸ ਮੁਲਾਜਮ ਇਸ ਮਾਮਲੇ ਨੂੰ ਸ਼ਾਂਤ ਕਰਨ ਦੀ ਤਿਆਰੀ ਚ ਹਨ ਜਿਸਦੀ ਸਾਰੀ ਜਾਣਕਾਰੀ ਪੁਲਿਸ ਕਮਿਸ਼ਨਰ ਮੈਡਮ ਧੰਨਪ੍ਰੀਤ ਕੌਰ ਜੀ ਨੂੰ ਦਿੱਤੀ ਜਿਨਾਂ ਨੇ ਤੁਰੰਤ ਏ ਸੀ ਪੀ ਨੋਰਥ ਨੂੰ ਜਾਂਚ ਕਰਨ ਦੇ ਆਦੇਸ਼ ਦਿੱਤੇ ਅਤੇ ਮੌਕਾ ਦੇਖਣ ਲਈ ਵੀ ਕਿਹਾ ਪਰ ਏ ਸੀ ਪੀ ਨੋਰਥ ਦੇ ਗੇੜੇ ਤੋਂ ਪਹਿਲਾ ਹੀ ਚੋਂਕੀ ਫੋਕਲ ਪੁਆਇੰਟ ਪੁਲਿਸ ਨੇ ਡਾ ਦੀ ਦੁਕਾਨ ਬੰਦ ਕਰਵਾ ਕੇ ਤੁਰੰਤ ਉਸਨੂੰ ਫਰਾਰ ਕਰਨ ਚ ਆਪਣਾ ਬਚਾਅ ਸਮਝਿਆ. ਹੁਣ ਇਹ ਸਾਰੇ ਮਾਮਲਾ ਦੀ ਪੋਲ ਚੋਂਕੀ ਫੋਕਲ ਪੁਆਇੰਟ ਚ ਲਗੇ ਸੀ ਸੀ ਟੀ ਵੀ ਕੈਮਰੇ ਖੋਲਣਗੇ ਜਿਸ ਚ ਚੋਂਕੀ ਫੋਕਲ ਪੁਆਇੰਟ ਦੇ ਮੁਲਾਜਮ ਡਾ ਰਿਸ਼ੀ ਨਾਲ ਸਾਰੀ ਸੈਟਿੰਗ ਕਰਦੇ ਨਜ਼ਰ ਆਉਣਗੇ ਇਹ ਮਾਮਲੇ ਦੀ ਹੁਣ ਏ ਡੀ ਸੀ ਪੀ ਸਿਟੀ 1 ਵਲੋਂ ਜਾਂਚ ਕਰਵਾਈ ਜਾਵੇਗੀ ਤੇ ਡਾ ਅਤੇ ਇਸ ਤੋਂ ਇਲਾਵਾ ਹੋਰ ਵੀ ਜਿੰਨੇ ਲੋਕ ਚੋਂਕੀ ਫੋਕਲ ਪੁਆਇੰਟ ਦੀ ਸ਼ਹਿ ਤੇ ਨਸ਼ਾ ਵੇਚ ਰਹੇ ਸਭ ਸਾਫ ਹੋਣ ਵਾਲਾ ਹੈ ਕਿਉਂਕਿ ਚੋਂਕੀ ਫੋਕਲ ਪੁਆਇੰਟ ਵਲੋਂ ਪਹਿਲਾ ਤੇ ਲੋਕਾਂ ਤੋਂ ਨਸ਼ਾ ਖਤਮ ਕਰਨ ਲਈ ਸਹਿਯੋਗ ਮੰਗਿਆ ਜਾਂਦਾ ਹੈ ਜਦ ਕੋਈ ਸਾਥੀ ਇਮਾਨਦਾਰੀ ਨਾਲ ਇਹਨਾਂ ਨੂੰ ਨਸ਼ੇਬਾਜ਼ ਲੋਕਾਂ ਬਾਰੇ ਦੱਸਦਾ ਹੈ ਤੇ ਇਹ ਨਸ਼ਾ ਵੇਚਣ ਵਾਲੇ ਤਸਕਰਾਂ,ਦਲਾਲਾਂ ਨੂੰ ਦਸ ਦਿੰਦੇ ਕਿ ਤੁਹਾਡੇ ਬਾਰੇ ਇੰਨੇ ਲੋਕਾਂ ਨੂੰ ਪਤਾ ਹੈ ਤੇ ਨਸ਼ਾ ਤਸਕਰ,ਦਲਾਲ ਆਪਣੀ ਦੁਕਾਨ ਬੰਦ ਹੁੰਦੇ ਦੇਖ ਉਸ ਵਿਅਕਤੀ ਨੂੰ ਆਪਣਾ ਦੁਸ਼ਮਣ ਮਨ ਲੈਂਦੇ ਹਨ ਤੇ ਚੋਂਕੀ ਫੋਕਲ ਪੁਆਇੰਟ ਪੁਲਿਸ ਨਸ਼ੇ ਦੀ ਕਮਾਈ ਚੋ ਆਪਣਾ ਹਿੱਸਾ ਲੈ ਕੇ ਆਪਣੀਆ ਜੇਬਾਂ ਭਰਨ ਚ ਮਸਤ ਰਹਿੰਦੀ ਹੈ.ਕੀ ਇਹੋ ਜਹਿ ਦੋਗਲੀ ਮੁਹਿੰਮ ਨਾਲ ਨਸ਼ਾ ਖਤਮ ਕੀਤਾ ਜਾ ਸਕਦਾ ਇਹ ਤੇ ਹੁਣ ਸਮਾਂ ਹੀ ਦਸੇਗਾ


ਚੋਂਕੀ ਫੋਕਲ ਪੁਆਇੰਟ ਪੁਲਿਸ ਬਣੀ ਨਸ਼ੇੜੀਆਂ ਅਤੇ ਗੁੰਡਾ ਅਨਸਰਾਂ ਲਈ ਸ਼ੈਲਟਰ
ਬੁੱਤ ਨੂੰ ਨੁਕਸਾਨ ਪਹੁੰਚਾ ਕੇ ਕਦੀ ਵੀ ਖੇਡੀ ਜਾ ਸਕਦੀ ਗੰਦੀ ਰਾਜਨੀਤੀ
ਡਾ ਅੰਬੇਡਕਰ ਜੀ ਦੇ ਬੁੱਤ ਨੇੜੇ ਸ਼ਰਾਬ ਪੀਣ ਵਾਲਿਆਂ ਨੂੰ ਚੋਂਕੀ ਫੋਕਲ ਪੁਆਇੰਟ ਨੇ ਦਿੱਤੀ ਹੈ ਖੁੱਲੀ ਛੁੱਟੀ:- ਭਾਰਤ ਰਤਨ ਡਾਕਟਰ ਬੀ ਆਰ ਅੰਬੇਡਕਰ ਵੈੱਲਫੇਅਰ ਸੋਸਾਇਟੀ
ਜਲੰਧਰ (ਸੰਜੀਵ ਕੁਮਾਰ )ਮੁਹੱਲਾ ਸਈਪੁਰ ਕਲਾਂ ਦੀ ਡਾ ਭੀਮ ਰਾਓ ਅੰਬੇਡਕਰ ਪਾਰਕ ਦੀ ਸੁਰੱਖਿਆ ਨੂੰ ਲੈ ਕੇ ਭਾਰਤ ਰਤਨ ਡਾ ਬੀ ਆਰ ਅੰਬੇਡਕਰ ਵੈੱਲਫੇਅਰ ਸੋਸਾਇਟੀ ਦੇ ਪ੍ਰਧਾਨ ਯੋਗਰਾਜ ਵਲੋਂ ਵਾਰ ਵਾਰ ਚੋਂਕੀ ਫੋਕਲ ਪੁਆਇੰਟ ਨੂੰ ਸ਼ਿਕਾਇਤ ਦਿੱਤੀ ਜਾ ਰਹੀ ਹੈ ਪਰ ਚੋਂਕੀ ਫੋਕਲ ਪੁਆਇੰਟ ਵਲੋਂ ਜਾਣਬੁਝ ਕੇ ਦੋਸ਼ੀਆਂ ਨਾਲ ਹਮਸਲਾਹ ਹੋ ਕੇ ਬਾਬਾ ਸਾਹਿਬ ਜੀ ਦੇ ਬੁੱਤ ਦੀ ਸੁਰੱਖਿਆ ਵਿਚ ਅਣਗਹਿਲੀ ਵਰਤੀ ਜਾ ਰਹੀ ਹੈ ਜਿਸਤੇ ਦੋ ਮਹੀਨੇ ਪਹਿਲਾ ਬਾਬਾ ਸਾਹਿਬ ਦੇ ਬੁੱਤ ਨੇੜੇ ਸ਼ਰਾਬੀਆਂ ਵਲੋਂ ਸ਼ਰਾਬ ਦਾ ਅਹਾਤਾ ਬਣਾ ਕੇ ਸ਼ਰੇਆਮ ਗੁੰਡਾਗਰਦੀ ਕਰਨ ਦੀ ਘਟਨਾ ਵੀ ਸਾਹਮਣੇ ਆ ਚੁੱਕੀ ਹੈ ਜਿਸਤੋ ਇਹ ਅੰਦਾਜ਼ਾ ਲਗਾਇਆ ਜਾ ਸਕਦਾ ਕਿ ਪੁਲਿਸ ਹੁਣ ਆਮ ਲੋਕਾਂ ਦੇ ਟੈਕਸ ਤੇ ਨਸ਼ੇੜੀਆਂ ਦੀ ਸੁਰੱਖਿਆ ਚ ਸ਼ੈਲਟਰ ਬਣੀ ਹੈ ਜਿਸਤੇ ਫੋਕਲ ਪੁਆਇੰਟ ਇਲਾਕੇ ਚ ਨਸ਼ੇ ਦਾ ਕਾਰੋਬਾਰ ਸ਼ਰੇਆਮ ਹੁੰਦਾ ਅਤੇ ਸੜਕ ਤੇ ਰੇਹੜੀਆਂ ਵਾਲੇ ਸ਼ਰਾਬ ਪਿਲਾ ਰਹੇ ਹਨ.ਫੋਕਲ ਪੁਆਇੰਟ ਨੂੰ ਛੱਡੋ ਪੁਲਿਸ ਚੋਂਕੀ ਤੋਂ ਸੋ ਮੀਟਰ ਦੇਹ ਵਪਾਰ ਦਾ ਅੱਡਾ ਵੀ ਦੋ ਸਾਲ ਤੋਂ ਚਲ ਰਿਹਾ ਜਿਸਨੂੰ ਬੰਦ ਕਰਨ ਚ ਪੁਲਿਸ ਅਸਫਲ ਹੋਈ ਹੈ ਤੇ ਹਵਤਾ ਲੈ ਕੇ ਆਪਣੀਆਂ ਜੇਬਾ ਭਰਨ ਚ ਲਗੀ ਹੈ ਜੇਕਰ ਇਸ ਇਲਾਕੇ ਚ ਇਸੇ ਤਰਾਂ ਰਿਹਾ ਤੇ ਅੰਬੇਡਕਰ ਪਾਰਕ ਚ ਜਿਸ ਤਰਾਂ ਬੁੱਤ ਦੀ ਸੁਰੱਖਿਆ ਲਈ ਸੀ ਸੀ ਟੀ ਵੀ ਕੈਮਰਾ ਟੁੱਟਿਆ ਹੈ ਇਸੇ ਤਰਾਂ ਕੋਈ ਵੀ ਬੁੱਤ ਨਾਲ ਸ਼ਰਾਰਤ ਹੋ ਸਕਦੀ ਹੈ ਤੇ ਇਹ ਕੰਮ ਕਰਵਾਉਂਣ ਵਿਚ ਚੋਂਕੀ ਫੋਕਲ ਪੁਲਿਸ ਦੀ ਅਹਿਮ ਭੂਮਿਕਾ ਹੋਵੇਗੀ ਤਾ ਜੋ ਅੰਬੇਡਕਰ ਪਾਰਕ ਚ ਆਮ ਆਦਮੀ ਪਾਰਟੀ ਨੂੰ ਗੰਦੀ ਰਾਜਨੀਤੀ ਕਰਨ ਦਾ ਮੌਕਾ ਦਿੱਤਾ ਜਾ ਸਕੇ.ਇਸ ਪਾਰਕ ਦੀ ਸੁਰੱਖਿਆ ਨੂੰ ਲੈ ਕੇ ਜਲੰਧਰ ਦੀ ਪੁਲਿਸ ਕਮਿਸ਼ਨਰ ਧੰਨਪ੍ਰੀਤ ਕੌਰ ਨੂੰ ਪੂਰੀ ਜਾਣਕਾਰੀ ਦਿੱਤੀ ਜਾ ਚੁੱਕੀ ਹੈ ਜਿਨ੍ਹਾਂ ਨੇ ਏ ਡੀ ਸੀ ਪੀ ਸਿਟੀ 1 ਨੂੰ ਪੜਤਾਲ ਕਰਨ ਦੇ ਆਦੇਸ਼ ਦਿੱਤੇ ਹਨ ।
ਜੇਕਰ ਗੱਲ ਕਰੀਏ ਏ ਸੀ ਪੀ ਨੋਰਥ ਰਿਸ਼ਭ ਭਾਟੀਆ ਦੀ ਤੇ ਊਨਾ ਨੂੰ ਸਾਰੇ ਸਬੂਤ ਦਿੱਤੇ ਜਾ ਚੁਕੇ ਪਰ ਇਹ ਵੀ ਲੋਕਾਂ ਨੂੰ ਮੰਗੇਰੀ ਲਾਲ ਦੇ ਸੁਪਨੇ ਦਿਖਾ ਕੇ ਵਾਹ ਵਾਹ ਖੱਟਣ ਚ ਮਸਤ ਦਿਖਾਈ ਦੇ ਰਹੇ ਪਰ ਸੁਰੱਖਿਆ ਜ਼ੀਰੋ ਨਜਰ ਆ ਰਹੀ ਹੈ ਇਥੇ ਜੇਕਰ ਗੱਲ ਕਰੀਏ ਇਲਾਕੇ ਦੇ ਕੌਂਸਲਰ ਦੀ ਤੇ ਉਨਾ ਨੂੰ ਵੀ ਇਸ ਪਾਰਕ ਦੀ ਸੁਰੱਖਿਆ ਲਈ ਕਈ ਵਾਰ ਕਹਿ ਚੁੱਕੇ, ਪਰ ਕੌਂਸਲਰ ਦਾ ਕਹਿਣਾ ਹੈ ਕਿ ਕਈ ਵਾਰ ਪੁਲਿਸ ਮੁਲਾਜਮ ਪਾਰਕ ਚ ਸੁਰੱਖਿਆ ਲਈ ਆਉਂਦੇ ਤੇ ਹਨ ਪਰ ਸਿਰਫ ਸੌਣ ਲਈ ਆਉਂਦੇ ਹਨ ਨਾ ਕਿ ਸੁਰੱਖਿਆ ਲਈ ਊਨਾ ਅੱਗੇ ਕਿਹਾ ਕਿ ਮੈਂ ਕਈ ਵਾਰ ਪੁਲਿਸ ਮੁਲਾਜਮਾਂ ਨੂੰ ਗੱਡੀ ਚ ਸੋਂਦੇ ਦੇਖਿਆ ਹੈ ਤੇ ਪੁਲਿਸ ਦੀ ਸੁਰੱਖਿਆ ਨਾ ਮਾਤਰ ਹੁੰਦੀ ਹੈ ਜਿਸਨੂੰ ਲੈ ਕੇ ਜਲਦ ਪੰਜਾਬ ਦੇ ਮੁੱਖ ਮੰਤਰੀ ਨੂੰ ਇੱਕ ਪੱਤਰ ਲਿਖਿਆ ਜਾਵੇਗਾ।

ਮੁਹੱਲੇ ਦੇ ਲੋਕ ਮੂੰਹ ਖੋਲਣ ਨੂੰ ਤਿਆਰ ਨਹੀਂ ਅਤੇ ਸੀਸੀਟੀਵੀ ਦੀ ਰਿਕਾਰਡਿੰਗ ਦਿਖਾਉਣ ਲਈ ਵੀ ਨਹੀਂ ਤਿਆਰ
ਥਾਣਾ 8 ਦੇ ਲਾਪਰਵਾਹ ਮੁਲਾਜ਼ਮ ਜਗਦੀਸ਼ ਲਾਲ ਨੇ ਕਿਹਾ ਇਹ ਰੱਬ ਦਾ ਬੰਦਾ ਹੈ ਰੱਬ ਆਪ ਹੀ ਦੋਸ਼ਿਆਂ ਨੂੰ ਸਜ਼ਾ ਦੇਵੇਗਾ,ਫਿਰ ਪੁਲਿਸ ਸਟੇਸ਼ਨ ਸਰਕਾਰ ਨੇ ਕਿ ਪੈਸੇ ਖਾਣ ਨੂੰ ਖੋਲਿਆ??ਕੌਣ ਦਵੇਗਾ ਇਨਸਾਫ
ਤੁਸੀਂ ਸ਼ਿਕਾਇਤ ਲਿਖਵਾ ਦਵੋ ਮੈਂ ਖੁਦ ਦੇਖਦਾ:- ਮੁੱਖ ਅਫਸਰ ਡਿਵੀਜਨ ਨੰ 8
ਜਲੰਧਰ (ਸੰਜੀਵ ਕੁਮਾਰ) ਬੀਤੀ 27 ਜੂਨ ਛੋਟਾ ਸਈਪੁਰ ਵਾਸੀ ਅਮਨਪ੍ਰੀਤ ਜੋ ਕਿ ਮੰਦਬੁੱਧੀ ਹੋਣ ਦੇ ਨਾਲ ਦੋਵੇਂ ਲੱਤਾਂ ਤੋਂ ਅਪਾਹਜ ਹੈ ਅਤੇ ਬੋਲ ਵੀ ਨਹੀਂ ਸਕਦਾ ਆਪਣੇ ਘਰੋਂ ਉਸ ਵਕਤ ਬਾਹਰ ਨਿਕਲ ਗਿਆ ਜਦੋਂ ਉਸਦੇ ਮਾਤਾ ਜੀ ਨਹਾ ਰਹੇ ਸਨ ਕਾਫੀ ਦੇਰ ਲੱਭਣ ਤੋਂ ਬਾਦ ਜਦੋਂ ਮਾਂ ਨੇ ਕੁੱਝ ਹੀ ਦੂਰੀ ਤੇ ਜਾ ਕੇ ਦੇਖਿਆ ਤਾਂ ਲੜਕਾ ਆਪਣੇ ਚਾਚੇ ਦੇ ਘਰ ਬੈਠਾ ਰੋ ਰਿਹਾ ਸੀ ਅਤੇ ਬਾਹਰ ਨੂੰ ਇਸ਼ਾਰੇ ਕਰ ਰਿਹਾ ਸੀ ਜਦੋਂ ਸ਼ਰੀਰ ਤੇ ਕੁੱਟਮਾਰ ਦੇ ਨਿਸ਼ਾਨ ਦੇਖੇ ਤਾਂ ਆਸੇ-ਪਾਸੇ ਪੁੱਛ ਗਿੱਛ ਕੀਤੀ ਤਾਂ ਕੋਈ ਵੀ ਕੁੱਝ ਕਹਿਣ ਨੂੰ ਤਿਆਰ ਨਹੀਂ ਹੋਇਆ ਆਖਰ ਪੀੜਿਤ ਪਰਿਵਾਰ ਥਾਣਾ 8 ਪਹੁੰਚ ਗਿਆ ਅਤੇ ਕਨੂੰਨ ਦਾ ਸਹਾਰਾ ਲੈਣ ਦੀ ਕੋਸ਼ਿਸ਼ ਕੀਤੀ ਉਥੇ ਵੀ ਜਦੋਂ ਪੁਲਿਸ ਮੁਲਾਜ਼ਮ ਜਗਦੀਸ਼ ਲਾਲ ਜੀ ਨਾਲ ਗੱਲ ਕੀਤੀ ਤਾਂ ਜੁਆਬ ਮਿਲਿਆ ਕਿ ਕੋਈ ਸਬੂਤ ਜਾਂ ਗਵਾਹ ਹੈ ਕਿਓਂਕਿ ਇਹ ਖ਼ੁਦ ਤਾਂ ਬੋਲ ਨਹੀਂ ਸਕਦਾ ਜੇਕਰ ਕੋਈ ਗਵਾਹ ਨਹੀਂ ਹੈ ਤੇ ਤੁਸੀਂ ਘਰ ਜਾਓ ਇਹ ਤਾਂ ਰੱਬ ਦਾ ਬੰਦਾ ਹੈ ਰੱਬ ਆਪ ਹੀ ਦੋਸ਼ੀਆਂ ਨੂੰ ਸਜ਼ਾ ਦੇ ਦੇਵੇਗਾ।
ਪੀੜਿਤ ਪਰਿਵਾਰ ਦੇ ਕਿਸੇ ਜਾਣਕਾਰ ਨੇਂ ਜਦੋਂ ਮਾਨਯੋਗ SHO ਸਾਹਿਬ ਨਾਲ ਗੱਲ ਕੀਤੀ ਅਤੇ ਮੁਲਾਜਮ ਜਗਦੀਸ਼ ਵੱਲੋ ਮਿਲੇ ਸੁਝਾਅ ਤੇ ਅਪੱਤੀ ਜਤਾਈ ਤਾਂ ਜਾ ਕੇ ASI ਧਰਮਪਾਲ ਜੀ ਨੇਂ ਦਰਖ਼ਾਸਤ ਲਿਖੀ ਅਤੇ ਨਾਲ ਹੀ ਸਲਾਹ ਵੀ ਦੇ ਦਿੱਤੀ ਕਿ ਤੁਸੀਂ ਮੁਹੱਲੇ ਜਾ ਕੇ ਇਨਕੁਆਰੀ ਕਰੋ ਅਤੇ ਸੀਸੀਟੀਵੀ ਦੀ ਫੁਟੇਜ ਲਿਆਕੇ ਦੇ ਦਿਓ ਬਾਕੀ ਅਸੀਂ ਖ਼ੁਦ ਹੀ ਦੇਖ ਲਵਾਂਗੇ।
ਹੁਣ ਗਰੀਬ ਪੀੜਿਤ ਪਰਿਵਾਰ ਕਰੇ ਤਾਂ ਕੀ ਕਰੇ।ਜੇਕਰ ਪੀਡ਼ਤ ਨੇ ਹੀ ਸਾਰਾ ਕੁਝ ਕਰਨਾ ਤੇ ਪੁਲਿਸ ਸਟੇਸ਼ਨ ਕਿਸ ਕੰਮ ਲਈ ਖੋਲਿਆ ?
ਹੁਣ ਸਵਾਲ ਉੱਠਦਾ ਹੈ ਕਿ ਪੁਲਿਸ ਦੀ ਡਿਊਟੀ ਸਿਰਫ ਪੈਸੇ ਖਾਣ ਦੀ ਹੈ ਜਾਂ ਕਿਸੇ ਨੂੰ ਇਨਸਾਫ ਦੇਣ ਦੀ ? ਇਸ ਮੂਦੇ ਨੂੰ ਲੈ ਕੇ ਪੀੜਿਤ ਪੱਖ ਜਲਦ ਹੀ ਪੁਲਿਸ ਕਮਿਸ਼ਨਰ ਧੰਨਪ੍ਰੀਤ ਕੌਰ ਨੂੰ ਲਿਖਿਤ ਸ਼ਿਕਾਇਤ ਦੇਣ ਦੀ ਤਿਆਰੀ ਕਰਨ ਚ ਲਗਾ ਹੈ।

ਫਿਲੌਰ/ ਜਲੰਧਰ3 ਜੂਨ(ਸੰਜੀਵ ਕੁਮਾਰ)
ਪਿੰਡ ਨੰਗਲ ਵਿਖੇ ਬਾਬਾ ਸਾਹਿਬ ਡਾਕਟਰ ਭੀਮ ਰਾਓ ਅੰਬੇਡਕਰ ਜੀ ਦੇ ਸਟੈਂਚੂ ਦੇ ਨਿਰਾਦਰ ਦੇ ਮਸਲੇ ਨੂੰ ਪ੍ਰਸ਼ਾਸਨ ਸੰਜੀਦਗੀ ਨਾਲ ਲਵੇ ਤਾਂ ਜੋ ਭਵਿੱਖ ਵਿੱਚ ਅਜਿਹੀ ਘਟਨਾ ਨਾ ਵਾਪਰੇ ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਕਰਦਿਆਂ ਦਲਿਤ ਸਮਾਜ ਪੰਜਾਬ ਦੇ ਆਗੂ ਅੰਮ੍ਰਿਤਪਾਲ ਭੌਂਸਲੇ ਫਿਲੌਰ ਨੇ ਕਿਹਾ ਕਿ ਬਾਬਾ ਸਾਹਿਬ ਅੰਬੇਡਕਰ ਜੀ ਨੇ ਇਸ ਦੇਸ਼ ਸੰਵਿਧਾਨ ਵਿੱਚ ਹਰੇਕ ਸਮਾਜ ਦੇ ਅਤੇ ਹਰੇਕ ਵਰਗ ਦੇ ਲੋਕਾਂ ਨੂੰ ਬਰਾਬਰ ਦੇ ਹੱਕ ਦਿੱਤੇ ਅਤੇ ਨਾਰੀ ਜਾਤੀ ਅਤੇ ਸਮੁੱਚੀ ਮਨੁੱਖਤਾ ਦੇ ਭਲੇ ਲਈ ਆਪਣਾ ਸਰਬੰਸ ਵਾਰਿਆ ਉਨ੍ਹਾਂ ਦਾ ਵਾਰ ਵਾਰ ਅਪਮਾਨ ਕੀਤਾ ਜਾਣਾ ਚਿੰਤਾ ਦਾ ਵਿਸ਼ਾ ਹੈ। ਸ੍ਰੀ ਭੌਂਸਲੇ ਦੱਸਿਆ ਕਿ ਅੱਜ ਸਮੂਹ ਗੁਰੂ ਰਵਿਦਾਸ ਸਭਾਵਾਂ ਤੇ ਅੰਬੇਡਕਰੀ ਜੱਥੇਬੰਦੀਆਂ ਦਾ ਵਫ਼ਦ ਸਥਾਨਕ ਡੀਐਸਪੀ ਫਿਲੌਰ ਸ. ਸਰਬਣ ਸਿੰਘ ਬੱਲ ਨੂੰ ਮਿਲਿਆ ਅਤੇ ਪੁਲਿਸ ਪ੍ਰਸ਼ਾਸਨ ਵਲੋਂ ਕੀਤੀ ਜਾ ਰਹੀ ਜਾਂਚ ਕਿਥੇ ਪੁੱਜੀ ਦਾ ਪਤਾ ਕੀਤਾ ਅਤੇ ਪ੍ਰਸ਼ਾਸਨ ਨੂੰ ਚਿਤਾਵਨੀ ਦਿੱਤੀ ਕਿ ਜੇਕਰ ਜਲਦ ਦੋਸ਼ੀਆਂ ਦੀ ਭਾਲ ਨਾ ਕੀਤੀ ਤਾਂ ਸਾਨੂੰ ਸੂਬਾ ਪੱਧਰੀ ਅੰਦੋਲਨ ਲਈ ਮਜ਼ਬੂਰ ਹੋਣਾ ਪਵੇਗਾ।

ਉਨ੍ਹਾਂ ਸਮਾਜ ਨੂੰ ਵੱਡੀ ਲਾਮਬੰਦੀ ਦਾ ਸੱਦਾ ਦਿੰਦਿਆਂ ਕਿਹਾ ਕਿ ਸਾਨੂੰ ਇਕੱਠੇ ਹੋ ਕੇ ਸਰਕਾਰ ਦੇ ਨੱਕ ਵਿੱਚ ਦਮ ਕਰਨਾ ਚਾਹੀਦਾ ਹੈ ਜੋ ਇਸ ਮਸਲੇ ਨੂੰ ਗੰਭੀਰਤਾ ਨਾਲ ਨਹੀਂ ਲੈ ਰਹੀ ਤਾਂ ਹੀ ਇਹੋ ਜਿਹੀਆਂ ਘਟਨਾਵਾਂ ਵਾਪਰੀਆਂ ਹਨ। ਸ੍ਰੀ ਭੌਂਸਲੇ ਨੇ ਦੱਸਿਆ ਕਿ 4 ਜੂਨ ਨੂੰ ਪਿੰਡ ਨੰਗਲ ਤੋਂ ਠੀਕ 5 ਵਜੇ ਇਕ ਰੋਸ ਮਾਰਚ ਕੱਢਿਆ ਜਾਵੇਗਾ। ਉਨ੍ਹਾਂ ਜੱਥੇਬੰਦੀਆਂ ਵਲੋਂ ਸਾਂਝੇ ਤੌਰ ਤਹਿਸੀਲ ਫਿਲੌਰ ਦੇ ਲੋਕਾਂ ਅਪੀਲ ਕੀਤੀ ਕਿ ਉਹ ਕੱਲ੍ਹ ਦੇ ਰੋਸ ਪ੍ਰਦਰਸ਼ਨ ਵਿੱਚ ਵੱਧ ਤੋਂ ਵੱਧ ਸ਼ਾਮਲ ਹੋਣ। ਇਸ ਮੌਕੇ ਸਰਵ ਸ੍ਰੀ ਤਾਰਾ ਚੰਦ ਜੱਖੂ, ਰਜਿੰਦਰ ਕਜ਼ਲੇ ਵਾਇਸ ਪ੍ਰਧਾਨ ਪੰਜਾਬ ਅੰਬੇਡਕਰ ਸੈਨਾ ਆਫ਼ ਇੰਡੀਆ, ਜਗਤਾਰ ਚੰਦ ਸਾਬਕਾ ਸਰਪੰਚ, ਬਾਬੂ ਸੋਹਣ ਲਾਲ, ਸੰਜੀਵ ਭੌਰਾ, ਮਨੋਜ ਸੰਧੂ, ਜਰਨੈਲ ਫਿਲੌਰ, ਮਨੋਜ ਸੰਧੂ, ਦੇਸ ਰਾਜ ਮੱਲ੍ਹ, ਦਲਬੀਰ, ਪਰਮਾਨੰਦ ਆਦਿ ਹਾਜ਼ਰ ਸਨ।